分類: 香港飲食日誌(自助餐)

團年飯的選擇 X Free Flow 鮑魚花膠海參龍蝦蟹蓋 @ Le Menu ( 灣仔六國酒店 )



本來每次寫Buffet，都係將海鮮先發推介，但Le Menu 比較特別，因為熱葷類好多都啱我食，又係回本位，無理由放埋一邊。

仲有幾日就新年，嫌中菜悶，都可以諗下食Buffet。

就先講下收費。

星期一至四

全時段 成人$638/小童$448

第一時段 1745-1945 第二時段
2015-2215 成人$538/小童$348

星期五至日、公眾假期及前夕

全時段 成人$698/小童$498

第一時段 1745-1945 第二時段
2015-2215 成人$598/小童$398

至於農曆新年期間全時段 成人$738/小童$448

而一，二時段則成人$638/小童348

熱葷



三大海味係燴花膠、燴海參及燴鮑魚，但基本上要食均三款就要全時段，因為鮑魚會較後時間登場。

另一款回本位就係芝士蘑菇焗蟹蓋，平日係酒樓食，點都要一百幾十蚊一個，而且係任食，蟹肉都算多，焗至微焦，味道不錯。

因為酒店本身中菜廳都有水準，所以多款熱葷都處理得不錯，先係蠔皇燜鴨掌，味道好似婚宴內的菜色。

而清蒸星班並非原條上，而是星班片，食落方便又無骨。

另一道啖啖肉係上湯焗龍蝦鉗。

其他菜色有海南雞、欖油香草燒比目魚、鐵板煎威茉大蝦、3.6牛乳海鮮蒸蛋白、黑啤什菜燴羊肉、煎鴨胸肉配香橙汁、肉醬意粉以及揚州炒飯，計落的確以中菜為主。

海鮮



講返海鮮，首選一定係波士頓龍蝦，好多都有嫣紅蝦膏，食兩三隻都得。

而咖啡蟹同樣超多膏，加埋藍貝、海蝦、翡翠螺及鱈場蟹腳，海鮮陣容已經好過好多酒店。

刺身



刺身亦有八爪魚、油甘魚、甜蝦、榮螺及三文魚，解凍處理得不錯，肉興柔軟又毫無雪味。

灼料吧



有即淥烏冬，主打都係花膠，當中有青口花膠烏冬、日式叉燒花膠拉麵及日式叉燒鮮菇拉麵。

今次簡單一點，就來碗花膠湯麵配雞湯底，又幾好味，而且鹼水味又輕，不錯。

湯



西湯係法國海龍皇湯，又幾足料。

原盅燉湯係螺頭蟲草花杞子燉豬腱，湯色清，但夠火喉。

鐵板燒



有即片即包既片皮鴨。

但不得不提特級有骨肉眼扒配Yorkshire Pudding，來一份厚切，中間帶少少血水，肉質鬆軟有嚼口，超正，試諗下去酒店食塊扒要幾錢？



而燒羊架，幾香口，羶味輕。

加埋即煎虎蝦、牛脷、牛柳粒、大蔥雞肉及多春魚，陣容都幾豐富。

頭盤



有菠菜蛋批、煙三文魚、刁草三文魚、意大利火腿、蔬菜啫喱、莎樂美腸及cold cut
platter。

沙律

想清新健康有沙律，當中有凱撒沙律、蟹籽花膠沙律、水牛芝士西瓜士多啤梨沙律及鵝肝鴨肉芒果四季豆沙律可選擇。

芝士

有車打芝士、Blue Chese 及布利芝士。

甜品



先講講有哈根大師雪條，口味有Chocolate Choc Almond、Matcha Green Tea & Almond及Twist &
Crunch，平時食開就知一支都唔平。

雪糕杯有Strawberries & Cream、Cookies & Cream及 Chocolate。

其他甜品有伯爵茶Panna Cotta、白朱古力熱情果慕絲蛋糕 、榛子卷、雲石芝士蛋糕、柚子蘆薈果凍、Oreo慕絲蛋糕、士多啤梨芝士蛋糕，全部都係細細杯，方便衛生。

仲有麵包布甸同葡撻。

水果

菠蘿、火龍果及哈蜜瓜。

可能近新年，是晚都幾爆，其實食團年飯又不一定要中菜，Buffet都可以吖。

Facebook 專頁 : 六國酒店

地址
: 灣仔告士打道72號六國酒店1樓

 

電話 : 28663808

 

味道 :
4  環境 : 4 
服務 : 4  衛生 : 4  抵食 : 5  位置 : 5

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

Staycation 下的豐盛早餐 @ Marina Kitchen and Marine Cafe ( 黃竹坑香港海洋公園萬豪酒店 )

 

上次提及早前係海洋公園萬豪酒店 Staycation 的體驗，經過一晚舒適的充電後，個肚已經打鼓，而餐廳正正後樓下，真係超方便。


餐廳晚上以自助餐為主，早餐同樣以 Buffet 形式出現，種類超多，大胃王都絕對無問題。

單單係蛋類，已經有炒蛋、烚蛋、煎蛋以及即炒奄列，可以配搭洋蔥、火腿、蘑菇、燈籠椒、粟米及芝士，相當豐富。

伴碟是烤車厘茄、照燒三文魚、蜜糖火腿、雞肉腸同埋豬肉腸。

又可以配炸春卷、薯餅、煙肉或者南瓜薯餅。

自己係澱粉質怪，就連早餐都想食碗粉，灼料吧可選擇叉燒、秀珍菇、牛丸、貢丸及魚蛋，而麵底是生麵、米粉及通粉。

喜歡一盅兩件的朋友，亦有小籠包、菜肉包、素菜餃及珍珠雞供大家選擇。

另一款澱粉質，有煲到粥底軟綿的豬肉粥及白粥，又可以配返自家炸既油條。

當然，你亦可以食得清淡些少。

秀珍菇旺菜煮得好稔，我鍾意；雪菜肉絲炆米好入味而揚洲炒飯亦夠乾身。

芝士及Cold Cut

想食得輕盈健康，又有Emmenthal同Edam
Cream芝士，加上刁草三文魚、煙三文魚、意大利豬肉腸、西班牙辣肉腸同沙樂美腸。

沙律吧

對於愛健康的人士，可以選擇DIY沙律，已經有鷹咀豆、車厘茄、牛油生菜、羽衣甘藍、紅腰豆、青瓜片、沙律菜及粟米粒，想點整都得。

穀物類

有全麥片、葡萄燕麥、卜卜米、蜜糖脆脆圈、可可米及玉米片。

麵包



至於麵包有牛油牛角包、燕麥牛角包、丹麥酥朱古力丹麥酥、朱古力鬆餅及藍莓鬆餅。

係日式食物booth，日式有麵豉湯、納豆、蕎麥麵及稻庭烏冬，既然未有得去日本，先來碗麵豉湯解下鄉愁。

飲品



除了基本上必有既自助咖啡機外，有蘋果汁、雜莓汁以及橙汁，已經可以滿足到大部分客人口味。

最驚喜係益力多都有原味同低糖兩款，所以好受小朋友歡迎，當中包括我太太！

至於其他具特色飲品有藍莓、士多啤梨及原味三款口味乳酪，仲有Qoo、維他奶，加上士多啤梨、芒果木瓜及香蕉低脂牛奶，根本無可能每款飲一次。

更何況有豆漿、脫脂奶及牛奶，陣容比一般酒店強。

水果

食得太多，係時候食下生果，蜜瓜、哈蜜瓜、菠蘿同西瓜都係切成細塊，好方便。

享用過豐富的早餐後，正好出去花園行下，吸兩口新鮮空氣，人都精神D，，仲要睇下有成幾百條魚既魚缸啦。

Facebook 專頁 : Hong Kong Ocean Park Marriott Hotel

地址
: 黃竹坑黃竹坑道180號香港海洋公園萬豪酒店海灣地下

 

電話 : 35551700

 

味道 : 4  環境 : 4  服務 : 4  衛生 : 5  抵食 : 5  位置 : 4

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

生蠔龍蝦火雞迎聖誕 @ Cafe Renaissance ( 灣仔香港萬麗海景酒店 )

 

不知不覺，又到了聖誕節！


雖然疫情有點反覆，但總想要跟家人或朋友慶祝，最佳用餐地點就一定係自助餐。


尤其是有各種聖誕特色食品，無須大家費心思，今次就介紹位於灣仔萬麗海景酒店的 Cafe
Renaissance。


聖誕節當然要食烤火雞啦！大廚特意選來英國的火雞，因為體形較細，肉質相對會更嫩滑，而事實上又真係做到預期效果。


另外會有 Honey Glazed Ham，切了薄薄的兩片享用，的確一點都不“嚡”口。


伴碟有蜜糖栗子、燴小捲心菜、薯泥及紅椰菜。


甜品有Panattone Bread Pudding、Chestnut Mont Blanc、Christmas Log Cake、Matcha Tiramisu 以及 Mince Pie，每款都裝飾得滿有聖誕氛圍。


而飲品就有節日獨有的 Mulled Wine，濃香的肉桂味，再加上一杯熱燙的朱古力，呷了兩口，整個人都和暖了。


以上的都是聖誕期間提供，而餐廳原有的陣容都非常吸引。

生蠔


實在好耐無見過生蠔係自助餐出現，今次仲要有

Breatagne “France”同埋St. Vasst “France”兩款，新鮮蠔味重，雖然每次只限拎三隻，想食可以走多幾轉。


海鮮


首先有芝士焗龍蝦，肉質好鮮嫩，每口都帶濃郁的芝士味。

最鍾意龍蝦鉗，點解？可以啖啖肉嘛！加些小紅醋味道更鮮。



同蟹有仇既朋友，茅頭一定指向爆膏加菲蟹，簡簡單單開兩半，想食無難度。


仲有鮮甜的鱈場蟹腳、煙韌的海螺以及爽甜的海蝦。


刺身

有我喜歡的帶子，夠肥大肉厚，質地細嫩。


加埋八爪魚、仿鮑片、吞拿魚同三文魚，解凍做得幾好，毫無雪味。


Carving Station

種類真係罕見地多。


原條烤三文魚，多了一份焦香的口感，而肉質卻又保持嫩滑。


對魚無興趣的話，若閣下係食肉獸，大可選擇燒肉眼、燒羊腿甚至是燒雞，總有一款合你心意。


另外，仲有烤豬扒同焗鱸魚柳，基本上牛、豬、羊、雞及魚都有，係咪好誇張呢？


熱葷



熱葷中竟然有蒸盤龍鱔，比起常見的蒸海魚，多了一分驚喜，不過食既時候要小心，因為多碎骨嘛！


而翠玉瓜炒牛柳就好有家常菜的感覺。


想不到椒鹽大蝦比起好多酒樓出品要好，蝦殼脆卜卜，好香口同惹味。


至於海帶煮蜆，食落毫無碎砂，肉質鮮嫩，好味。


近日天氣凍凍地，最啱食返碗糯米飯。


燒味類有自家出品燒豬腩同豉油雞，都值得一試。


日式串燒

牛柳真係無得輸，燒得啱啱好，如果再有焦香就更正。


想健康？可以食秋葵同甜薯。


當然有小朋友喜愛的八爪魚丸子。


湯

蟲草花淮山燉排骨

燉湯一向係強項，清甜入味，而且每次不同，當然要飲返兩盅。


另外仲有蟹柳南瓜湯同花椰菜白腰豆湯，想飲西湯亦不愁沒選擇。


台式牛肉麵

灼料吧今次又有新攪作，就係台式牛肉麵，而且有牛肉湯及菜湯，牛肉真係炆得夠稔同惹味，白麵底掛上湯汁後，好食到難以停手。


Cheese

有Emmental、Gorgonzola以及Brie Cheese。


Cold Cut及沙律

想輕食一點，大可試試莎樂美腸、風乾牛肉、辣肉腸與煙三文魚。


又可以DIY 自己喜歡的沙律拼盤。


當然又有廚師特製的吞拿魚沙律、烤南瓜沙律、海鮮沙律、Waldrof Salad、烤牛肉芹菜沙律及紅菜頭沙律。


甜品



當然有哈根大師的雪糕，味道有雲呢拿、Mango & Raspberry、Strawberry & Cream 及Coffee，全部都係小杯，方便衛生。


而甜點方面，原個蛋糕中，Cheese Cake 雲石似的紋理，芝士味好濃郁、藍莓慕絲蛋糕賣相好吸引，食落亦滑溜。


而Chocolate Rocky Cake層次分明、柚子蛋糕帶點和風，味道亦覺清新。


喜歡不同質感的，又有Pandan Cliffon Cake及朱古力橙蛋糕。


若果嫌原個蛋糕太麻煩，亦有迷你版甜品。

個人始終偏好香甜的芒果布甸及帶微酸的Vanilla Red Fruit Panna
Cotta。


仲有Chocolate Bon Bon、Chocolate
Mousse、Madeleine Cake及Cookies。     


P.S :

聖誕節前夕– 12月15至23日(8折)

自助午餐： 12 p.m. – 2: 30 p.m.

成人港幣$ 488+10% 服務費；eShop優惠價港幣$ 439.20（已包加一服務費）|

小童（3 -11 歲）港幣$ 288+10% 服務費；eShop優惠價港幣$ 259.20（已包加一服務費）

 

自助晚餐： 6:30 p.m. – 9:30 p.m.

成人港幣$ 788+10% 服務費；eShop優惠價港幣$ 709.20（已包加一服務費） |

小童（3 -11歲）港幣$ 468+10% 服務費；eShop優惠價港幣$ 421.20（已包加一服務費）

 

平安夜及聖誕節 – 12月24及25日(85折)

自助午餐： 12 p.m. – 2: 30 p.m.

成人港幣$ 628+10% 服務費；eShop優惠價港幣$ 596.60（已包加一服務費）|

小童（3 -11 歲) 港幣$ 378+10% 服務費；eShop優惠價港幣$ 359.10（已包加一服務費）

 

自助晚餐： 首輪：5:30 p.m. – 7:30 p.m. | 次輪：8 p.m. – 10 p.m.

成人港幣$ 888+10% 服務費；優惠價港幣$ 843.60（已包加一服務費）|

小童（3 -11歲）港幣$ 528+10% 服務費；優惠價港幣$ 501.60 （已包加一服務費）

 

除夕 – 12 月 31 日(85折)

自助晚餐： 6: 30 p.m. – 9:30 p.m.

成人港幣$ 888+10% 服務費；優惠價港幣$ 843.60（已包加一服務費）|

小童（3 -11歲）港幣$ 528+10% 服務費；優惠價港幣$ 501.60（已包加一服務費）

 

酒店專頁 : Renaissance Harbour View Hotel
Hong Kong

 

地址
: 灣仔港灣道1號香港萬麗海景酒店閣樓

 

電話 : 25846973 / 28028888

 

味道 : 4  環境 : 4  服務 : 5  衛生 : 5  抵食 : 4  位置 : 4

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

不假外求 X 盡享海天一色 X 吃喝玩樂24 小時 @ 沙田凱悅酒店

 

一轉眼就到聖誕節，仲未買到機票去玩？無問題，暫時係香港食住玩都仲係好抵。


上個月就同太太及囝囝去了沙田的凱悅酒店，畢竟係正大學站內，好有遠離市區的感覺，但隔離係火車站，行過去5分鐘腳程，出入又超方便喎！

今次入住26樓的［嘉賓軒海景套房］，窗外可遠眺吐露港的優美景致，踫上了好天氣，靠坐窗邊，感受一下寧靜的氛圍，與及和煦的陽光，是倍覺怡人。

房間分客廳及睡房兩區，各設有電視機及洗手間，夠晒方便，更加有煮食區，半夜肚餓都可以煮下麵。

由於套房關係，想 Check-in 可直上25樓辦理，亦可以享用同層的Regency Club 設施，包括午間提供酒類飲品時喝上一杯。

當然，午間的指定時段，Regency Club是有食物及飲品提供，至於其他時間，客人可隨時到訪，開支Sparkling Water慢慢嘆。

畢竟是大型酒店，泳池都比一般酒店為大，而且窩心地有泳衣出售，方便忘記帶泳衣的朋友，泳池更有練水道，方便“操”水的客人，當然，亦有小朋友的嬉水區。

如果是“旱鴨子”，但又想做運動，請放心，酒店有大型健身室，跑步機及划艇等設備任玩，仲要係好新。

活動過後，又到醫肚時間。

凱悅咖啡廳的Buffet一向出色，今次仲加強陣容，先講下每晚另加菜色，先有即劏油甘魚，再來芝士火焰龍蝦，壓軸係火焰斧頭扒同牛柳，原先本身有任食鮑魚及花膠，即煎鴨肝同龍蝦，甜品係鯛魚燒加埋即製黑森林雪糕杯，聽見已經夠吸引了吧！( 詳細食評 )


食完飯返上房，晚上的吐露港景色，更是另有一番優美寧靜的感覺，好舒服。

一覺醒來，又係時候去充電，因為套房關係，客人可在25樓享用早餐，人數較少，但食物種類相對較精緻，但自已想食多幾款，就選擇了咖啡廳。

早餐實在相當豐富，簡單的講下些少。

蛋類除了基本即煎雞蛋、炒蛋、烚蛋同奄列外，更有班尼廸蛋，係咪好有驚喜呢？

中式點心有牛肉燒賣、燒賣、韮菜餃、流沙奶黃包、雞粥、豉油王炒意粉、炸蝦角、白菜豬肉湯餃、煎蘿蔔糕同炒菜。

想飽肚，仲可以食碗麵。

另外有cold cut，辣肉腸、牛脷腸、火雞火腿。

麵包就有丹麥包、牛角包、菠蘿包、法包、農夫麵包、甜包、鬆餅同全麥麵包，加加埋埋超過十款，配上迷你樽裝果醬，就更加衛生。

飲品有蘋果汁、甘筍汁及橙汁，當然有奶類及乳酸類，值得推介係餐廳自家調製的羽衣甘藍菠蘿汁，色澤毫不吸引，但健康又香甜，必飲。

好好地享受完早餐，又可以去多之健身室做下運動，望住室外蔚藍色的天空，心情都特別開朗。

兩日一夜好快就過，但有種令人遠離繁囂，跟家人開開心心相聚的感覺！未知下次又會去邊呢？

Facebook專頁 : Hyatt Regency Hong Kong, Sha Tin

 

地址
: 沙田澤祥街18號沙田凱悅酒店

 

電話 : 3723 7952

 

味道 : 4  環境 : 4  服務 : 5  衛生 : 5  位置 : 4

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

馬來西亞榴槤飄香 @ Café on M ( 尖沙咀海景嘉福酒店 )

 


今年好怪，好多時令食材都遲了出現，先係早兩個的大閘蟹，到家陣的榴槤，都似乎慢了幾拍，但點都好遲到總好過無到。


位於尖沙咀的「海景嘉福酒店」的自助餐，近日聯乘「榴槤千金」，推出以榴槤作主題的「馬來西亞榴槤飄香」自助餐，而且全屬國賓AAA級榴槤，第一日已經 full house，看來食客收風的能力好強。


今次以榴槤作主題，一於就同大家講下是日所有榴槤菜色先，不過要注意一點，就係供應期好短，由11月28日至12月9日，想食就要快手。

由最簡單而又最吸引的榴槤肉到熱葷、燉湯、炸物、烤焗以至甜品，都可以見到榴槤的踪影，榴槤控真係隨時失控。

榴槤 Platter

每位客人會獲發換領劵一張，憑劵可換取四款榴槤，按味道的濃淡，建議由謎之槤起動，然後是蘇丹山、高山XO以及貓山皇，味道逐步提升，享受是更進一步。

香脆炸榴槤

早幾年其實對榴槤都係一般，有時候更加係敬而遠之，但自從試過炸榴槤後，情況大為改善，近年都多了接觸，亦開始感覺到榴槤的魅力。

榴槤炸得外脆內軟，色澤金黃，火喉與炸漿處理得好，好味。

榴槤四重芝士薄餅

將榴槤化入薄餅是近年趨勢，效果亦好好，邊位脆卜卜，而中間位軟熟香甜，值得一試。

榴槤壽司

又是一道幾受歡迎的菜色，大大舊榴槤肉放在壽司飯上，不錯。

榴槤燉雞湯



用上貓山皇來燉雞，湯底鮮甜得可以，榴槤味的香甜溶入湯裡，可以的話不妨飲多兩盅。

泰式榴槤雞肉咖喱

充滿了熱帶風情，亦好受食客歡迎的菜色，辣辣地又幾得意。

泰式香葉肉碎榴槤薯蓉批

喜歡泰式風味，可以試試，榴槤與薯蓉又不覺得違和。

榴槤化入甜品比較容易，變化亦多。

榴槤班戟

真心喜歡的甜品，Q彈的班戟是即製的，兩片中放入榴槤肉，簡單直接的衝擊味蕾。

仲有榴槤朱古力撻、榴槤沙翁以及榴槤泡芙，各有不同的質感，試完相信已半飽。

海鮮

雖然有榴槤作前鋒，但基本菜色可以話依然強大。

爆膏肉甜有麵包蟹，但蟹殼有點硬，食得麻煩些少。

肉質鮮甜又點少得加拿大鱈場蟹腳吖！

加上大大隻翡翠螺、咸鮮的小龍蝦、爽彈的海蝦、肉嫩的海蜆及藍青口，海鮮陣容都幾好。

刺身

有北海道帶子、劍魚腩、三文魚、吞拿魚、鯛魚及八爪魚。

個人最鍾意肥大肉厚的北海道帶子以及比較少見劍魚腩。

壽司

雖然有酥炸蝦牛油果加洲卷和雜錦壽司，但個人覺得熱葷更吸引。

中湯是榴槤燉雞，先前已介紹過，西湯簡單一點，是粟米忌廉湯，都幾濃稠。

Carving Station

香烤牛臀肉

似乎有點過熟，如果可以做到medium rare會更好。

扒紐西蘭羊架

細細隻個人覺得反而幾好，肉質細嫩，蘸點mint jelly來辟羶更加滋味。

加上伴碟的燒菠蘿同蜜糖燒什菜。

另外，每晚大約7點半都有一道限定菜色提供，而是晚是烤乳豬。

熱葷

海鮮焗釀蟹蓋

能在自助餐中提供蟹蓋，相信全港不出10間，或者一隻手數晒，而且又幾足料喎。

臘味煲仔飯

12月都到冬至，食臘味煲仔飯暖暖身最好。


食得飯，可以加XO醬西芹炒蝦仁青口來送飯，又幾惹味喎。

肉嫩淨肉的薑蔥清蒸石班更不可少。

加上蠔油草菇白菜、泰式燒雞扒、燒腩仔、紅酒什菜燴牛肉、日式炸仿帶子、咖喱魚、印式免治羊肉以及印式薯仔椰菜花咖喱，相信可以滿足大家。

Cold Cut 及芝士



有巴馬火腿、什錦凍肉拼盤、什錦芝士拼盤和煙三文魚。

沙律

想清新一點，可以DIY田園沙律，亦有吞拿魚尼斯沙律、咸酸菜素雞青瓜沙律、蟹肉千島蜆殼意粉沙律、泰式蟹肉柚子沙律及日式什錦醃菜供大家選擇。

越式牛肉粉

牛骨湯底好清但香，相信當湯飲都無問題，從粉絲及金邊粉中選了金邊粉，配上牛柏葉、生牛肉、蝦、扎肉、牛腩、牛筋、豬肉丸及生菜，超正，值得大家試一碗。

甜品



首選當然係罕見既即製Tiramisu，濕潤鬆軟的口感無得輸。

雪糕櫃有哈根大師靜候大家享用，最開心係口味與眾不同，有Cherry &
Blackberry、比利時朱古力、Strawberries & Cream、Match & Green Tea、Twist & Crunch 以及 Watermelon & Strawberry，口味比平日見常的有所不同，難怪超受歡迎。

其他甜品有紐約芝士餅、紫薯撻、士多啤梨慕絲蛋糕、三重奏朱古力蛋糕、抹茶千層蛋糕、桂花糕、抹茶蛋糕、葡撻、香梨合桃撻及豆腐花。

個人推介甘甜的抹茶千層蛋糕同埋芳香馥郁的香梨合桃撻。

Facebook 專頁 : InterContinental Grand Stanford Hong Kong

 

地址 : 尖沙咀麼地道70號海景嘉福酒店M層

 

電話 : 2731 2860

 

味道 : 4  環境 : 4  服務 : 4  衛生 : 4  抵食 : 4  位置 : 5

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

火焰龍蝦 X 即劏油甘魚 X 火焰斧頭扒 X 任食鮑魚同花膠 X 無法一次盡掃的Buffet @ 凱悅酒店咖啡廳 ( 沙田凱悅酒店大堂 )

 


每次去沙田凱悅酒店，總係令人諗起熱辣辣既火焰叉燒，皮薄香脆既烤鴨同埋別出心裁既中式甜品，當然，仲有佢既蜜糖蛋糕。訂遲少少都要明天請早。


上星期就同太太及囝囝去了 Staycation 充電，原先諗住食沙田18既名物，但有大食囝囝一齊，即刻轉軑食Buffet。

其實酒店內既自助餐都有好一段日子無去，之前都已經覺得不錯，最近有嘴刁朋友食過，竟然大讚，更加令人心思思。

先講下重中之重，係每晚有三個特別時段，當然會有服務員提示大家。

第一個重點［即劏油甘魚］，每人有三片，新鮮自然美味。

再來是［火焰芝士龍蝦］，因為要放火，大家就算想影相，都要注意安全企開少少。

帶有酒香的龍蝦，仲要熱辣辣，半溶的芝士令龍蝦更添香氣。

第三道是個人覺得最吸引的［火焰澳洲斧頭扒及牛柳］，澆上烈酒的牛扒，烤得吱吱作響，陣陣肉香在夜空中四溢，真是令人食指大動。

海鮮



波士頓龍蝦當然係任食，仲要隻隻爆膏，肉質又非死實，有質素。

仲有已褪殼的螺肉、爽彈的凍蝦、啖啖肉既扇貝以及甜美的長腳蟹爪。

刺身



竟然有我鍾意既帶子，肉質幼嫩不在話下。

太太就喜歡甜蝦，不過就要替佢剝殼。

加上囝囝最愛的三文魚，仲有吞拿魚、八瓜魚同希靈魚。

熱葷

好少見熱葷的陣容勁度有點誇張。

先係［紅燒花膠］以及［紅燒鮑魚］已經屬於一大亮點，因為係 free flow 任食，尤其是花膠都好大塊，亦都炆至出骨膠原，食落有黏嘴的感覺。

另一道令人咋舌的菜色，就一定是超大份［東坡肉］，一整鍋的東坡肉賣相滿有霸氣，但又散發出誘人的香氣，旁邊是刈包，把炆得入口即化的扣肉放上，再加入漬蘿蔔絲，平衡油膩的口感，刈包鬆軟可口，雖然感覺有點邪惡，但偶爾一件都無妨。

聽說在最受歡迎的熱葷中，［清蒸石班］是穩佔一席，無他，超過三斤的石班而又蒸得啱啱好，魚骨隱約帶血絲，屬於非常難得，火喉控制絕佳，肉質依然嫩滑，當然第一時間消滅鮫位。

原以為［水煮魚］屬於小道菜色，豈料都有一定捧場客，魚肉同樣嫩滑是不在話下，辣度恰好刺激了食慾，不錯。

其他幾款熱葷是乾蔥牛仔骨、翡翠炒蝦、油泡花枝片及薑汁芥蘭炒臘味，同樣都是即煮，熱辣辣當然好食。

Carving Station




先來一碟即製［龍蝦汁牛油帶子長通粉］，口感豐腴，而通粉保持 al dente 的質感，相當對辦。

作為回本位之一，［煎鴨肝］雖然邪惡，但點都要試少少，滿有油香的口感好美妙。

其實仲有燒豬肉串、紐倫堡腸、烤羊架、焗盲鰽魚、炒海鮮、烤雜菜、燴牛面肉、焗薯仔同埋炒蘑菇，種類好多。

湯



中湯係火喉十足，好有家庭湯水 feel 既［粉葛赤小豆煲赤肉］，夠晒醇香。

而西湯係［意大利雜菜湯］，同樣好受歡迎。

灼料吧



喜歡澱粉質的朋友，最好自製車仔麵，先選一個雞蛋麵，再隨意按喜好加入生菜、炸魚皮、雲吞、豬紅以及貢丸。

Cold Cut

有香草煙燻三文魚、莎樂美腸、Coppa Ham同Black
Forest Ham。

Cheese



簡單的Emmental 以及 Brie
Cheese。

沙律





有豬手沙律、蕃茄芝士沙律與鮮蝦沙律，清清地都幾好吖。

甜品

甜品區對於甜品控可以話令人失控，因為實在太多款式甜品。

要私下介紹店方名物［黑森林雪糕杯］，即叫即製，係外邊甜品店閒閒地都要一百幾十蚊一杯。

另一款係［紅豆鯛魚燒］，鯛魚燒內是甜美的紅豆，再選擇一兩球雪糕，大滿足。

再來又是一道即製甜品［香蕉班戟］。

雪糕陣容有哈根大師旗下的朱古力、雲呢拿、檸檬雪葩、芒果、Cookie and
Vanilla Ice cream、綠茶以及咖啡。

係甜品區，妳會發覺有一組別具創意的甜品，就係用羅漢果代替砂糖而炮製出一系列甜點。

當中包括了羅漢果糖芒果開心果慕思蛋糕、羅漢果糖雲石芝士蛋糕、羅漢果糖朱古力車厘子蛋糕以及羅漢果糖蛋白餅，甜度來得自然，食得健康，值得推薦比大家。

而玫瑰荔枝乳酪蛋糕滿載馥郁的玫瑰花香。

又有我最愛的 Tiramisu。

同場有草莓吉士她撻、法式千層酥與冬甩。

加上把腐竹煲至完全溶化的［腐竹雞蛋糖水］，仲有葡撻、麵包布丁、朱古力味古早蛋糕同焗杏脯焦糖牛油蛋糕，單係食甜品已經可以半飽。

除了本身有一杯飲品外，餐廳亦特意調配了［蘋果伯爵茶］，令大家可以慳番不少飲品錢。

Facebook專頁 : Hyatt Regency Hong Kong, Sha Tin

 

地址
: 沙田澤祥街18號沙田凱悅酒店大堂

 

電話 : 3723 7952

 

味道 : 4  環境 : 4  服務 : 5  衛生 : 5  抵食 : 5  位置 : 4

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

深秋蟹逅 @ Cafe on M ( 尖沙咀海景嘉福酒店 )

 


中秋過後，秋意漸濃，又係時候食大閘蟹的日子，說起來，今年都比較慢熱，有大閘蟹供應的地方可不多，但想食的，總會有法子。



暫時有大閘蟹供應的地方不多，而尖沙咀海景嘉福酒店的 Cafe on M 正是其中之一。



酒店方面會提供每位一隻大閘蟹，體重大約3兩至三兩半左，而且全是蟹公，蟹膏香滑味濃，但似乎仲可以更好，觀測近日天氣開始轉涼，相信蟹質會更好。



另一款限量供應的是大閘蟹粉鴨肝鍋巴，絕對是邪惡的組合。


置底是脆卜卜的鍋巴，放上肥美的鴨肝，再澆上一層厚厚的蟹粉，口感層次分明，油香四溢，超正。


當然，食大閘蟹一定要有杯薑茶暖胃，而餐廳的薑茶是每日新鮮煲的，薑香十足，必飲。


海鮮

喜歡海鮮的朋友，當然要圍住海鮮區狂掃。


鱈場蟹腳

肉質鮮甜，難怪好多人係拎整整一碟慢慢食。


麵包蟹

又係爆膏蟹，同行有女士可以狂掃一隻半，厲害。


小龍蝦

係酒店食小龍蝦，貨源及質素有保證，食得自然安心，細細隻就嫌剝殼麻煩。


翡翠螺

都幾大隻，韌韌地有嚼頭，幾好。


加埋凍熟蝦、海蜆同青口，陣容不俗。


刺身

港人最愛的Buffet菜色之一。



個人首選一定係肥大肉厚，肉質幼嫩的帶子，再來是少見的劍魚腩。


仲有鯛魚、三文魚、吞拿魚及八爪魚，解凍處理得不錯，沒有討厭的雪味。


Carving Station

Rump

切一片厚厚的 Rump 肉，見滲出血水，是喜歡的medium
rare，肉味夠濃，正。



燒乳豬

每晚只提供一次，乳豬皮要快食，否則就會變韌。


自家製燒腩仔

芝麻皮脆卜卜，五層肉夠肥美。


泰式豬頸肉

炸得好香口，但又不會過焦。


灼料吧



其實之前一次試過冬蔭公湯河，已經覺得比不少坊間餐廳勝一籌，想不到連越式湯河都有水準，湯底清而香，配料有牛腩、牛柏葉、札肉、鳳尾蝦、牛丸、肥牛及牛筋，就連少見的鵝蒂都有出現，下點魚露來提鮮，味道更佳。


熱葷

其實整個熱葷區都有水準，的確有點驚喜。


焗蠔

雖然近排自助餐已經有生蠔提供，餐廳亦有芝士菠菜焗蠔供應，不錯。


香蒜辣椒蟹肉意粉

若然大家同蟹係有仇，今次真係可以本利歸還 因為不單止蟹肉下得重手，而且意粉更有嚼口，辣辣地好惹味。



釀蟹蓋

再來當然又係蟹肉菜色，平時一隻蟹蓋閒閒地都收你一百幾十，家陣可以任食蟹蓋，雖然細細隻，反而不會浪費。


紐西蘭羊架

烤得好嫩，但羊羶味好輕，女士都應該無問題。


乳酪咖喱雞

出奇地嫩而入味，印籍廚師處理得好好。


泰式咖喱炒蟹

好大隻蟹，尤其是個咖喱汁，可以用印度薄餅蘸點享用，滋味無窮。


草菇扒時蔬

食得多肉，不如來點菜蔬。


薑葱蒸石班

並非原條上，而係班塊，也好，大家都食到，因為原條上，好多時食到一半似係比人蹂躪過後，慘不忍睹，家陣人人食到，啖啖肉。


加上咖喱牛、青椒薯仔咖喱、蒜蓉薄餅、印度香飯、焗鱸魚、紅酒雜菜燴牛肉、芝士白汁焗時蔬、XO醬西芹炒蝦仁青口以及櫻花蝦帶子炒飯，熱葷係收貨的。


湯



中湯每天更換，而今日係人參雞湯，甘甘地又清甜，舌底生津，好啱我成日捱夜睇波。


至於西湯是蟹柳粟米忌廉湯。


甜品



雪糕係品牌Häagen-Dazs，原以為都係大路口味，但睇真，竟然係
Watermelon & Stawberry、Matcha Green Tea 以及 Blueberries & Creamcherry & blackberry，係 Buffet 中非常少見。



甜品中的超級亮點，就一定係即製 tiramisu，平日食自助餐都經常食到，但新鮮即製真係第一次，而且質感非常濕潤，入口滿是可可粉的甘甜，愛甜品的朋友，無可能錯過。



另一款要介紹就係班蘭沙翁，甜度恰好，鬆軟有嚼口，不錯。


另外，仲有泡芙、朱古力薄脆蛋糕、伯爵茶朱古力撻、榛子忌廉蛋糕、藍莓撻、紐約芝士餅、桂花糕、抹茶千層蛋糕、抹茶蛋糕、梨子批及葡撻，種類多之餘，質素又有水準，加上細細件，可以食多幾款。


水果

飯後果有西瓜、菠蘿、哈蜜瓜、蜜瓜以及香橙。

 

Facebook 專頁 : InterContinental Grand Stanford Hong Kong

 

地址
: 尖沙咀麼地道70號海景嘉福酒店M層

 

電話 : 2731 2860

 

味道 :
4  環境 : 4 
服務 : 4  衛生 : 4  抵食 : 4  位置 : 5

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

瘋狂的BuffetX花膠海參鮑魚釀蟹蓋X龍蝦牛扒焗蠔煎鴨肝 @ Le Menu ( 灣仔六國酒店 )

 


如果係幾年前話去灣仔六國酒店食自助餐，大家都會話好抵吖，因為$300可以落樓，當然一分錢一分貨是正常的。



但酒店方面近年就算在疫情下，依然大膽革新，將 Le Menu 砍掉重練，關門整整一個作豪裝，由菜色到傢俬食具，全部都換上新貨，令人有耳目一新的感覺。


入口處是誘人的甜品櫃，左手邊是海鮮及刺身吧，再來是熱葷及Carving Station，而大廳盡頭的大相片，正是第一代六國酒店大堂的照片，見證著酒店的悠久歷史。

今次裝潢，似乎是對昔日繁華作出致敬，窩釘包皮的沙發，復古吊燈，串珠垂簾，都隱約回到上海灘杜月笙的年代。

置身其中，時間都彷彿慢走幾圈。

既然裝潢已經有亮麗的感覺，食物當然也不能馬虎。

老實講，我食Buffet過百次，但從未試過一個自助餐有咁多回本菜色。

當中單係花膠，已經涵蓋了沙律、湯、熱葷及麵類，更何況仲有鮑魚、龍蝦、特級牛扒、蟹蓋、焗蠔同海參？真係超誇張。

而且由即日起至9月30號，每位客人獲贈送Kir Cocktail一杯。

全時段：

星期一至四：成人$628 / 小童$438

星期五至日、公眾假期及前夕：成人$688/小童$488

第一時段：（18：00至20：00）成人$528/小童$338

第二時段：（20：15至22：15）成人$588/小童$388





加$48可以無限暢飲汽水及凍果汁，而加$98無限暢飲汽水、凍果汁、啤酒、紅白酒及氣泡酒，但係我想講啤酒竟然係 Stella Artois 同埋 Hoegaarden，飲兩杯已經值回票價，想回本有幾難？

海鮮


海鮮陣容已經比之前作三級跳，不單有肉質爽彈，蝦膏紅彤彤的波士頓龍蝦。

更有麵包蟹及咖菲蟹兩款又係爆膏的蟹類，環顧香港自助餐的確少見。

加上甜美的蟹腳、煙韌的東風螺、嫩滑的青口同爽甜的熟蝦，這個海鮮陣容無得輸，講真，有本事食兩隻蟹加龍蝦差不多可以回本。

刺身



刺身陣容又係不容小覷，有象拔蚌、馬刀貝、八爪魚、甜蝦、吞拿魚及三文魚。

簡單的來一碟4人份，已經覺得澎湃，食落又無雪味，爽甜有致，超正。

熱葷



食自助餐多年，就當我見識少，芝士蘑菇焗蟹蓋真係第一次見，要知道如果係酒店中菜廳食蟹蓋，閒閒地可以收你百幾二百蚊一隻，家陣係可以任食，係咪有點離地的感覺呢？

芝士焗蠔表層的芝士焦糖化，色澤金黃，洋溢著芝士的香味，火喉啱啱好。

標題有提過，就先講燴花膠，並非碎濕濕貨色，炆得入味又夠稔。

再來燴海參，每隻都有食指粗，爽口美味，又係女士恩物，必食。

個人建議，可以的話食全時段，因為燴鮑魚同清蒸星班當晚係第二時段替換，其實相差只係$100，又可以慢慢食仲好啦！

其實食完上述主打菜色，基本上已經飽過一半，但我想講，其他主菜都好有水準，值得留返些少胃納去試試。

先推介白酒青口，一來份量輕盈，食十隻八隻不覺飽，二來肉嫩滑溜，不錯。

再來是清爽的竹笙時蔬，畢竟食得太多肉類，來點菜蔬清清腸胃。

至於欖油香草燒比目魚，屬於西式魚類菜，與中式蒸石班，又是另一種風味。

加上鮮蘋果黑毛豬柳、黑啤雜菜燴羊肉、馬來西亞咖哩、蠔油鴨掌、3.6牛乳海鮮蒸蛋白、海南雞、菠蘿海鮮炒飯以及天婦羅，這個熱葷陣容超強。

Carving Station

一般 Carving Station 都以提供扒類為主，但我個人強烈建議要試試，且聽我娓娓道來。

美國特級有骨肉眼扒配 Yorkshire Pudding

因為燒得太好，而且係自助餐中可說肉質一流，當然來片厚切，有同行朋友更加連骨都不放過，因有油香嘛！

自助餐有 Yorkshire Pudding 比較少見，外層焦香而內裡軟綿，淋燒汁再加牛扒一齊食，真係以為去左扒房。

不怕膽固醇，可以整返件鴨肝，好彩係細細件，入口即化的感覺真好。

又到龍蝦上陣的時間，即煎鐵板燒龍蝦、虎蝦、扇貝及和牛粒。

熱食龍蝦與凍食係兩種風味，當然要試試；扇貝煎得緊熟，肉質柔軟，大可encore。

胃納大的的朋友，不妨來一件片皮鴨。

湯



西湯是濃稠的龍蝦湯，配件法包一流。


而中湯是原盅淮山杞子燉花膠湯，醇厚芳香，火喉足，當然要飲。

灼料吧

又係花膠出場。

主食有花膠鮮蝦烏冬及花膠雞肉拉麵，而湯底是豬骨湯及雞白湯，花膠係大大塊，食得好滿足。

Cold Cut 及 Salad



必食有麻辣秋季花膠沙律同泰式柚子花膠沙律，因為加入了花膠元素。

至於龍蝦Jelly同海鮮Jelly，口味都幾創新。

當然仲有較常見既凱撒沙律、刁草煙三文魚、莎樂美腸、Coppa Ham及菠菜蛋批，試過三文魚同蛋批，水準不錯。

芝士

有車打芝士、丹麥藍芝士以及 Brie Cheese。

甜品

甜品凍櫃就在入口處，全都是自家製作，除了迷你版供自助餐享用外，更有足本原個版，好讓客人選購。

先推介即製窩夫，蛋漿調教得好好，焗完有好強的蛋香又微脆，而師傅落蛋漿的份量恰到好處，兩邊一合一轉，不見有多餘的蛋漿流出，焗好亦無須用較剪修飾，熱辣辣再加杯雪糕，美味。

而香脆的芒果拿破崙就想師傅重手些少，放多兩片芒果肉就最好。

甜品仲可以食埋芒果糯米飯、Créme
Brulee、班蘭椰汁奶凍、荔枝玫瑰紅莓蛋糕、焦糖蘋果芝士蛋糕、柚子蘆薈果凍、藍莓芝士餅、杏仁香梨蛋糕、雜果忌廉蛋糕、葡撻以及麵包布甸。

雪糕有Häagen-Dazs提供，有Cookie & Cream、朱古力及士多啤梨三款口味，而且係小杯裝，既衛生又方便，食多幾杯無問題。


仲有 Mango & Raspberry、Chocolate Choc Almond以及 Matcha Green Tea
& Almond三款雪糕雪條。

飯後果有西瓜、菠蘿及哈蜜瓜。

趁仲未有太多人知，係時候走返轉啦！

Facebook 專頁 : 六國酒店

地址
: 灣仔告士打道72號六國酒店1樓

 

電話 : 28663808

 

味道 :
4  環境 : 4 
服務 : 5  衛生 : 5  抵食 : 5  位置 : 5

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

凍熱龍蝦任食 寵物友善餐廳 @ The Farmhouse ( 北角香港維港凱悅尚萃酒店 )

 

近幾年經常要出入北角，都習慣了係附近搵食，而 Hyatt
Centric 的自助餐，又的確好受歡迎。


對上一次來，大概有半年以上，餐廳景色依舊，客量卻似乎多了，也算是好事，畢竟再來一波疫情，大家真的支撐不了。

靠窗一邊是海景，多是情侶二人，避免了其他人在身邊出入，打擾了情緒。

而且更是寵物友善餐廳，客人可以攜帶自己心愛的毛孩一齊用餐，真開心！

未食就先講下收費 :

星期一至四 6:00pm~10:00pm 成人$668 長者或小童$388

星期五至日、公眾假期及公眾假期前夕 成人$738 長者或小童$418

當然，經官網預訂是可享75折至8折的優惠啊！
但亦有分5:30pm~7:30pm 以及 8:00pm~10:00pm
兩個時段，收費是較相宜。



海鮮



作為自助餐重點，爆膏波士頓龍蝦一定必食，仲可以由頭食到埋單，睇下你食得幾多？

除了龍蝦，不如來隻半開咖啡蟹，蟹痴不可錯過。

其他仲有凍蝦、海蜆及大大隻翡翠螺。

刺身



有油甘魚、三文魚、吞拿魚、八爪魚及希靈魚，最好就一定係整返碟刺身拼盤慢慢嘆，而且解凍處理得好好，食得安心。

Carving Station

燒安格斯牛西冷

切一片中間位，目的係要肉質較生有嚼口，味道不錯。

而少有的燒豬腩卷，最愛皮位燒至脆卜卜。

又有雞肉串及羊肉串，同樣燒得好香口。

熱葷



首選一定係即製紐紋粉配蘑菇松露醬，熱辣辣食，芝士香味四溢，口感豐腴，又有嚼勁，正。

喜歡的，又可以配兩粒意大利茄醬肉丸。




其他菜色有燒鯖魚柳、松露薯蓉及煙肉洋蔥四季豆。

至於中式熱葷，就一定會選上湯龍蝦伊麵，麵身炆得夠稔又入味，原隻龍蝦斬件，絕不欺場，麵條沾上了龍蝦汁就更惹味。

再來是超大條的古式蒜茸豆豉蒸比目魚，可以話啖啖肉，又無碎骨，最啱自己。

另外幾款中式熱葷，都好有家庭菜的氛圍，譬如蟲草花北菇雞、豆豉鯪魚油麥菜、欖菜肉鬆炒飯、咖喱豬皮及鹽水豬紅。

燒味



有自家出品的豉油雞、叉燒、紅腸、滷水蛋以及豆腐。

個人覺得叉燒偶爾不錯，點解？因為部分叉燒較瘦，無乜冰肉位，未夠肥美，但遇上有的話，又滿有肉香，真係要睇時機。

湯




西湯是蕃茄濃湯，酸酸地幾開胃，而中湯是家常湯feel的甘筍豬骨湯。

灼料吧

以前經常係深圳食四川菜，香港近年都多了同類餐廳，不過就貴好多，四川麻辣湯底雖然話係少眾口味，但都有一定捧場客，配以豆卜、豬肉丸及魚蛋，味道不錯，辣辣地幾刺激胃口。

點心



以為早餐先有點心，家陣都有蝦餃、燒賣同叉燒包，不過酒店無中菜廳，相信未必係自家出品。

芝士

有Camembert、Morbier
AOP（Fiouve）以及Comte。

沙律



有專屬的沙律吧，仲可以有專人調製，又幾特別。

個人推薦水牛芝士沙律，好濃香的芝士味，沙律菜清爽怡人。

仲有凱撒沙律、日式鯛魚沙律、薯仔沙律、希臘沙律、甘筍子椰菜絲沙律同埋雞絲拌米粉，都幾多選擇。

Cold Cut



個人喜歡以西班牙火腿 Serrano Ham配蜜瓜，咸甜夾雜的感覺真正。

當然仲有意式肉腸 Mortadella、莎樂美腸 Salami同Homemade Salmon Gravlax。

甜品



最吸睛一定係旋轉雪糕機，內裡是咖啡、綠茶雲呢拿、芒果雪糕、抹茶、士多啤梨、清薑雪糕、Tiramisu
及 Rum Raisins口味，想食幾多都得。

先講下個人心水。

仲未有得去日本，就梗係先食櫻花水信玄餅。

仲有香甜既芒果布丁，酸甜夾雜的紅莓朱古力慕絲蛋糕。

喜歡甜品的朋友，仲有焙茶卷蛋、開心果紅莓蛋糕、無花果抹茶泡芙及鮮果撻。

除了凍櫃的甜品外，另設有甜品區。

個人鍾意口感QQ的三色烤糰子以及豐腴的朱古力撻。

仲有雲呢拿撻、焗朱古力布丁、聖安度蛋糕同埋雲石芝士蛋糕。

飲品

自助飲品有茶包供應，有薄荷茶、茉莉花茶、洋甘菊、英式早餐茶及伯爵茶，想飲幾多杯要幾濃，悉隨專便。

Facebook 專頁 : Hyatt Centric Victoria

Harbour Hong Kong

餐廳專頁 : The Farmhouse

地址
: 北角北角邨里1號香港維港凱悅尚萃酒店西座2樓

 

電話 : 3896 9896

 

味道 :
4  環境 : 4 
服務 : 4  衛生 : 4  抵食 : 4  位置 : 4

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip

全方位星馬風味 @ Cafe bord de Mer Lounge ( 香港愉景灣酒店 )

 

我相信聽取意見，是進步的原動力。


幾個月前，曾有朋友N兄慶祝結婚周年入住愉景灣酒店，而事後呻自助餐水準比預期有落差，但近日換了新主題，而跟太太又想四處逛逛，當是郊遊都不錯。

可能是暑假關係，是日餐廳全滿，而且佔了差不多一半是小朋友，氣氛非常熱鬧。

今次餐廳主打星馬菜色，其實好啱我，點解？早幾年同太太去新加坡再度蜜月，可以係一日之內，食齊發起人、黃亞細同松發三間名店，仲未計早餐同埋胡椒蟹做晚餐，諗返起，都可以同大家另文分享。

不過有一點可以肯定，就係自己鍾愛肉骨茶，坊間有新加坡同馬來西亞版本，兩者在味道上是迴異。

今次兩地的肉骨茶都有提供，新加坡風味白胡椒肉骨茶，加入蒜頭及胡椒，辛勁好重，湯色較清，但馬來西亞式藥材肉骨茶就好重當歸味，色澤亦較深黝，總之是各有捧場客。

Carving Station

香蒜百里香烤羊腿

啖啖肉，羊羶味輕盈，不錯。

新加坡風咖啡骨

帶有咖啡的香味，骨膜位有油香，送啤酒一流。

沙嗲串（牛雞）

當年出差去沙巴，當地人每次都以半打計，尤其是下午茶時間，一杯拉茶，一打沙嗲，又真係幾爽，今次食落又幾好，因為不會太乾身，又香口。

砂勞越黑胡椒蝦好入味，不過都幾辣下，食得到先好試。


至於其他星馬菜色有南乳脆香肉、參巴魷魚鬚、星洲黑醬油炒蘿蔔糕、海南雞飯、炒貴刁、新加坡式印度煎餅、巴東牛肉、新加坡辣椒軟殼蟹以及參巴醬炒通菜。

但好可惜無胡椒蟹同麥皮蝦，加埋上去就完美了。

海鮮



提供鱈場蟹腳、翡翠螺以及熟蝦，論體形都是比較大隻，而且質素幾好。

刺身



有八爪魚、三文魚、吞拿魚及希靈魚，雖然選擇不多，但解凍處理得不錯，沒有討厭的雪味。

壽司

有蟹籽、熟蝦、玉子及腐皮壽司。

熱葷



水瓜柳鮮茄燴豬串骨

肉質幾嫩滑，而且一點都不膩。

和牛面頰肉

炆得好稔好入味，肉味亦好香。

水煮牛肉

辣辣地好開胃，牛肉又不覺韌。

其他中菜有上湯娃娃菜、雞絲炒飯、瑤柱海鮮玉子豆腐蒸蛋及蒸鱸魚，都有照顧到不太愛星馬菜的朋友。

灼料吧



星馬菜中，叻沙當然不能少。

紅彤彤的湯底，呷一口，辛香有度，夠濃稠，有水準。

配料有海蝦、鮮魷、雞肉、魚蛋、魚角、豆卜、溫室豆苗、芽菜、通菜及雞蛋。

麵底就以米粉混油麵 加上芽菜，令口感更佳。

說真的，整碗麵與專門店有得比，值得食返碗。

沙律



很開心沙律再不是千篇一律，而是盡顯星馬元素。

單係睇下菜名已經吸引。

單係一道DIY Rojak，加入自己喜歡的材料，例如大樹菠蘿同石榴，盡見風味。

個人推薦香蕉花蝦肉沙律及（蘇東）魷魚沙律，充滿亞熱帶風情。

仲有娘惹酸菜、馬來春卷、烤豬頸肉青木瓜椰子沙律、涼拌蟲草花翡翠苗及參巴辣椒涼拌蜆仔，係咪好有特色，不落俗套呢？

湯

西湯係蘑菇忌廉湯，滑溜中有些少粗粒，反而幾啱我。

中湯是蘋果雪耳甘筍豬骨湯，好有家庭湯水的感覺。

甜品


先講講有Movenpick雪糕，有Swiss
Chocolate 、士多啤梨及香草味。

不單止有大牌子雪糕，更有榴槤、黑糯米及山藥雪條，非常有特色。

其他甜品都是星馬風味，有QQ口感的泰式彩虹千層糕；homemade棉花糖條；去親新加坡機場必買的班蘭咖央海綿蛋糕。


仲有Jelly鮮果條、雞尾酒Jelly、朱古力蛋糕、榴槤海綿蛋糕、芒果糯米飯及新加坡蕃薯喳喳，計落又真係幾豐富。

雖然網上有負評，但自己親身體驗過又不是這回事，至少主題食物係到位，問題不大，部份仲幾好食，但基本食物反而有加強的需要。

酒店專頁 :    Cafe-bord-de-Mer

地址
: 愉景灣海澄湖畔路88號香港愉景灣酒店地下

 

電話 : 2295 8299

 

味道 : 4  環境 : 4  服務 : 4  衛生 : 4  抵食 : 3  位置 : 2

 

希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!

 

http://www.facebook.com/foodiephilip