Date archives: September 28, 2022

 一向都覺得金域假日酒店的餐廳相當抵食，水準亦不錯，今次朋友榮休飯局，就選來意大利餐廳 Osteria。 佢個Set Dinner，三道菜連頭盤任食自助吧，都係$428連加10%服務費，實在好似其他酒店 Set Lunch 價錢。 先講講佢既 Appetizer Buffet。 竟然有麵包蟹同凍蝦。 而芝士有Blue Cheese、Caciotta Chili、Fontina Cheese、Parmesan Cheese以及Mozzarella，係咪好有驚喜？ 而沙律類及 Cold Cut 亦有煙三文魚、Peperoncino with Tuna、青口沙律、Fennel Salad、Beans & Corns Salad、Quinoa Salad with mixed Vegetables、Mushrooms、Frittata with Mushrooms、Datterino、辣莎樂美腸、焗南瓜、Parma Ham、Porchetta、Cauliflower、Grilled Veggies、沙律菜、菠菜苗及羅馬生菜。 講真，單係自助頭盤吧食一轉已經半飽，點都值返一半價錢。 但今次主要係同朋友慶祝榮休，當然要食得更好。 湯傳統海鮮辣蕃茄湯（$138）的湯材料非常豐富，有帶子，蝦以及藍青口，再加入新鮮蕃茄、車厘茄、洋蔥同蒜片，口感濃稠，辣辣地好開胃。 其他兩款是加入雞油菌及黑松露的甘筍忌廉湯（$118），以及健康的基諾維斯雜菜素湯（$118）。不得不提的是，本身 Osteria 的扒類已經好抵食，用來作 Wine Pairing 最啱，但近月更推出了海膽及魚子醬兩款系列菜色，可說有點新意，不過供應期有限，尤其是海膽系列，更是至2022年9月30日止。Sea urchin Promotion八爪魚薄切配海膽及馬鈴薯伴番紅花汁（HK$258）頭盤先來碟傳統風味的 Carpaccio，八爪魚切得薄如紙張，放上色彩絢麗的食用花，已經夠吸睛，又有海膽的加持，好味。海膽墨魚汁意大利雲吞配慢煮龍蝦肉伴流芯芝士汁（HK$ 298）四款口味中，最喜歡的一道。小巧的雲吞，內裡是海膽及流芯芝士，煙韌的墨汁雲吞皮質感相當對辦，濃郁的芝士與海膽的鮮味隨著咬開外層而出，很美妙的感覺，再來一個口肉質爽嫩的慢煮龍蝦，真心值得推薦。海魴魚伴海膽配炒菠菜及芹菜根茸（HK$ 378）相比之下，海魴魚的魚身比較薄，但肉質卻較結實，不過是各有捧場客，尤其是蘸點海膽汁及置底的芹菜根茸，更覺甜美。海膽汁朝鮮薊煙燻軟芝士薄餅（HK$ 258）新穎的配搭，溶化的芝士緊緊的將朝鮮薊包裹，再澆上海膽汁，味道簡單而直接，煙燻味可以更突出，但已經不錯。 至於魚子醬菜色，就會供應至2022年10月31日。Caviar Promotion(01 Sep to 31 October)Appetizer：慢煮龍蝦沙律配魚子醬伴橙味雪葩（HK$278）以slow…

 如果係幾年前話去灣仔六國酒店食自助餐，大家都會話好抵吖，因為$300可以落樓，當然一分錢一分貨是正常的。但酒店方面近年就算在疫情下，依然大膽革新，將 Le Menu 砍掉重練，關門整整一個作豪裝，由菜色到傢俬食具，全部都換上新貨，令人有耳目一新的感覺。 入口處是誘人的甜品櫃，左手邊是海鮮及刺身吧，再來是熱葷及Carving Station，而大廳盡頭的大相片，正是第一代六國酒店大堂的照片，見證著酒店的悠久歷史。 今次裝潢，似乎是對昔日繁華作出致敬，窩釘包皮的沙發，復古吊燈，串珠垂簾，都隱約回到上海灘杜月笙的年代。置身其中，時間都彷彿慢走幾圈。 既然裝潢已經有亮麗的感覺，食物當然也不能馬虎。 老實講，我食Buffet過百次，但從未試過一個自助餐有咁多回本菜色。 當中單係花膠，已經涵蓋了沙律、湯、熱葷及麵類，更何況仲有鮑魚、龍蝦、特級牛扒、蟹蓋、焗蠔同海參？真係超誇張。 而且由即日起至9月30號，每位客人獲贈送Kir Cocktail一杯。 全時段：星期一至四：成人$628 / 小童$438星期五至日、公眾假期及前夕：成人$688/小童$488第一時段：（18：00至20：00）成人$528/小童$338第二時段：（20：15至22：15）成人$588/小童$388加$48可以無限暢飲汽水及凍果汁，而加$98無限暢飲汽水、凍果汁、啤酒、紅白酒及氣泡酒，但係我想講啤酒竟然係 Stella Artois 同埋 Hoegaarden，飲兩杯已經值回票價，想回本有幾難？ 海鮮海鮮陣容已經比之前作三級跳，不單有肉質爽彈，蝦膏紅彤彤的波士頓龍蝦。 更有麵包蟹及咖菲蟹兩款又係爆膏的蟹類，環顧香港自助餐的確少見。 加上甜美的蟹腳、煙韌的東風螺、嫩滑的青口同爽甜的熟蝦，這個海鮮陣容無得輸，講真，有本事食兩隻蟹加龍蝦差不多可以回本。刺身刺身陣容又係不容小覷，有象拔蚌、馬刀貝、八爪魚、甜蝦、吞拿魚及三文魚。 簡單的來一碟4人份，已經覺得澎湃，食落又無雪味，爽甜有致，超正。 熱葷食自助餐多年，就當我見識少，芝士蘑菇焗蟹蓋真係第一次見，要知道如果係酒店中菜廳食蟹蓋，閒閒地可以收你百幾二百蚊一隻，家陣係可以任食，係咪有點離地的感覺呢？ 芝士焗蠔表層的芝士焦糖化，色澤金黃，洋溢著芝士的香味，火喉啱啱好。 標題有提過，就先講燴花膠，並非碎濕濕貨色，炆得入味又夠稔。 再來燴海參，每隻都有食指粗，爽口美味，又係女士恩物，必食。 個人建議，可以的話食全時段，因為燴鮑魚同清蒸星班當晚係第二時段替換，其實相差只係$100，又可以慢慢食仲好啦！ 其實食完上述主打菜色，基本上已經飽過一半，但我想講，其他主菜都好有水準，值得留返些少胃納去試試。 先推介白酒青口，一來份量輕盈，食十隻八隻不覺飽，二來肉嫩滑溜，不錯。 再來是清爽的竹笙時蔬，畢竟食得太多肉類，來點菜蔬清清腸胃。 至於欖油香草燒比目魚，屬於西式魚類菜，與中式蒸石班，又是另一種風味。 加上鮮蘋果黑毛豬柳、黑啤雜菜燴羊肉、馬來西亞咖哩、蠔油鴨掌、3.6牛乳海鮮蒸蛋白、海南雞、菠蘿海鮮炒飯以及天婦羅，這個熱葷陣容超強。 Carving Station一般 Carving Station 都以提供扒類為主，但我個人強烈建議要試試，且聽我娓娓道來。 美國特級有骨肉眼扒配 Yorkshire Pudding因為燒得太好，而且係自助餐中可說肉質一流，當然來片厚切，有同行朋友更加連骨都不放過，因有油香嘛！ 自助餐有 Yorkshire Pudding 比較少見，外層焦香而內裡軟綿，淋燒汁再加牛扒一齊食，真係以為去左扒房。 不怕膽固醇，可以整返件鴨肝，好彩係細細件，入口即化的感覺真好。 又到龍蝦上陣的時間，即煎鐵板燒龍蝦、虎蝦、扇貝及和牛粒。 熱食龍蝦與凍食係兩種風味，當然要試試；扇貝煎得緊熟，肉質柔軟，大可encore。 胃納大的的朋友，不妨來一件片皮鴨。 湯西湯是濃稠的龍蝦湯，配件法包一流。…

 近幾年經常要出入北角，都習慣了係附近搵食，而 Hyatt Centric 的自助餐，又的確好受歡迎。 對上一次來，大概有半年以上，餐廳景色依舊，客量卻似乎多了，也算是好事，畢竟再來一波疫情，大家真的支撐不了。 靠窗一邊是海景，多是情侶二人，避免了其他人在身邊出入，打擾了情緒。 而且更是寵物友善餐廳，客人可以攜帶自己心愛的毛孩一齊用餐，真開心！未食就先講下收費 : 星期一至四 6:00pm~10:00pm 成人$668 長者或小童$388 星期五至日、公眾假期及公眾假期前夕 成人$738 長者或小童$418 當然，經官網預訂是可享75折至8折的優惠啊！ 但亦有分5:30pm~7:30pm 以及 8:00pm~10:00pm 兩個時段，收費是較相宜。 海鮮作為自助餐重點，爆膏波士頓龍蝦一定必食，仲可以由頭食到埋單，睇下你食得幾多？ 除了龍蝦，不如來隻半開咖啡蟹，蟹痴不可錯過。 其他仲有凍蝦、海蜆及大大隻翡翠螺。 刺身有油甘魚、三文魚、吞拿魚、八爪魚及希靈魚，最好就一定係整返碟刺身拼盤慢慢嘆，而且解凍處理得好好，食得安心。 Carving Station燒安格斯牛西冷切一片中間位，目的係要肉質較生有嚼口，味道不錯。 而少有的燒豬腩卷，最愛皮位燒至脆卜卜。 又有雞肉串及羊肉串，同樣燒得好香口。 熱葷首選一定係即製紐紋粉配蘑菇松露醬，熱辣辣食，芝士香味四溢，口感豐腴，又有嚼勁，正。 喜歡的，又可以配兩粒意大利茄醬肉丸。 其他菜色有燒鯖魚柳、松露薯蓉及煙肉洋蔥四季豆。 至於中式熱葷，就一定會選上湯龍蝦伊麵，麵身炆得夠稔又入味，原隻龍蝦斬件，絕不欺場，麵條沾上了龍蝦汁就更惹味。 再來是超大條的古式蒜茸豆豉蒸比目魚，可以話啖啖肉，又無碎骨，最啱自己。 另外幾款中式熱葷，都好有家庭菜的氛圍，譬如蟲草花北菇雞、豆豉鯪魚油麥菜、欖菜肉鬆炒飯、咖喱豬皮及鹽水豬紅。 燒味有自家出品的豉油雞、叉燒、紅腸、滷水蛋以及豆腐。 個人覺得叉燒偶爾不錯，點解？因為部分叉燒較瘦，無乜冰肉位，未夠肥美，但遇上有的話，又滿有肉香，真係要睇時機。 湯西湯是蕃茄濃湯，酸酸地幾開胃，而中湯是家常湯feel的甘筍豬骨湯。 灼料吧以前經常係深圳食四川菜，香港近年都多了同類餐廳，不過就貴好多，四川麻辣湯底雖然話係少眾口味，但都有一定捧場客，配以豆卜、豬肉丸及魚蛋，味道不錯，辣辣地幾刺激胃口。 點心以為早餐先有點心，家陣都有蝦餃、燒賣同叉燒包，不過酒店無中菜廳，相信未必係自家出品。 芝士有Camembert、Morbier AOP（Fiouve）以及Comte。 沙律有專屬的沙律吧，仲可以有專人調製，又幾特別。 個人推薦水牛芝士沙律，好濃香的芝士味，沙律菜清爽怡人。 仲有凱撒沙律、日式鯛魚沙律、薯仔沙律、希臘沙律、甘筍子椰菜絲沙律同埋雞絲拌米粉，都幾多選擇。 Cold Cut個人喜歡以西班牙火腿 Serrano Ham配蜜瓜，咸甜夾雜的感覺真正。 當然仲有意式肉腸 Mortadella、莎樂美腸…

香港地窄人多，想搵間景觀一流的餐廳可不容易，而且又貴，但自從上次跟太太來過柏寧酒店的 SKYE 之後，便bookmark低，可以係慶祝日子多一個選擇。 上次是晚餐，室外是黃昏及夜景，而今次朋友轉職後聚舊，就選擇了食lunch。 果然，室外的景色更開揚，蔚藍的天空令人有心曠神怡的感覺，雖然有點熱，但有海風吹來，問題不大。 因為室外是摸酒杯底區，而室內先係用餐區。 反正不用上班，餐前先來杯清爽怡人的 William Fèvre, Petit Chablis, France 2019（$130）。 午間有三道菜 Lunch Set （$420），也好，無須諗太多。 Appetizer 或湯品 SKYE 自家沙律 酒店大樓本身設有自家［柏寧花園］種植場地，能提供部份食材，相當有誠意及環保，配以本地有機水耕農場出產，當然要加以支持，吃著甜美的粟米心、微酸的車厘茄、清爽的生菜及沙律菜，加上色彩豔麗的食用花，帶來清新怡人的口感。 30個月西班牙黑毛豬火腿、蜜瓜 與朋友分享當然係最好，30個月西班牙黑毛豬火腿的咸香，配上蜜瓜片及腰果碎，令口感更佳，再澆上熱情果香醋與鮮忌廉，食落帶微酸，更挑起了食慾，我鍾意。 其他頭盤有蕃茄羅勒慕絲、煎烤日本帶子（另加$50）、新鮮法國生蠔三隻（另加$80）、煙熏西班牙黑毛豬柳、煎烤帝王鵪鶉胸肉、香煎鴨肝多士或湯品可供選擇， Main Course 印法香料牛油焗加拿大龍蝦（另加$80） 褪殼龍蝦烤至緊熟，爽彈的肉質找不到挑剔的地方，配以南瓜粒、雞腿菇、海蔬菜及嫩大蒜，洋溢著濃郁的香氣，份量又恰好，美味。 黃雞雞胸、牛仔檸檬汁雞腿 朋友的黃油雞胸，試了一小片，嫩滑得可以，伴以嫩菠菜、嫩粟米粒及脆雞皮爆谷，口感豐富，再蘸點一下置底的忌廉粟米蓉，甜美可口。 其他幾款主菜有200日穀飼牛肉西冷、Risotto及地中海鱸魚，選擇夠多，價錢亦合理。 甜品 終於到了期待已久的甜品時間，沒有了Petit Four，但係同樣開心，因為有整架法式甜品車推過來，除了任意挑選外，重點係Free Flow，想食幾多都得，係咪令人好雀躍呢？ 先以Raspberry 雪葩配新鮮水果來清清味蕾。 栗子慕絲蛋糕係個人較偏愛的其中一道甜品，濃濃的栗子香味，令人欲罷不能。 再來是幼滑的草莓奶凍，以及有嚼口的竹炭泡芙。 意猶未盡，一口氣試盡了日式芝士蛋糕、Raspberry 蛋糕、焦糖燉蛋、啤梨撻以及香橙慕絲蛋糕，真是味覺的大滿足。 除了甜品車外，想食得更精巧，更可以選擇另一款甜品紅桑莓及忌廉泡芙。 賣相亮麗的外表下，內裡是34%白朱古力慕絲配以蛋白脆餅及小羅勒。 再來一杯幽香沁人的 Earl Grey 讓佛手柑的香氣在口腔中徘徊。 餐後再出室外吹吹風，欣賞在高樓大廈夾攻下難得的開揚感覺，感受午後和煦的陽光，真好。  …

 每次到訪凱悅軒，總是帶來了驚喜，近日總廚黃皓勤師傅又有新攪作，推出［傳統海味特色菜］，以本地出產的海味，炮製出一系列菜色，在創新中保留了傳統風味。 花膠話梅咸桔水晶凍一道充滿了創意的開胃菜，花膠煮至起膠，滑溜得可以，配合咸酸的話梅，賣相亮麗，咸酸夾雜，令人挑起了食慾。 八味豆腐炸得啱啱好，外脆內軟，切得丁方，食落好方便。 家鄉拆魚羹很花時去準備材料，因為有齊韮王，木耳、松子、甘筍、粉絲、冬菇以及魚肉，仲要毫無腥味，只得魚湯的鮮甜，下點胡辣粉味道更香。 係追美味之餘，都可以食得健康，所以近年都多了素菜的菜色，而凱悅軒亦有滋味素肉菜式提供。 (即日起至10月31日供應素食主題餐單) 石鍋酸菜鮮菌素肉獅子頭滬式獅子頭食得多，但以素菜炮製倒是第一次見。 黃師傅選用植物梅頭肉餡混和切碎的甘筍粒及馬蹄粒製成獅子頭，而湯底是以甘筍和西芹熬製而成的素湯，加入雜菌及自家醃製的酸菜用石鍋上桌，熱氣騰騰，用來伴飯一流。($128)。 九層塔老乾媽蘆筍炒素肉片 ($228)植物瘦肉片配以蘆筍、豆干及豆瓣醬同炒，最後放入九層塔，以熱力逼出香氣，非常惹味。 鮮沙薑乾魚鰾滑雞煲黃師傅選用脂肪豐滿的三黃雞，然後薑油爆香新鮮沙薑粒逼出香氣，再加入嫩滑雞件及魚鰾同炒，魚鰾充滿了雞油與沙薑的香氣，滑溜又有骨膠原，好啱女士口味。 剁椒青口乾吊桶仔蒸勝瓜看似是新菜色，卻又是傳統風味。勝瓜削去外層較硬的部分，保留內裡口感嫩滑柔軟的地方，以自家製剁椒配以青口乾及吊桶仔，風味獨特。 方魚炒芥蘭芥蘭選得好，色澤翠綠，爽脆中帶少許甘甜，加入方魚更覺香口。 胭脂雙稻材料非常豐富，計有脆米，紅菜頭醃過白飯，紫薑，菜頭，蝦仁，帶子及蛋絲，飯粒炒得好乾身，毫無多餘油份，粒顆分明，因為有脆米，咬落有卜卜脆的口感，好味。 甜品家鄉茶粿茶粿以竹葉包好，放在竹籠去蒸，口感Q彈而不黏牙，豆沙餡料啱啱好，甜度輕盈，好味。 特色菜供應期至9月30日，想重溫兒時風味可要快啊！ 酒店專頁 : Hyatt Regency Hong Kong, Tsim ShaTsui 地址 : 尖沙咀河內道18號香港尖沙咀凱悅酒店3樓   電話 : 3721 7788   味道 : 4  環境 : 5  服務 : 5  衛生 : 5  抵食 : 4  位置 :…

 個多月前係Umai品嚐過高質的串燒後，想不到店方真是卧虎藏龍，天婦羅 Omakase 同樣是性價比超高，睇完介紹，再同大家講幾錢。 作為香港天婦羅的舉足輕重人物，天婦羅總廚疋田博崇先生履歷有幾勁，好多人都知，亦無須再詳細介紹。 但最欣賞是疋田先生的專注，令到每件炸物都以最佳狀態呈上，真心令人佩服。 晚上的 Omakase 天婦羅有兩種價錢，分別是$980以及$1180，其中只是有無刺身。 而是晚就點了$1180的套餐。 明太子帶子邊、籽持昆布及鴨胸率先出場的，是明太子帶子邊、籽持昆布及鴨胸，三者質感不同，尤其是鴨胸嫩滑得可以。 熊本縣番茄清新怡人，質地爽朗，蘸點些少岩鹽更可口。 刺身是日用上新鮮鱸魚薄切，喜歡蘸點酸汁後的魚肉，有種爽酸的口感，好啱炎夏的日子。 車海老 x 2一口氣送上兩隻車海老，頭與身分開炸，火喉控制得相當好，蝦頭脆卜卜，內裡的蝦膏甘香，佐酒一流。 目光魚再來的目光魚，肉質嫩滑，炸得外脆內軟，油份輕盈。 金目鯛魚鱗炸至豎起，魚肉厚而嫩，魚皮好脆口，層次分明，我鍾意。 酢物是鮟鱇魚肝，很油潤的感覺，配以酸汁來平衡，份量啱啱好。 帆立貝北海道帆立貝肥大肉厚，炸至淡雅黃色，肉質幼嫩，蘸些少鹽巴，味道更鮮。 日本大蛤選用日本大蛤已經肥美，仲要加入大葉及菇仔，上漿後再炸，原以為會好油膩，但在脆漿背後是鮮嫩的蛤肉，加上鎖緊肉汁，食落好juicy，送啤酒毫無懸念。 露筍吃過重口味的大蛤，就來兩條清爽甜美的露筍。 紫菜海膽簡單的把紫菜沾上炸漿，但真係好乾身，再放上滿滿的海膽，一口吃下，入口即化，而紫菜脆卜卜，兩種截然不同口感，帶來幸福的感覺。 蝦餅飯按蝦肉的大小及質地，用即調炸漿，能有不好吃的道理？ 尤其是入口熱辣辣，咬落脆卜卜，飯粒淋上醬油更是美味到一個點，必食。魚清湯 配上一碗熱辣辣的魚清湯，大滿足。 日本蜜瓜壓軸送上甜美多汁的靜岡蜜瓜，只能說是完美。 意猶未盡，追加了青梅甘露煮。外表睇落平平無奇，但咬落甜美的汁液澎湃而出，原來青梅用針拮過然後啤水，逼出苦味，放涼後再用水反覆煮幾次，最後再醃，食之時沾上炸漿即炸，工序繁複，收$28粒一點都不為過，但聽聞今年泡浸的青梅已售罄，唯有明年請早。 除了青梅甘露煮是追加之外，整個 Omakase 都只不過$1180，真係抵食到難以置信的地步。 Facebook專頁 : UMAI 地址 : 荔枝角長義街9號D2 Place一期地下2號舖   電話 : 2743 8011   味道 : 5  環境 : 4  服務…

 我相信聽取意見，是進步的原動力。 幾個月前，曾有朋友N兄慶祝結婚周年入住愉景灣酒店，而事後呻自助餐水準比預期有落差，但近日換了新主題，而跟太太又想四處逛逛，當是郊遊都不錯。 可能是暑假關係，是日餐廳全滿，而且佔了差不多一半是小朋友，氣氛非常熱鬧。 今次餐廳主打星馬菜色，其實好啱我，點解？早幾年同太太去新加坡再度蜜月，可以係一日之內，食齊發起人、黃亞細同松發三間名店，仲未計早餐同埋胡椒蟹做晚餐，諗返起，都可以同大家另文分享。 不過有一點可以肯定，就係自己鍾愛肉骨茶，坊間有新加坡同馬來西亞版本，兩者在味道上是迴異。 今次兩地的肉骨茶都有提供，新加坡風味白胡椒肉骨茶，加入蒜頭及胡椒，辛勁好重，湯色較清，但馬來西亞式藥材肉骨茶就好重當歸味，色澤亦較深黝，總之是各有捧場客。 Carving Station香蒜百里香烤羊腿啖啖肉，羊羶味輕盈，不錯。 新加坡風咖啡骨帶有咖啡的香味，骨膜位有油香，送啤酒一流。 沙嗲串（牛雞）當年出差去沙巴，當地人每次都以半打計，尤其是下午茶時間，一杯拉茶，一打沙嗲，又真係幾爽，今次食落又幾好，因為不會太乾身，又香口。 砂勞越黑胡椒蝦好入味，不過都幾辣下，食得到先好試。 至於其他星馬菜色有南乳脆香肉、參巴魷魚鬚、星洲黑醬油炒蘿蔔糕、海南雞飯、炒貴刁、新加坡式印度煎餅、巴東牛肉、新加坡辣椒軟殼蟹以及參巴醬炒通菜。 但好可惜無胡椒蟹同麥皮蝦，加埋上去就完美了。 海鮮提供鱈場蟹腳、翡翠螺以及熟蝦，論體形都是比較大隻，而且質素幾好。 刺身有八爪魚、三文魚、吞拿魚及希靈魚，雖然選擇不多，但解凍處理得不錯，沒有討厭的雪味。 壽司有蟹籽、熟蝦、玉子及腐皮壽司。 熱葷水瓜柳鮮茄燴豬串骨肉質幾嫩滑，而且一點都不膩。 和牛面頰肉炆得好稔好入味，肉味亦好香。 水煮牛肉辣辣地好開胃，牛肉又不覺韌。 其他中菜有上湯娃娃菜、雞絲炒飯、瑤柱海鮮玉子豆腐蒸蛋及蒸鱸魚，都有照顧到不太愛星馬菜的朋友。 灼料吧星馬菜中，叻沙當然不能少。紅彤彤的湯底，呷一口，辛香有度，夠濃稠，有水準。配料有海蝦、鮮魷、雞肉、魚蛋、魚角、豆卜、溫室豆苗、芽菜、通菜及雞蛋。 麵底就以米粉混油麵 加上芽菜，令口感更佳。 說真的，整碗麵與專門店有得比，值得食返碗。 沙律很開心沙律再不是千篇一律，而是盡顯星馬元素。 單係睇下菜名已經吸引。 單係一道DIY Rojak，加入自己喜歡的材料，例如大樹菠蘿同石榴，盡見風味。 個人推薦香蕉花蝦肉沙律及（蘇東）魷魚沙律，充滿亞熱帶風情。 仲有娘惹酸菜、馬來春卷、烤豬頸肉青木瓜椰子沙律、涼拌蟲草花翡翠苗及參巴辣椒涼拌蜆仔，係咪好有特色，不落俗套呢？ 湯西湯係蘑菇忌廉湯，滑溜中有些少粗粒，反而幾啱我。中湯是蘋果雪耳甘筍豬骨湯，好有家庭湯水的感覺。 甜品 先講講有Movenpick雪糕，有Swiss Chocolate 、士多啤梨及香草味。 不單止有大牌子雪糕，更有榴槤、黑糯米及山藥雪條，非常有特色。 其他甜品都是星馬風味，有QQ口感的泰式彩虹千層糕；homemade棉花糖條；去親新加坡機場必買的班蘭咖央海綿蛋糕。 仲有Jelly鮮果條、雞尾酒Jelly、朱古力蛋糕、榴槤海綿蛋糕、芒果糯米飯及新加坡蕃薯喳喳，計落又真係幾豐富。 雖然網上有負評，但自己親身體驗過又不是這回事，至少主題食物係到位，問題不大，部份仲幾好食，但基本食物反而有加強的需要。 酒店專頁 :    Cafe-bord-de-Mer 地址 : 愉景灣海澄湖畔路88號香港愉景灣酒店地下   電話 : 2295 8299…

 對上一次入「東涌世茂喜來登酒店」用餐都已是兩年前的事，當時造訪了 Sunset Grill 的 Sunday Brunch，發覺相當抵食，無論食物、環境以至服務，都令人滿意。 而今次跟囝囝的契爺契媽以及一段日子沒見的朋友飯聚。 「采悅軒」位於酒店二樓，除了廂房的景觀特佳之外，其實餐廳盡頭的玻璃窗位，同樣可享優美的海景。 雖然是平日的午間，但餐廳都差不多全滿，客人除了酒店住客外，亦有不少是東涌居民，看來餐廳已建立了不少口碑。 采悅小碟翡翠如意餃、柚子蝦餃、天鵝酥YUE AppetizersSteamed Shrimp Dumpling with Chinese CabbageSteamed Shrimp Dumpling with CitrusDeep-fried Taro Puff filled with Roasted Duck and Mushrooms 三款亮麗點心盡顯師傅功力，先試試象真度極高的柑橘蝦餃，加入了柚子肉，果香令蝦餃多了一份清香感，很妙想天開的手法。 中間的天鵝酥尤其趣緻，造型唯肖唯妙，餡料是惹味的燒鴨粒與及滑溜的芋茸，味道的大滿足。 個人最愛的，就一定係似足故宮珍品小白菜的翡翠如意餃，選用了白菜芯及帶子肉，口感清新怡人，我鍾意。 杏汁花膠燉菜膽Double-boiled Fish Maw with Brassica and Apricots但凡煲過都知洗豬肺係幾花時間及心機，所以如無必要，寧願係街外享用。 一揭開盅蓋，即時瀰漫杏仁的香氣，奶白的湯頭，已知道是用時間熬出來的成果，呷一口湯，濃稠的質感，令咀唇感到黏性，花膠的骨膠原都跑到湯裡了，就連菜膽達到入口即化的地步，醇厚芳香，超正。 百花釀蟹鉗Deep-fried Crab Claw coated with Shrimp Paste絕對是真材實料，選用了菲律賓的大肉蟹鉗，拆殼後包裹了蝦膠再炸，薄薄的一層漿粉，有錦上添花的感覺，用刀割開兩半，已經睇到蟹肉的澎湃，其實建議用手拎起就咬，盡顯豪情。 太子鴨Roasted Baby Duck琵琶鴨都食過不少，但以細細隻的米鴨來做琵琶鴨，就的確少見。 但正因為選用幼鴨，肉質會更嫩，鴨皮是吃得出的香脆，而且份量上更加可以遷就到人少的顧客。…

 就快到「中秋節」，有無諗過送月餅比家人或朋友，齊齊開心慶祝？ 今次有好介紹，先講講「常歡笑」推出【堅持。用心】系列。 經去年厚顏叩門拜訪老餅匠，得以傳授月餅工藝，年初更分別喜獲城中著名餅店加持，代工生產蝴蝶酥，及與「the roll蛋卷樂園」聯乘製作獨家口味蛋卷。今天，常歡笑的中秋禮盒「金秋悅圓」終於正式推出🎊，亮麗橙色兩層盒子🎁上層：🥮 流心奶皇月餅(45g) x 2個🥮 陳皮豆沙月餅(45g) x 2個下層：🥨 原味蝴蝶酥 x 6件🥨 與「theRoll蛋卷樂園」聯乘製作       鹹蛋黃海苔沙沙蛋卷 x 6件 一次過有齊4種享受，定能滿足各位心多的朋友，而且全香港製造，予人信心的感覺。 而常歡笑亦有替客人度身訂造的禮盒，例如一組包兩個月餅、蝦子麵同鮑魚禮盒，係咪大方又實用呢？ 其實常歡笑仲有好多優質產品，今次就同大家介紹三款方便餸。 先講松茸濃雞湯煲翅（$248），湯底濃稠，魚翅足二兩，無時間煲湯水朋友嘅恩物。 其實係鮑魚扣花菇鵝掌（$238），足一人份量，鮑魚柔韌入味，鵝掌亦炆到一咬即散，又係懶人最佳選擇。 若果想養顏，梗係食花膠，一於介紹鮑汁扣原隻花膠（$188）比大家，因為真係大大塊，滑溜可口，超正。 家陣用以下連結訂購，仲會有意想不到的折上折優惠。 訂購傳送門 ：https://wa.me/85298360168?text=我想訂購常歡笑食品-PF優惠 Facebook專頁 : 常歡笑   地址 : 香港荔枝角青山道489-491號香港工業中心B座8字樓05室   電話 : 9836 0168   味道 : 4  服務 : 4  衛生 : 5 …

 說起來，都有一段日子沒參加工作坊的活動，今次掹衫尾，學人整恆香老餅家的奶黃麻糬酥皮月餅。 地點就在佐敦的一座商業大廈內，每位學員都有一份製作食材，而當中的餡料亦已預先製作。 雖然恆香開業超過100年，在傳統的風味中亦能與時並進。 現場擺放了恆香老餅家今年的所有月餅產品，最吸睛的，莫過今年聯乘日本大熱卡通角色《輕鬆小熊 Rilakkuma》，推出［恆香 X 輕鬆小熊］中秋產品。 今次活動，大家學整輕鬆小熊系列奶黃麻糬酥皮月餅。 整餅當然由富經驗的恆香餅家師親身示範，由搓粉到包餡料，過程睇落好簡單。 到自己親自落手落腳做，要由基本的搓水皮開始，再包入預先準備好的確奶黃及嫲薯餡料，非常方便。 由於所有食物的份量早已分配好，所以主要是集中在搓粉及包餡的過程，不過餡料的份量真係要計得好準，否則就會影響成品效果。 包好之後，就要掃上一層薄薄的蛋漿，但切記咪太重手，否則外層會變燶，更有機會裂開。 而廚藝中心已有焗爐提供，所以包好已經可以即焗。 加上預先準備的禮盒，正好送比家人享用。 其實每盒月餅送上的不單是味道，更重要的，是溫情的送贈，願大家《人月兩團圓》。 P.S：因為今次恆香老餅家聯乘輕鬆小熊人物，所以推出了一系列的相關產品。 今次順便介紹早鳥優惠：奶黃麻糬酥皮月餅，9月10日前（$168） 雙黃白蓮蓉月餅，9月10日前（$242） 仲有同系列杏仁餅禮盒（$128） 網店傳送門：www.hangheung.com.hk   味道 : 4  環境 : 4  服務 : 5  衛生 : 5  位置 : 5   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip