空中樓閣 X 創意點心 @ 中庭 (灣仔香港會議展覽中心)





近日疫情反覆下,「限聚令」又再打回原形,而且仲要加辣,但睇見每人確診數字,又的確令人心寒!







早前疫情稍為緩和,就趁空檔走訪了一次會展的「中庭」中菜廳,或者大家聽落有點陌生,其實原址是「新滬坊」,經裝修後改名。

同樣地,經一條長專屬扶手電梯,正好抵達餐廳門前,非常方便。



從大堂靠窗位置,望著參觀者出入,大大有居高臨下的氛圍。



由於當時未有加辣「限聚令」,晚餐人數為安全計,只維持8人一圍,感覺鬆動。

而餐牌亦全新改動,點心更是色、香、味俱全。

先由「四式點心」打頭陣,每款都花心思去設計,務求令色、香、味俱全。



先上場的是「牛肝菌煎帶子貝包」,外形妙趣橫生,彷彿是貝殼中的帶子,用炭粉搓揉成黑白相間貝包,質地鬆軟可口,睇得又食得。



至於「蟹籽百花春卷」不單以賣相取勝,有若綻放的花朵,外層炸得色澤均勻而金黃,內裡蝦膠彈牙,實在精彩。



當中賣相最亮麗的,莫過於「塘坢高湯金魚餃」 ,外形是唯肖唯妙,餃皮柔韌富彈性,蝦肉爽甜,水準毫不比米芝蓮店遜色。



「雞蓉咸水角」望落就似一隻「迷你啤梨」,就算花了時間影相,但絲毫沒有影響口感,脆脆地好香口,最難得係沒多餘的油份。



湯品是看似普通的「海皇冬瓜盅」,實質是誇張到一個點,因為材料把冬瓜盅完美蓋過,蟹柳、蝦仁、竹笙、火鴨絲、帶子及蓮子少不了,更有冬瓜盅不可少的夜香花,清心消暑,果真是夏日最住湯水。



中國人實在好善於把食材靈活多變,「鴛鴦脆蝦球」將大海蝦,化身成清香柚子蝦球與及豐腴黃金蝦球兩種口味,真是各有捧場客。



所謂「無雞不成宴」,席間送上「瓦玫瑰豉油雞」,選用了龍江雞,肉質細緻嫩滑,陣陣酒香來得有層次,原來是以花雕加玫瑰露酒雙劍合壁,更何況有京蔥的幽香?



單尾是近似台式紅蟳米糕風味的「醬油糯米蒸肉蟹」,選用泰國糯米不單有嚼口,而且蟹汁都滲入糯米內,惹味得不得了,這道台灣人喜宴中常見的菜色,無疑帶來少許苦中作樂的感覺。



此刻,來個素菜清清味蕾好恰當,「日本南瓜牛油果炒百合」原本是一個普通不過的素菜,卻因為一件炸牛油果變得不平凡,軟熟滑溜的牛油果,給薄薄的脆漿包裹,絲毫不覺油膩,火喉控制得相當好,用來送酒一流。

其他配料有黑木耳、法邊豆、秋葵、鮮冬菇及杏鮑菇,都是清爽健康的菇菌類,好啱自己胃口。



壓軸的甜品想不到都有驚喜,一道「川椒波蘿杏汁布甸」緊扣著眾人的目光。

揉合了中西式甜品的精髓,單是杏汁布甸,已是由南北杏與杏仁的結合,丁方大小的川椒菠蘿,是以西式抽空真方法把川椒汁逼入菠蘿裡,確是令人意想不到,更喜出望外的,是在色澤的拿捏上,以杞子汁作平衡點,至於原粒杏仁及海綿蛋糕,在口感上有複雜多變的感受。




原來7月真是好月份,幾位朋友都是壽星仔女,朋友特登訂造了一個別出心裁的炸彈生日蛋糕,就由大家齊齊用鎚仔敲破,內裡滿載歡欣的糖果及蛋糕,衷心祝願大家百毒不侵,身體健康!

地址
:
灣仔港灣道1號香港會議展覽中心1
電話 : 25827332
味道 : 5  環境 : 5  服務 : 4  衛生 : 4  抵食 : 4  位置 : 4
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

不一樣的生日飯 @ Osteria ( 尖沙咀金域假日酒店 )



今年的生日飯,跟以往的都不一樣。

沒有了母親的「紅封包」,感覺總是缺了一角。





加上疫情的反覆,原先的計劃好的活動都取消了,正好一家人靜靜的迎來即將的退休生活。



一家四口,剛好符合政府的「限聚令」,地點就選擇了非常就腳的 Osteria

餐廳位於尖沙咀金域假日酒店內,從地鐵站上去,相隔只不過是一條短馬路,實在好方便。



中午的三道菜 Set Lunch
只不過 $268,已經包含自助Buffet,真的相當抵食;而只需加$109客人可於兩小時內任飲指定紅白酒、啤酒、橙汁及汽水。

餐廳方面不單提供紙袋供客人放置口罩,而且取食物時,都會要求客人戴上口罩,但有時總有人貪方便而置之不理,實在自私到一個點。



大多數客人都會選擇自助頭盤,無他,選擇夠多,不單有辣肉腸、醃茄子、巴馬臣芝士、火腿配哈蜜瓜、水牛芝士配車厘茄、露筍、田園沙律及煙三文魚,作為頭盤,已經足夠有餘,如果對頭盤無興趣,亦可選擇椰菜花茸湯。



Main Course

除了基本的頭盤外,主菜有四款選擇,反正時一家人share,就全都點了。



首先是吞拿魚、黑水欖、蕃茄汁螺絲粉,很喜歡螺絲粉有嚼口,而吞拿魚肉碎上,正好令每口都帶有魚肉,雖然不至於有驚喜,但簡單得來找不到挑剔的地方。



魚類方面有炸鯰魚配扒蕃茄及炒西蘭花,鯰魚扒炸得香脆可口,尤其是脆漿夠薄,炸得色澤金黃,油份亦不過火,真係好啱小朋友,個人覺得可以加多少少薯角或薯條,畢竟份量有點偏少。



肉類就只得烤羊扒配雜菌及燒馬鈴薯,共有三件細size羊扒,羶味不太重,但烤得過熟,肉質有點韌,主菜中稍為失色。




既然是意大利餐廳,主菜中當然少不了薄餅, 燒豬腮肉、雞蛋、佩科里諾芝士薄餅餅底是人手即場搓製,外型未夠混圓,而且部份邊位烤至焦香,反而顯得誠意度十足,味道及口感正宗,不錯



另一端的自助甜品區,有新鮮的菠蘿、西瓜及蜜瓜件,另外有
Tiramisu
Cheese
Cake
及草莓蛋糕,反正是餐後甜品,數量當然不能跟Buffet 相提並論。

套餐亦包咖啡或茶,配上甜品當然要來一杯伯爵茶,淡淡的佛手柑香氣,正好清洗味蕾。



今日大家都忍受著不同程度的困境,但希望在明天,期待大家可以脫下口罩的一刻。

地址 : 尖沙咀彌敦道50號金域假日酒店閣樓
電話 : 2315 1010
味道 : 4  環境 : 4  服務 : 5  衛生 : 5  抵食 : 4  位置 : 5
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

韓國No.1 果汁連鎖店 @ JUICY Fresh Juice Bar ( 中環 )



太太同我都係韓劇狂熱份子,尤其是在疫情肆虐的日子中,少了出外用膳同社交活動,就更加變「宅夫婦」,經常係屋企煲劇。





其實睇得越多,就越有心癮想去韓國走返轉,不過家陣睇怕都要忍多幾個月。

既然去不了,唯有自己動手,近日就經常去超市買泡菜、醃肉汁及年糕之類,整返一兩味韓式風味菜。



可能大家都未必有我咁誇張,但偶爾都想食下,家陣有好消息,韓國果汁連鎖店
No.1
Juicy」,已經落戶香港,地點就正正係香港站,近國金一期出口,位置極佳,大熱天時買一杯出街,即時透心涼。





平日係生記附近既生果舖買杯普通果汁都$20幾蚊,睇返「Juicy」價錢牌,中size都係$22,就連加大都不過$26,最貴既名物「牛油果香蕉奶」同「草莓香蕉奶」,都只不過$46,而且加$10,仲可以變身熱狗餐,當中有芝士腸同辣肉腸供選擇,以中環地段而言,實在相當親民價。



朋友點了另一杯名物「草莓拿鐵」,望落似奶昔,其實係沙冰,芳香馥郁,盛夏中來一杯,暑氣全消。



自己就選擇了「芒果草莓汁」,質感濃稠,甜酸夾雜,反而有生津解渴的效果。



囝囝的「菠蘿橙汁」,同樣芳香甜美,口感清新。



太太的「牛油果香蕉奶」,入口綿滑,而且營養豐富又頂肚,聽聞是店方No.1名物,看來有點道理。



愛健康的朋友,看來又多了一個選擇。

地址
:
中環港鐵香港站HOK42號舖
電話 : 23320010
味道 :
環境 : 4 
服務 : 4  衛生 : 4  抵食 : 4  位置 : 5
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

榴槤失控 X 「榴槤精選拼盤」@ Big Bay Cafe ( 紅磡香港嘉里酒店 )




係香港食自助餐主打榴槤不出奇,時有出現,但多數都只會加入在菜色中,但原片榴槤送上就的確少見,真係諗起都興奮。








若然閣下是榴槤迷,就一定不能錯過紅磡嘉里酒店Big
Bay Cafe
最新推出既自助餐,今次雖然主打東南亞美食,但每逢星期五六日,都會送上「榴槤精選拼盤」,而且每晚都會選擇當天最靚貨色奉上,每次四款,仲要大大件,胃口細少少既,真係食完都飽一半,除了榴槤迷熱愛的「Musang
King
貓山皇」外,基本提供仲有「D101 紅肉」、「D88 小甜甜」、「XO」、「Old Tree 老樹」、「D13
金包」、「D24 蘇丹王」與及「Red
Prawn
紅蝦」,餐廳仲話會因應貨源而提供其他口味,老實講,好多品種真係聽都未聽過,更何況可以一次過享用?



是晚提供了貓山王、XO、紅肉及紅蝦四種,現場更有大廚為客人講解,以後大家買榴槤就知點揀靚貨。

既然係榴槤迷,今次就抽起所有榴槤菜色講先。



「榴槤精選拼盤」是主角,熟成程度啱啱好,未上檯已經陣陣榴槤獨有的香氣,(當然,接受不了又是另一種感受),若果閣下另一半並非榴槤迷,最好就食完榴槤再同佢來個深情一吻,就知對方是否愛妳!哈哈!




而小朋友因為無榴槤platter,就會改送榴槤班戟,真係照顧周到。



甜品中仲可以搵到榴槤泡芙、熱辣辣既榴槤芝士撻同埋甜美馥郁既榴槤gelato

講完主題又到吸睛位。

海鮮



作為自助餐長期台柱,波士頓龍蝦當然少不了,隻隻有膏加任食,肉質爽甜好啱我



另一款爆膏海鮮麵包蟹,都有不少捧場客,加埋藍貝同海蝦,都好新鮮,尤其是蝦肉好爽口。

刺身



即叫即切,有三文魚、八爪魚同油甘魚,質素仲要夠新鮮,肉質爽甜。



海南雞飯

雞肉細嫩,而且有三色醬供蘸點,好難得,油飯是出奇的香口,如果油份能再強一點就更好。

冬陰功湯

配料足,但個人偏好再辣些少。



印度菜

食過云云buffet,當然有咖喱提供,但多數只得三兩款,邊有家陣既陣容吖!除了即製薄餅,又有印度黃咖哩豆、印度香米、馬來西亞咖哩雞、青咖哩豬肉、印度芝士咖哩與及野香草咖哩牛,雞、豬、牛及素都有,食落毫不嗆口,香料味突出,愛咖喱的朋友必試。

灼檔




單係菜已經有生菜、娃娃菜、小棠菜及菜心,而麵底有檬粉油麵米粉及生面。




至於配料有雞蛋、牛丸、豆卜、芽菜、金菇、粟米芯、雞髀菇及木耳,真係好豐富,除了清湯,仲有自己好鍾意既喇沙湯底,配上油麵加米粉混合體,吸晒辣湯,正。





其實灼檔仲有又辣又嫩川味蒸魚、甜美可口蟹肉蒸蛋、打冷名物韭菜豬紅、酒樓點心冬菇豬肉釀節瓜,同埋骨膠豐盈既當歸豬手,尤其是豬手軟腍又滿有當歸香味,有驚喜。



其他東南亞菜色有馬來炒貴刁、上湯浸莧菜、瑤柱蛋白炒飯、參巴醬炒牛肉同巴東炒蜆



炸肉卷外脆內軟,但幾熱氣下。



新加坡麥皮蝦食得多,今次變成麥皮龍蝦鉗,就矜貴得多。

Carving Station



薄切兩片西冷,有嚼口而且肉味濃,又可以加配香草炒薯仔、烤蔬菜或者燒粟米



旁邊有峇裡烤乳豬,豬皮燒得香脆,咬落脆卜卜;泰式烤春雞好香口,但雞肉有點老;印度烤羊髀啖啖肉,又不會太羶;參巴醬魔鬼魚辣辣地好惹味;泰式香草焗青口肉質嫩滑;烤鯖魚配照燒汁好香口。

前菜及小食





蕎麥麵及蛋沙律,而青木瓜沙律仲要係即製。





加上每碟都小巧的醃三文魚、泰式粉絲蝦、泰式牛肉沙律及番茄凍湯,減少客人翻動食物,自然衛生得多。




又有好少見既越式三文治,有扎肉及蝦兩種口味,細細件,不怕佔胃納。








本身有蕃茄忌廉湯與肉骨茶,但每晚7點半,就會推出更滋味既燉湯。



Cold Cut及芝士



大堂一角,放滿了西班牙白毛豬、莎樂美腸及西班牙辣肉腸





芝士更有Camembert
Cheese
Boursin CheeseGoat Cheese
Emmental Cheese



甜品






當然由IScream雪糕打頭陣,榴槤gelato之前講左,其他口味有草莓雪葩、椰子雪葩、泰式奶茶 gelato、芝麻gelato、香草gelato、朱古力gelato 與及食極都想食既Mandarin
Earl Grey gelato
,好多口味都好難係外邊食到。









恆溫甜品櫃有朱古力椰子、杏仁蛋糕脆胡桃牛奶朱古力慕絲、椰子士多啤梨蛋糕、開心果仁醬蛋糕、黃梅芝士杯、 拖肥蛋糕焦糖熱帶水果醬黑朱古力慕絲、焦糖蛋糕檸檬醬配花生慕絲、鮮果撻、柑芝士蛋糕、 朱古力慕絲脆蛋白、麵包布甸







其他東南亞甜品豐富到一個點,椰汁西米糕、泰式奶茶吉士、班蘭cupcake、班蘭蛋糕及芒果糯米飯,每款都是迷你版,食多幾款都可以。





鮮果杯


為了保持衛生,水果都變成小碗上,都幾好吖!





P.S : 無限量添飲套餐


額外每人附加港幣六十八元可享無限量添飲汽水及鮮果汁



每人附加港幣228員可享無限量添飲汽水仙果汁啤酒餐酒及sparking
wine




額外每人附加港幣328員可享無限量添飲汽水鮮果汁啤酒餐酒及
Veuve Clicquot NV




Facebook專頁 : Kerry Hotel Hong Kong
地址
:
紅磡紅鸞道38號香港嘉里酒店3
電話 : 22525246
味道 : 4  環境 : 4  服務 : 4  衛生 : 4  抵食 : 4  位置 : 4
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

抵食半自助餐 @ LIS ( 香港仔如心南灣海景酒店 )



近排酒店Buffet差不多全面復甦,但都以半自助形式出現,其實都幾好,減少了浪費的情況,而且更加衛生。





位於黃竹坑既如心南灣海景酒店,其實好近地鐵站,行過去不用10分鐘。

以往寫自助餐,都係以回本位打頭陣,今次亦不例外,就先講講主菜。

MAIN COURSE 主菜

(Choose 1 from the below
自選一款)



Grilled U.S Prime Sirloin Steak (8oz) with Truffle Veal Jus


燒美國西冷扒配松露肉汁 (8 安士)


略嫌西冷有點過熟,始終個人偏好較生的火喉,不過肉味依然不俗。



Grilled Australian Lamb Chop with Rosemary Veal Jus


燒澳洲羊架配迷迭香肉汁


煎得雖然過熟,但肉質依然細嫩,羶味亦輕盈,可惜無mint jelly



Roasted French Yellow Spring Chicken with Mushroom Jus


焗法國黃春雞配蘑菇肉汁


烤得恰好,雞皮呈金黃色,肉質毫不覺老,蘸點蘑菇汁食更覺滋味。



* Steamed Whole Tiger Garoupa (1 catty) with Soy Sauce


*
清蒸老虎斑 (1 )


好有中菜感覺,仲要配碗白飯,魚真係蒸得好好,尤其是豉油一流,雖然係半自助餐食蒸魚飯有點怪,但都好滿意。





Pan-fried King Prawns with Garlic Butter Sauce


香煎大蝦配蒜香牛油汁


好大路的煮法,蝦身煎得好香,而且又大隻,蘸點牛油汁好惹味,收貨。



* Wok-fried Fresh 8-head Abalone with Ginger and Spring Onion


*
薑蔥炒新鮮八頭鮑魚


每位一客,同樣是配上白飯,鮑魚好大隻,但炒得過火,肉質變得好韌,反而覺得清蒸可能更好。



海鮮

長腳蟹爪、藍貝、海蝦及海蜆,當然好受歡迎,而且海蝦勁新鮮爽口,平日自己只會食幾隻,今次都忍不住消滅了一碟。



刺身及雜錦壽司

有三文魚、甜蝦及吞拿魚,都是比較尋常的選擇,但客人無需排隊,便有專人放6上,是安全衛生得多。





西湯是南瓜湯,幾鮮甜滑溜,而中湯是野葛菜生魚煲龍骨,飲落好夠火喉,尤其是係屋企好少煲就更啱胃口。



水果、沙律及芝士

每款食物都用透明半圓蓋蓋好,以保持衛生,但見有部份客人,拎起隨手放埋一邊取食物,而事後貪方便卻未有放回,實在有點自私。



前菜及小食
冷麵、cold cut、薯條、莎樂美腸同埋令人有驚喜既麻醬木耳




飲品

蘋果汁、橙汁同西柚汁當然是任飲啦!



甜品



飯後當然係甜品時間,雪糕有哈根大師,提供士多啤梨及朱古力味。



至於恒溫櫃有雲石芝士餅、北海道全脂牛奶布甸、鮮果焦糖燉蛋、雜果啫喱、軟朱古力蛋糕、荔枝布甸、咖啡朱古力布甸、士多啤梨布甸、香蕉蛋糕、士多啤梨慕絲蛋糕、紅菜頭菠蘿啫喱、朱古力慕絲、藍莓蒟蒻果凍及甘筍薑果凍配菠蘿汁,種類比起之前絲毫沒有減少。



如果喜歡不同口味的甜品,又有柚子蜜脆蛋糕、焗麵包布甸、曲奇餅及紫米椰奶露

家陣去連鎖快餐店食碟咖喱飯都要近$60,我寧願比多少少慢慢嘆好過!

P.S : 71日至31日,餐廳推出「花膠.龍蝦海鮮盛宴」,仲要低至65折(優惠連結

地址 : 香港仔黃竹坑道55號如心南灣海景酒店P3
電話 : 3968 8833
味道 : 4  環境 : 4  服務 : 4  衛生 : 4  抵食 : 4  位置 : 3
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

星級麻辣 X 無盡精彩 @ 麻辣燙 (中環)



早年係深圳四圍盪,好鍾意係街邊食麻辣燙,又或者串串香,就連乾鍋都已經在90年代開到成行成市,只不過隨著人口南移,香港是越來越多人愛上有層次的麻辣。

畢竟當年衛生環境差,每次食都要有必死決心,隨時腸胃炎。

其實麻辣菜色早已經登堂入室,位於中環大館對面的「麻辣燙」,更加先後三次(2011~2013)獲得米芝蓮一星殊榮,真是毫不簡單。



食辣一定要搵同道中人,大家食到大汗淋漓,但又停不了口的氛圍,有點「生死之交」的感覺。

可能餐廳靠近大館,晚上客人大多是外籍人士,反而本地人不多。



紅油抄手($98/6隻)

抄手食過不少,但入口已經「嘩」一聲,辣度非常強勁,其實雲吞餡都是豬肉、椰菜、黑木耳同埋甘筍,另外,大家要小心置底的白菜,蘸滿了辣油,食落似係食緊辣油,若然閣下並非「辣妹」,還是放棄吧!




別不同燙雞片($148

起初給置面的紅椒乾嚇一嚇,但原來似係裝飾,望落有點似川椒雞球,以為係珍珠葉,其實係炸菠菜,雞片肉質細緻,毫不過火,又係好啱佐酒,難怪吸引不少外籍人士用餐。



阿婆麻辣豆腐($108

經調較後,辣度變得平易近人,豆腐嫩滑可口,濃油赤醬風味突出,建議另行order碗白飯撈埋食,真是絕配。



霸王辣椒軟殼蟹($398

賣相雖然澎湃,但感覺得個「嚇」字,原因係辣勁不如抄手,食落麻辣感覺慢慢滲出,軟殼蟹炸得酥軟入味,卻沒有油膩的口感,送啤酒一流。



黑松露雞絲辣炒飯($138

近年黑松露已滲透任何菜色,吃多了感覺不如初接觸的驚喜,但今次黑松露醬下得輕手,反而有淡淡的幽香,飯粒可以更乾身少少,微辣下,令人胃口大開。



拔絲草莓


拔絲香蕉食得多,換上了草莓又確係第一次見。


糖漿拉絲好靚,加了不少分,而且用上草莓酸酸地,平衡了甜膩感,不錯。



地址
:
中環蘇豪奧卑利街7號地舖
電話 : 27966866 / 27966766
味道 :
環境 : 4 
服務 : 4  衛生 : 4  抵食 : 4  位置 : 3
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!