4 月, 2019 - 美食焚化爐

開胃醒神 @ SOI 18 (銅鑼灣)

天氣越來越熱，胃口愈來愈差，遇上刺激食物，反而會挑起食慾，泰國菜是其中一令人胃口大開的菜色。

位於銅鑼灣核心地段的 SOI 18，食物一向有水準，日前就跟幾位朋友故地重臨，聚聚舊。

近日天氣太熱，先來一個椰子沙冰，原個椰青去肉連同冰塊打成沙冰，清甜芳香，好啱熱到標汗的日子。

意猶未盡，再追加一杯芒果沙冰，同樣的透心涼，暑氣全消。

荷蓮帶子沙律 – $168

雖然帶子未至於肥大肉厚，但加入泰式辣汁卻好有風味，而且伴碟的醃香茅好入味，又有纖維，辣辣地幾惹味。

18巷拼盤
– $198

有炸蝦餅、魚餅、春卷及豬頸肉，可以一口氣試四款口味，最啱心多既朋友。

暹羅蝦 – $288

感覺有點似刴椒魚頭的手法，蝦肉蒸得爽甜，置面有大量紅椒粒，一齊食當然好辣，但撥走卻問題不大。

泰式燉花膠 – $398

其實感覺有點似泰式雞煲翅，但在環保概念下，有改進是好事，湯汁起膠，而且花膠份量不少，吃起加點芽菜就更清爽。

泰東北風味牛肋骨和味鍋 – $238

個人幾喜歡，湯底是冬蔭公，辛香鮮甜，以牛代蝦，味道更濃，湯汁多了一份牛油的香味，混入牛筋亦炆得夠稔，好味。

泰式鍋巴 – $88

鍋巴炸得啱啱好，色澤淡黃，輕輕一咬，即時裂開，放上肉醬，味道更豐富。

泰式鮮蝦刺身 – $148

新鮮已經無得輸，海蝦褪殼開蝴蝶邊，連同辣椒蒜片一齊食，清爽中夾雜辛辣，正。

香草粉絲焗蟹煲 – $398

好鍾意食粉絲，因為將蟹汁都吸收了，好煙韌又惹味，反而大家懶拆蟹，只係食左蟹蓋，一於打包慢慢嘆，仲好。

酸辣汁原條蒸魚 – $288

原爐上保溫，另外，真係好少見，因為用上桂花魚，肉質較嫩滑，酸酸辣辣，好快就淨返條魚骨。

辣豆醬炒野菜苗 – $88

新鮮翠綠，辣度輕盈但好香，食得肉多，來碟菜蔬清清地幾好。

火辣酒炒河粉 – $128

配料豐富，鮮魷、蝦仁、粟米芯、蕃茄及雜菜，望落好平常，但入口辣勁澎湃，原來是泰國人解酒醒用，真係辣到醉左都彈起。

甜品

黑白糯米飯配芒果

好傳統的甜品，糯米好煙韌，澆上椰漿更香滑，芒果香甜軟熟，不錯。

畢竟，泰國菜是個人喜好的菜色之一，變化多端又香辣，實在好啱胃口。

地址 : 銅鑼灣告士打道280號世貿中心1302B室

電話 : 28951312

味道 : 4 環境 : 3 服務 : 4 衛生 : 4 抵食 : 4 位置 : 4

希望各位喜歡這篇文章的朋友，請在我的專頁上剔“LIKE”，當

作小小的鼓勵吧!謝謝!

http://www.facebook.com/foodiephilip

「法·嘗·宴」~中西合璧的盛宴 @ 帝京軒 (旺角帝京酒店)

中國菜跟法國菜同樣都具有源遠流長的歷史，兩者結合，又會產生什麼火花？

最近，旺角帝京酒店中菜廳「帝京軒」，推出了「法·嘗·宴」，正好令大家品嚐兩大菜系的精髓所在。

餐前先來一式三款的前菜。

紅酒和牛凍藜麥沙律

和牛凍帶來陣陣牛肉的香味，QQ口感討好，配上藜麥沙律，更覺健康。

黑松露鵝肝腐皮卷

腐皮卷外層炸得脆卜卜，內裡軟熟幼滑，更加有黑松露的幽香，的確是令人耳目一新。

腐乳香焗法式田螺

田螺肉質帶點嚼口，墊底的菠菜薯茸焗至外層微脆，內裡軟熟，有腐乳的配搭，在法式食材中，帶來中菜風味。

干邑忌廉龍蝦花膠湯

本身用大量蝦殼熬成湯，已經非常濃稠，湯料竟然仲有海蝦、龍蝦鉗、花膠及帶子，也未免太誇張了吧！

寶雲酥藥膳烤羊架

在中菜廳享用西式菜色，卻沒有違和感，尤其是添上藥膳的香氣，中和了羊肉的羶味。

香檳時蘿松茸煎龍躉

有蝦乾同炸過銀魚仔，可以說是意想不到的組合，最特別是龍躉肉沾滿了香檳時蘿汁，更覺味道濃郁。

法饌.粵饗

拿破崙牛柳金錢雞

把西式拿破崙與中式金錢雞結合，創造出全新口味，酥皮包裹著牛柳、鵝肝及冰肉，可說是邪惡到極點。

法·嘗·宴

普羅旺斯燉蔬菜

有翠玉瓜、青瓜、蕃茄及小黃瓜，明明菜蔬應該好清新，但食落又好濃味，原來醬汁是由麵豉醬加豆板醬調製，好特別。

川辣慢燉油封鴨腿

一般油封鴨腿都是用上鴨油，但聽聞大廚是加入了花椒油，令鴨腿多了辛辣，真係佩服大廚的構思。

八寶法國鵪鶉配佛跳牆絲苗

相信是整晚最誘人的菜色，體形細少的鵪鶉，竟然釀入了蓮子、冬菇及鹹蛋，仲要褪埋骨，保證啖啖肉，而置底的絲苗，加入了佛跳牆材料，真的好豐富。

陳皮桃膠法式燉蛋伴花椒杏仁瓦片酥

在原有法式燉蛋上注入了中式元素，就是陳皮及桃膠，令口感及香氣多了變化，碟邊的杏仁瓦片酥辣辣地，簡單的燉蛋，實在好吸引。

想喝上一杯，大可另加HK$198，便可享用3杯法國佳釀。

P.S : 整個套餐只需HK$888
/ 位（兩位起），已包含七道菜

色，若果在網上下載優惠，更可享8折。

地址 : 旺角太子道西193號帝京酒店3樓

電話 : 2622 6161

味道 : 4 環境
: 4 服務
: 4 衛生
: 5 抵食
: 5 位置
: 5

如果喜歡這篇文章,請在我的專頁上剔“LIKE”,當是給我小小的

鼓勵吧!謝謝!

http://www.facebook.com/foodiephilip

星級名廚 Sunday Brunch @Pier Lounge & Pier Bar (香港海洋公園萬豪酒店)

經過幾個月的運作，海洋公園萬豪酒店內的餐廳基本上是越見進步。

單是自助餐，比起兩三個月前已經有天淵之別的感覺。

上月剛係 Pier Library 參加了「丸山珈琲」班，想不到事隔個零月，跟太太及囝囝再次到訪。

趁著復活節假期，踫上放假的日子，正好試試新推出的 Sunday Brunch。

大堂一角，另有即煎由總廚自家出品的蘿蔔糕，只可惜今日紅色暴雨下，煎爐由戶外移至室內，明火煎變成電磁爐，欠了少許鑊氣，但蘿蔔糕煎得外層微焦，內裡蘿蔔絲好香，好期待新年時的出品。

墨魚餅亦是自家製，外層煎得微脆，咬落滿有彈性，不錯。

尖椒半開，釀上了鯪魚肉，微微辛辣好惹味。

至於炒腸粉，煎得表面香口，加點麻醬、豉油、甜醬及辣醬，超好食。

想不到酒店會反璞歸真，有平民食物咖哩魚蛋豬皮，不過真係幾辣下。

另外，有鹹菜豬腸豬肚湯，胡椒味不會太重，陣陣辛香，其實可以用來拌飯，效果幾好。

五香牛肚蘿蔔炆得好稔又入味，尤其是另行淥碟菜，淋上牛肚汁，真是人間美味。

紅酒燴牛面頰

好稔，而且肉味濃郁。

牛油檸檬汁鱲魚

因為有檸檬汁，所以魚肉不覺腥，但略嫌煎得有些少過火，肉質稍微結實。

如果想清清地，不妨食蒸雜菜。

點心是貴精不貴多，蝦餃是預期的高水準，餃子皮不單柔韌有彈性，而且薄得透出蝦肉色，摺是十摺左右，還可以更好，蝦肉是吃得出的鮮彈，一口氣消滅了十隻，大滿足，如果可以
refill 得快些少就更好。

而豬肉燒賣同樣是即蒸，肉質鬆軟。

芹香素菜菓餃子皮搓揉平均，透出內裡的翠綠色，淡淡的芹香，好味。

另一款喜歡的點心是雪山叉燒包，外層質感酥化，叉燒餡料份量恰好，尤其是沒有太多我醬汁。

咬落荔芋酥，表面酥香而內裡軟熟，size不會太大，食多兩件無問題。

小朋友愛吃香口食物，雞絲春捲外層炸至脆卜卜就好啱佢地。

麵檔

有竹笙、雞脾菇、冬菇、豆卜、鮮腐竹、豬頸肉、牛柏葉、腸仔、牛丸、魚蛋及貢丸，要有的都有。

就算是菜，亦用上了澳洲西蘭花，普通的生菜，亦削去枝葉，只用中間的芯位，加上芥菜及皇帝菜，清清地淥碗菜食。

一般麵檔都會有麵條提供，但譚師傅寧靜用上湯淥河粉或米線，而放棄用生麵，一來河粉較易吸引上湯，二來避免湯底有鹼水味，細微處令人佩服。

甜品

馬卡龍有成七八款口味，漲卜卜的相當對辨，有嚼口而且甜美。

紅莓朱古力蛋糕

黑芝麻慕絲蛋糕層次分明，內裡夾層是海綿蛋糕，鬆軟芳香，外層慕絲滿有芝麻香氣又滑溜。

加上焦糖燉蛋及合桃酥。

只是前菜是夫妻肺片，如果可以多添幾款就更好。

螺片肉絲粥

粥底是廣東開花粥，煮得夠綿，米亦開花，喜歡的可以加點薑絲及蔥花。

最後來碗番薯糖水，甜度輕盈，薑味個人覺得可以更重手。

在選料及質素上已不錯，但尚有改善空間，個人期望是把點心陣容再加強。

特選中式茗茶

美味的點心配合上佳的中式茶是最好的配搭，「嚐ž念」中式早午餐提供多款特選中式茗茶，包括人蔘烏龍茶、春茶鐡觀音、碧螺春綠茶、天山雪菊、桂花雪梨茶及菊花枸杞茶金銀花。

若然不想茗茶，有汽水、蘋果汁及橙汁可供選擇。

P.S :「嚐
ž
念」中式早午餐供應期由2019年4月7日起 (逢星期六及星期日)。

收費 : 成人
– 港幣$368
小童
– 港幣$238
(另加一服務費)。

價錢包括無限量供應汽水、冰凍果汁及即磨咖啡或茗茶

Pier

另加港幣$298
可享無限供應法國香檳

另加港幣$168
可享無限供應紅酒
/ 白酒
/ 啤酒

供應時間
: 早上
11:30 時至下午
14:30 時

最可惜大堂的特大魚缸仍未能運作，少了一個看點，聽聞將於六七月左右開幕，實在好期待這一日。

Facebook 專頁 : Hong Kong Ocean Park Marriott Hotel

地址 : 黃竹坑黃竹坑道180號香港海洋公園萬豪酒店海岸地下

電話 : 35551700

味道 : 4 環境 : 4 服務 : 4 衛生 : 4 抵食 : 4 位置 : 4

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

http://www.facebook.com/foodiephilip

好食好玩星期天 @ Supergiant Tapas & Cocktail Bar (銅鑼灣問月酒店)

對於返朝九晚五既上班族而言，星期天是叉電的日子，最好睡到日上三竿，天昏地暗，然後食餐好既，然後就梗係飲返兩杯香檳，舒緩情緒，充充電，迎接新的挑戰。

近年不少酒店推出 Sunday Brunch，今次就走訪了位於灣仔
Supergiant。

前菜

傳統西班牙麵包配鮮磨番茄

Traditional Spanish Crystal Bread with Fresh Grated Tomato

蕃茄清新甜美，少許酸度正好清清味蕾的感覺。

青咖哩蟹肉丸子

Central Thai Green Curry Crab Croquetas

賣相別緻可愛，外層酥化、內裡鬆軟，滲出淡淡的青咖哩香氣，個人覺得稍微鹹了些少，可以作出適量調整效果會更好。

煙三文魚黑松露蜜糖

Smoked Norwegian Salmon with Black Truffle Honey

煙三文魚塗上了黑松露蜜糖，變得芳香甜美，
內裏更放上少許乳酪，的確是神來之筆，簡單而味美。

日式燒肉凱撒沙律

Japanese “Cha Shu” Caesar Salad

想不到日式燒肉跟沙律是如此的配合，燒肉充滿了油香，而凱撒沙律醬正好起了平衡的作用，很有創意的組合。

加配意大利黑魚子醬（HK$150）配以帕尼尼餅、細香蔥、雞蛋、小蔥及酸忌廉

Add HK$150 For Royal Siberian Acipenser Baerii Caviar From Italy (10g)

With Blinis, Chives, Egg, Shallot and Sour Cream

份量輕盈，塗少許在帕尼尼餅上，就算不添加其他配搭，已經極有風味。

MAIN DISH

安格斯牛肉漢堡

The House U.S. Angus Beef Burger

With Homemade Piquillo Sauce and Fries

早前的1.8
kg漢堡挑戰，輸得心服口服，家陣這個輕盈版，當然沒問題，肉味濃郁，油份滲入包裡，更覺味美。

川式炸雞漢堡

Fried Chicken Burger In Sichuan Style

With Soy Glaze and Fries

同行有幾位朋友對牛肉是卻之不恭，原來餐牌另有川式炸雞供選擇，正好多了一個選擇。

烤澳洲穀飼肉眼扒

Grilled Australian Grain Fed Ribeye

With Seasonal Vegetable

(Plus HKS90 For Upgrade To Grilled 10 Oz USDA Prime Angus Ribeye)

最愛
medium rare 的處理，肉質鬆軟有嚼口，尤其是單用海鹽蘸點，肉味更鮮，邊位帶油脂部分，大家可不要錯過，滿是油香的感覺超正。

時令海鮮

Daily Catch

With Seasonal Vegetable

是日海鮮選上了三文魚，其實魚肉沒多大分別，反而是醬汁好惹味。

西班牙臘腸大蝦海鮮麵

Chorizo and Prawn Fideuà (Spanish Pasta)

With Peas, Pork Belly and Squid

麵條說是通粉也不過份，因為賣相實在太神似了，加入西班牙臘腸及青豆，增添了油香，仲有海蝦及鮮魷，實在豐富到一個點。

原隻波士頓龍蝦賓尼迪蛋（HK$160）

Plus HK$160 For A Whole Boston Lobster Benedict

With Serrano Ham, Grain Toast, Poached Egg and Mixed Leaves Salad

材料豐富，層次分明，波士頓龍蝦預先褪殼，可以啖啖肉真好，Benedict同樣夠溜心，加上伴碟的火腿、多士及沙律菜，的確是應有盡有。

DESSERT

日本宇治抹茶溶岩撻

Japanese Uji Matcha Lava Tart

切開一半，內裡呈溜心，入口熱辣辣，甘甜芳香，相當對辨。

傳統西班牙 Churros 配辣椒朱古力醬

Traditional Churros with Chili Chocolate Dip

Churros酥軟有嚼口，甜度恰到好處，朱古力漿加入花椒碎，吃的時候多了少許辛辣，令人停不了手。

With A Glass of Complimentary
“CAVA Pere Ventra Primer Brut Reserva”

整個 Weekend Brunch，由即日起，
逢星期六及日，
上午11時30分至下午3時，每位只不過HK$268起跳
，已包含一杯
Cava Pere Ventra Primer Brut 氣泡白酒，加10%服務費，但絕對是超值之選。

其實好戲尚在後頭，大家可聽過 BombShell 嗎？

今次選來 Piggy Bomb（$1188
/ 7”）。

這玩意還附上大木棒及分享膠袋，玩完食完仲可以拎走。

大家只需要用木棒將整個玩意敲開，便會發覺內藏滿了迷你cupcake、
麥提莎、蛋白餅、朱古力及棉花糖。

當然，敲得四圍飛的代價，是有勞清潔一下啊！

地址 : 銅鑼灣謝斐道388號問月酒店3樓

電話 : 2643 8875

味道 : 4 環境
: 4 服務
: 4 衛生
: 4 抵食
: 4 位置
: 4

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

http://www.facebook.com/foodiephilip

誰說只能食花生@ 水雲間 (紅磡九龍海逸君綽酒店)

酒吧一向予人摸下酒杯底傾計，食下花生睇下波，家陣室內禁煙好少少，但不時聽到粗口橫飛，畢竟，轉變帶來了進步。

位於紅磡的九龍海逸君綽酒店的 Waterfront，因為有投射螢幕在早前的世界盃，曾想過攪次睇波團。

原來餐廳在「山竹」過後，靜靜地起革命，將酒吧注入新元素，加強了餐飲方面支援，令酒吧更具吸引力。

餐廳並非開設在酒店內，反而自成一角，門前的露天位，坐擁無敵海景，在秋涼的日子，吹著微風，跟朋友聊聊天，在月色下共進晚餐，又是另一番滋味。

只可惜用餐日下著傾盆大雨，大家唯有安坐室內，卻是另有一番寧靜。

吞拿魚他他伴牛油梨及芒果配柚子醋汁（HK$160）

魚肉軟熟，伴和牛油梨及芒果更添芳香滑溜感，配上柚子醋汁，正好起了平衡作用。

墨西哥鮮蝦蟹肉雞尾酒（HK$160）

整晚最欣賞的菜色之一，酒味其實不太突出，
Tabasco 辣汁的感覺更明顯，蕃茄醬內有蟹肉及蝦肉，放在脆片上風味更佳。

珍寶蟹餅配特製酸豆蛋黃醬（HK$168）

真材實料，蟹餅份量好啱分享，蘸點酸豆蛋黃醬，更加可以去除油膩感。

即開生蠔

選用新西蘭生蠔，肉質爽鮮，蠔味濃郁，配上白酒或香檳，真是無以尚之的享受。

辣醬煙肉焗蠔（HK$168）

同樣是蠔，卻是另一種處理手法，放上煙肉及辣醬去焗，味道多變，卻又不失蠔味，不錯。

煙燻比目魚沙律配藍芝士汁

比目魚是自己鍾情的魚肉之一，但今次肉味稍淡，煙燻味把肉味蓋過，沙律菜新鮮清新，反而更吸引。

酥炸魷魚配青檸蛋黃醬及番茄醬

炸漿可以更薄，魷魚柔韌，整體好香口，配啤酒一流。

香草煙三文魚腩及三文魚子配多士

很簡單，卻能吃出魚肉的鮮味。

芝士龍蝦薄餅（HK$420）

是意想不到的好味，羅馬薄餅底烤得香脆，龍蝦肉爽彈，效果突出。

黑莓紅酒汁烤制招牌三文魚（HK$220）

很有趣的配搭，三文魚肉似乎有點結實，但黑莓紅酒汁的甜香卻挽回不少分數。

珍寶帶子伴煙肉配牛油白酒汁（HK$268）

煙肉緊密包裹珍寶帶子，一齊烤焗，外層有脆脆的口感及咸香，內裡帶子柔嫩，牛油白酒汁增添了香滑的質感。

燒美國肉眼扒（HK$388）

火候控制得極好，
外層燒至焦香，切開卻是medium
rare，
肉質柔軟而有嚼口，簡單的蘸些少海鹽提鮮更好。

配以五六款side dishes，每款都不過HK$40至HK$60左右，足以令人吃過不停。

威靈頓吞拿魚莧菜卷

一向對威靈頓牛柳印象不錯，家陣換上了吞拿魚，是另一番滋味，魚肉較易散開，食起來有點碎濕濕的感覺。

焗銀鱈魚配雪莉酒醋及香草油醋汁（HK$280）

賣相有點像中式的紙包雞，加入了番茄、青瓜及甘筍等醃菜，與及獨特的
sauce ，但魚肉有點過火，肉質結實，有改善的空間。

紅酒朱古力紅莓蛋糕伴忌廉芝士雪糕（HK$80）

賣相亮麗，蛋糕軟綿香甜，置面的紅桑子帶來微酸的感覺，平衡度拿捏得相當好。

菠蘿片伴自家製椰子雪糕（HK$80）

甜品中最喜歡的一個，菠蘿切成薄片，芳香馥郁，伴以甜美的椰子雪糕，找不到挑剔的理由。

冧酒提子麵包布丁配雲呢拿汁（HK$80）

很傳統的風味，質地鬆軟又有酒香，就算不澆上雲呢拿汁都好好味。

蘋果撻伴自家製蘋果白蘭地雪糕（HK$80）
撻皮酥化鬆軟，蘋果帶少許酸性，吃起來不會覺得太甜膩。

用餐過後，雨勢剛停，步出室外有種清涼的氛圍，望著隔岸的夜色，份外迷人！

酒店專頁 : Harbour Grand Kowloon

Facebook專頁 : Waterfront Bar &Terrace

地址 : 紅磡德豐街18號海濱廣場一期地下

電話 : 2996 8455

味道 : 4
環境 : 4
服務 : 4
衛生 : 5
抵食 : 4
位置 : 4

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

http://www.facebook.com/foodiephilip

復活節好介紹 @ Harbour Grand Cafe (北角港島海逸君綽酒店)

呢兩日就係復活節，有無諗到想去邊同家人慶祝，食餐好既？

其實，個人一直覺得北角油街的 Harbour Grand Cafe，真係好划算，近日又推出海鮮作主題既自助餐。

生蠔

基本提供了Fine
de Claire（France）、Pacific Rock Oyster（America）及
Irish（Ireland）三款，令人有點意想不到的是，美國蠔一向有大而無當的感覺，但今次肉質有點爽彈，蠔味亦不俗。

Seafood

半開波士頓龍蝦，並非迷你版，反而可以一口一件，部分蝦膏更是色澤嫣紅，口感豐腴。

而法國麵包蟹的蟹蓋，同樣蟹膏勁多，仲有加拿大蟹腳、智利藍青口、法國翡翠螺及凍蝦，單是海鮮加生蠔都已經半飽了。

刺身

有我最鍾意嘅7吋阿根廷赤蝦刺身以及肥大肉厚嘅帶子。

仲有八爪魚、希靈魚、三文魚、吞拿魚及魷魚，種類又多又

靚，最開心今日有得食海膽。

壽司

有三文魚、象拔蚌、北寄貝、魷魚、熟蝦與及鰻魚，
每件都係迷你版，正好一口一件，無需要浪費胃納。

Carving Station

扒肉眼牛排

是最愛既
medium rare，薄薄的一片，啱啱好。

另外仲有燒羊髀同香煎鴨肝，但後者太邪惡，試了一小塊就算。

熱葷

避風塘炒蟹

好香口，又夠辣，最啱用黎送啤酒。

花膠扣鴨掌

之前一次仲係位上，今次係任食，果然有進步，值得一讚。

香菇釀蝦膠

柔韌彈牙。

椒鹽白飯魚
好香口，卜卜脆，送啤酒一流。

豉汁蒸盤龍鱔

屬於不定期更換，睇下大家好唔好彩，今次蒸得恰到好處，鱔皮充滿膠質，好正。

燒味

有熱辣北京烤鴨，可以食多幾件。

另外，自家中菜廳出品叉燒同切雞。

點心

有乾蒸牛肉、豬肉燒賣及素菜餃。

麵檔

湯底是馬來喇沙湯、豬骨湯及清雞湯，配料有豆卜、貢丸及牛肉丸，搭配銀針粉、生麵、河粉、油麵或米線。

喇沙湯做得出色，辛香滑溜，能多點椰香會更好。

湯

一向是湯怪，有得飲就最開心。

燉湯是佛跳牆（位上）

用上鮑魚、花膠、上肉及火腿，熬得好夠火喉，每口湯都是精華。

海龍皇湯

質感濃稠，每口都是蝦的香味，好正。

紅花海鮮湯

感覺有點似雜菜湯。

芝士及沙律吧

有Edam、Blue
Cheese、Brie
及
Emmenthal共四款口味。

至於想清清地，沙律吧就好啱大家，因為有吞拿魚菠蘿杯、龍蝦青瓜杯配芒果莎莎、扒茄子露筍卷、
煙三文魚、凱薩海鮮沙律、泰式帶子粉絲沙律、新加坡魷魚沙律、鮮蝦牛油果沙律、扒西瓜芝士沙律、蟹肉青瓜甘筍沙律、意大利雜肉拼盤及沙樂美腸，款式好多。

甜品

選用品牌Movenpick雪糕，有Panna
Cotta、Swiss
Chocolate、Creme Brulee、Yoghurt、熱情果芒果雪葩、冧酒提子、楓糖核桃
芒果忌廉、士多啤梨、焦糖、薄荷朱古力及檸檬青檸雪葩，一共12款味道，非常少見，雪糕迷走一轉，已經大滿足。

即製夾餅及日式芝士撻

夾餅最好加一球雪糕，冷熱夾雜好正；而芝士撻啱啱出爐時最香口，小小一件，可以試下。

至於甜品吧檯，有馬卡龍、 班蘭綠茶蛋糕、白蘭地盒朱古力蛋糕、焦糖慕斯蛋糕、綠茶慕絲蛋糕、法式軟朱古力撻、菠蘿意式奶凍、法式栗子撻、朱古力噴泉、
奧利奧木糠布丁、Tiramisu、榴槤焦糖燉蛋、芒果拿破崙、糯米糍、笑口棗、
紫米糕、綠豆糕、蛋撻、
豆腐花、雪耳糖水及椰汁紫米露。

飲品

自助飲品機有Americano、Cappuccino、Latte、Espresso、Hot
Milk及紅茶，客人可任飲，想起早十年前，好多餐廳只係提供一杯飲，真係進步好多。

另外，更有蘋果汁西柚汁及Iced Tea，想飲凍野都無問題。

其實每次去都覺得有些少改進，未知下次又有乜攪作。

P.S : 星期日至星期四

成人HK$588
小童HK$358

凡於4月份於網上e-shop訂購

1至5位可享69折

6位或以上可享64折

Facebook專頁 : Harbour Grand Hong Kong

地址 : 北角油街23號港島海逸君綽酒店3樓

電話 : 2121 2689

味道 : 4
環境 : 4
服務 : 4
衛生 : 4
抵食 : 4
位置 : 5

希望各位喜歡這篇文章的朋友，請在我的專頁上剔“LIKE”，

當作小小的鼓勵吧!謝謝!

http://www.facebook.com/foodiephilip

澳門自助餐罕見~任食即解原條日本黃鰭吞拿@ 名廚都匯 (澳門路氹城「澳門銀河™」綜合渡假城澳門JW萬豪酒店)

兩天一夜澳門喪食之旅，晚上跑來了個人最欣賞的澳門自助餐 Urban Kitchen。

老實講，家中有人經常過大海，所以至少有六七間酒店自助餐食過，但多年來，都是鍾情此處。

今次碰上了餐廳即解黃鰭吞拿魚，
可以一嚐新鮮拖羅的味道，真好。

每個周末，餐廳都會不惜工本，從日本運來原條黃鰭吞拿魚，供自助餐食用，絕對是今晚的亮點。

以我所知，澳門自助餐有活龍蝦供應，但即解吞拿魚，真係好少見。

雖然條吞拿魚超過50公斤，但師傅落刀快又準
，三幾個字，已經將整條魚分割成不同部分。

未知是否心理作用，肉質份外軟熟富魚香，實在難抵誘惑，食完一 round 又 round。

生蠔
多年來都是選用法國生蠔，雖然體型較小，但肉質爽甜，又有蠔味，而且是即開即食，安全衛生。

海鮮

半開波士頓龍蝦

就算有即劏吞拿魚，龍蝦依然係最受歡迎既海鮮之一，肉質爽彈，超正，但refill 速度好快，加上有吞拿魚分担下，可以話必食孖寶。

至於長腳蟹腳、海蝦及青口，都是質素較好，有貴精不貴多的感覺。

刺身

首選當然係吞拿魚，完全無得輸。

仲有大大隻阿根廷紅蝦，仲有三文魚、青花魚及希靈魚。

胃口夠大既，又可以食三文魚壽司、豆腐皮壽司同雜錦壽司。

熱葷

鮑魚海鮮泡飯

是每次必食的菜色，原隻鮑魚少不了，加上海蝦及魚肉，帶有潮式風味，灑點芹末，味道更香。

譚少英牛雜

個名好得意，但牛雜炆得好稔，又好香，最啱淥碗麵淋些少汁就一流。

鮑汁冬菇

好入味，冬菇大大隻有嚼口，不錯。

仲有中式風味既豉椒炒青口、豉汁蒸倉魚、川式豬手、乾炒伊麵。

泰國風味既泰式三味桂花魚、泰式豬頸肉、泰式鳳梨咖哩蝦、香煎盲鰽魚及黑松露蜜糖排骨。

與及印度菜既印度囊餅、印式炸魚、印式羊肉及印式雜菜，包含了好幾個地方特色。

Carving Station

燒西冷

燒得啱啱好，仲要係我鍾意既 medium rare。

燒味

北京填鴨

有專人即片即包即食，真正熱辣辣。

中菜廳出品叉燒同白切雞，質素有保證。

麵檔

今次特別一點，因為魚蛋、墨魚丸、牛丸同水魷，係放落牛雜煲去灼熟，所以多了一份滷水的香味。

而麵底有生麵、油麵及米粉選擇，最後淋上清雞湯或喇沙湯，最啱我呢類澱粉質怪。

湯

地中海海鮮湯

材料超豐富，有海蝦蟶子魚肉、魷魚、扇貝及蜆肉，超初味道稍淡，但較後時間，湯底多了食材煮過，味道都滲入湯裡，每口都是精華所在。

冬瓜湯

好清甜亦都好夠火喉。

芝士、Cold Cut及前菜

有瑞士牛奶芝士、
美國牛奶芝士法國牛奶芝士。

有Parma Ham 、意大利臘腸、沙樂美腸及火腿肉腸。

有吞拿魚配牛油果醬及吞拿魚配芒果莎莎。

甜品

有朱古力及香草味乳酪機。

而甜品區有葡撻、薑汁燉奶、糯米糍、牛油麵包布丁、檸檬撻、泡芙、雜莓慕絲杯、巧克力慕絲杯、綠茶 Tiramisu、Tiramisu、極尚朱古力蛋糕及焦糖洋梨蛋糕。

飲品

繼上次有港式奶茶之外，今次仲多玩味，因為梳打水是自家即製，客人任意加入香草、水果及糖漿，然後注入梳打水，打造獨一無二的飲品。

大堂一角，有任飲果汁，有橙汁、西柚汁、蘋果汁及檸檬汁，全部用小瓶裝好，加上膠蓋，確保衛生。

至於水吧，有大量中西式茶包供應。

餐廳響應地球一小時關燈運動，8點左右，每檯放上小蠟燭，而把全場燈光調暗，也對，大家在享用美食的一刻，都能出一分力。

朋友跟太太可說是初次光顧，但事後讚不絕口，其實今次好滿意，下個月放假，又心思思想過黎食餐好嘅。

Facebook 專頁 : JW Marriott Hotel Macau

地址 : 澳門路氹城「澳門銀河™」綜合渡假城澳門JW萬豪酒店1樓

電話 : 8886 6228

味道 : 4 環境 : 4 服務 : 5 衛生 : 5 抵食 : 5 位置 : 4

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

http://www.facebook.com/foodiephilip

復活節自助餐特集 @ Bistro on the Mile (尖沙咀金域假日酒店)

話咁快又到復活節，有無想過點同小朋友慶祝？

今次介紹間大家耳熟能詳既自助餐。

位於尖沙咀金域假日酒店內的Bistro on the Mile，的確是自己常到的地方，就連太太跟閨聚餐，都曾選擇上址。

而今個復活節，餐廳更有一連串活動，在4月19日至22日期間，加插了免費的復活節杯子蛋糕工作坊，讓4至11歲的小朋友發揮創意，在預先準備的杯子蛋糕上加上裝飾，事後更可把杯子蛋糕帶回家，但可要注意，每班名額只得十個。

用餐前，囝囝参加了Cupcake製作班，餐廳提供了基本材料，又有靚女點心師傅即場示範，雖然起初有些小雞手鴨腳，賣相未夠十足，但都OK啦。

玩完手功藝，又到醫肚時間，Bistro on the Mile的自助餐一向口碑不俗，近日又有新攪作。

首先是每客一位和牛大蝦打打底，和牛肉質鬆軟有嚼口，蝦肉爽彈，的確不錯。

Seafood

當然要食半開波士頓龍蝦回回本，最喜歡加點蕃茄汁來提鮮。

至於麵包蟹就超多蟹膏；加上鱈場蟹腳、海蝦及藍貝，海鮮陣容收貨啦！

生蠔

選用美國生蠔，再不是大而無當貨色，蠔味能濃一點更好。

刺身

甜蝦、仿鮑魚片、三文魚、帶子、吞拿魚、鯛魚及八爪魚。

簡單的試了肉嫩既帶子、有嚼口既仿鮑同甜蝦，已經好足夠。

熱葷

大家可要留意，有好幾款熱葷是輪流供應。

金菇和牛卷

若然是串燒上會更香口。

XO醬炒海鮮瑤柱西蘭花

西蘭花好爽口，反比海鮮吸引，真係食了不少。

蒜蓉粉絲蒸扇貝

每次必食，懶人無須洗煮最啱
。

三杯炒蜆

無砂又肉嫩，但細細仔要慢慢食。

仲有牛肉薯餅、焗免治肉丸、鴨肝醬火腿雞肉卷、薑蔥炒龍蝦鉗、印度烤雞、印度果阿邦羊肉咖哩及蟹子海鮮炒飯。

Carving Station

燒西冷

燒得啱啱好，尤其是中間位置呈 medium rare ，肉質有嚼口，好啱自己。

而燒牛仔柳配炒雜菌伴鴨肝汁，肉質較軟稔，肉味不俗，可以一上。

至於燒羊扒配薄荷啫喱，雖然好大路，但羊肉羶味輕盈，女仕們應該沒大問題。

想食菜蔬有鐵板三色椒、豐腴甘香有香煎鴨肝、油香豐富有香煎牛仔骨，加埋皮脆肉嫩既北京填鴨，熱葷有貴精不貴多的感覺。

前菜及沙律

種類夠多，有煙三文魚、燒鴨胸配黑醋汁、韓式泡菜、扒雜菜黑醋汁、鹵水牛展、燒牛肉露筍卷、鮮蝦甜椒黑醋沙律、泰式牛肉沙律、牛尾雜菜啫喱杯、鴨肝凍批、雞肝慕絲伴烤桃及日式蟹肉鴨肝蒸蛋。

個人推介有特色既雞肝慕絲伴烤桃同蒸蛋，口感豐腴滑溜，超正。

湯

燉湯一向是餐廳強項，自己最愛的燉湯，今日是鱷魚肉湯，正好，這兩天有點咳嗽，用來潤潤喉嚨。

中湯雪耳木瓜雞腳豬肉湯，夠火喉，湯料都煲至半溶，味道都在湯裡。

洋蔥湯

甜度來自洋蔥，而且煮得好稔，個人覺得洋蔥可以更重手一些。

灼料吧

配料是紅腸、魚片、牛丸、貢丸、龍蝦丸及豆卜，而麵底有油麵及米線，湯底是香濃的喇沙，真係值得試試。

甜點

梗係食即炒哈根大師雪糕先，客人可以自在炒好的雪糕加上不同的 toppings，真係玩得又食得。

而杯裝有草莓及香草味，愛食雪糕的朋友應該滿足。

而甜品是貴精不貴多，有芒果慕斯蛋糕、藍莓芝士蛋糕、焦糖原味蘋果蛋糕、士多啤梨蛋糕、意大利芝士蛋糕、朱古力咖啡卷、士多啤梨撻。

至於中式有紅豆沙、豆腐花、薑汁糖水、麵包布甸及葡撻，傳統風味都有一定捧場客。

畢竟地點就腳，食物多年來保持水準，來的多是熟客，難怪口碑不錯。

P.S : 即日起四至月三十日

星期日至四成人＄598/位、長者＄478/位、小童＄418/位

星期五至六成人＄668/位、長者＄534/位、小童＄467/位

匯豐、恆生或美國運通銀行Visa或銀聯信用卡簽帳自助晚餐，即可獲得8折優惠

Facebook 專頁 : Holiday Inn Golden Mile

地址 : 尖沙咀彌敦道50號金域假日酒店1樓

電話 : 23151118

味道 : 4
環境 : 4
服務 : 4
衛生 : 4
抵食 : 4
位置 : 5

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

http://www.facebook.com/foodiephilip

即劏吞拿魚~花膠海參鮑魚任食~全港最誇自助餐刺身 @ JW Cafe (金鐘香港JW萬豪酒店)

近日真係同吞拿魚有仇，繼前星期係澳門萬豪食過即過吞拿魚，兩日前既日本菜，算來是一個月內第三次品嚐原條吞拿魚的滋味了，但每次都好享受。

今次有點不同，是餐廳每天都會即劏原條捕獲自日本水域的黃旗吞拿魚，直至4月22日為止，絕不留過夜，保證新鮮，又無須過大海已經可以品嚐。

今日提供的吞拿魚足足有43公斤，由餐廳總廚出手「席前即解」。

客人可以任食，已經值回票價。

海鮮

一向是餐廳強項，選用加拿大龍蝦，比常見的波士頓龍蝦是更勝一籌，肉質軟嫩，實在令人食完又食。

另外，龍蝦鉗啖啖肉，超正。

至於加菲蟹，蟹蓋不是重點，反而蟹肉甜美，比花蟹更加實淨。

加上皇帝蟹腳、花蟹、凍蝦及青口，至少要食兩round。

刺身

種類繁多，可以話自助餐中罕見，除了原條即解吞拿魚外，有肥大肉厚既帶子；柔韌彈牙既蠑螺，加上八爪魚、墨魚、甜蝦、油甘魚及三文魚，刺身陣容實在令人encore
再
encore。

壽司

講到壽司仲誇張，因為有伊佐木、綱池魚、油甘魚、平目魚、平政魚、深海池魚、吞拿魚、三文魚、鱲魚及章紅魚，全都是即叫即製，有部分更是坊間少見貨色，實在難以置事，就連自己經常食自助餐，都給嚇一跳。

一口氣點了伊佐木、綱池魚、平目魚、平政魚及深海池魚，都是只會在比較高級日式食肆出現，仲要係任食喎。

熱葷

可以話全港最強既熱葷。

燴花膠

扣得軟稔入味，大大塊，骨膠原盡出，不單是女仕們恩物，男仕都忍不住喪食。

食完花膠，仲有更誇張既燴海參鮑魚，絕對不是餵蚊貨色，海參軟滑入味，一個字形容~「強」。

而蒸龍躉又係啖啖肉。

但大家可不要忽略蒜蓉蒸大蝦，又係好爽彈，正。

熱葷區仲有煎牛仔骨、黃金涼瓜、蒸龍躉、燴鵝掌、清炒時蔬、香煎魚柳、香煎雞胸、燴牛面肉、海鮮意粉、煎腸粉及銀針粉，真係數都數到口乾。

Carving Station

原條羊架逐條切，七八成熟絕不過火，外層香草減輕了羊肉的羶味，不錯。

美國prime
rib有個人喜歡medium
rare，醬汁有法式芥辣、紅酒汁、燒汁、蘑菇汁、黑椒汁與及英式芥辣。

龍躉扒最啱怕魚骨既客人。

燒味區

有叉燒、片皮鴨、燒乳鴿、海南雞及雞油飯。

咖喱區

有雞肉咖喱、咖喱魚肉及咖喱牛肉，可以配絲苗白飯。

湯

共有三款湯

先講西湯忌廉蘑菇湯，質感濃吞，而且有不少蘑菇碎粒，陣陣幽香，超鍾意。

而中湯有燉豬展湯及冬瓜燉豬展，前者加入北芪及雞腳，味道濃郁；反而後者相比下味道稍淡。

Cold Cut

三款不同味道的三文魚，包括了煙三文魚、醃三文魚及黑椒煙三文魚，是各有風味。

仲有意式肉腸、沙樂美腸及煙黑森林火腿。

沙律

自己是食肉獸，沙律自然少食，有蘋果沙律、牛肉沙律、粟米沙律、藜麥沙律、mozzarella及番茄，朋友食完大讚。

芝士

而芝士有車打芝士、Brie、Emmental、自助沙律吧及乾果。

麵檔

有自家包雲吞，蝦仁彈牙，配料有豆卜、魚蛋、貢丸、蟹籽包、魚腐及魚片，麵底是油麵、烏冬、米線、銀針粉及生麵，大可任意挑選。

甜品

甜品區位於入口處旁邊，未就座已經被吸引住。

有分三個時段出爐既芝士撻（7:30/8:15/9:00），包保熱辣辣，半溶芝士份外芳香馥郁，好味。

仲有Cream Brulee、Florentine、Brownies、Lemon
Meringue Tart、Puff、Hazelnut Financier、Chocolate S’more Cake、Raspberry
Cake、Mango
and Coconut Mousse Cak、Red Velvet Trifle、Cheesecake、Hong
Kong Opera、Intense Chocolate Cake、Poached Re Wine Pear 、Vanilla
Mousse Cake、Chocolate Mouse Cake、Matcha Tiramisu、Strawberry
Roulade、Apple
Crumble、Bread
Pudding、Chinese
Petits Four、Chinese Cannoli、Dried Longar and Date Soup與及豆腐花，陣容鼎盛。