整個暑假，似乎好快便過去，沒跟太太外出用膳了一段時間，中前的生日飯，都沒好好的過，就找了個不太忙的晚上，跟幾位朋友吃個飯，聊聊天。
可能大家近月屈在家中太耐，見市面氣氛稍為緩和，潛在的消費力一下子迸發，點解？因為是晚全場爆滿，如果不是預先訂檯，根本是一位難求。
而餐廳今次主題是鮑魚及龍蝦，又真係好啱香港人口味。
九龍酒店內的倚窗閣餐廳，是一個值得我懷念的好地方，當年跟太太拍拖，基本上每天都是節衣縮食，偶爾可以奢華一次， 就是在倚窗閣慶祝週年。
當年的火焰雪山，可說是餐廳的signature甜品，每晚不知吸引了多少人的目光，家陣仍是駐場目光所在。
事隔多年，感覺仍在，早前見市面平靜了，就跟太太好好享受一下難得的私人時光。
可能市民真的鬱悶了一段日子，是晚竟然全場爆滿，座無虛席。
素食專區
雖然種類不算太多，但卻是一個好的開始，至少能照顧愛健康的少數族群，而且是小碟上，不會做成浪費。
今次有薄荷忌廉煮青豆、燒日本甜薯、欖角炒四季豆及蟲草花芹菜炒雙菇，試過一兩款，清清地味道不錯啊！
新菜
很欣賞餐廳特意把新菜色標籤出來。
櫻花蝦柚子龍蝦沙律伴藜麥
一般自助餐都是凍食龍蝦，但今次餐廳先把龍蝦肉碎上，然後混和了藜麥柚子，口感更加清新而味道複雜，加上又是任食，當然受歡迎啦！
法式龍蝦海皇湯
又是一個必食推介，龍蝦湯質感濃稠香味濃郁，用小杯上不佔客人胃納，配上一小片多士更見細心，因為蘸點了湯後，更加可口。
避風塘炒龍蝦鉗
雖然可以啖啖肉，但略嫌未夠辣，畢竟得避風塘，下意識地覺得辣度較勁。
素鮑魚吊燒金錢雞
又是用小杯上，幾邪惡都是一口一件，唔多覺。
籠仔紅咖哩蒸鮑魚
鮑魚質素好，軟韌富彈性，仲要係任食，澆上紅咖喱，風味即時一變，由傳統中式變成泰式風味，真係好正。
辛辣鮑魚伴火箭菜沙律
原隻鮑魚切成薄片，蘸汁更容易，辛辣程度啱啱好，挑起了食慾，又係必食前菜。
醉滷鮑魚伴杞子
第三款是很傳統的中式醉鮑魚， 加入了杞子令酒香之餘，更多了一份甜味，就算對酒香麻麻的太太，竟然都會喪食。
單是這三款鮑魚，個人已覺得可以放在 中菜廳的餐牌上，真心覺得是一個驚喜的發現。
另外，仲有蒸鮮鮑魚伴鮮菇魚肚、芒果豆腐啫喱與及芒果龍蝦沙律伴糙米及米形粉，又的確幾有新意。
生蠔
生蠔一向被視為回本位之一，今次餐廳有法國Fine de
claire、美國太平洋與及紐西蘭太平洋三款，出奇地，個人覺得三款中以紐西蘭太平洋生蠔，無論在海水味、邊位爽口及蠔味都比較平均，但總之是各有所好。
海鮮
有凍蟹腳、翡翠螺、海蝦、青口及藍貝，其實蟹腳質素不錯，值得主攻。
刺身
有比較特別的劍魚腩，加上油甘魚、三文魚、吞拿魚、希靈魚及蟹子，種類都不少。
湯
海底椰燉竹絲雞
湯色好清，但入口醇香甘甜。
甘筍粟米玉竹煲瘦肉
夠火喉，湯料的味道都溶入湯裡，好有家常湯的感覺。
西湯是瑞士薏米忌廉湯，不過個人始終偏好中湯，所以放棄，留
quota 比其他野食。
quota 比其他野食。
Carving Station
燒加拿大帶骨牛肉眼扒
可能切的部位較熟，食落有點嚡口，下次都係等中間位先拎。
食肉獸仲有好多選擇，因為有焗蜜汁有骨火腿、香煎鴨肝配紅桑子茸、香煎露絲瑪莉羊扒同埋香辣鐵板牛舌。
熱葷
以往都會比較喜歡食熱葷， 但可能今晚其他食物相較吸引，熱葷只不過簡簡單單的試了兩三樣。
黑松露鴨肝焗釀鴨胸伴法式香橙汁
口感豐腴，黑松露的幽香與香橙汁又幾夾，不錯。
其他仲有香草椰糠焗海鮮、上湯蒜子浸時蔬、揚州炒飯、焗龍蝦舞獅魚柳伴香芒熱情果汁、印度烤包、印度薄脆、印度咖哩牛肉及夏威夷薄餅，有時候，又會換上不同菜色，務求要多完化。
燒味
只有豉油雞及叉燒，都是自家出品，貴精不貴多，尤其是叉燒有蜜味及嚼口，可惜無白飯。
前菜及cold cut
有莎樂美腸、煙三文魚、啤酒凍肉腸、甜椒秋葵意大利醋、蘑菇肉腸及煙金門火腿。
沙律
有蕃茄乾直通粉、粟米粒沙律、芹菜雞肉沙律、尼哥斯吞拿魚沙律及韓式牛肉沙律，食到中段清清味蕾都好。
甜品
其實去倚窗閣食Buffet，單單食生蠔、海鮮、特色食物同甜品已經好夠。
雪糕
包含了三大雪糕品牌，除了雪糕杯同雪糕批，仲可以有大細甜筒，雪糕迷不怕少選擇。
Movenpick
杯裝雪糕有瑞士朱古力、香草夢幻及士多啤梨，都是比較大路的口味，不過獨立杯上夠衛生。
而Dreyer’s 雪糕有比利時朱古力及 Manila Super Mango 兩款味道。
哈根大師
杯裝有Kiwi & Mango 與及 Zesty Yuzu & Orange 兩款口味，都是比較新的口味。
至於甜筒，都有分大細，最細既，真係得拇指 咁大，食十幾球輕而易舉，味道仲要有 Panna Cotta、乳酪、特濃咖啡、薄荷朱古力、檸檬青檸、法式焦糖燉蛋、意大利芝士蛋糕及芒果忌廉。
前後加埋超過10款雪糕，雪糕控真係大滿足。
招牌梳乎厘雲呢拿味
其實梳乎厘真係要即焗即食最好味，尤其是漲卜卜的時候，熱辣辣而且口感鬆軟，正。
招牌3.6北海道牛奶燉蛋白
質感滑溜，好香奶味。
九龍酒店奶黃月餅
下個月就係中秋節，buffet都有供應比大家試下，不過九龍酒店的奶皇月餅一向有水準，而且今年更加添了花生味，客人又多個選擇。
芒果椰汁糯米飯
餐廳實在有好多即場整嘅甜品，芒果椰汁糯米飯同樣是即整，而且份量不算多，但今次芒果似乎有點酸， 正好平衡了甜膩的感覺。
芒果、什果或榴槤班戟
榴槤早幾天已經食過，所以今次就點了芒果班戟，客人仲可以自己加添糖漿或忌廉，炮製出屬於自己的口味。
其實食之前幾款甜品已經好飽 ，但若然閣下仲有戰鬥力，有朱古力噴泉、芒果栗子蛋糕、百利甜醋oreo芝士蛋糕、Tiramisu、藍莓芝士蛋糕、蜂蜜香味蛋糕、芒果布甸、香芒班蘭椰汁西米糕 、芒果拿破崙、桂花杞子糕、芒果三文治、車厘子蜂蜜啫喱、麵包布甸及椰汁紫米露等妳消滅。
自己胃納有限，因為仲要食雪糕，但都要推介Tiramisu同芒果三文治，點解？試過就知！
其實，由跟太太拍拖到今時今日，倚窗閣都有口碑，今晚算是近年最滿意的一次，聽聞下個月又轉主題，而且係好受香港人歡迎既鹿兒島和牛，反正下個月係太太生日，又多個上好選擇。
Facebook 專頁 : The Kowloon Hotel
餐廳專頁 : 九龍酒店倚窗閣
地址
: 尖沙咀彌敦道19-21號九龍酒店2樓
: 尖沙咀彌敦道19-21號九龍酒店2樓
電話 : 27343803
味道 : 4 環境 : 4 服務 : 4 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!
