Category archives: 尖沙咀.佐敦

 近日似乎同Afternoon Tea結下不少緣分，上次試過以日本草莓作主題的下午茶後，又到[French May] 的日子，今次Green就聯乘朱古力品牌推出［La  Maison Du Chocolat X Green］。法式風情下午茶（French Afternoon Tea） 六道菜下午茶包括即磨咖啡或茶乙杯（每位賓客另加 $20 可配無限添加的草莓雪糕） (於星期六、日及公眾假期惠顧之賓客,每位獲贈法國氣泡酒乙杯)供應期為：星期一至五（$418/位，$728/兩位）及星期六、日及公眾假期（$468/位，$798/兩位），而時間是每天下午三時至六時。 沿用上次late lunch的手法，摒棄全小點，加入了湯及主菜，份量十足。 單是前菜已是整份上檯，賣相不錯。 STARTERS 前菜 香草牛油焗法國蝸牛配炒蛋及魚子醬[A] [D] [N] [P]小巧的湯匙上是粉嫩的炒蛋，再放上滿是香氣的焗蝸牛，美味。 法國鵝肝醬釀蟹肉配蒜蓉包 [A] [D]把蟹肉及鵝肝醬塗在蒜蓉包上，咬落香脆，豐腴的口感，令人欲罷不能。 法式焗青口配普羅旺斯[N]面層脆脆口感，內裡是軟熟的青口。 法式忌廉龍蝦湯[A] [D] [N]很濃稠的質感，滿滿是龍蝦的香味，入口醇香滑溜，我鍾意。 MAIN COURSE (CHOOSE 1 FROM 5)主菜（五選一）法式紅酒燴牛面頰肉配薯蓉 [A] [B] [D]都話過可以當作 late lunch，因為份量十足，牛面頰煮得超嫩滑，就連置底的薯蓉沾上了肉汁都變得更惹味。 自己屬於［牛魔王］，今次升級為草飼西冷牛扒（另加$38）[A] [B] [D]，烤至medium rare，牛肉呈嫣紅色，滲出少許血絲，火喉控制得相當合心意，肉質鬆軟有嚼口，能下點鹽提鮮會更好。 法式芝士焗加勒比野生龍蝦尾(半隻)配田園沙律 [D] [N]喜歡海鮮的朋友，同樣可以另加$38升級為乙隻龍蝦尾 [D]…

 仲有一個星期就母親節，大家諗到去邊度慶祝未？ 位於尖沙咀海港城的［个園竹語］近日推出母親節套餐，$6888供六位享用，連加一茶芥加一，差不多$1300/位，不單有一枝Kilikanoon The Lackey Shiraz 2018贈送，最重要係早訂可以有私人大廂房，而且不另收費，有私屬空間同家人慶祝，好過係酒樓大廳同人逼，四周圍又嘈，想靜靜地食餐飯都有難度，所以比多少少換來私人空間～值！ 仲有，套餐包含了鮑、參、翅以及燕窩，將最矜貴又美味的食物慰勞母親或太太，又係一個字～值！ 前菜個人覺得這個［蜜汁脆鱔］，相信在香港是前列份子，夠甜香，炸得香脆可口又厚身，佐酒一流。 上海前菜實在變化多端，而［蔥油拌海蜇］是個人其中喜歡的一道，蔥油的香氣，沾滿了每條爽脆的海蜇，令人吃過不停。 至於［鎮江餚肉］就滿有肉香，蘸些少陳醋，肉味更鮮。 主菜是晚重點之一是［招牌乾燒魚翅］（每位二兩起），份量十足，而且事前燴上了汁。先來試試沒雞湯的食法，再來可以加入濃雞湯，味道更加複雜，又或者加少少紅醋，以酸度來平衡油膩感。 請勞苦功高的母親大人或太太食飯，當然不能吝嗇，［紅燒28頭南非原隻鮑魚燴原條關東遼參］賣相澎湃，28頭鮑魚以老雞上肉火腿扣得入味，入口時滿有嚼口，而蔥燒遼參更是大大條，要用刀叉去享用，濃油赤醬下，惹味到一個點，尤其是有蔥油的加持，無得輸。 除了貴價海味，更有［薺菜燴原條東星班］，星班一向受歡迎，不是因為價錢，而是肉質真的很嫩，加入薺菜的味道，更是滿有上海菜的神韻。 所謂［無雞不成宴］，［慢燒煙燻脆皮雞］（半隻）充滿視覺效果，一揭開透明玻璃蓋，陣陣輕煙隨之而來，令人食慾大增。 雞皮是預期中的香脆，雞肉就連胸位都嫩滑，不知不覺全都消滅了。 肉類吃過，當然要來點菜蔬清清味蕾，［鹹肉百頁煮時蔬］的湯底有點點奄篤鮮的感覺，菜亦新鮮翠綠，非常好。 ［金牌小籠包］是店方名物，包皮透而富彈性，夾起絲毫沒有穿破，咬落是鮮香的肉汁，高水準的表現。 ［燕液甘露］係楊枝甘露的基礎上加入燕窩，等女士們可以補補身，而且又芳香馥郁，美味。 壓軸的［感恩蟠桃］，用的是傳統上海的紅豆餡料，包皮鬆軟，甜度恰好，我喜歡。 Facebook專頁 : 个園竹語   地址 : 尖沙咀廣東道25號海港城港威商場3樓3202號舖   電話 : 2116 8328   味道 : 4  環境 : 5  服務 : 4  衛生 : 5  抵食 : 4  位置 : 5…

 說起來都有一段日子沒來凱悅軒一試黃皓勤師傅的手勢了，見近日就快到母親節，係時候搵間值得推介餐廳比大家。 凱悅軒的中菜一向有水準，而且位處地鐵站上方，就算落雨行雷塞車都不怕，出入超方便。 *蜜汁叉燒*雖然沒有沙田18的火焰效果，但脢頭肉質鬆軟有嚼口，邊位烤得微焦，帶有冰肉位更覺肥美，真係好啱配碗白飯。 *石窩原隻鮑魚千千層*鮑魚炆得軟稔入味，滿彈的口感真好，以熱騰騰的石窩上檯視覺效果更佳，以二十多層腐皮疊成的千層豆腐更是廚師的功力所在。 *蛋白蒸龍蝦球*有時候蛋白比龍蝦更吸引，無他，蛋白蒸得粉嫩，有入口即化的感覺，隨後加入青龍蝦球及十年花雕酒再蒸，有酒香而不過火。 *花膠黃酒煮雞*客家菜中常見菜餐廳用上新鮮三黃雞，加入黃酒、生薑、黑木耳、紅棗及杞子煲至入味，最後加入軟綿的花膠再煮，湯底是精華所在，酒香、棗甜、薑辛全都跑到湯裡去。 *方魚炒芥蘭*方魚炒芥蘭常見於潮州菜中，看似簡單，原條風乾大地魚先以人手去皮、拆骨及撕成小方塊，再與新鮮翠嫩的芥蘭同炒，爽脆鮮甜。 *脆米蟹肉炒紅菜頭絲苗*加入紅菜頭汁，令絲苗染上豔麗的顏色，加上脆米令口感多變，又有鮮甜的蟹肉的鮮甜，這個單尾不簡單。 甜品一定首選流沙金盞，每隻都是即製，咬落上層酥化，中間Q彈，而內裡是熱燙的流心，從來都沒有令人失望。 見熱熱地，來配冰涼的楊枝甘露，鮮甜芳香。 其他幾位朋友分別點了蛋白杏仁茶、焗西米布甸及雞蛋桑寄生茶，雖然沒有驚喜的賣相，但做得都相當平實，沒賣弄花巧，不錯。 酒店專頁 : Hyatt Regency Hong Kong, Tsim ShaTsui 地址 : 尖沙咀河內道18號香港尖沙咀凱悅酒店3樓   電話 : 3721 7788   味道 : 4  環境 : 5  服務 : 5  衛生 : 5  抵食 : 4  位置 : 5   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!   http://www.facebook.com/foodiephilip

 如果說到尖沙咀的下午茶，論環境我會首推Hotel Icon。雖然沒有維港景致，但足兩三層樓高的落地玻璃，寬敞的空間感，再有一大幅植物牆，增添了園林的氛圍。復通旅遊後，肯定最受歡迎的地方一定係日本，但太太無時間陪我去，唯有搵朋友食下午茶頂頂癮。 今次 Green 推出［和風草莓祭下午茶］，當中更包括了， 三道菜及free flow綠茶豆乳雪糕，如果星期六、日及公眾假期惠顧，更可額外獲贈法國氣泡酒乙杯。 三道菜下午茶包括無限品嚐綠茶豆乳雪糕及即磨咖啡或茶乙杯(於星期六、日及公眾假期惠顧之賓客可每位獲贈法國氣泡酒乙杯)Mon – Fri 星期一至五（每位$418，兩位$728Sat, Sun and PH 星期六、日及公眾假期Per Person 每位$448，兩位$788 因為每天下午3時至6時供應，如果話係輕食午餐加late lunch相信都無人有異議，單係頭盤已經令人覺得食緊一個full set menu，加埋主菜來替代鹹點，又能夠令整個下午茶有upgrade的感覺，聰明。 STARTERS前菜一碟三款前菜，已包括了（Oven-baked Japan Hiroshima Oyster ）烤焗日本廣島生蠔 (D) [P]、（Baked Stuffed Seafood Crab Shell ）焗釀海鮮蟹蓋 (D)以及（Japanese Pumpkin Cream Soup ）日本南瓜金湯 (D) (N)。 焗蠔體形較細，但焗得啱啱好，表面芝士微微焦香，不錯。 中間的南瓜湯，加入了忌廉，質感更加滑溜，甜美芳香，而且份量恰好。 而焗蟹蓋亦同樣有水準，撲上了麵包糠去焗，餡料豐富，蟹肉混和了北海道牛乳，單是這個蟹蓋，換了在中菜廳Above and Beyond 享用，恐怕都要一百幾十了吧！ 主菜更是不得了，共有三款MAIN COURSE (CHOOSE 1…

 經過一星期辛勤工作，weekend梗係想瞓多陣，起身懶懶閒，最好就早餐夾埋lunch一齊食，今次就介紹一個性價比高又好食既 Saturday Brunch。 位於尖沙咀海景嘉福酒店，除了中菜廳海景軒出名外，旁邊的意大利餐廳Theo Mistral，同樣有出色表現。 餐廳設計簡潔，略帶昏黃的燈光，令人有種謐靜安寧的氛圍，真係好啱同另一半食飯聊天。 整個周末Brunch都只不過$468/位，若想盡情暢飲，餐廳提供了三款無限暢飲，包括Italian Peroni Beer （HK198）、Aperol Spritz （HK$158）(Aperol, Prosecco)以及Theo’s Homemade Italian Lemonade （HK$68），悉隨專便。 意式頭盤 自家製麵包配橄欖油及陳年黑醋、意大利橄欖、巴馬芝士餐前送上的蕃茄包及香草包最好趁仲有餘溫時食，過後會變硬便影響口感。 另外有意大利橄欖及巴馬芝士，同行朋友喜歡另點白酒佐芝士，我就喜歡用蜂蜜，總之是各有所好。 意式拼盤-巴馬火腿、風乾牛肉、豬後頸肉、燒火腿露筍卷、蕃茄蒜香多士、水牛芝士餐廳會按人頭計送上頭盤，巴馬火腿配水牛芝士最常見，但質素好；個人更喜歡火腿露筍卷的油香夾爽口，更加令人吃不停口反而係伴碟的烤蕃茄，酸酸地令人好開胃。 黑松露水牛芝士配意大利蕃茄、火箭菜、陳年黑醋放上黑松露的水牛芝士，更是頭盤的亮點，新鮮的芝士，一剖開便散發濃郁的香氣，軟綿的口感，伴以蕃茄片，又是美味滿分。 地中海八爪魚沙律配西蘭花、脆包粒、脆蒜片、阿瑪爾菲檸檬汁自少就喜歡食八爪魚，尤其是大大片有嚼勁更好，地中海美食是近年健康食法，西蘭花啱心意，加入蒜片好香口，澆上新鮮檸檬汁帶來酸度，不錯。 主菜（任選一款） 薄餅配蕃茄醬、水牛芝士、羅勒、巴馬火腿、巴馬芝士、蕃茄及火箭菜很傳統的風味，薄餅批底好香口，邊位微焦而不過火，火喉拿捏得相當準，享用時當然要用手拎起大口咬落去，享受那朕脆香感覺。 慢煮鴨肉雲吞配豬背油、巴馬芝士、羊肚菌汁意大利雲吞是名物，加入豬背油更是幽香，餡料的鴨肉鬆軟入味，雲吞皮沾上羊肚菌汁份外惹味，但要注意一點，雲吞只得4粒，所以超過4位就要同人分享啊！ 或 慢煮和牛闊扁麵配蕃茄及意大利紅酒汁、露絲瑪利香草、巴馬芝士和牛的油香，令闊扁麵味道更香，有紅酒汁的加持，多了少許酒香，可以的話真想完全佔有一碟。 或 波士頓龍蝦、魚子醬、幼扁麵配意大利蕃茄、香蒜、辣椒（另加$60）新鮮龍蝦加魚子醬，夠矜貴了吧？幼扁麵完美地把醬汁掛上，混和了魚子醬及龍蝦肉，食味更佳。 或慢煮龍蝦汁燴海鮮配虎蝦、爐魚、帶子、青口、海蜆、薯仔（另加$90）根本係法國南部馬賽海鮮湯 Bouillabaisse，材料豐富到一個點，有齊大虎蝦、爐魚柳、帶子粒、藍青口以及海蜆，湯底更是濃稠的龍蝦汁，每口都是海鮮的精華，另加$90，都覺得值回票價。 或 麵包糠烤澳洲羊鞍配黑松露薯蓉、大蒜苗、甘筍、西蘭花（另加$120）其實Theo Mistral既羊鞍真係好正，烤至肉質嫣紅，有嚼口而鬆軟，羊肉味不會太羶，但骨膜位又好豐富油香，份量足足有四大條，置底有薯蓉，伴碟菜蔬又多，雖然要加錢，但好滿足。 甜品甜品總共有四款，包括了自家製Amalfi檸檬撻（Signature Amalfi Lemon Tart）、自家製無麩質軟身朱古力蛋糕（Gluten Free Son Chocolate Cake）、自家製淡芝士蛋糕（Ricotta & Sultanas Cheese Cake）以及自家製香草意式奶凍（Homemade Vanilla Pannacotta）。 檸檬撻絕對是店方名物，甜酸度拿捏得相當好，清新怡人的檸檬香氣份外誘人；朱古力蛋糕口感豐腴，又係必食。 其實餐廳平日同星期天一樣有Semi-Buffet，質素同樣高，值得一試。…

 每次去權八都要老遠地跑過海，但今年開始就方便得多了，除了原先的銅鑼灣店搬往新地址外，九龍區方面，亦在尖沙咀北京道一號開設九龍旗艦店，地點就在原先胡同的舊址。 地方是寬敞得多，而且靠窗的落地玻璃，維港夜景盡入眼簾。 唯一要挑剔的，是欠了塌塌米房，未免有點美中不足。 有美景當然要同太太飲返杯，再欣賞優美的維港景色，誠意推薦以Rum酒、紅莓及草莓調製的Sakura-Berry Daiquiri（$108）及以新鮮菠蘿汁調製的Japanese Cassis Pineapple（$108）。 餐前小食是［酸汁伴牛筋］（$68），牛筋炆得好軟稔，牛筋的膠質豐富，真係好啱我，而且帶微酸，減輕了油膩的感覺，相當討好。 再來是［宮崎豚肉胡麻沙律］（$168），豚肉片夠薄食，咬落不太費勁，拌和蒜片、生菜、松子、紅椒絲及胡麻醬，非常惹味。 其實餐牌有太多菜色好吸引，下酒菜又點可以忽略［炸鮮蟹肉餅］（$138）炸得啱啱好，蟹肉鮮甜，仲有一條日本青椒，正好用來解膩。 跟太太分別點了［海鮮茶碗蒸］（$68）以及［海膽茶碗蒸］（$98），兩者本身餡料已經有蝦仁、冬菇及蟹肉，海膽茶碗蒸是加添了一份海膽，但可能加熱後的海膽失去了神韻，似乎簡單的海鮮茶碗蒸是更勝一籌。 太太最鍾意食刺身，作為寵妻號當然照顧有加，時令的［特上刺身拼盤(7種)］（$768），包括了牡丹蝦、金目鱲、拖羅、油甘魚腩、帶子、劍魚腩以及深海池魚，全部都是新鮮貨，當中肉質柔軟的帶子以及金目鱲是最得我心。 至於另一款近日大熱菜色［極上三色卷］（$438），賣相都好澎湃，碎吞拿魚腩海膽三文魚籽堆成小山丘似的，一夾起，三文魚籽便滾落，一口吃下，鮮味盡現。 串燒一向係權八強項，尤其是［燒芝士］（$58），更是必食，烤得外層焦香，芝士味突出，不錯。 意猶未盡，追加了［梅紫蘇雞肩］（$58）、［雞腎］（$48）及［蔥鹽牛舌］（$78），同樣是燒得啱啱好，有焦香而沒有過火的焦位，有水準。 其實權八除了串燒，天婦羅都不錯，［權八特上天婦羅併盤］（$288）已包括秋葵、蟹鉗、車海老及紫蘇葉，看看置底的吸油紙沒多餘的油份，相當對辦。 而［權八汁燒免治雞肉軟骨棒宮崎蛋］（$78）不單有嚼口及juicy，沾上蛋漿口感更是豐腴。 早排天氣都熱，來一客［權八手打冷蕎麥麵］（$118）就啱啱好滿足埋我既澱粉質意慾，更何況蕎麥麵係自家製，誠意十足。 吃日本菜，總不能沒有壽司，［Omakase Sushi］已有齊海膽、醬油帶子、左口魚邊、赤身及最特別的拖羅加赤身。 太太知我鍾意食海膽，特意留比我，真體貼。 而太太就對左口魚邊情有獨鍾，喜歡魚香豐富，總之是各有所好。 想一餐飯完美，甜品作壓軸是理所當然吧！店方名物［甜品拼盤］（$138）不作他選，拼盤已包括了椰汁南瓜白玉子、一口大福、紅豆布甸及士多啤梨，當中尤其是椰汁南瓜白玉子最得我心，軟糯的口感，配以甜美的南瓜汁，實在太美妙了。 集團專頁 : 1957 & Co.   Facebook專頁 : Gonpachi   地址 : 尖沙咀北京道一號28樓   電話 : 2727 1957   味道 : 4  環境 : 4  服務 :…

 新年期間，除了拜年忙到甩轆之外，難得兩個仔都無“欄街”，一家四口係屋企打麻雀增進感情，嘻嘻哈哈又一日，就連食評都放埋一邊。 家陣返工既返工，返學既返學，又係時候同大家分享下之前的體驗。 早排近年尾，同一班好友齊齊係Marco Polo Hong Kong 內的 Savvy 食團年飯。 Savvy外觀似酒吧，尤其是近門口處的吧檯更是打卡位，但內裡是別有天地，空間大得離奇，當你以為係食 Fine Dining 時，其實佢係食東南亞菜，係咪好有趣呢？ 餐前先來杯好意頭的［Golden Ball］，好香芒果味，又鮮甜，我好鍾意。 新春好意頭，祝大家都撈得風生水起，［三文魚撈起］有三文魚片、海帶、甘筍絲、薄脆、花生、青瓜、彩椒及花生，色彩繽紛，開動前澆上日式芝麻醬，然後大家齊齊夾起配料，仲要越高越好，象徵一級更勝一級，加埋祝福語句，好玩又開心。 前菜的拼盤相當豐富，當中包括了雞肉及牛肉沙嗲串、酥炸軟殼蟹配越式咖喱及蒜茸包、泰式海蝦柚子沙律及馬來西亞Rojak沙律，充滿了南亞風情，如果有埋越式春卷式粉包就更加合我心意。 既然係團年飯，鮑參翅肚走不了，原砂鍋上的［佛跳牆］海參、花膠、鮑魚、髮菜、元貝、蠔豉、娃娃菜及蘿蔔，諗得到的海味都差不多到齊，豐富到一個點。 所謂［無雞不成宴］，或者大家都好難想像係一間睇落似西餐廳，可以食到［霸王雞］。 畢竟係酒店，雞是新鮮貨，食落肉嫩味香，尤其是連埋薑蔥絲一齊食，更是美味，最好真係加碗白飯。 去完中國又飛去印度，因為有［印式秘製咖喱拼盤］，用上彎月形餐具擺碟，有齊咖喱雞、烤雞、咖喱雜菜、印度脆餅、咖喱蝦及印度飯，中間係naan bread 配 mint sauce，任意配搭，悉隨專便。 轉頭又去了泰國，來一個店方名物的「虹吸」［泰式大頭蝦冬蔭功］，一個虹吸咖啡器，上層是南薑、檸檬葉、香茅及青檸，下層是熬煮過的湯底，利用火槍的熱力，把湯底逼上上層，吸收了香料的味道後徐徐下降，充滿了玩味的感覺，非常獨特，蝦肉又夠鮮甜，正。 再來的主食是［烤羊扒配迷迭香汁］，羊扒烤至medium rare，肉色透著嫣紅色，羶味不太重，咬落軟稔有嚼口，好啱自己。 單尾是［泰式炒金邊粉］，放上一片煎得金黃的雞蛋皮，內裡的金邊粉，炒得夠乾身，不錯。 甜品車好幾款上次都食過，但差不多一年前的事了，首選當然係 Mont Blanc，豐富的栗子蓉比預期中更滑溜，味道香甜，個人最鍾意。 另一款是 Signature Blueberry Cheese Cake，用上了澳洲芝士，味道濃郁，外層圍上白朱古力，再放上新鮮藍莓，正好起了平衡的作用。 至於賣相最好的，就一定係 Oops，餡料是香梨果粒、芒果及熱情果，酸酸地好開胃。 而最重口味就一定係 Chocolate Truffle Cake，70度的Dark Chocolate啱我口味，truffle的香氣不會太濃烈，啱啱好。 跟朋友開開心心的度過一個晚上，雖然新年已過，仍衷心祝大家全年健健康康，飲和食德！ 酒店專頁 : Prince Hotel, Marco…

 尖沙咀棉登徑真係好地方，因為實在有太多餐廳，除了拉麵、火鍋、西餐廳，仲有日式燒鳥店，之前都曾經去過木戶，但坐吧檯就真係第一次，可以睇住來自宮崎縣的日籍總廚木村潤一郎徒手燒鰻魚，充滿視覺效果。 是晚餐廳推薦了三款清酒，經同行兩位酒徒認證後，選擇了中間保留原有風味的生原酒。 率先以［木戶自家製蟹味噌］（$138）挑起大家的食慾，配以青瓜條、甘筍條、露筍及西芹條，色彩繽紛，沾上蟹味噌的蔬菜條，份外覺得惹味。 再來是個人好鍾意的［厚燒牛舌］（$88），屬每次食串燒必點之物，尤其是選用中間肉質最嫩的部位，找不到挑剔的地方，肉香味濃，咬一口，呷一啖清酒，回味無窮。 終於到了主角出場，店方選用日本奈良出產的大和妃子雞，而且放養了120日，品質有保證，嫩滑之餘，雞味更是一絕，雖然是否世一我不知，但係香港都算數一數二。 第一口［大和雞雞腿肉］（$45）質地飽滿有肉汁，外層些少焦香，好味。 隨後的［大和雞雞頸肉］（$42）同樣精彩，一條雞頸有幾多肉心知肚明，要撕開再串起去燒，更加花心機，但效果出奇地好，尤其是燒到恰到好處，又有油香，其實飲返杯啤酒仲啱。 當然，必點有［大和雞雞腎］（$42），咬落爽彈帶咸香，正。 正所謂由頭食到落尾，只要拋開心理壓力，［大和雞雞尾］（$42）絕對是一味上佳的佐酒菜。 想多點不同口味，建議試試［韮菜芝士豚肉卷］（$43），半溶芝士與韮菜的味道毫無違和感，豚肉軟熟而有嚼口，不錯。 至於冠上［總廚木村先生家族秘傳宮崎南蠻炸雞1956年］（$188）名號的菜色，彷彿鑿上［正宗］兩字實在令人期待。 雞肉炸得香口而不過火，配上醬汁更是惹味到一個點，風味絕佳。 同樣係雞頸肉，但［宮崎式雞頸肉炭火鐵板燒伴柚子胡椒醬］（$248）又是另一種滋味，以熊熊烈火把外層燒至香口，內裡是緊鎖肉汁，配以柚子胡椒醬來平衡油膩的口感，拿捏得相當好。 臨時想起有［宮崎式雞冠炭火鐵板燒］，當然不會錯過，講真，每隻雞只得一個雞冠，要儲起一碟貨都不容易。 雞冠燒得焦香，尤其是咬落帶爽脆的感覺，好特別。 相信是晚亮點，一定係［總廚特別限定極上日本鰻魚爐燒］（$388），原條日本直送，由於已經預先處理好，即場拆封放上火炙加熱，方便快捷，再以炭爐奉客，視覺效果一流，而且鰻魚肉質細嫩，偶有碎骨亦問題不大。 同行友人見鄰坐有人點［炸雞翼］，口水流之下就來一份，大廚選用秋田縣出產比內地雞，又係認真而且有保證之作，炸得色澤金黃，香脆可口，果然沒令人失望。 另一款炸物係［炸廣島蠔］（$65），大大隻又juicy。 食食下，突然友人想起店方有［自家製雞肉丸配黃金蛋］（$43），好彩即場仲有貨，用雞肉丸蘸點了日本蛋漿，外層滿有蛋香，而內裡有嚼口，超正。 總係喜歡以澱粉質作單尾，就以［櫻花蝦櫻花飯糰］ （$48）及［日式醬油燒飯糰］（$38）來壓軸。 畢竟棉登徑出入方便，加上食物有質素，難怪整晚都人流不絕。 地址 : 尖沙咀棉登徑8號地下G12-13號舖   電話 : 21046855   味道 : 4  環境 : 3  服務 : 4  衛生 : 4  抵食 : 4  位置 : 5   希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!…

 一向都喜歡食點心，以前最愛掹衫尾跟老爸上酒樓，不過胃納有限多數都係一籠灌湯餃加鵪鶉蛋燒賣或淮山雞札，人越大，食得越多，如果有放題更加食得開心。 其實兩年前已經開始同朋友幫趁桃里的點心放題，早排有朋友轉工成功，知我鍾意飲茶，因利乘便，兩個人撐檯腳。 桃里的點心以數量而言未算多，大概30款左右，但我一般都係點到十幾樣，再多都食不下就浪費，而且個人覺得重質比重量緊要。 點心放題只在星期一至星期五午間供應，兩位用港幣$760，小童(三至十一歲) 每位港幣$280，連茗茶:每位港幣$34，但即場入會可享75折優惠，再係原價加10%服務費，計落都係$352左右。 前菜梅子醬煙鴨胸、泰式鳳爪、青瓜想不到西式煙鴨胸都化成中式風味，酸酸地效果不錯。 泰式鳳瓜質感爽滑，辣辣地幾開胃。 拍青瓜咬落脆口，味道清新。 咖喱豬皮魷魚已經好耐無食這類街頭小食，豬皮爽滑，魷魚彈牙，咖喱不會太辣，而且甜甜地，好有懷舊feel。 仲有柱侯醬蘿蔔牛孖筋同菠蘿咕嚕排骨，只係諗住每類點兩三樣就算。 點心以蒸炸為主，而且部分會按人頭出，避免了浪費。 晶瑩鮮蝦餃皇除了灌湯餃，蝦餃是必食的，單睇餃皮搓揉得通透加上有10摺以上，已知有水準，蝦肉爽彈鮮香，好味，即時要追加。 蟹籽燒賣皇燒賣是另一款好受人追捧的點心，肉鮮蝦爽，又係必食。 麻辣牛栢葉傳統風味多數係用薑蔥蒸，但近年風行麻辣燙，轉轉口味都無妨，辣度不算強，反而會挑起了食慾。 蟹籽碧綠帶子鮮蝦鳳眼餃屬於較新口味的點心，餃子皮加入菠菜汁去搓，色澤淡雅，配以豔麗的蟹籽，餡料是帶子與鮮蝦，爽嫩兩種肉質夾雜，好特別。 脆皮羅漢腐皮卷腐皮炸得淡黃，食落又不覺油膩，內裡是羅漢齋餡料，帶著雜菌的香氣，不錯。 若果意猶未盡，仲有黑松露菌牛肉燒賣、蠔皇叉燒包、潮州蒸粉粿、紫薯鹹水角、蒸臘味芋頭糕、上湯鮮蝦水餃同芹香韭雞絲蝦春卷。 湯蟹肉灌湯餃平時係一間街坊酒樓當特點都要$30以上，但係屬於無料到，只得味精湯，不家陣可以任食湯底真係熬好既高湯，點都值四、五十蚊盅，加上有蟹肉，味道更鮮甜，食得兩盅已經差不多成百蚊。 足料老火湯機松茸乾貝鳳爪北菇老雞湯陣陣醇香，舌底生津，絕對係用時間換來的美味。 蔬菜事後先發覺無點菜蔬，不過奶油椰菜花及蒜子浸水東芥菜，下次可以試試。 飯麵雖然自己係澱粉質怪，但已經好飽，就算單尾有鹹魚蓉雞粒炒絲苗、芹香瑤柱肉碎泡飯以及銀芽榨菜牛鬆炆米粉，都已經太飽，放棄。 甜品話就話好飽，但甜品係另一個胃，將淨低既食力一次過爆埋。 先來一個凍香芒布甸，香甜而份量細，啱啱好。 再上鳳梨蘭香籽凍糕，清清地正好令味蕾休息一下。 另外兩款係陳皮紅豆沙同埋香麻空心煎堆仔，不過已經好滿足。 Facebook專頁 : 千鿋新世界香港酒店 地址 : 尖沙咀麼地道72號千禧新世界香港酒店2樓   電話 : 2313 4225   味道 : 4  環境 : 4  服務 : 4  衛生 : 4  抵食…

 聖誕氣氛似乎越來越濃，近日跟太太都試了好幾間酒店的 Afternoon Tea，都是滿滿的聖誕主題，而且各具特色。 尖沙咀美麗華酒店近日裝飾得美侖美奐，大堂更是設有靚靚打卡位，想影靚相絕對無問題。 除了自助餐一向係Yamm 的強項外，另一間位於大堂的 CoCo 亦推出了最新的［糕］峰甜點 冬季下午茶（Sweet From The AlpsFestive Afternoon Tea Set），而供應期由12月1日至30日(12月24日及25日除外)。 Frosty WelcomeViennese Chocolate Chip ice-cream先送來的朱古力雪糕，濃度偏高，很喜歡那種甘甜的味道，在舌尖慢慢溶化的感覺。 Bakery & Homemade Preserves 先係有Raisin and Five-spice Scone以及Raisin & White Chocolate Chip Scone兩款口味鬆餅，配以 Devonshire Clotted Cream 同埋 Alpine Lingonberry Marmalade。 很喜歡撕開兩邊，分別塗上Clotted Cream及果醬，各有不同風味。 Alpine DessertViennese Apple Strudel, Vanilla Cream蘋果餡餅酸酸甜甜，用吱筒把香草奶油注入，多了一份甜香，外層又酥化，不錯。Traditional Sacher Torte外層滑溜，賣相簡單，朱古力濃度偏高，陣陣甘甜的感覺，又真係好啱我。…