Date archives: March 31, 2020

疫情肆虐下，大家出入真的要小心，尤其是家陣4人一檯的措施，對飲食業實在是重鎚打擊，這個寒冬真的暫時未見底。 但有時偶爾想食餐好既，當然以衛生及安全為首要。 早前跟幾位「生死之交」走訪了海洋公園萬豪酒店，一嚐近日推出的「任點任食」晚餐。 是次重新推出的海灣餐廳午餐及晚餐「任點任食」更為客人帶來震撼優惠，現凡萬豪旅享家會員和海洋公園智紛會員，於星期六、日及公眾假期到酒店海灣餐廳享用「任點任食」，均可享超抵優惠。客人可於網上登記成為萬豪旅享家會員，即時可獲海灣餐廳「任點任食」七折優惠。 (萬豪旅享家會員網上登記：https://www.marriott.com/loyalty/createAccount/createAccountPage1.mi )。而海洋公園智紛會員更可獲六折優惠，屆時客人只需出示有效智紛全年入場證，則可享折扣。 酒店只提供出入口各一，而且入酒店前要量體溫，而進入餐廳前，亦要先行用酒精搓手液消毒，又有消毒紙巾及信封提供，方便客人放入口罩，走的時候，亦見到侍應用火酒消毒餐桌，基本功夫做足，感覺良好。 餐廳最強焦點，一定係任食清蒸環保龍蝦，原隻活生生去蒸，熱辣辣開邊，可以加芝士醬同泰式酸辣汁，好食到無朋友，環顧香港Buffet，真係一隻手數得出，仲要有找。 另一個重點，由以往既鵝肝漢堡，轉成厚切鵝肝多士，充滿油香，口感豐腴，又係必食菜色。 磯燒鮑魚配清酒柚子汁 鮑魚烤得煙韌入味，可以食完又食，單食龍蝦同幾款主菜已經足以回本。 蝦子撈麵 同我食過Buffet既朋友都知道，在下係主食怪，每次都會整碗粉麵，更何況係蝦籽撈麵？ 粗麵底淥幾下即刻沖水脫鹼，的確一絲不苟，蝦籽下得重手，而且事前經烘焙過，蝦味更形突出，好食到無朋友。 炆花膠配冬菇及長洲魚蛋 雖然好多自助餐都有花膠供應，但往往只係一碟上就算，家陣又係任食，夠晒滋補。 同場仲有超大粒長洲魚蛋，爽口彈牙，好味。 鐵板燒 其實鐵板燒除了鵝肝之外，仲有西冷、羊架、三文魚及和牛。 首選一定是兩款牛肉，西冷烤得啱啱好，內裡肉質嫣紅，味道濃郁；而和牛雖然未至於滿口油香，但已經合格有餘，如果有岩鹽蘸點，相信更能提鮮。 海鮮 為了衛生，有幾款容易比客人摷翻的食物都換成了位上，海鮮就是其中之一。 每位客人會送上海鮮併盤，包括翡翠螺、鱈場蟹爪、海蜆、藍貝與及海蝦，份量十足，而且食完仲可以再落order，包保衛生。 刺身 同樣由服務員送上，有肥大肉厚既帶子、清爽肥美油甘魚及深海池魚，柔韌既北寄貝與及八爪魚，加埋希靈魚，刺身陣容大滿足。 喜歡飲返兩杯配菜，大可加錢來一瓶清酒。 湯 先來一碗姬松茸瑤柱淮山燉瘦肉，入口一陣醇香，舌底生津，夠火喉表現，一口氣消滅了三盅無難道。 至於每晚常備的西湯是忌廉南瓜湯，而中湯是節瓜鱆魚豬骨湯，絕不馬虎了事，老實講，的確飲了不少。 熱葷 蟹肉海鮮鍋巴 真係好足料，尤其是蝦肉爽彈，帶子肉嫩滑，放係脆卜卜既鍋巴上面，滋味滿分。 螺片西蘭花 好有喜宴菜的感覺，味道未必有驚喜，但自己幾鍾意。 仲有鎮江骨、黃金蝦及星洲炒米，真係貴精不貴多。 燒味 問下大家，若然係米芝蓮星級菜館食碟叉燒要幾錢？過百蚊是常識吧！家陣可以任食譚師傅主理既叉燒，厚切之下啖啖肉，有嚼口而富蜜味，少許冰肉位，只欠一碗白飯就完美了。 仲有油雞、燒鴨及烤乳豬，都是自家出品。 雜錦壽司及小食 有三文魚籽、玉子、芥辣八爪魚、Konago、烏冬及蕎麥麵。 芝士拼盤、Cold Cut及沙律 大堂一角的恆溫櫃，放上了芝士拼盤、沙樂美腸、parma ham、煙三文魚、紅菜頭沙律、煙鴨胸沙律及田園沙律。 甜品 一入門口已經好吸睛既旋轉雪糕機，入面放滿了不同品牌雪糕，先係哈根大師，有Azuki Mochi同Caramel Creme Brulee Mochi，口味獨特，好少機會係自助餐見到，仲有Chocolate…

當有酒店中菜廳做緊三四十蚊一碟點心時，其實坊間早已有人先行一步。 說起來都有三幾個月前的事，當時一家4口品嚐了德哥剛推出的假日任食點，已經留下良好印象，今次係疫情下，啱啱好係新法實行之前，同幾位「生死之交」再訪，真係未知何日再相見。 疫情之下生意的確難做，最新的4人一檯指引亦加重了打擊，如非必要當然要減少出外用餐，但飯還是要食的，唯有小心一點，找間衛生環境有保證的餐廳，以免加重了醫護的負擔。 雖然相隔了幾個月，假日任食點心依然是每位$168，另加茶芥25，90分鐘用餐時間。 茶是點了少見的老鷹茶，甘甘甜甜，而且帶餘韻，我幾喜歡。 沙律吧 棒棒雞配棒雞麻醬汁 可能近排食辣機會多，今次感覺不如上次的辛辣，但雞肉是保持水準的嫩滑。 蒜泥白肉配甜紅蒜泥汁 薄薄的一片，連同青瓜片一齊食，加上香口的蒜泥汁，越食越想食。 五香牛肉配醬麻油汁 同上次一樣好入味，突然間好想配碗麵一齊食。 川北涼粉配涼粉汁 都有好幾個月無食，質地幾爽滑，不錯。 酸辣拌闊粉 闊粉煙韌食舊，酸辣汁調較出色。 古方紅糖豆腐花 有說甜能平衡辣度，是否屬實大家不妨落點紅糖試下。 點心 蝦汁小龍包 充滿了玩味，黑醋用吱管直接注入小籠包內，多少隨意，直接混和了肉汁，單比起蘸點陳醋是更可口。 紅酒京醬燒鵝包 另一道值得推薦的，莫過於燒鵝包，包底鬆軟香滑，內裡燒鵝肉嫩惹味，超正。 美味素菜包 最怕食到素菜包有臭青味，但德哥出品絕對無問題，菜蔬刴得幼細，比起不少上海菜館出色。 貢笋三蝦餃 在原有爽彈的蝦肉中，加入了蝦籽，令蝦味更形突出，餃子皮擀得平均，絕不會一口粉，賣相飽滿，唯一要挑剔的，就是摺紋不足。 鮮蝦豆苗餃 上次太鹹，今次從善如流，口感清新，好得多了。 蟹籽燒賣 穩紮穩打，體形合理得多，食多兩粒都不怕頂肚。 爆汁芝麻牛肉鍋貼 可能掛住影相，咬落肉汁未算澎湃，但牛肉味濃郁，反而可以好好享受。 百花煎酿蘿蔔糕 又是一道令人欣賞的點心，兩邊煎得微脆少許焦香更吸引，中間釀入蝦膠，令口感更添層次。 麻辣腸葱油餅 可能要遷就大家口味，麻辣味輕盈得不太覺，但外層保持酥化的質感，又有陣陣蔥油的香味。 蜂窩魚香茄子芋角 餡料用上魚香茄子，很有趣的組合，加上油溫控制得準，蜂窩炸得輕輕鬆鬆，吃一口，呷一杯老鷹茶，盡在不言中。 糊辣殼酸辣抄手及雞湯抄手 有辣有唔辣，悉隨尊便，但個人偏好重口味，刺激味蕾的感覺真好。 基本價$168連茶位大約是$200位，有機會的大家不妨試試。 地址 : 灣仔太和街28號灣仔薈賢居地舖 電話 : 3126 6633 味道…

跟朋友除了上班外，在家中困得實在真的悶出菇來，找個人少少的下午，喝杯茶、吃件點心，風花說月就最好。 近日好多酒店都把旗下餐廳暫停營業，務求減輕成本，在逆境中或多或少會受影響，香港嘉里酒店可能是地理佔優，大堂樓底極高，座位間寛敞，尤其是落地玻璃透入自然光，令人倍感舒適，所以就算在疫情下，仍有不少捧場客。 而酒店大堂茶座最近聯乘法國製造護膚品牌「茶靈」， 由即日起至4月底推出全新「茶靈古樹普洱靈感之旅」下午茶。 畢竟疫情嚴重，任何事都以衛生先行，客人一坐低，即時奉上酒精搓手液與及信封，方便客人擺放口罩，夠晒窩心。 餐前先來一杯暖薄荷普洱茶，甜中帶香，幽幽的風味，令人心曠神怡。 到了下午茶上檯，只見服務員提上一個木的盒子，單看外表，真的令人騷頭。 但服務員只須十零秒，便將木盒拆解，變成一個 Afternoon Tea Set ，真是充滿了玩味。 Tea Savories 鹹點 香港嘉里酒店行政總廚胡樂民與茶靈攜手合作，以茶葉入饌，設計出別具一格的創意鹹點。 Abalone Salad（S） Pomelo, Radish & Carrot, Crispy Wonton 鮑魚柚子蘿蔔絲沙律 一向喜歡由鹹點先品嚐，鮑魚柔韌富彈性，配上花生碎、柚子及蘿蔔絲沙律，色彩繽紛，口應清新怡人。 Poached Chicken “Lo Mai Gai” Morel & Truffle Sticky Rice 羊肚菌松露糯米雞 建議先食糯米雞，因為放涼了，糯米便容易變韌。 其實煙煙韌韌的口感相當吸引，份量小巧，好啱女士，陣陣松露及羊肚菌的幽香，好味。 Tea Marbled Quail Egg, W3 Oscetria Caviar （D）（S） Smoked Mayonnaise, Brioche…

香港食肆勁多，專門店亦不少一，但主打蠔的卻少見。 位於旺角的「第一蠔粉麵」，就在太子站B出口，佔盡了地利。 當然，有地利及人流，舖租自然貴，所以店子不大。 可能食物種類多，所以見廚房都人頭湧湧，各師其職，出菜自然快，出菜快，翻檯快，未嘗不是生存之道。 望望餐牌，有幾款都想食，仗著人多勢眾，也好，可以叫多幾款。 由於餐廳主人本身係流浮山有家族生意，鮮蠔金蠔貨源足又穩定，品質有保證。 鮮蠔胡椒湯（$88） 湯底感覺上就似喝著胡椒豬肚湯，蠔味不單沒有被蓋過，鮮味反而突出，個人幾鍾意的一道菜。 香煎金蠔（3隻）（$98） 一般煎金蠔都會用上蜜糖或桂花蜜，但店方卻一反傳統，用上了砂糖，雖然邊位依然脆口，但欠了蜜糖那一份溫柔芳香的味道。 金蠔湯米線（$58） 金蠔比鮮蠔多了少許嚼勁，蠔味更濃，相比之下，湯底便顯得稍淡，換個角度，用胡椒湯取代，多了一份澎湃的感覺，可能會更好。 鮮蠔湯米線（$58） 湯底跟金蠔是一樣，但鮮蠔的鮮味是更濃郁，米線放耐了仍不覺得太稔身。 香脆蠔餅（$58） 另一道令自己欣賞的就是蠔餅，食落蛋味好香濃，原來是用上了鴨蛋，老實說，因為成本貴，家陣十間有蠔餅提供既，都未必有一間肯用鴨蛋，而且炸得啱啱好，熱辣辣食一流，蘸點一下泰式甜酸醬，味道是更加可口。 鮮蠔粥（$58） 是晚獲大家一致讚賞的，莫過於是蠔粥了。 粥底是廣東開米花，既綿且滑，建議加入菜甫，味道更是一絕，就連主角鮮蠔都給比下去了。 牛三鮮米線（$58） 當然，未必個個都喜歡食蠔，陪老公老婆、男友女友的大有人在，店方亦有牛類菜色供應，牛三鮮是肥牛、爆汁牛丸及牛腩，配菜包括芽菜、韭菜、芫茜及蔥花，至於湯底可改蕃茄、酸辣或麻辣，變化都幾大，但若然閣下兩款都唔啱，唯有叫碟菜，飲下汽水，因為飲品價好親民，汽水都不過$8罐，坐下陪下另一半都好吖！ 地址 : 旺角西洋菜南街258-260號長寧大廈地下C及D號舖 電話 : 26283937 味道 : 4  環境 : 3  服務 : 4  衛生 : 4  抵食 : 4  位置 : 5 希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝! http://www.facebook.com/foodiephilip

說起來，近年出沒得最多的地方，一定是北角，無他，基本上每個月都要走兩三轉去搵中醫調理身子。 望住北角由舊區逐漸建成了新地標，除了新落成的酒店，亦有不少名店進駐，看來附近的樓價又有排升了。 餐廳前身曾在觀塘落腳，但輾轉走進北角最新的商場「北角滙」。 店方除了設有廂房外，更有室外空間，正好可以除低口罩望望海景，吹吹風。 餐前先來一份微溫的麵包籃，芝士條脆卜卜最得我心。 同行幾位朋友，可在 Set Dinner 各自選擇再分享，真好。 Starter Carpaccio of the day from Toyosu- Market, Japan 先是油甘魚薄切打頭陣，選料來自日本豐洲市場，置底是薑蔥打成的醬汁與及爽脆的亞枝竹，絲毫沒有違和感。 Crab Cake with Gribiche Sauce 不喜歡魚生的朋友，大可選擇蟹餅，啖啖都是蟹肉，真材實料，蘸點一下芥末蛋黃醬，味道更鮮甜，個人幾喜歡。 Creamy Pumpkin Soup 有異於常見的南瓜湯，說是南瓜汁更貼切，加入半熟蛋令口感更豐腴，伴碟的煙肉炸得稍微過火，邊位有點焦。 Foie Gras Crème Brûlée with Mandarin Jam 鵝肝焦糖燉蛋真的令人難以支撐，吃時把鵝肝燉蛋塗在伴碟的多士上，入口滑溜，充滿了油香之餘，又卜卜脆，加上蜜柑醬的芳香及微酸，正好起了平衡的作用。 Slow Cooked Waygu Beef Cannelloni with Sea Urchin (+$65) 絕對是花心思之作，慢煮和牛肉質軟稔，卷住牛蒡及蘿蔔絲，令口應複雜多層次，蘸點一下海膽汁，味道令人回味，伴碟的牛清湯jelly，聽說用上7小時煮成，誠意十足。 Main Course Slow…

都係果句，約得一齊食飯可以話「生死之交」，今次又約左幾位好友齊齊「飯聚」。 雖然疫情嚴重，但出街食飯都難於避免，唯有挑選衛生情況較佳，又或者有私人廂房的餐廳。 Canton Pot 一向以火鍋主打，但隨著疫情影響，當然要變動求存，除了原有的火鍋外，近日更推出「健怡自選套餐」，4位（$1388）/兩位（$708）/每位（$368），但要留意細節，因為部份菜色可以兩位選一款，必要時，可以多點選擇。 未入餐廳，已經有自動噴灑消毒設備，確保衛生。 首先送上自製花茶一杯，但亦可以另點洛神花茶，甚至是羅漢果茶，款式不少。 阿根廷紅蝦刺身（每位一隻） 4位朋友啱啱好每人一隻，足4至5吋長，肉質甜美，蘸點一下芥末醬油，味道更鮮。 花膠燉響螺湯 其中一款是花膠燉響螺湯，湯色清澈，入口醇厚芳香，又有滋補功效，好正。 松茸竹笙黃耳素湯 另一款是素菜湯，清甜潤喉，的確是個不錯的選擇。 陳皮蒸鮮鮑魚 每位一隻，柔韌有嚼勁，不錯，如果鮑魚食得太多，亦可選擇蟶子、扇貝或象拔蚌仔，總之不會覺得單調。 蘿蔔炆美國牛肋骨 牛肋骨勁大條，但炆得好稔，一戳就骨肉分離，蘸點醬油來提鮮，又是一道佳餚，但略嫌部份蘿蔔未夠稔，美中不足。 荷葉杞子木耳蒸雞 雞件是早已褪骨，可以話啖啖肉，最啱在下此等懶人，甜度是來自杞子，加上爽脆的木耳，入口夾雜荷葉的清香，真係好啱用來送飯。 蔬菜類分別選了油鹽水浸皇帝菜及上湯蒜子浸娃娃菜，前者清新翠綠，口感爽脆，而後者煮得軟清甜，正好清清味蕾。 沖繩豬手（$168） 意猶未盡，即時追加一道風味獨特的豬手，豬皮炆得軟稔，骨膠原都跑出來，味道濃郁又邪惡，尤其是醬汁用來撈飯更是一流。 甜品有好幾款任挑選，各自點了芒果楊枝甘露水滴、焦糖燉蛋及木糠布甸，正好一班人分享。 地址 : 旺角廣東道1131號香港旺角薈賢居2樓 電話 : 39687888 59710088 ((Whatsapp)) 味道 : 4  環境 : 4  服務 : 5  衛生 : 4  抵食 : 4  位置 : 3 希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!…

近年越來越多過江龍餐廳係香港插旗，而全球超過750間分店既海鮮餐廳 Red Lobster 就是其中之一。 門前的玻璃魚缸，放上了鮮蹦活跳的美國龍蝦，的確令人食指大動。 餐廳佔地兩層，若然想要景觀，還是選擇樓上的靠窗位吧！而且有獨立廂房，在疫情肆虐的今天，正好派上用場。 餐前先來一份名物Cheddar Bay Biscuits 車打芝士鬆餅 ，質地酥化鬆軟，每口都帶有芝士的香味，果然出色。 再來的小食是Shrimp Cocktail 雞尾蝦杯 (HK$58) ，上檯時注入清水，利用乾冰營造出仙氣縈繞的效果，蝦肉爽甜彈牙，加點蕃茄醬味道更鮮。 前菜是一道接一道，Red Lobster Salad 紅龍蝦招牌沙律 (HK$98)賣相澎湃，龍蝦用上鉗位，而且早已褪殼，真係啖啖肉，清新爽朗的感覺真好。 跟住上場是另一主打菜Ultimate Feast 無敵海鮮大餐 (HK$318) ，包括了龍蝦尾、長腳蟹爪、香草蝦、炸大蝦同埋烤南瓜，份量十足，兩三位朋友share絕對無問題，私心一點，既然講得海鮮，如果加埋鮮魷同魚柳就更貼題了。 本身套餐係包餐湯，但若然想豐盛一點，龍蝦湯（$58）是個不錯的選擇，舀一下，質感濃稠，而且有幾塊龍蝦肉，陣陣龍蝦味好突出。 其實最得大家歡心的，就一定是Land & Sea 海陸雙鮮 *肉眼牛扒 (7oz) + 龍蝦尾 (HK$368)，牛扒烤得恰好，肉質軟稔而富肉味，如果可以份量再多些小，就好啱在下呢類牛魔王；龍蝦尾是新鮮貨色，雪白的蝦肉自然地飽滿柔彈，根本無須下任何醬汁。 既然店方以龍蝦掛牌，Live Maine Lobster Steamed 美式蒸活龍蝦 (HK$668 / 2LB)自然不能錯過，原隻上檯再由侍應剝皮拆骨，過程無須10分鐘，懶人就最啱。 主食仲有Shrimp Pasta with Lobster Cream Sauce 大蝦意粉配龍蝦醬 (HK$98)，整碟意粉的精髓其實係龍蝦汁，味道濃郁，但意粉煮得有點稔，欠了al…