未退休前，曾有段日子在灣仔上班，依然記得經常在放工後，到龍門酒家「開檯」，當然附近「雙喜樓」未拆，喜帖街尚在人間，但今日已是臉目全非。
舊的不去，新的不來，但鄰近會堂徘徊 的白鴿族，卻有世代相傳的感覺。
就在會堂對面，近日就開了一間專門售賣印度食品的小店。
店子不大，主力做外賣相信是要迎合附近的上班族。
菜色全在門口掛上的水牌，一目瞭然，買食物亦有自助機，不假人手。
由於是late lunch，本身不想食太飽，先簡單的來個肉卷。
Family Kati Rolls
Tamil Pepper Beef （$90）賣相平實，但拎上手已覺份量十足，原先以為好油膩，但當撕開包裹的牛油紙，就算捲餅加上了雞蛋，依然覺得好乾身，絕不會成口油。
牛肉質地嫩滑，加入洋蔥絲口層多了層次及辛勁，咬落陣陣椰香，非常惹味，超正。
First-Class Rice Bowls
Lamb Roast （$100）
意猶未盡，即時再order羊肉飯。
其實我相信外賣同即場食都係用紙兜，比較環保。
主角羊肉質地軟腍，煮得好入味，但辣度幾澎湃，要有心理準備，不過拌勻飯粒就啱啱好，本身印度飯粒煮得恰好，加入青瓜亦考慮了清清味蕾的作用，我喜歡。
Coolers
飲品當然首選 Lassi，最欣賞店方以玻璃瓶作器皿。而非膠杯之類，可以用得返，Fresh Mango Lassi（$55）以芒果、白豆蔻及有機乳酪攪拌而成，質地比一般的來得濃稠，而且好幼滑，其實真係飲一樽都飽。
其實店方仲有好幾款街頭小食，喜歡印式風情的朋友，不愁沒有好選擇。
地址
: 灣仔莊士敦道6號地舖
味道 :
4 環境 : 3
服務 : 3 衛生 : 4 抵食 : 4 位置 : 3
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!
