《點心風雲錄XVIII》景色怡人 X 點心出色 @ 紅糖 ( 紅磡香港嘉里酒店 )

 

苦候多時,終於可以了無拘束的在街上走動,即時有朋友相約飯聚,地點就選了紅磡嘉里酒店的紅糖中菜廳。



自從中菜行政總廚余偉經掌廚以來,每每都有驚喜,今次就試試新舊菜色。



率先要分享的,必定係[紅糖金魚餃],押得上紅糖名號,當然有信心,以鱈魚肉替代常用的蝦肉,加入欖菜更是別具用心,賣相神似一條游動中的金魚,在陽光下閃閃發光,真的有點捨不得咬下去。


今次亦是以點心為主,一碟三款點心是[松露野菌餃]、[巴馬火腿黃橋燒餅]以及[鱘龍魚籽富貴蝦餃]

先講講[松露野菌餃],外層加入菜汁,令餃皮呈淡綠色,相當好看,野菌味好突出,絲毫沒給松露的味道蓋過,反而有提香的感覺。

另一款是[巴馬火腿黃橋燒餅],望落真係好似煎堆,餡料卻是巴馬火腿,好一道融合了片西的點心。


鱘龍魚籽富貴蝦餃]就 顯得相當矜貴,澄麵粉皮搓得通透,瀨尿蝦肉甜美可口,放上了鱘龍魚籽味道更鮮,少許金箔,黑金相間,好睇又好食。


又是一碟三款點心,賣相絕佳之一係[玫瑰花富貴蝦凍],果凍之內是加入玫瑰花的瀨尿蝦肉,質地軟鬆可口,又有玫瑰花香,很特別。

三款點心中,最得我心必定係名物[楓糖黑豚肉叉燒],本身已軟熟有嚼口,醃得夠蜜味,尤其是冰肉肥美,配返碗白飯一流。

以新鮮檸檬汁來處理[檸檬蝦球],清香的檸檬味,蝦肉爽彈,掛上了鮮檸汁後,酸酸甜甜的,非常惹味。

有朋友念念不忘[脆蝦紅米腸粉]點心,以紅米水作腸粉皮,色澤艷麗,咬落中間微脆,好味其實好簡單。

[淮揚玉液泡星班球]又是一道貴氣菜色,星班肉質細緻嫩滑,本身已經好鍾意,再以濃郁的雞湯泡浸,找不到不好吃的道理。

對於喜歡喝湯的朋友,[原個椰皇燉花膠鮑魚]必定令你回味無窮,先燉好花膠鮑魚湯底,再加入椰皇肉及椰皇水,清甜度爆燈,一揭開蓋,陣陣醇香隨之而來,湯色清澈見底,精華都跑到湯裡,以時間換來的美味,超正。

身邊相熟的朋友,都知自己好鐘意食柚皮,這道[蝦籽柚皮關東遼參]就深得我心,柚皮苦澀味盡去,入口軟綿,扣得入味,關東遼參充滿了骨膠原,扣得入味,對自己這類中年人好啱,真係要補補。

最後當然係甜品時間,[紅糖甜品拼盤]當中有齊琥珀核桃酥、金果香芒玉露及奶黃小柑桔。

女士們最喜歡[奶黃小柑桔],除了神似外,有柑桔的清香,內裡的奶黃甜滑,大滿足。

[金果香芒玉露]根本是楊枝甘露的強化版,加入金奇異果就更健康。

真心佩服紅糖的甜品師傅,每次琥珀核桃酥]都得真既一樣,核桃的質感與口感,都屬無得輸。

Facebook 專頁 : Kerry Hotel Hong Kong


地址
:
紅磡紅鸞道38號香港嘉里酒店7

 

電話 : 22525279 / 22525888

 

味道 : 5  環境 : 5  服務 : 5  衛生 : 5  抵食 : 4  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

聯乘 Van Cleef & Arpels 春日 Afternoon Tea @ Cafe Causette ( 中環香港文華東方酒店 )

 

自從可以脫下口罩後,大家的笑容都多了,話題更是談天說地,聊過不停,也許Afternoon Tea就最適合同朋友聊天傾近況的好時光。


更何況好多下午茶都會同大品牌合作,而今次中環文華東方酒店的 Cafe Causette 就聯乘了有過百年歷史 Van Cleef & Arpels,推出了充滿春天氣的 Afternoon
Tea
,但供應期只到331日,兩位享用$828,而一位是$428

Sandwiches

其實餅廚確實大膽,一口氣送上四款三文治,當然是有足夠的自信,以及不會令客人生厭。

Prawn Cocktail, Mango, Lettuce

先是大蝦配以芒果及生菜,口感清新爽朗,入口有芒果的香甜,不錯。

Egg Salad, Mayonnaise,
Cilantro, Cucumber

再來是雞蛋沙律,混和了蛋黃醬、荽茜及青瓜,同樣是甜美可口。

Poached Salmon, Sour Cream,
Lemon, Dill

之後是水煮三文魚加入酸奶油、檸檬及茴香,魚肉是預期中的軟綿,以酸奶油平衡了魚油的感覺,加上檸檬及小茴香,好味。

Prime Rib Eye, Cabbage Salad,
Horseradish, Whole Grain Bread

係全穀麵包內有肉眼、捲心菜沙律以及帶辛香的辣根,平衡度拿捏得好好,可說是四款中最喜歡的一種。

Savoury

Coronation Chicken Vol-au-vent

另上的 Coronation Chicken Vol-au-vent 小巧細緻,一口一件,餡料雞肉嫩滑,外層酥皮焗至香口,仍保持亮麗的色澤,火喉完美。


Dessert



Rene Magritte “The Son of
Man” 1964

若是說到最可愛的,必定是像戴了黑帽子的“The Son of Man”,充滿了玩味的甜點,內裡是炸蘋果配搭炭火餡餅,好睇又美味。

Tahitian Vanilla, Apricot
Petit Gâteaux

彷彿放上了一片綠葉,大溪地雲呢拿洋溢著馥郁的氣味,與杏脯肉的結合更啱心意。

Japanese Cherry Blossom Mousse

以盛放的花朶,用日本櫻花慕絲,帶出春日的色彩,正好與Van Cleef &
Arpels
的主調對襯,而置底的香草酥餅,令口感更具層次。

1963 Mandarin Cheesecake

60年歷史的芝士蛋糕,口感細膩,芝士味濃郁,配以一杯幽香的 Taste of Legend,真是一種享受。

Textures of Dark and White
Chocolate

香甜幼滑,喜歡朱古力的朋友,相信絕不會錯過吧?

Scones


已包含了原味及提子乾兩種口味。


配以餐廳名物,Homemade Rose Petal Jam 以及 Clotted Cream,分別塗上兩種口味,鬆餅質地酥化鬆軟,就算好飽,都忍不住掃光了。

客人可以選擇 Arabica Coffee 或茶,自己當然點了餐廳名物 Taste of Legend,淡淡的香氣,入口後帶有餘韻,配襯下午茶恰如其分。

客人更可另加 $380,便能進一步享受Royal Cristal Caviar (10g) ,又或是以$180來一杯Moët & Chandon Vintage Champagne,喜歡Moët & Chandon Vintage Rosé Champagne,亦只不過另加
$220

Facebook專頁 : 香港文華東方酒店

 

地址
:
中環干諾道中5號香港文華東方酒店閣

 

電話 : 2825 4005

 

味道 : 4  環境 : 4  服務 : 5  衛生 : 5  抵食 : 4  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

《環迴深圳》X 當地海產宴 @ 嘉美軒 ( 棕櫚大道33號深圳佳兆業萬豪酒店 )

 

同太太兩日一夜深圳放空之旅,第一餐就選來酒店內的[嘉美軒]



能在五星酒店內立足,食物當然有一定水準,雖然未必適合大眾口味,但坐得舒適,想要私隱又有廂房,幾好!



大鵬海膽紫菜湯

充滿了海洋的氣息,選用當地食材更是贏在起跑線上,每口都有綿滑的海膽,美妙得連舌尖都在跳舞。


香煎大斗鯧

取來最肥大肉厚的一段,簡單的煎香,反而能品嚐到魚肉的香味與質感。


潮式滷味拼盤

已包含了啖啖肉的滷水鵝片、連鵝骨都入味的鵝掌翼,當然仲有軟滑的滷水豆腐,其實真的適合佐酒。


潮式酥炸粿肉

一連兩款炸物,先是炸粿肉,脆漿有點厚,但油份未算多,火喉控制已經好好,脆卜卜口感討好,粿肉亦香口,不錯。


酥炸普寧豆干

同樣是炸物,色澤淡雅金黃,外層微脆而內裡滿有豆香,個人覺得如果能配以上海豆瓣醬,相信會更加惹味。


油泡鮮魷

刀功盡顯細膩,簡簡單單的白灼,再蘸點一下醬油,反而吃出原味與鮮味,爽彈的感覺真好。


普寧角瓜煲

湯底鮮甜,角瓜煮得軟稔入味,潮州魚蛋更是錦上添花,用湯水來一碗泡飯絕不為過。


清炒西蘭花

吃得太油膩,當然要來碟菜蔬清清味蕾。


海膽焗香飯

真材實料,水準之作,飯粒乾身而粒顆分明,每口都有海膽肉,加入菜甫與菜頭粒,令口感更添層次,就算飽到一個點,都想吃上一碗。


金瓜香芋泥

有點令人意想不到,原隻小南瓜挖空,加入銀杏芋泥,甜美度5粒星,尤其是芋泥推得夠甜滑,美妙的壓軸。

 

地址 : 棕櫚大道33號深圳佳兆業萬豪酒店3樓(近觀音山和大鵬古城

 

電話 : 0755-28398888,13316867027

 

味道 : 4  環境 :
4 
服務 :
5 
衛生 :
5 
抵食 :
4 
位置 : 3


歡迎加入深圳大家庭   :   深圳美食玩樂團(更新版)

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

新廚新菜新意 @ 逸軒 ( 沙田帝逸酒店 )

 


或者人生就如兜兜轉轉的度過,疫情下都有近年沒來逸軒了,聽說換了行政總廚,今次掹衫尾去試試新近加盟的中菜行政總廚李家鋌師傅的手藝。


逸軒前菜薈萃

(慢煮滷水鵝肝多士、北村紅油鴛鴦雞卷及鮮沙薑蟶子皇)


以潮式滷水加slow cook方式處理鵝肝,入口即化的質感無得輸,底部的多士依然脆口,有點意外,置頂幾粒醋珠,消弭了油膩的口感。

兩種雞卷分別是竹絲雞及三黃雞,肉質嫩滑,蘸點一下麻辣汁,一陣辛勁,令人挑起了食慾。

其實前菜中最喜歡是沙薑蟶子皇,清爽的口感,沙薑的惹味,正。


松本茸肝膏湯

源於四川的肝膏湯,製作有點繁複,豬肝去筋後加入蛋白搓揉之後再蒸,入口滑而豐肝香,雞湯清澈見底,飲落鮮濃,看似簡單,但處處顯心思。


龍蝦湯波士頓龍蝦燴脆米粉

最啱懶人包,因為龍蝦係完全褪殼,可以啖啖肉,湯汁用上大量海鮮料及龍蝦頭去熬,每口都是精華,尤其是米粉壓成薄片煎香,蘸上海鮮汁更是美味到極。


欖菜黑毛豬炆南美刺參

雖然自己都喜歡下廚,但多數都係懶人包時間,太太想食花膠海參基本上只可出街食,家陣又多個好地方。


醬汁原來係以清雞湯加雞腳膠熬煮,令到原本無味的海參都一瞬間變得豐富起來,澆上面的是炸過的欖菜及黑毛豬肉,非常可口,又是一道好啱女士的菜色。



黃湯花膠扒菜苗

驚喜連連,花膠片用高湯燴足45分鐘,上檯先微微煎香,碟邊的黃湯,竟然是用大量雞殼熬至金黃色,味道鮮濃,當然,伴碟的菜苗鮮嫩翠綠,起了平衡的作用,拿捏得好好。


八頭鮑魚炆飯

又係超好食,雖然飯粒濕潤,依然保留了嚼口,夾雜的蛋絲,是用上了日本蘭王蛋,增添了香氣,鮑魚煙韌彈牙,份量啱啱好。


鳳凰馬蹄露及黑糖蜂巢糕


壓軸的甜品,起初還以為係楊枝甘露,呷一口,原來是馬碲露,馬碲刴得夠碎,甜度來自於馬碲,很爽甜的感覺。


以黑糖製成蜂巢糕,無疑是健康得多,不錯。

Facebook 專頁 : ALVA HOTEL BY ROYAL

地址 : 沙田源康街1號帝逸酒店2

 

電話 : 3653 1112

 

味道 : 4  環境 : 4  服務 : 5  衛生 : 5  抵食 : 4  位置 : 3

 

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

 

http://www.facebook.com/foodiephilip

一次嘆盡日本五地草莓 X 和風草莓祭下午茶 @ Green ( 尖沙咀唯港薈 )

 

如果說到尖沙咀的下午茶,論環境我會首推Hotel Icon




雖然沒有維港景致,但足兩三層樓高的落地玻璃,寬敞的空間感,再有一大幅植物牆,增添了園林的氛圍。


復通旅遊後,肯定最受歡迎的地方一定係日本,但太太無時間陪我去,唯有搵朋友食下午茶頂頂癮。


今次 Green 推出[和風草莓祭下午茶],當中更包括了, 三道菜及free flow綠茶豆乳雪糕,如果星期六、日及公眾假期惠顧,更可額外獲贈法國氣泡酒乙杯。


三道菜下午茶包括無限品嚐綠茶豆乳雪糕及即磨咖啡或茶乙杯

(於星期六、日及公眾假期惠顧之賓客可每位獲贈法國氣泡酒乙杯)

Mon – Fri 星期一至五(每位$418,兩位$728

Sat, Sun and PH 星期六、日及公眾假期

Per Person 每位$448,兩位$788


因為每天下午3時至6時供應,如果話係輕食午餐加late lunch相信都無人有異議,單係頭盤已經令人覺得食緊一個full set menu,加埋主菜來替代鹹點,又能夠令整個下午茶有upgrade的感覺,聰明。


STARTERS前菜



一碟三款前菜,已包括了(Oven-baked
Japan Hiroshima Oyster
)烤焗日本廣島生蠔 (D) [P]

、(Baked Stuffed Seafood
Crab Shell
)焗釀海鮮蟹蓋 (D)以及(Japanese Pumpkin Cream
Soup
)日本南瓜金湯 (D) (N)



焗蠔體形較細,但焗得啱啱好,表面芝士微微焦香,不錯。


中間的南瓜湯,加入了忌廉,質感更加滑溜,甜美芳香,而且份量恰好。


而焗蟹蓋亦同樣有水準,撲上了麵包糠去焗,餡料豐富,蟹肉混和了北海道牛乳,單是這個蟹蓋,換了在中菜廳Above and Beyond 享用,恐怕都要一百幾十了吧!


主菜更是不得了,共有三款MAIN
COURSE (CHOOSE 1 FROM 3)
主菜(三選一)


草飼西冷牛扒配薯蓉及紅酒汁

作為牛魔皇,當然是首選,三片牛肉加上置底的薯蓉,份量已經足夠,肉質鬆軟有嚼口,蘸點一下紅酒汁,更覺可口。


香煎石斑魚柳配日本草莓莎莎及意大利黑醋汁

朋友所點的石班,可說是健康版,因為置底的是新鮮雨衣甘藍同藜麥,而石班柳上面是草莓沙沙,多了一份芳香的感覺,唯一要挑剔係魚柳比較細件,與牛肉的份量有出入口,或者講,相對適合女士們,而且畢竟是下午茶,亦無須太多。


而第三款係日本北海道帶子配扁意粉及刁草忌廉汁,大家又可以多個選擇。


Add-ons 滋味升級

香煎鵝肝(1) (另加$68)

若然想更進一步的享受,又可以另加$68,就有一件鵝肝,配埋紅酒的確人間美味。





SWEETS 甜點

日本草莓拼盤

是日亮點,一定係全日本草莓拼盤,當中包含五款來自日本各地的草莓,當中深色至淺色分別為

[佐賀草莓小姐]、




[長崎夢之香]、



[熊本戀實]、




[福岡甜王]以及



[奈良淡雪],味道有淡有濃,芳香馥郁,齒頰留香,而且可以一次過食到五種不同口味的草莓,真係好難得。


日本時令水果串

水果串或者是當中最特別的,Danny 師傅竟然從日本找來天山雪蓮果配以戀實草莓及藍莓,色彩繽紛,口感各自不同,不錯。



日本草莓清酒蒟蒻啫喱

原隻佐賀草莓藏在晶瑩剔透的清酒蒟蒻啫喱內,很有趣,清酒味輕盈,有點藝術品的感覺。



草莓蜜桃配意式軟芝士忌廉

又係以佐賀草莓炮製,外層是粉紅色朱古力,餡料是柔軟的意式軟芝士忌廉及鮮甜蜜桃果肉,每口都帶有香氣,小小的一件,味覺大滿足。



日本草莓提拉米蘇

賣相亮麗,層次分明,以長崎夢之香作主調,酸甜間拿捏得相當好。



日本草莓大福

用餐廳自家製麻糬包裹的熊本縣戀實草莓,外層軟綿,內裡甜香。



日本柑橘草莓蛋卷

外層的蛋卷不單鬆軟,而且加入了日本的柑橘焗製,份外覺得清香,中間是熊本縣的戀實草莓,芳香馥郁,看似簡單,但深得我心。


英式傳統鬆餅奶油忌廉及自家製士多啤梨荔枝玫瑰果醬


下午茶必有的一定係鬆餅,自己好鍾意掰開兩半,各塗上 Clotted Cream 同自家製士多啤梨荔枝玫瑰果醬,鬆化可口,而且份量不會太多,size偏細,仲好。



綠茶豆乳雪糕

Free Flow自家製綠茶豆乳雪糕本身已經吸引,仲要配上沖繩黑糖麻糬同煮至軟稔的北海道十勝紅豆,成件事係咪好開心呢


DRINKS

ILLY COFFEE 咖啡


至於飲品更是 Green 的強項,咖啡有ILLY  EspressoLatteDouble EspressoCappuccinoAmericano 以及 Mocha



TWG TEA

茶就有English Breakfast TeaEarl GreyRoyal DarjeelingChamomileGrand Jasmine TeaVanilla Bourbon TeaSilver Moon TeaMoroccan Mint TeaEternalSummer TeaSweet France TeaFruit Mountain TeaSencha,種類夠晒多,悉隨專便。


如果不想飲咖啡同茶,又有好多選擇,不過就要加錢。
P.S   : 

INDULGE YOURSELVES 加配享受


FREE-FLOW FRENCH SPARKLING

無限添飲法國氣泡酒

B&G Sparkling Blanc de Blanc N.V.

每位$108 per person


FREE-FLOW CHAMPAGNE 無限添飲香檳

G.H. Mumm Cordon Rouge Brut N.V. 瑪姆紅帶

每位$268 per person


COCKTAILS 雞尾酒

每杯$88 per glass


Strawberry Flush

Golden Punch


MOCKTAILS 無酒精雞尾酒

每杯$68 per glass


Mixed Berries & Cream Float

Citrus Coconut Refresher

每位額外賓客需另加$128品嚐無限品嚐綠茶豆乳雪糕

f@@hoteliconhk


All prices are in HKD and subject to 10% service charge

所有價目均以港幣計算及需另收加一服務費

A-Contains Alcohol 含酒精

N-Contains Nuts 含乾果

B – Contains Beef 含牛肉

P-Contains Pork 含猪肉

D- Contains Dairy Products 含奶製品

V-Vegetarian 素菜


Available during 15:00-18:00 daily

每天下午3時至6時供應

 

Facebook : GREEN at Hotel ICON

酒店專頁 : Hotel Icon

地址
:
尖沙咀科學館道17號唯港薈地下

 

電話 : 34001300

 

味道 : 4  環境 : 4  服務 : 5  衛生 : 5  抵食 : 5  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

讓味蕾走遍亞洲 @ Savvy ( 尖沙咀海港城港威商場 )


 

新年期間,除了拜年忙到甩轆之外,難得兩個仔都無“欄街”,一家四口係屋企打麻雀增進感情,嘻嘻哈哈又一日,就連食評都放埋一邊。

家陣返工既返工,返學既返學,又係時候同大家分享下之前的體驗。

早排近年尾,同一班好友齊齊係Marco Polo Hong Kong 內的 Savvy 食團年飯。

Savvy外觀似酒吧,尤其是近門口處的吧檯更是打卡位,但內裡是別有天地,空間大得離奇,當你以為係食 Fine Dining 時,其實佢係食東南亞菜,係咪好有趣呢?


餐前先來杯好意頭的Golden Ball,好香芒果味,又鮮甜,我好鍾意。

新春好意頭,祝大家都撈得風生水起,[三文魚撈起]有三文魚片、海帶、甘筍絲、薄脆、花生、青瓜、彩椒及花生,色彩繽紛,開動前澆上日式芝麻醬,然後大家齊齊夾起配料,仲要越高越好,象徵一級更勝一級,加埋祝福語句,好玩又開心。

前菜的拼盤相當豐富,當中包括了雞肉及牛肉沙嗲串、酥炸軟殼蟹配越式咖喱及蒜茸包、泰式海蝦柚子沙律及馬來西亞Rojak沙律,充滿了南亞風情,如果有埋越式春卷式粉包就更加合我心意。

既然係團年飯,鮑參翅肚走不了,原砂鍋上的[佛跳牆]海參、花膠、鮑魚、髮菜、元貝、蠔豉、娃娃菜及蘿蔔,諗得到的海味都差不多到齊,豐富到一個點。

所謂[無雞不成宴],或者大家都好難想像係一間睇落似西餐廳,可以食到[霸王雞]

畢竟係酒店,雞是新鮮貨,食落肉嫩味香,尤其是連埋薑蔥絲一齊食,更是美味,最好真係加碗白飯。

去完中國又飛去印度,因為有[印式秘製咖喱拼盤],用上彎月形餐具擺碟,有齊咖喱雞、烤雞、咖喱雜菜、印度脆餅、咖喱蝦及印度飯,中間係naan bread mint sauce,任意配搭,悉隨專便。

轉頭又去了泰國,來一個店方名物的「虹吸」[泰式大頭蝦冬蔭功],一個虹吸咖啡器,上層是南薑、檸檬葉、香茅及青檸,下層是熬煮過的湯底,利用火槍的熱力,把湯底逼上上層,吸收了香料的味道後徐徐下降,充滿了玩味的感覺,非常獨特,蝦肉又夠鮮甜,正。

再來的主食是[烤羊扒配迷迭香汁],羊扒烤至medium rare,肉色透著嫣紅色,羶味不太重,咬落軟稔有嚼口,好啱自己。

單尾是[泰式炒金邊粉],放上一片煎得金黃的雞蛋皮,內裡的金邊粉,炒得夠乾身,不錯。

甜品車



好幾款上次都食過,但差不多一年前的事了,首選當然係 Mont Blanc,豐富的栗子蓉比預期中更滑溜,味道香甜,個人最鍾意。

另一款是 Signature Blueberry Cheese Cake,用上了澳洲芝士,味道濃郁,外層圍上白朱古力,再放上新鮮藍莓,正好起了平衡的作用。

至於賣相最好的,就一定係 Oops,餡料是香梨果粒、芒果及熱情果,酸酸地好開胃。

而最重口味就一定係 Chocolate Truffle Cake70度的Dark Chocolate啱我口味,truffle的香氣不會太濃烈,啱啱好。

跟朋友開開心心的度過一個晚上,雖然新年已過,仍衷心祝大家全年健健康康,飲和食德!

酒店專頁 : Prince Hotel, Marco Polo Hotels

Facebook 專頁 : SAVVY

地址
:
尖沙咀廣東道3-27號海港城港威商場33209A

 

電話 : 2113 6188

 

味道 :
4 
環境 : 5 
服務 : 5  衛生 : 5  抵食 : 4  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

[New Year Festive Afternoon Tea ] 新年節慶下午茶 @ Lighthouse Lounge ( 黃竹坑香港富麗敦海洋公園酒店 )

 


上次在春光明媚的日子到訪過 The Fullerton Ocean Park Hotel Hong Kong,除了中菜廳[玉]令人留下印象外,其實星耀廊的下午茶同樣精彩。


今次更推出新春版 [New Year Festive Afternoon Tea ] 新年節慶下午茶,在西式甜點中,融合了中式完素,又幾有趣喎!

見早了入酒店,朋友仍在路上,反正有時間,先來一杯 Fullerton Housemade
Sparkling Tea
,以白茶、茉莉花、桂花及玫瑰花沖泡,再加入本地的有機荔枝蜜,味道清香怡人。

很欣賞餐廳充滿了園林氣息,空間感寬敞。

整個新春下午茶是$628供兩位享用,想來點酒意?也可以,只要$888,就可以多一杯Rose Wine

SAVOURIES鹹點



CRAB SWISS ROLL @

蟹肉瑞士卷

驟眼睇仲以為係普通瑞士卷,其實內裡是新鮮蟹肉,再放上三文魚籽,色彩絢麗,質地鬆軟,不錯。

DUCK LIVER PÂTÉ SANDWICH

鴨肝醬三文治

很小巧的一件,置面的是鴨肝醬,中間是朱古力脆皮,口感豐腴,最啱我配杯Earl Grey
Tea

CURED TUNA BLINI

醃吞拿魚小班戟

可持續發展吞拿魚、藏紅花、蒜泥蛋黃醬、芝士

酒店畢竟同海洋公園有關聯,選用的海洋都是可持續發展吞拿魚,放在小班戟上加上藏紅花、蒜泥蛋黃醬及芝士,味道相當豐富。

TRUFFLE AND EGG BUN

黑松露雞蛋軟包

在法式牛油軟包內原是普通的雞蛋沙律,但加入黑松露後,就彷彿變得矜貴了。

SWEETS

甜品


MACADAMIA TOFFEE TART

夏威夷果仁拖肥撻

簡單而平實的賣相,甜度較高,加入夏威夷果仁令口應更佳。

SIJICHUN TEA MOUSSE

四季春慕絲

賣相就像新春日子的柑橘,切開兩半,看到餡料是柑橘啫喱,陣陣果酸正好平衡了甜膩感,又帶出了春節的氛圍。

DRIED TANGERINE PEEL CHEESECAKE

陳皮芝士蛋糕

賣相完全不會估到,會以為只係忌廉芝士表面放上橘子啫喱,但咬落有絲絲陳皮幽香,細味之下,更有切得細碎的陳皮絲,出奇地與芝士的味道好湊合,有新意。


HUA DIAO WINE PUFF

花雕泡芙

紅彤彤的特別有賀年氣氛,上而下是士多啤梨紅棗忌廉中間分隔是朱古力片,下面的泡芙內有花雕忌廉,淡淡的酒香與朱古力毫無違和感,好特別。

SCONES & SPREADS

英式鬆餅

Traditional and Walnut Scone

with Clotted Cream and Signature Jam

鬆餅一向都係Afternoon Tea必備角色,除了經典原味英式鬆餅外,更有合桃鬆餅,配上奶油忌廉及特色果醬,內裡的合桃粒,令口感豐富,我鍾意。

AfternoonTea Set 本身配自選Elephant Grounds coffee JING 精選茗茶($628/兩位)

想來點酒意?也可以配自選Elephant Grounds coffee JING tea 及一杯指定 Rosé
Wine
$888/兩位)

說說笑笑,又到新一年,祝願大家[兔氣揚眉]、[動若脫兔]。

Facebook : The Fullerton Ocean ParkHotel Hong Kong

地址
:
黃竹坑海洋徑3號香港富麗敦海洋公園酒店1

 

電話 : 2166 7477

 

味道 : 4  環境 : 5  服務 : 5  衛生 : 5  抵食 : 4  位置 : 3

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

團年飯的選擇 X Free Flow 鮑魚花膠海參龍蝦蟹蓋 @ Le Menu ( 灣仔六國酒店 )



本來每次寫Buffet,都係將海鮮先發推介,但Le Menu 比較特別,因為熱葷類好多都啱我食,又係回本位,無理由放埋一邊。

仲有幾日就新年,嫌中菜悶,都可以諗下食Buffet

就先講下收費。

星期一至四

全時段 成人$638/小童$448

第一時段 1745-1945 第二時段
2015-2215
成人$538/小童$348

星期五至日、公眾假期及前夕

全時段 成人$698/小童$498

第一時段 1745-1945 第二時段
2015-2215
成人$598/小童$398

至於農曆新年期間全時段 成人$738/小童$448

而一,二時段則成人$638/小童348

熱葷



三大海味係燴花膠、燴海參及燴鮑魚,但基本上要食均三款就要全時段,因為鮑魚會較後時間登場。

另一款回本位就係芝士蘑菇焗蟹蓋,平日係酒樓食,點都要一百幾十蚊一個,而且係任食,蟹肉都算多,焗至微焦,味道不錯。

因為酒店本身中菜廳都有水準,所以多款熱葷都處理得不錯,先係蠔皇燜鴨掌,味道好似婚宴內的菜色。

清蒸星班並非原條上,而是星班片,食落方便又無骨。

另一道啖啖肉係上湯焗龍蝦鉗

其他菜色有海南雞、欖油香草燒比目魚、鐵板煎威茉大蝦、3.6牛乳海鮮蒸蛋白、黑啤什菜燴羊肉、煎鴨胸肉配香橙汁、肉醬意粉以及揚州炒飯,計落的確以中菜為主。

海鮮



講返海鮮,首選一定係波士頓龍蝦,好多都有嫣紅蝦膏,食兩三隻都得。

咖啡蟹同樣超多膏,加埋藍貝、海蝦、翡翠螺及鱈場蟹腳,海鮮陣容已經好過好多酒店。

刺身



刺身亦有八爪魚、油甘魚、甜蝦、榮螺及三文魚,解凍處理得不錯,肉興柔軟又毫無雪味。

灼料吧



有即淥烏冬,主打都係花膠,當中有青口花膠烏冬、日式叉燒花膠拉麵及日式叉燒鮮菇拉麵

今次簡單一點,就來碗花膠湯麵配雞湯底,又幾好味,而且鹼水味又輕,不錯。




西湯係法國海龍皇湯,又幾足料。

原盅燉湯係螺頭蟲草花杞子燉豬,湯色清,但夠火喉。

鐵板燒



有即片即包既片皮鴨

但不得不提特級有骨肉眼扒配Yorkshire Pudding,來一份厚切,中間帶少少血水,肉質鬆軟有嚼口,超正,試諗下去酒店食塊扒要幾錢



燒羊架,幾香口,羶味輕。

加埋即煎虎蝦、牛脷、牛柳粒、大蔥雞肉及多春魚,陣容都幾豐富。

頭盤



菠菜蛋批、煙三文魚、刁草三文魚、意大利火腿、蔬菜啫喱、莎樂美腸及cold cut
platter

沙律

想清新健康有沙律,當中有凱撒沙律、蟹籽花膠沙律、水牛芝士西瓜士多啤梨沙律及鵝肝鴨肉芒果四季豆沙律可選擇。

芝士

車打芝士、Blue Chese 及布利芝士

甜品



先講講有哈根大師雪條,口味有Chocolate Choc AlmondMatcha Green Tea & AlmondTwist &
Crunch
,平時食開就知一支都唔平。

雪糕杯有Strawberries & CreamCookies & Cream Chocolate

其他甜品有伯爵茶Panna Cotta、白朱古力熱情果慕絲蛋糕 、榛子卷、雲石芝士蛋糕、柚子蘆薈果凍、Oreo慕絲蛋糕、士多啤梨芝士蛋糕,全部都係細細杯,方便衛生。

仲有麵包布甸同葡撻

水果

菠蘿、火龍果及哈蜜瓜

可能近新年,是晚都幾爆,其實食團年飯又不一定要中菜,Buffet都可以吖。

Facebook 專頁 : 六國酒店

地址
:
灣仔告士打道72號六國酒店1

 

電話 : 28663808

 

味道 :
環境 : 4 
服務 : 4  衛生 : 4  抵食 : 5  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

[冬日暖意•時令鍋物] @ 源峰 ( 沙田帝逸酒店 )

 

近日又凍返,真係好想去食火鍋,今次就同幾位朋友齊齊去了石門帝逸酒店內的源峰。


餐廳位於酒店頂樓,坐擁城門河的景致,景觀極之開揚,寬敞的空間感,又有廂房及吧檯,適合不同客人的須要。

而今次就試了[冬日暖意•時令鍋物]套餐,供應期由202319日至2023331日。


當中另加$408,可享用包括3款開運清酒(每款 100ml) Including 3 glasses of Kaiun Sake
pairing (100ml each)

前菜 Appetizer



三色海藻、松葉蟹肉、海膽、鮭魚子

先來一份沙律清清味蕾,爽彈的三色海藻,混和了鮮甜的松葉蟹肉,加上肥美的海膽及三文魚籽,口感豐富。

刺身 Sashimi

一口氣送上中吞拿魚腩、左口魚、石鯛、牡丹海老及北海道帆立貝,新鮮度無庸置疑,簡簡單單的,來一杯很易入喉的[開運 貓 純米],金光閃閃的酒瓶,好意頭。

煮物 Stewed Dish(另加)

櫻煮八爪魚足

其實不單止有軟稔的大八爪魚足,仲有漬蘿蔔、荷蘭荳,最正係有埋鵪鶉蛋,絕對邪惡,個人喜歡配以[開運]的純米大吟釀。

燒物 Grilled Dish

鰤魚照燒

實在好適宜用來佐酒,魚肉燒得香口,濃厚的燒汁,食落好惹味,此刻,最好是配襯帶點花香的[葛之里]。

揚物 Fried Dish(另加)

鮟鱇魚柳及魚肝天婦羅

其實除了鮟鱇魚柳及魚肝天婦羅外,更有馬碲、日本富山柿及日本芥蘭苗,炸漿上得夠薄,而且油份瀝得清,富山柿當然係最欣賞之一,芥蘭苗亦相當爽脆,好味,再呷一口[葛之里],甜度及微乳酸味正好起了平衡油膩感。

套餐本身可自選以下鍋物一款,但正好人多,每人挑一款互相分享問題不大。

和牛壽喜燒 (甜醬油湯)$1280

和牛 150

在場大部份人的選擇,牛肉看得出的油脂平均,略嫌冰得太凍,就算放入鍋中,都要花點時間,但有日本蛋加持,牛肉份外嫩滑。

就套餐而言,其他配料著實夠多,一大碗菜蔬已經夠飽,仲要有埋稻庭烏冬。

和牛砂煲涮涮鍋 (昆布清湯)$1280

Wagyu Shabu Shabu Hot Pot (Seaweed Broth)

份量一樣,只是湯底轉成昆布清湯,是更加突出牛肉的原味,可說各有吸引處。

長州鷄肉鍋(濃厚雞白湯)$880

Choushu Chicken Hot Pot (Thick Chicken Broth)

手打雞團子

Homemade Chicken Ball

出奇地,三款中湯底最濃稠及吸引的,反而係雞湯,呈奶白色的湯底,滿是雞肉的香氣,配料是雞翼、手打丸子及雞肉塊,灼熟後雞肉嫩滑,肉味香濃,效果是出奇地好,而且配稻庭烏冬,蘸滿了濃雞湯後,又是惹味到一個點。


甜品 Dessert

季節甜品

講得季節,預了食水果,今次係靜岡蜜瓜,自然熟透的香甜,實在令人無法抗拒。

其實三款酒,亦可單支購買,最相宜兩支都係$360起,而純米大吟釀則要$780起跳。

Facebook專頁 : ALVA HOTEL

 

地址
:
沙田源康街1號帝逸酒店28

 

電話 : 3653 1115

 

味道 : 4  環境 : 5  服務 : 5  衛生 : 5  抵食 : 4  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

美食之最金獎宴 X 賀年糕點 @ 粵 ( 屯門香港黃金海岸酒店 )

 

早排同轉工朋友食點心放題後,心思思又想食(其實已經成日食),不過今次係同另一位又係轉工朋友飲茶兼食飯。


以前新婚住屯門,已經經常懶浪漫同太太去黃金海岸行沙灘,有時係酒店食Buffet,反而中菜廳就比較少。

事有湊巧,又係有朋友轉工,飲茶傾計最啱我。

因利乘便,就選擇中菜廳[粵]。

先由幾碟點心打頭陣。

就快到新年,率先點了發財黃金元寶($68,即叫即蒸,撕開一睇,內裡是呈流心的椰汁奶黃,既香且滑,又好意頭,最啱新年食,而且晚市都有得供應,正好用來頂替甜品。

筍尖蝦餃、海皇芝心芋角、奶皇金雞酥($88

2011美食之最大賞(金獎)

作為餐廳獲獎名物,當然有期待。

先試中間的筍尖蝦餃,餃皮搓得通透,滿有彈性,蝦肉爽鮮,尤其是加入筍尖令口感更佳。

炸芋角食得多,用海鮮餡料亦常見,但加入芝士令味道更豐腴,效果不錯。

至於賣相最萌的金雞酥,咬落幾鬆化,內裡奶皇可以掛住影相,平白浪費時間,變得微溫,相信快少少食效果更好。

金牌焗釀鮮蟹蓋($148/位)

朋友最愛的菜色,以酒店價計,實在好相宜,蟹蓋表層芝士焗得焦香,內裡是滿滿的蟹肉,下點陳醋來提鮮,食味更佳。

脆皮桂花刺參($368

睇落平平無奇,其實係刺參內藏蝦膠,而蝦膠亦包裹了桂花蚌,口感層層不同,外層是微脆的刺參,中間係彈牙的蝦膠,最後係爽口桂花蚌,美妙的組合,我鍾意。

蝦籽柚皮($198

看似收得貴,其實背後所花的心機時間,才是菜色的神髓,柚皮汆水處理極佳,絲毫沒有苦澀味,入口即化的感覺真好,又有蝦籽的香氣加持,有水準。

鳳躍天仙(乾坤無花果鹹檸雞煲)
$318/半隻,$618/全隻)

2015美食之最大賞

又係一道得獎菜,以鹹檸加無花果煮雞,微酸的鹹檸,以自然的無花果的香甜帶來了平衡的口感,雞肉嫩滑而入味,就連冬菇沾上了醬汁都變得吸引,配返碗白飯一流。

聖誕氣氛啱啱過,轉眼又到農曆新年,而每到節日,都會勾起對雙親的思念,無他,老一輩都喜歡親自製作應節食品送給親友,而雙親健在時,每年端午節裹糭、春節炸油角及蒸糕總是少不了,但多年積聚的情感,的確令自己加倍喜愛吃糕點。

而今年率先品嚐了來自黃金海岸酒店中菜廳[粵]的蘿蔔糕。

真空包裝處理下,確保衛生,但因為沒有使用防腐劑,所以一打開真空包裝就要快食。

食蘿蔔糕,不外乎蒸、煎、炒同炸,個人而言,想快靚正一定係煎至兩邊微焦,食既時候再蘸點辣椒醬或者XO醬,惹味到一個點,正。

Facebook : 香港黃金海岸酒店

地址
:
屯門香港青山公路1號香港黃金海岸酒店低層地下

 

電話 : 2452 8668

 

味道 :
5 
環境 : 4 
服務 :
5 
衛生 : 5 
抵食 :
4 
位置 : 3

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip