Date archives: October 28, 2020

 近月 Staycation 正爆得火熱，尤其是早前的中秋長假期，真是一房難求，看似是酒店業的小陽春。話口未完，疫情看似緩和些少，轉頭又有酒店中招，仲要停業兩周，損失之大，加上寒蟬效應，打埋算盤都想喊，大家真的切莫掉以輕心。 未知大家在選擇酒店時，會以什麼作考量，酒店設施？划算度？抑或是星級度？ 其實家陣真正考驗各間酒店的應變能力，為求在疫境中突圍，吸引本地客人，的確花盡了不少心思，投放於衛生方面真的不遺餘力。 早前住過好幾間酒店，清潔度都令人滿意，而今次選擇六國酒店，房間更是盡量在清潔後相隔一天，先安排客人入住，其實做多少少，令客人安心，真係用錢都買不到。 加上今次酒店安排Sake Class Staycation 更係坊間少見，最好飲到醉醉地，可以即刻上房大覺瞓，乜都唔使理。 今次 Sake Class 主要介紹五款「明石鯛」系列清酒，該品牌一向係海外薄有名氣，就由一枝「純米吟釀發泡酒」打頭陣。 太太平日好少飲酒，但喝了一口便愛上，可能是冰鎮過後，酒精感覺輕盈易入喉，而且適宜配襯沙律及白身魚。 再來是同樣啱配搭前菜的「特別本釀造原酒」。 若果你是喜歡喝一口清酒，吃一片魚生，甜度較高的「特別純米酒」就最啱大家。 至於自己就偏好富米香的「純米大吟釀原酒」。 壓軸的一枝，就是帶果酸的「白梅吟釀梅酒」，應該好切合女士的市場。 而最好係試完酒可以即時買返枝，係同餐廳的放題中享用，當然不會收開瓶費啦！ 晚餐時段更加不得了，前後共超過60款日式食品，由沙律、刺身、涼菜、壽司、熱湯、小吃、天婦羅、串燒、煮物、飯麵及是日主打的西班牙黑豚肉菜色，每位連加一都只是$468。 其實六國酒店的 Staycation 都只是 $900 + 10%服務費，算起來，房間真是免費送的。 餐後可以去附近行下，參觀電車路附近活化了的「和昌大押」，又可以去昔日既「喜帖街」同太原街睇睇，其實都幾多地方逛逛。 當然，酒店背後就是已褪色的酒吧街。 由於想「懶」床，早餐就選擇了 Room Service。 客人可以填好房內的點菜紙，然後掛在門口，服務員便會依時送上。 早餐分中西兩式，都是一些大路的食物，不外乎煎蛋、煙肉、牛角包及咖啡之類。 而中式是皮蛋瘦肉粥、炒麵及餃子，質素不錯，就連胡椒粉瓶都放上，幾細心下。 其實家陣 Staycation 真係已經白熱化，算起來差不多每間都是免費送房間，若然大家困得太耐，好想放電休息一下，找個 weekend 好好輕鬆一下吧！ Facebook 專頁 : Gloucester Luk Kwok Hong Kong 地址 :…

 一個月內去了四遍 Staycation，真是各有動人精彩處，既有親子，又有探討本土情懷，當然有放鬆身心的 Staycation，而今次走訪的六國酒店，套票除了房間及兩位日式放題外，最重要係有 Sake Class。 而Sake Class安排於星期六下午，正好checkin後放低行李就上堂。 上完堂當然要買枝啱太太飲既清酒，加上酒店可以代為預先冰鎮過，就正好配襯返日式放題。 由於是All You Can Eat，總共有五張紙，包含了沙律、刺身、涼菜、壽司、熱湯、小吃、天婦羅、串燒、煮物、飯麵及是日主打的西班牙黑豚肉菜色。 先講講Off Menu既「迷你鮑魚撈麵」，只要食放題既客人都會送上一份，細細碗但都有原隻鮑魚，麵條係公仔麵，但個人覺得如果係稻庭烏冬會更感矜貴。 沙律 先以菠蘿青瓜蟹柳沙律、柚子櫻花蝦沙律及半熟蛋伴魚籽打頭陣，清清味蕾的感覺。 其實仲有日式田園沙律及香草蕃茄牛油果沙律，但無可能一次過食太多。 刺身 種類多，而且質素好，帶子、八爪魚、甜蝦、三文魚、吞拿魚、希靈魚及魚全都點了，用來送清酒一流，又可以無限量追加，正。 日式涼菜 有芝麻豆腐、日式涼拌海蜇、味付八爪魚、中華沙律、味付螺肉及日式冷麵，好彩份量少少，啱晒心多的朋友。 壽司 炙燒三文魚壽司炙燒牛肉壽司可以是壽司中必食，炙過的魚肉逼出了油脂，充滿了油香；至於牛肉就多了一份嚼口，不錯。 至於赤貝壽司、八爪魚壽司、甜蝦壽司亦是自己常愛吃的種類，全都是即叫即捏的。 當然仲有大路的三文魚壽司、立魚壽司、腐皮壽司、吞拿魚軍艦及野菜卷，喜歡的朋友不妨試試。 熱湯 有味噌湯及西式什菜湯兩款，吃至中途，來碗熱湯都幾好。 日式小吃 只有章魚小丸子、大阪燒及椒鹽雞軟骨三款，因為會佔胃納，試過就算。 天婦羅 作為放題，又點可以無天婦羅？ 同樣把蝦天婦羅、金菇天婦羅、鮮冬菇天婦羅、南瓜天婦羅及甜薯天婦羅都點上了。 畢竟是即叫即炸，上檯時仍熱辣辣，而且脆漿夠薄，略嫌油份瀝得未夠清。 串燒 要配酒，串燒最好，一口氣把雞翼、青口、雞腎、西冷牛肉粒、牛舌、魷魚、野菜、甜薯、菠蘿及多春魚全都點了，喝一口酒，吃一口串燒啱啱好，個人覺得雞翼、牛肉粒、牛舌、雞腎及薯最香口惹味，尤其是雞翼更卜卜脆。 煮物 仗著人多，關東煮、日式茶碗蒸、清酒浸娃娃菜及本菇及日式三文魚煮物都只是各點了一份大家分享。 西班牙黑豚肉精選 吉列西班牙黑豚肉配日式咖哩汁的炸漿有點厚，和風咖哩汁帶甜味幾討好。 至於芝麻汁燒西班牙黑豚肉粒及串燒西班牙黑豚肉，烤得恰好，有嚼勁富肉味，不自覺地酒都多飲了，一枝真的不夠。 飯麵類 食到最後，真的支持不了，在豚肉生薑燒飯、日式鰻魚炒飯、叉燒拉麵及海鮮烏冬中，只簡單的來了碗叉燒拉麵，感覺不錯，麵條沒鹼水味，而且細細碗。 甜品 雖然不在點心紙上，但幾款甜品中，最愛水信玄餅，伴以黑糖漿，甜度輕盈。 整個Staycation 都不過 $1000左右，但包含了有趣長知識的 Sake Class，仲有兩位的日式放題，輕輕鬆鬆的過了一個周末，喝多兩杯也不怕。 地址…

 一連兩星期的 Staycation 都是入住集團式酒店，不論設備同周邊設施都具有一定水準，而今個星期，就反樸歸真，走進舊店林立的鴨脷洲。從利東站出，沿鴨脷洲大街信步去 Urbanwood Hotels 都只是幾分鐘腳程，非常方便。 經全新打造後，搖身一變，成了一間只得50多間房間的精品酒店。 說是精品酒店，餐廳正在裝修中，暫時只得7樓的休閒閱讀空間，但有一點很有趣，6樓的接待處旁邊，有一條貫穿6，7樓的螺旋玻璃樓梯，相當之有特色，大家記得打卡。 套票包含一間雙人房，而每層都有三間不同坐向的房間，1，2號房間的落地玻璃好開揚，3號房間窗門較細，但坐向較好。 值得一提是酒店提供不同組合，例如可以攜同25磅以下的寵物入住，又或者可以有登山組合。 套餐除了提供房間與及可以Room Service 早餐外，最有趣的是聯乘「浪遊 1773」 公司，包兩位「遊艇河」。 上船前，可以先參觀有貓貓做「廟祝」既古廟。 大家安排乘坐經改裝的漁船，以聲音導航，暢遊鴨脷洲與香港仔兩岸的風光，船程約30分鐘，穿梭於漁船與遊艇之間，近距離觀看已停業的珍寶海鮮坊及遊艇維修廠，最後登上經改裝的漁船博物館，參觀昔日漁民的生活點滴。 另一個超強賣點，是可以安排自費食「流叔」艇河。因為「流叔」一星期只開三四日，仲要在指定時間先會駛船出現，船上備有煮食爐具，聽聞全港只剩下兩首同類船隻，退休後政府都未必再發牌，可以話係碩果僅存的本土情懷。 原先艇河是泊近碼頭，客人只可以在岸上享用，但經酒店安排，就可以原汁原味，在漁船上開餐，相當之有風味，當然，亦可以自行參加 「Aberdeen Fishing Heritage Tour 浪遊漁港 1773」或在網上報名都可以，否則，只可以打電話問下「流叔」幾時靠岸。 湯底是用燒鴨骨加大地魚粉熬煮，鮮香惹味，配料就每次不同，今次有燒鴨、魚蛋、豬肚及雞腎，相當豐富。 既然在鴨脷洲，晚餐當然食海鮮。 仲記得早幾年曾經同食友係街市買海鮮上熟食市場即場加錢烹調，今次選擇了「柏記」，簡單的黃金蝦、椒鹽鮮魷、薑蔥炒蟹、豉椒花甲及豉油王炒麵，已經相當足夠，當然，你亦可食得豪一點，蒸條星班、炒隻龍蝦，豐儉由人。 飯後可以沿著大街，參觀鴨脷洲大街的特色塗鴉，共有20多款，既有畫在牆壁亦有繪在店舖的鐵閘上，所以要等店舖關上門先可以慢慢欣賞。 途中，又可以買獨有「水上人糖水」返酒店做宵夜。 由於當晚勉強仲叫中秋，有朋友帶來「12黃」月餅分享，真係好有節日氛圍。 意猶未盡，又可以乘坐穿梭鴨脷洲同香港仔之間既「街渡」，每程不過$2.5，相當划算，在月色之間乘船，中秋晚上，吹著微風，有種安寧謐靜的感覺。 食友興致到，提議下再一次食宵夜 Version 2.0，所謂回憶總是美好，朋友再一次失望，用錢買來慘痛回憶！ 至於第二日早餐，自己就選擇了在7樓享用，其實不外乎是煙肉、炒蛋、茄汁豆及雞肉腸之類。當然，你亦可以選擇 Room Service。 在星期天的清早，走在鴨脷洲的大街，海邊吹來帶海水味的涼風，街上行人稀疏，附近依然有不少老店，很有兒時的感覺。 亦有朋友大清早去行附近的玉桂山，一於親親大自然。 口乾了，順道喝一碗涼茶，嚐一口砵仔糕，信手拈來，店舖都上幾十年歷史。 附近又有「風之塔公園」可以逛逛。 心血來潮，即興坐街渡拉隊往「香港仔漁類批發市場」飲奶茶、食「金字塔西多」同濃郁到一個點的「雜魚湯」，諗諗下，遲D可以考慮攪飯局喎！P.S : 提下大家，如果出入魚市場，真係要小心車輛 午餐同樣在大街用餐，今次選擇了「澄海小館」，食下蠔仔肉碎粥、沙嗲牛肉炒河、鹵水拼盤、炸蝦餅、鹵水鵝片、椒鹽九肚魚同埋豉椒炒蟶子皇，實在飽到唔識郁。 兩日一夜的本土Staycation，沒絲毫星級享受，卻是更能觸動人心，每口味道都是幾十年歷史，是時候要小朋友放低電子奶嘴，感受一下香港的本土情懷！ 希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip

 鴨脷洲本土Staycation進入尾聲，其實大家都有點依依不捨。臨別一餐，選來口碑不錯的「澄海小館」。 由於疫情關係，10個人要分3張檯坐，食物好多時要遞黎遞去，其實好唔方便，但為了安全，麻煩些少無問題。 滷水拼盤 份量十足，恐怕要6位以上先可以清得到。 當中包括墨魚片、鵝肝、鵝掌、鵝翼、紅腸、滷水蛋、豬耳、豬腸、腩肉、花生及豆腐，可以話集齊了店中的滷水出品，真係好啱三五知己飲下啤酒吹下水慢慢嘆! 滷水鵝片 可以話鬼斧神工，難以想像鵝片可以切到紙咁薄，令人想起另一名店「阿鴻小吃」，同樣以刀功見稱，滷水味似乎較輕盈，而且鵝肉亦都比預期中嚡。 肉碎蠔仔粥 份量十足，蠔仔飽滿大隻，咬落充滿汁液，好味。 豉椒蟶子皇 朋友即場加料炮製，蟶子肉好大條又爽口彈牙，辣辣地超正。 椒鹽九肚魚 可以講係整餐飯表現最好既菜色，外層微脆而香口，內裡軟綿綿，送啤酒一流。 金銀蛋白菜 都習慣了每餐飯都要點一碟菜，金銀蛋白菜好有家常菜的感覺，正常不過。 炸蝦餅 有點似泰式炸蝦餅，不過炸得啱啱好，夠香口。 沙爹牛肉炒河 好地道潮州菜，牛肉質地嫩滑，沙爹味道還可以，但太甜了，而且個人不太喜歡沙爹汁有點杰身，如果兜亂會更合心意。 整體而言是水準以內，還是可以一試。 地址 : 鴨脷洲悅海街102號地舖   電話 : 25533018   味道 : 4  環境 : 3  服務 : 3  衛生 : 3  抵食 : 3  位置 : 3   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip

 說起來，又是跟 Staycation 有著千絲萬縷的關係。早前入住鴨脷洲兩日一夜本土遊，壓軸一餐就係「澄海小館」。 話說跟食友C小姐相識都有6，7年，近年對方淡出飲食界，之後偶爾都會相約敍舊，但近一年來先後約了好幾次，都因著不同原因取消，想不到就在「澄海小館」門前相遇。 難得踫到，即約飯聚。 「紅花會」並非「反清復明」組織，裡面亦唔會有陳家洛、文泰來同駱冰，而係一間位於商業大廈內既餐廳。 餐廳主打川菜，座位間非常寬敞，不單有卡位，亦有私人廂房，感覺良好。 由於早到，兩個人隨意找了個靠窗的4人卡位，相當舒適。 望望餐牌，午市套餐兩位用都不過$248，就算連茶芥加一都不過$300左右，每人不用$150，真係好抵食。 前菜共有三款，「香油萵筍絲」幾清新爽朗；「椒汁鮑魚」西芹好脆嫩，但鮑魚切成超薄片，而且份量稀少；「麻辣豬耳絲」陣陣辛香又爽脆。 再來是一碗火喉十足的例湯。 至於主菜先有「紅花水煮魚」或「老壇酸菜魚」（桂花魚或海沙巴）二選一，C小姐之前試過水煮魚，今次就轉點酸菜沙巴魚。 一上檯，便知道份量十足，酸度與辣度都比較輕盈，魚肉燙得嫩滑，以$150一位的價位，個人覺得CP值相當高。 另外仲有兩道主菜，包括「麻婆豆腐」及「乾煸四季豆」。 麻婆豆腐帶濃油赤醬的氛圍，辣度屬BB級，用來伴飯一流。 至於四季豆雖然未至於乾身，但食落惹味，又係好啱伴飯。 單尾是「XO醬海皇炒絲苗」，餡料有蝦仁、菜頭及帶子，飯粒尚算乾身，而且加入蛋花，可說是有誠意的出品，絕非求求其其兜兩兜炒埋一碟就算。 百零蚊，仲要有甜品，雖然「金絲棗蜂蜜黑糖糕」每人只得一件，但熱辣辣之餘，咬落煙韌，甜度恰好，正。 連埋甜品足足有9樣食物，加上咁既環境，性價比真係無得輸。   地址 : 灣仔謝斐道303號凱聯2樓   電話 : 27223412   味道 : 4  環境 : 4  服務 : 4  衛生 : 4  抵食 : 5  位置 : 4   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip

 上星期的 Staycation，帶囝囝游走了鴨脷洲與香港仔兩岸，有時候並不是要吃喝玩樂都奢華，偶爾放低電子奶嘴，流著汗四周看看，感受一下日漸湮沒的本土情懷，反而得著更多。早上在酒店用過早餐，係大街散步，食久違的蛋花大菜糕，真是另有一番風味。 沿著「風之塔公園」回頭走，心血來潮，坐街渡直奔對岸。 由於之前一晚已經係「天龍樓」中伏，已經沒興趣再行香港仔大街，反而沿海旁行去漁類批發市場飯堂。 其實早幾年拉衫尾去過幾次飯局，印象不錯，但自從換了班底後，再也沒光顧過。 幾年沒來，陳設如常簡單，用餐的9成9都係魚市場內的工作人員，好似我地一行似遊客又唔係遊客既人，真係少見。 反正大家都想休息一下，飲杯凍茶都好。 順口一問老闆，昔日名物「金字塔西多士」仍健在，真好。 西多士切成方塊，夾層塗上花生醬，蘸上蛋漿後再炸，本身已非常香口，師傅再把牛油切碎灑上，好讓熱力把牛油溶化，最後是澆上鍊奶而不是常見的糖漿，不過為求影相靚，膽粗粗要求自己郁手，效果果然好好多。 畢竟是即炸，外層微脆，內裡軟膩，配上一口凍檸茶，正。 意猶未盡，無理由唔飲另一名物「雜魚仔濃湯」，奶白色的湯底，濃香的魚味，沒一絲令人討厭的魚腥，滑溜醇厚，又係必飲。 6個人，6杯凍飲連4碗魚湯加西多，承惠330個大洋，以飯堂而言，又未算平，不過都想係度攪返局海鮮餐！   地址 : 香港仔香港仔石排灣道102號香港仔魚類批發市場   電話 : 21777872   味道 : 4  環境 : 3  服務 : 3  衛生 : 3  抵食 : 3  位置 : 3   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip

 上星期鴨脷洲 Urbanwood Hotels Staycation，中午以舢舨遊走於兩岸間，仲要食埋「流叔船河」，晚上意猶未盡，一於走進街市食海鮮。幾年前曾經跟食友到訪過一次，當時仍未有地下鐵，出入都幾轉折，家陣係利東站出，信步而行都只係幾分鐘腳程，變化真大。 幾年前光顧過另一間，感覺良好，今次就試試另一間「柏記」。由於限聚令下，大家要分檯坐，食物照樣上檯，不過每次都要share。 椒鹽鮮魷 新鮮就是不一樣，鮮魷夠厚肉，炸漿薄而且微脆，送啤酒真係絕配。 蒜蓉粉絲蒸扇貝 精髓在於粉絲，蘸滿了蒜香及扇貝的肉汁，鮮香到一個點，加上醬油調較得啱啱好，簡單而味美。 薑葱炒蟹 用上巴掌大小花蟹，肉是沒多少，但夠鑊氣，大概香港人喜歡大牌檔就是主因，薑蔥同樣最吸引我，沾上了蟹汁，真係好惹味。 黃金蝦 絕對係有水準，咸蛋黃緊扣蝦殼，炸得非常香口，蝦肉彈牙，雖然好邪惡，但好難唔食。 蜆芥鯪魚球 毫無腥味，肉質夠彈，魚味濃，不錯。 咕嚕肉 醬汁甜酸調教平均，而且恰到好處，食完碟底無多餘醬汁，但炸得比較乾身，可以更好。 芥蘭炒牛肉 好地道的家常菜，芥蘭選得好，食落爽甜，牛肉就一般。 豉椒花甲 喜歡夠辛勁，花甲肉質好嫩，而且無砂，但有部份未開殼。 豉油皇炒麵 想不到的出色，炒得乾身，夠鑊氣，沒多餘油份，芽菜絲及蔥段夠輕手，不會喧賓奪主，灑上芝麻賣相及香氣會更好，無耐個人喜歡簡單一點，不灑芝麻自己會更加分。 雖然沒有華麗的餐單，但大家食得盡興。 餐後走在街上，鴨脷洲店舖好早已關門，正好在微涼的天氣下，散散步，欣賞充滿本土情懷的特色塗鴉，感受一下久違了的氛圍！ 地址 : 鴨脷洲洪聖街8號鴨脷洲市政大廈1樓   電話 : 25552984   味道 : 4  環境 : 3  服務 : 4  衛生 : 3  抵食 : 4  位置 :…

 遊「船河」好多人都試過，但真正既船「河」又或者叫艇「河」，大家又試過未？所謂船「河」，絕非坐上遊艇四圍去，而係真正係漁船上食河粉。 昔日油麻地及銅鑼灣避風塘的艇家早已上岸開舖，風味全無。 其實早幾個月前，曾經見過食友post一張船「河」相，已經心思思想搵機會試試。 今次主打本土情懷的 Staycation，除了入住 Urbanwood Hotels 外，套票更聯乘 Aberdeen Fishing Heritage Tour 浪遊漁港 1773，乘坐改裝漁船暢遊鴨脷洲與香港仔之間風光，登上漁船博物館，更可以安排「流叔」親自駕煮食船，泊在漁船旁邊，即場煮好船河讓大家自費享用。 因為一般客人只可以在岸上進食，能在漁船上享用就更難能可貴。 只見「流叔」把船準確地泊在漁船旁邊，煮好河粉後，依次放上鴨肉、魚蛋、豬耳及雞腎，再澆上熱燙的鴨湯。 呷一口湯，鮮甜到一個點，原來是加入了大地魚粉去熬煮。 雖然沒有華麗的舞台，但香江情懷卻是濃烈得化不開，雖然囝囝是第一次接觸，但卻感到趣味盈然，或許當小朋友習慣了電子奶嘴度日，是時候帶他們嗅嗅海水的味道，在搖晃的船上，看看香港可愛的一面。   地址 : 香港仔香港仔海傍道香港仔海濱公園   電話 : 91402628   味道 : 4  環境 : 4  服務 : 4  衛生 : 4  抵食 : 4  位置 : 3   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip

 說起來，龍逸軒近幾個月來真的光顧了不知多少次，由$34一款點心開始，到近日推出的All You Can Eat Dim Sum Brunch，就連太太團都讚不絕口，作為點心控，當然要親身一試！「限聚令」下，一檯最多4人入坐，正好餐廳推出星期一至五4人同行$988，計落每位$250有找，已經茶芥加一全包，真心覺得抵食，如果人數不足，只要係 eshop 買 coupon ，平均都係$272左右，至於星期六、日及公眾假期就貴少少，都係$286左右。 可能太受歡迎，所以任食點心都分作兩輪，而最後點餐時間為 12:15  及 14:30。 點心紙有前後兩版，總共超過50款鹹甜點心，蒸、炸、湯、前菜、飯麵及甜品，應有盡有，就睇下你食得幾多！ 蒸點 畢竟是大量即製，晶瑩鮮蝦餃的餃子摺紋比較粗糙，但餡料是吃得出的清爽彈牙，有水準。 蟹子蒸燒賣吃得出蝦爽肉鮮。 另一款蟹肉菜苗餃包得工整，蟹肉的鮮甜跟菜苗好匹配，已有一段日子沒吃過了。 而上海小籠包內裡有肉汁，而包皮有點厚，反而啱我胃口。 話就話瑤柱珍珠雞，但比起一般珍珠雞為大，餡料跟味道跟平日的相差不大。 吃素的朋友都有不少選擇，松子素粉果的餃子皮柔韌有彈性，餡料包至漲卜卜，食落爽甜。 兩款腸粉包括金粟米上素腸粉及蜜汁叉燒腸粉，餡料豐富是沒話說，份量足，所以好易飽肚。 蒸點仲有竹笙上素卷、蠔皇叉燒包、香滑奶皇包、時菜牛肉球、醬皇蒸鳳爪與及豉汁蒸排骨。 煎炸 在煎炸類中，沙律醬蝦多士可以話必食，炸得鬆化可口，咬落脆卜卜，蘸點些小沙律醬就更加正。 原先以為XO醬蘿蔔糕及XO醬炒腸粉都是大路口味，但發覺炒得好乾身，外層有微脆的口感，辣辣地好香口。 脆皮炸春卷毫不覺油膩，反而覺得好酥化。 酥皮叉燒餐包，但賣相有點似墨西哥包，而不是傳統中式包點賣相，但個人幾鐘意。 而香煎牛肉包煎得少許焦香，牛肉餡料可以多些少，略嫌肉汁未夠多。 金勾鹹水角即叫即炸，賣相飽滿，食落煙煙韌韌。 滄海遺珠仲有珍菌上素生煎包及海鮮腐皮卷，因為無食。 湯羹 湯品共有兩款，雪耳魚蓉羹質地細滑，沒絲毫魚腥味，加點胡椒粉提鮮一流。 若然不喜歡魚蓉羹，亦可簡單的來個是日廚師湯品。 前菜 雖然是任食點心，竟然有蜜汁叉燒出現，而且份量十足，蜜味重，有嚼口，絕不比坊間名店比下去，必食。 可能椒鹽魷魚鬚炸得太乾身，咬落幾結實下，算，放棄。 椒鹽小排骨炸得酥香入味，最啱送啤酒。 因為4個人，所以鎮江肴肉都有4片，建議食之前蘸點一下陳醋，肉味更鮮。 脆皮素鵝卷炸至色澤金黃又脆口。 至於黃金豆腐粒，又係佐酒菜。 其實真係無可能全部點一次，所以放棄了五香牛腱、京式醬蹄、貢菜海蜇、白灼時蔬、涼拌青瓜雲耳同埋燒汁燴冬菇。 飯麵 單尾首選了乾炒牛河，食落有些少鑊氣，而且好乾身，醬油分佈平均，蛋絲令色澤豐富，但個人覺得無必要。 至於四川擔擔麵，就一人份量，可能掛住影相，麵條有點稔，非戰之罪，而醬汁調教出色及惹味。 想不到麻辣牛鬆茄子炆伊麵有點驚喜，麻辣度輕盈，反而激烈了食慾，伊麵柔韌，沾上了肉鬆就更可口。 其實仲有皮蛋瘦肉粥、翡翠嫰雞絲煨麵及叉燒金粟炒飯，但幾款之前都食過，今次算了，而且真係要食得晒先好叫，一定不能眼闊肚窄浪費食物。 甜點…

 世事總有正反兩面，誠如半杯水的覺悟，無疑疫情令大家都在苦悶中過日子，想出外散心是甭想，結果 Staycation 的確成了近日的火熱活動，各間酒店的優惠是層出不同，誰又想到尖沙咀五星級酒店連三餐都不過$3000，雖然事後變了戰場，這是客人的質素問題，酒店其實都是受害者。講返轉頭，家陣真係「度假屋價錢，酒店級享受」，難怪今次入住位於荃灣的如心海景酒店暨會議中心，單是排隊 checkin 已經花了半小時，要知道並非 counter 不足，當時已經開足6個，但客人實在是太多了。 不過酒店並非提供24小時入住服務，而是正常的1500 checkin，1200 checkout，大家可要注意。今次入住位於75樓( $1400左右,包龍蝦餐 )，全開揚遠景達270度的雙人房，能夠有咁既視角環境，係香港相信不多，但供應當然有限，睇下大家有無彩數。 房間就連浴室都分兩個，企缸同浸浴悉隨尊便。 至於西餐廳、健身室同游泳池同樣位於酒店9樓，套票亦包含三道菜的龍蝦餐（ Café Circle ），前菜有兩款沙律及餐湯供選擇，而主菜龍蝦亦可以挑選意粉或意大利飯，若果想有更好享受，只要再加$80，更可以享用整隻龍蝦，今次大囝無去 Staycation ，用餐時加細囝一位，要另付$239，已經是折扣價，個人覺得合理。 至於甜品，更是相賣亮麗，驟眼看以為係青蘋果，原來係「抹茶慕斯青蘋果醬泡沫」。 畢竟酒店位於荃灣區，附近有好幾個商場，而且有天橋互通，非常適合愛行夜街或者食宵夜人士，加上又係有「激安」呢類掃貨點，難怪四周都人頭湧湧。 由於泳池開放時間係8點，所以不妨安心食個 All Day Breakfast（不過要另外加錢）。 其實早餐好豐富，價錢由$58至$158，分中式及西式兩款，意猶未盡下又可以加錢，食得再好一點。 建議餐後可以到GYM Room門前的魚池睇下錦鯉同烏龜，如果可以比人餵魚就仲開心。 健身室窗淨几明，落地玻璃採光度高，而且設備齊全，出身汗啱啱好。 至於泳池有分戶外同戶內，個人就好鍾意戶外開揚的感覺，享受涼風同陽光，真係好有度假feel。 反正懶得返屋企煮飯，順道係如粵滬中菜廳醫肚。 早幾年過荃灣同囝囝契爺 PJ Moment 拜年，就已經常到如粵滬用餐，但礙於限聚令，今次想聚下都甭想，可惜。 如粵滬的菜色一向有水準，近日更有好幾款名物以優惠價推出，烤鴨不過$200，而薑蔥龍蝦生麵更抵食，只不過$240，加多兩個菜，已經好足夠。 畢竟這是疫情下的 Staycation 時代，大家要保持一個健康的身心啊！ Facebook 專頁 : L’hotel Nina et Convention Centre   地址 :…