更加上近日的酒店點心減價優惠停不了，就更加應該留港消費。
早前光顧了好幾間酒店中間菜，既有好當然也有伏，容後再談，但今次就真係大滿足。
由於毗鄰機場，所以酒店設有專車出入東涌及機場，而且只要是東涌居民或機場員工，一律都有折扣。
酒店推出「點點心思」點心午餐放題，只須二人同行，並透過（按此訂座），便可用75折優惠享用原價 $238 / 位的任點任食20多款點心 / 2.5小時，真是「食力」的大考驗。
就算是中午，依然有湯飲真幸福，一盅花旗參燉瘦肉，喝罷有舌底生津的感覺真好。
先來涼拌秋葵及油燜箭筍兩款風味截然不同的前菜，秋葵冰鎮後清爽而健康；箭筍甜美爽口，足以令人吃不停口。
再來一系列的蒸點，真係考驗大家食力。
晶瑩鮮蝦餃
餃皮搓得不錯，隱約透出蝦肉色，但摺紋能再多幾下會更好，餡料亦清爽，蝦肉彈牙，有水準。
當然少不了肉質鮮嫩的蟹籽乾蒸燒賣、陣陣幽香的松露上素餃，與及蒜蓉香芋蒸排骨。
至於蜜味叉燒包及崧子馬拉糕，兩款糕點都質地鬆軟，一口包，呷一口茶，最佳享受。
而韭黃鮮蝦粉腸及蜜味叉燒腸，腸粉拉得不錯，幾滑溜，但個人喜歡更薄身一點，蝦肉吃得出新鮮，而叉燒亦甜美。
用上自家製XO醬炮製出XO醬炒腸粉，實在惹味到一個點。
在云云煎炸點心中，金沙南瓜最令人有驚艷的感覺，酥脆的外層，豐腴的口感，極之邪惡但又好吸引。
同樣是炸過的金磚豆腐粒，外層微脆，但又保留金黃的色澤，火喉拿捏得好好。
其他炸物有沙爹雞絲春卷、野菌腐皮卷及安蝦咸水角。
粥品有瑤柱肉碎粥及鹹蛋皮蛋碎牛肉粥，粥底是廣東開花米，又綿又滑，配上香煎蘿蔔糕一流。
三款蒸飯是鳳爪排骨飯、陳皮牛肉餅蒸飯及北菇滑雞蒸飯，起初還以為是小小的一盅，但一舀便知填得實實的，女士們一盅已經頂得一餐，
若然「無飯癮」，仲有麻香擔擔麵供選擇，麵條煙煙韌韌有嚼口，醬汁好惹味我鍾意。
P.S : 每逢週末有無限任點午、晚餐，價錢由$338~$588 / 位，而在Facebook 更享有65折優惠（優惠按此），實在相當划算。
至於「天際咖啡室無限任點盛宴」同樣精彩，因為新增了星期五午餐及晚餐時段可以無限品嘗冰鎮海鮮和刺身，地道咖喱及甜品，愛吃海鮮的朋友就啱了。
Facebook 專頁 : Hong Kong SkyCity Marriott Hotel
電話 : 39692888
味道 : 4 環境 : 4 服務 : 5 衛生 : 5 抵食 : 5 位置 : 3
希望各位喜歡這篇文章的朋友，請在我的專頁上剔”LIKE”，當作小
小的鼓勵吧!謝謝!
