剛過的母親節，總共食了三餐，除了老媽及外母，當然要慰勞一下太太。
上次一家四口已經食過築地直送刺身，以為今次都是一樣，原來餐廳再次加強陣容，每位客人由A4和牛，改成即蒸半開波士頓龍蝦，仲要隻隻游水貨，真係未食先興奮。
築地直送刺身
香港正值休魚期，想食海魚就更難，家陣有每日築地直送海魚，仲要日日不同，真係諗起都流口水，今日提供了目仁奈、真鯛及魴彿三種白身魚，就算係日本餐廳都不常遇上，價錢不菲，肉質口感清爽，，最可惜今日無柚子汁蘸點。
刺身
至於基本的刺身有菲律賓赤蝦、八爪魚、吞拿魚、三文魚及帶子，當中最吸引就一定是甜美的赤蝦，與及柔軟幼滑的帶子，絕對不能錯過。
清蒸波士頓龍蝦
大堂中間擺放了一個大魚缸，放滿了鮮蹦活跳的游水波士頓龍蝦，仲要係用作清蒸，每位客人會有一張食物卡，可以憑卡換取一份，每隻有300gm左右，而且有嫣紅的蝦膏，客人可以沾少計松露油增添香氣，但個人反而喜歡蘸點紅醋，令蝦味更鮮。
即煮龍蝦湯
每一碗都是即煮，充滿誠意度，先將赤蝦同藍貝用蒜粒爆香，再加入牛油及白酒煮，即時香氣四溢，最後澆上預先煮好的龍蝦湯，與及加入帶子粒，配料十足又鮮甜，千萬不要錯過。
燒蠔、扇貝及雪場蟹腳
同之前一樣，保留了個人好鍾意既燒物，依然係可以由一起初食到結尾，尤其是鱈場蟹腳澆上醬汁，甜甜地味道更可口。
蒸鮑魚
係熱葷位可以搵到即蒸鮑魚，柔韌富彈性，又有嚼勁，淋少少醬油提鮮，超正，仲要係任食，無得挑剔啦！
鵝肝燉蛋
又係好邪惡，點好呢？鵝肝甘香軟熟，而燉蛋滑溜，唯有同囝囝開心share。
海鮮
其實海鮮陣容依然強勁，有半開波士頓龍蝦，睇都睇得出新鮮，肉質爽甜又有膏。
仲有凍蝦、麵包蟹、翡翠螺、鱈場蟹腳、長腳蟹腳及青口，每款食兩三件都夠你飽，遇上最佳回本位海鮮，當然是全力開動。
Carving
Station
有燒西冷牛肉，但今日主力食海鮮，所以反而無食到。
湯
中式是椰子雞湯，湯面浮滿了椰子肉，入口鮮甜，滿有椰子及雞肉的香味。
至於蟹粥好鮮甜，但似乎太多碎殼。
熱葷
以中菜為主打，可能有怡東軒作 backup ，水準不俗，尤其是有傳統的香炸百花釀龍蝦鉗，大大隻又香脆彈牙。
又可以食到辣酒煮黃金螺、西蘭花炒蝦仁及清蒸石斑，感覺有如品嚐婚宴菜。
始終客人以中國人較多，所以就連薑汁炒芥蘭、黃金海鮮炒飯及鮑魚雞煲 都幾受歡迎，只係鮑魚雞煲內的鮑魚都給人挑走了。
怕單調？還有車打芝士焗龍蝦、泰式青口、紅燒豆腐煲、燒味噌三文魚及咖哩雞。
灼料吧
配料有牛肉片、熟蝦、青口、 牛肉丸、貢丸、越南扎肉、炸魚片及魷魚。
但講都唔信，我一家四口，竟然係自助餐內，先後消滅了6碗越南湯河，湯底濃香沉穩，不用配粉麵，就算用來當湯呷，絲毫不是問題。
芝士
有Brie Cheese、Cambozola
Cheese、Cheddar
Cheese及Emmental
Cheese四款口味。
沙律
大囝最愛吃沙律，一坐低已經自行炮製田園沙律，更何況有雞肉沙律、龍蝦芒果沙律、牛肉沙律及火腿沙律，囝囝差不多都食勻了。
甜品
首選當然係Häagen-Dazs雪糕，而且有香草、咖啡及草莓三款口味，囝囝同樣係雪糕控，齊齊食最開心。
另外朱古力噴泉可以蘸點水果或棉花糖，有得食、有得玩，小朋友最啱。
如果想玩，仲有自助班戟機。
整個甜品區放滿了不同的甜品，個人偏向氣味芳香的甜點，先試了芒果忌廉芝士蛋糕，很芳香馥郁又甜滑。
再來是玫瑰荔枝奶凍，同是香甜幼滑。
其他仲有椰子菠蘿香草蛋糕、玉桂冬甩、葡撻、檸檬撻、朱古力brownie、無粉花朱古力蛋糕、榛子貝殼蛋糕、麵包牛油布甸及紅豆沙，或者種類未算多，但賣相精緻，甜度啱啱好。
其實每次到訪，都有驚喜，看得出越來越划算，海鮮更是一個絕佳賣點，未知下次又會有乜野新意呢？
P.S : 時間︰晚上6時至9時30分
價格︰
星期一至四 每位成人港幣$538 每位小童或長者港幣$338
星期五至日、公眾假期及前夕 每位成人港幣$638 每位小童或長者港幣$338
優惠︰
– 65歲或以上長者可享小童價格
–於生日月份惠顧一樓咖啡室自助晚餐，四位成人的其中一位生日賓客可獲免費
另外信用卡有優惠，可以打去問下先。
電話 : 28376781
味道 : 4 環境 : 4 服務 : 5 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!
