我們的三十年~[珍珠婚]之旅 @ Andaz Shenzhen Bay ( 南山區 )

 


不經意地,跟太太攜手走過三十年,看著對方兩鬢漸白,總有點人生怱怱的感覺。


本想一家人來一次旅行,但囝囝又臨近大考,唯有簡簡單單,跟太太二人世界。


早前去過金沙灣及大梅沙,享受陽光與海灘,而今次就以吃喝玩樂為主,最重要是能跟身邊人一起過,對嗎?


今次選擇了 Hyatt 酒店集團旗下的 Andaz,無他,酒店並非位於市中心繁華地段,反而是䇄立於深圳灣口岸附近,從后海站G出口信步過去,都不過是幾分鐘腳程,途經華潤萬象城,名店林立,食肆又多,如果不想在酒店用餐,都有好多選擇。


酒店大門相當隱蔽,而且分為大堂門口及用餐門口,相當講究,不過門前有服務員引領,都不怕走錯地方。


如果遇上當天兩個時段,大堂會有酒店大使狗狗在歡迎大家,聽說是令人回到家中的感覺。


酒店的Checkin Counter很有特色,客人可以安坐一旁喝杯茶,吃件曲奇餅,前檯職員會安排一切,服務是相對到位及窩心。


穿過一條掛上48張上世紀20年代至30年代,中國最具影響力的人物油畫後,便到了客人雅堂區,而隱密水吧會在不同時段提供小食及酒水,牆上的中國風庭園壁畫,事後翻查資料,原來是源於一位18世紀時特蘭公爵夫人五世,在中國購買的一款古董,難怪畫風好特別。


今次選擇了豪華城市海景大床房,全幅遠景無遮擋遠眺深圳灣口岸及蛇口無敵海景,足下是[深圳人才公園]及體育館,聽說明年更會建成文化廣場,而酒店可直通,又多一處閒逛的好地方。


房間差不多有500呎大,空間感強烈,處處能看到名設計師“季裕棠”的心思,另具一格的百葉門、牆上粉藍紫色調的木牆、彷彿時空轉移的地磚,令人不覺入住酒店,而是去了一間大宅之內。


講返設備,一般酒店的迷你酒吧及雪櫃,都會擺放小食及飲品,但除了兩樽水,其他都要收費,但細心一睇小單張,原來所有飲品及小食,第一次都時免費的,實在有點意外,因為雪櫃裡不單有soft drink,更有酒店自家品牌的啤酒及水果梳打,值得一讃。


而梳洗間亦分浴缸同企缸,但估不到洗手間竟然用上自動沖洗馬桶。


見仲有時間,又覺肚餓,就先去謐園嘆個下午茶


近年係深圳酒店都試了不少下午茶,的確是越見進步,今次更加入了“巴黎之花”香檳,又有即切18個月伊比利亞火腿,仲有Homemade煙燻三文魚,雖然在賣相上仍有改善空間,但誠意十足,味道上亦拿捏得相當好。


食過半飽,就去了旁邊的[深圳人才公園]逛逛,其實有時候未必任何時間都填得滿滿,反而靜靜地散步,更能放鬆身心。


晚餐就在謐園同層的[東室],如果想食西餐,就可以去[西室]。


詳細的餐後分享,容後再談,但當中[魚子醬蜜豆龍蝦琉璃盞]、[龍騰四海龍蝦仔]及[招牌濃蝦湯米線]就最得我心。


臨瞓前想來點酒意,就在酒吧[Bar 1919]聽著爵士音樂,同太太享受店方名物[Flourishing Age 2022 繁花]及[2021 Rock],若是單純想喝無酒精飲品,建議可一試[Spring Breeze 春風十里],都是一個挺好的選擇。


跟太太悠長的30年,就在歲月如梭,指掌間流過。

酒店專頁 : Andaz Shenzhen Bay

酒店地址 : 深圳南山區科苑南路2600

電話 : +86 755 8626 1234

想知道更多深圳資訊 :

深圳美食玩樂團(更新版)

悠遊大灣區

小紅書 : 美食焚化爐

IG : foodiephilip

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

《環迴深圳》海邊旋轉木馬 X 沙灘瑜珈 X 池畔手沖咖啡 @ 洲際深圳大梅沙度假酒店

 

晨曦初露,又係時候做運動。

係香港就慣了落公園跑步,太太趕返工就欠奉。

今次經酒店安排,係私屬海灘做瑜珈,又真係幾有趣。

因為要夾啱潮退關係,所以要一早六點係大堂集合,瑜珈導師同軟墊都由酒店提示,大可輕身上陣。

課程大約一小時,聽著海浪聲,望著太陽徐徐昇起,有種洗滌心靈的感覺。

順帶一提,原來酒店每天都請專人清理飄浮上海灘的海藻及什物,難怪海灘會乾淨到一個點。

出了一身汗,梳洗過後當然要醫肚。

住宿本身已包含早餐,而用餐點就是昨晚的[蔚藍閣]。

畢竟是大集團酒店,食物有一定水準,自己係澱粉怪,先來一碗牛腩麵,而雲吞是現包現煮,保證新鮮。

太太的雜錦粥材料非常豐富,有齊雞肉、魚柳、牛肉、蝦仁、豬肉及皮蛋。

蛋類變化最多,常見的烚、煎、炒及奄列少不了,竟然還有即叫即整的 Benedict,又是一個賣點。

中式點心有驚喜,蝦餃皮透而富彈性,仲有蒸排骨、黑椒牛仔骨同牛肚,份量啱啱好,味道比香港酒樓毫不遜色。

麵包類都有好多款,中西式都有,尤其是有肉夾饃,真係好少見。

至於其他例如Cold Cut、煙肉、火腿及雞肉腸當然有。

想健康一點?飲品例如乳酪及穀物類都有提供。

果汁有鮮橙汁、西瓜汁及青瓜汁,又有soft drink同即沖咖啡,各自點了 Cappuccino 同埋 Latte,賣相同香味都不錯。

其實[蔚藍閣]係獨立建築物,四周彷彿有水包圍,不難找到打卡位。

見仲有時間,一於去主樓行下幫助消化。

原來兒童遊樂設施大多位於主樓。


因為酒店臨近海灘,所以附有水上用品售賣部,貨品又幾齊全喎!

另外當然有兒童遊戲室。

係大堂又有夾公仔機。

又係一句,地方大就可以任性,竟然有可以繞場一周的無軋小火車。

又有旋轉木馬,小朋友大把地方去玩。

其實酒店每日都有活動安排比小朋友,詳情可睇大堂告示或者向前檯職員查詢。


至於大人,當然有設備齊全健身室。



同樣設施係[洲際行政俱樂部]一樣有


若果怕太陽晒,又或者天氣不似預期,請放心,有室內泳池。

玩完又覺肚餓,今次轉戰主樓內的[源•咖啡]開餐。

五位朋友點了兩個套餐都已經夠食。

一款有澳洲龍蝦海鮮叻沙湯面。



而另一款有澳洲牛扒、法式羊排、碳烤生蠔、碳烤元貝以及香煎三文魚扒,係咪豐富到一個點呢?


見未有車,就四圍行下,係泳池一角,有搭建起露天營地,在吹著海風享用下午茶之餘,又可以好好品嚐手沖咖啡的滋味。

今次同太太的放空之旅,可說是圓滿,唯一要挑剔係比太太投訴重了幾磅,哈哈!

酒店專頁 : 深圳大梅沙京基洲際度假酒店

酒店地址 :

中國廣東省深圳市鹽田區鹽梅路83283深圳大梅沙京基洲際度假酒店

電話:
+86 755 88886688


電子郵件: info@icszdameisha.com

想知道更多深圳資訊 :

深圳美食玩樂團(更新版)

悠遊大灣區

小紅書 : 美食焚化爐

IG : foodiephilip

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

《環迴深圳》清幽與熱鬧 X 全天候水上活動 @ 深圳大梅沙京基洲際度假酒店

 


不經意地,好快又到五月一日的長假期,大家有否諗過出外走走?

但機票越賣越貴,仲要未必搶得到,與其吃力不討好,倒不如近少少,反正已經通關,上深圳或澳門走一轉仲好。


早排同太太就入住了洲際深圳大梅沙度假酒店,由於[洲際行政俱樂部]比主樓清幽而且較新淨,當然是不二之選。

行政俱樂部樓入口處以水及植物帶來悠閒舒適的感覺。

迎來大堂Lobby位的,是270°落地大玻璃,一面直望海面,遠眺處更是香港的西貢,頗似兩地連成一線。

隨著室外陽光的轉動,大堂的氛圍都不一樣,很有趣。

想不到check-in counter都別樹一幟,相信在前檯工作的職員都不會太大壓力。

今次入住[經典海洋房],面對大梅沙的優美海景,向海的一方當然設有小露台,沖杯咖啡靠著沙灘椅,吹著海風在發呆或來過小憩,心境都平和了不少。

兩張單人床其實等於家中的雙人床size,設備亦齊全,梳洗用品毫不擔心。

沐浴間與洗手間是分開的,仲可以選擇浸浴。


最窩心係有拖鞋提供,想落沙灘漫步,甚至游水都超方便,又可以帶少樣物品。

由於入住[洲際行政俱樂部],所以能免費享用俱樂部內提供的早餐、下午茶及Happy
Hour

早餐就要明早先知水準,但下午茶就點都要試試。

下午茶的位置就在大堂的[麓榭]Club Lounge,同樣是270°無敵海景相伴。

飲品方面,單係果汁已經有橙汁、西柚、西瓜及提子,soft drink、紅茶及咖啡更是少不了。

糕點有scones、蛋糕、瑞士卷、曲奇、三文治及新鮮水果,講真一句,實在可以食到飽飽。

大小梅沙多年來以海灘及水上活動見著,醫完肚就跟朋友試試。


由於碼頭係主樓,信步而行都係幾分鐘,但酒店設有電瓶車,十個八個人一車過去好方便,不過就要預先講。

因為都有10個人,索性包遊艇出海,吹下海風,遊艇費用大概$3000人民幣左右,但要因應日子而定,而且人多先熱鬧好玩,不過提提大家,上船前要先通過浮桶橋的考驗啊!

另有朋友喜歡刺激,二話不說就跳上[水上電單車],在水面風馳電掣,不過放心,係有專人駕駛的。

若果不怕濕身,又有風帆、水上降落傘及水上滑板,總之差不多同水上活動有關的玩意都找得到。

返到酒店正好是Happy Hour,食物都是同之前相近,更添加了位上的頭盤、沙律及 Cold Cut Platter,方便大家佐酒吧!

老實講,又真係超過十款以上酒類,個人覺得好滿意。

戶外設有露天無邊際泳池,仲有迷你哥爾夫球場,食飽飽郁下都好。

晚餐就在[蔚藍閣]。

箇中的詳細內容會另文分享,但值得一提是大廚是師承奧地利師傅,對食材的運用更具層次。

麵包籃內墨汁包軟熟可口,加上有少少餓,一口氣掃了四、五件。

至於頭盤的鮑魚,柔韌而咬落毫不費力,醃得夠入味,伴以白酒一流。

主菜選擇了澳洲和牛M5西冷,當然係個人最愛的medium rare,肉質呈嫣紅,滲出些小血絲,火喉控制相當對辦,再澆上松露紅酒汁,肉質鬆軟有嚼口,肉味濃,而太太的鱈魚亦恰到好處,好味。

說說笑笑又是一個晚上,因為太太明早參加了海灘瑜伽班,早睡是必然吧!

酒店專頁 : 深圳大梅沙京基洲際度假酒店

酒店地址 :

中國廣東省深圳市鹽田區鹽梅路83283深圳大梅沙京基洲

際度假酒店

電話:
+86 755 88886688


電子郵件: info@icszdameisha.com

想知道更多深圳資訊 :

深圳美食玩樂團(更新版)

悠遊大灣區

小紅書 : 美食焚化爐

IG : foodiephilip

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

《環迴深圳》X 營地下午茶 X 乘坐小火車 X 適合一家大細的金沙灣萬豪 (第二日)

 


一覺醒來,打開露台享受一下陽光與海風,自有種心曠神怡的感覺。


梳洗過後,當然係醫肚時間,地點就係昨天晚餐的 Kitchen


先來個新鮮水果盤,火龍果、西瓜、哈蜜瓜及提子,甜美可口。


不怕剝皮的,仲有蘋果、雪梨、香蕉及柑桔。



愛健康的朋友,當然有乳酪及穀物類供應。


再加杯脫脂牛奶或者全脂牛奶都可以。



至於自己係澱粉怪,去麵檔來配牛腩麵少不免。



仲有烚蛋、煎蛋、奄列、炒蛋、薯餅、炒麵、炒飯、炒菜及蒜心炒牛肉。



喜歡的話,仲可以加配雞粥,老實講,又真係幾綿滑。



中式點心有蝦餃、菜肉包、奶黃包、饅頭、餃子及粟米。


當然會有西式食物。



單係芝士都有四款



德國雞肉腸、煙肉、火腿、莎樂美腸、牛肉片及凍肉。



麵包有牛角包、Pancake、窩夫、丹麥包、香蕉包、法棍及多士等十幾廿樣。


食得飽飽又係時候四圍行下幫助消化。


最佳方法一定係去體身室做運動。



話時話,個體身室又幾大,設備亦齊全。



雖然酒店附有海灘,但酒店本身都有室內泳池,方便客人。



畢竟係resort hotel,小朋友設施當然要顧及,兒童遊戲室有適合幾歲的波波池、攀爬組合,又有電動遊戲、足球機及桌球



就連VR及小火車都有(當然部分是要付費的)。


臨行前同幾位深圳朋友係嘉美軒飯聚。


今餐真係豐富到一個點,所以會另文介紹。


不過有幾款好有特色的確要同大家分享。



湯之中個人覺得石斛涼瓜大連鮑及豬腱肉燉石橄欖味道甘中帶甜。



香煎蠔仔烙比香港不少名店出色。



酥炸油粿就好惹味。



加埋主食中的綠元仔,又真係好少食。


見仲有時間,車又未到,一於食埋下午茶先走。



雖然下午茶非酒店強項,但可以係戶外,坐係內地近年大熱的營地內,吹吹海風,又真係別有一番滋味,相當有趣。



雖然今次只係兩日一夜,但行程又幾豐富,諗諗下真心已經想再來。

想知道更多深圳資訊 :

深圳美食玩樂團(更新版)

悠遊大灣區

小紅書 : 美食焚化爐

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

澳門永利皇宮頂級體驗

 


雖然澳門比深圳更早通關,亦有澳門朋友相邀過去吃喝玩樂,但一直都抽不到時間,直到上星期先有機會走返轉三日兩夜。


可能是平日的關係,無疑往澳門的船隻班次的確是減少了,但信德中心卻依然未見昔日人頭湧湧的情境。

係澳門過關,就算換了最新的智能身份證,只要在上一代已經登記過自助過關,係澳門移民局過關,功能是有保留,大可繼續使用。

今次入住了永利皇宮的套房,房間光潔明亮,設備當然是應有盡有,最厲害是玄關位的水吧,竟然有Gold
Label Johnnie Walker
、中國茅台,以至人頭馬XO,其他特色啤酒汽水已經屬小事一樁。

起初仲有些小奇怪,一般酒店入住都會有水果盤歡迎客人,但今次入住套房,竟然會無水果?

原來規格是更高一層,有room service送上新鮮士多啤梨及覆盆子。

至於使用率最高的洗手間,梳洗區、沐浴區以及方便區都分得清清楚楚,亦有浸浴及企缸的設施,非常方便。

而一次性的梳洗用品亦一應俱全,連洗面盆都分兩個,無須同人爭。

至於寢室的 King Size 床更是舒服到可以令人一覺睡至日上三竿

由於今次想試盡永利酒店集團旗下的餐廳,餐廳就轉戰永利酒店的京花軒

京花軒在早前的 Asia 51-100 Best Resturants, 中榮膺No.92,行政總廚張志成師傅年輕有為,來京花軒前曾在北京開設私房菜,深得老饕們喜愛,今次主理京花軒,又帶來一番新氣象。

今次同朋友主要係試試張主廚的 tasting menu,未計茶博士的推介及酒品,單以餐廳曾多年榮獲米芝蓮二星(2016-2021)的實力,又有今年Asia Best Resturant No.92 的加持,基本上一位難求,所以就算是$2888/位,都覺得相當合理。

單單前菜以晶鑽魚子醬,配合不同食材,就予人驚喜。

仲有紅酒鵝肝、紅油葵花雞、黑松露鰻魚骨汁炒花膠、大紅袍燕窩鳳翅,加上川菜名物開水雞豆花同單尾牛肝菌蔥油麵Petit Four竟然係充滿中式元素的甜品車,美妙絕倫的一夜。

可惜今日忙到無時間去坐酒店專屬吊車,反正仲有兩日,可以慢慢享受今次澳門之旅。

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

《環迴深圳》X碧海藍天X適合一家大細的金沙灣萬豪

 



封關幾年,念念不忘深圳的吃喝玩樂,復關後已走了兩三轉,當中驚覺深圳仍在高速發展,單是地下鐵路,已經延伸到昔日的二線城鎮,幾乎想去邊都得。


但一般人都係沿鐵路線商場逐個玩,的確係方便就腳,但有時真係好多人。


想玩得舒服,深度了解下深圳,可以去遠一點。


說起來,已經有一段日子沒跟太太出外走走了,難得的兩天假期,一於走遠一點,找個充滿度假氣息的酒店放空。


早前在網上見過金沙灣萬豪的宣傳片,能在房間露台遠眺大海,可以說是太太心儀的景色。


畢竟地點有點偏遠,就連地下鐵都觸不及,所以從深圳坐[滴滴]過去(其實的士都可以),都係人仔$130左右,車程大概50分鐘,同坐巴士入屯門差不多,其實上次去歡樂港岸都要一個鐘頭以上,仲要轉幾次車,根本仲花時間。


酒店位處海邊,別具氣派,尤其是大門位可以直通到海邊,午後海風吹來,別有一番滋味。


酒店房間足有三百呎,普通房是園景,而向海房間附有一個小露台,打開落地玻璃,讓海風徐徐吹送,有種懶洋洋的感覺,而望著遼闊的大海,聽著海浪聲,令人煩惱盡消。


就算是單人床,都特別大張,兩個人瞓毫無焗促感,軟硬度適中,一覺可以睡到天明。


至於洗手間,除了偌大的浴缸,大可浸泡泡浴外,企缸及方便位是分開獨立間隔,就算多人入住都無問題。


酒店旁邊有個免費遊樂場,開幕不足半年,設備好新,地方又大,單是一組供小朋友攀爬的組合,已經有三,四十米長,難怪就算人頭湧湧,依然不覺擠擁,更不消說有其他玩樂設施?


午餐就選擇了中菜廳嘉美軒


一如內地酒店,餐廳多數設有廂房,獨立洗手間及沙發是必然的事。


好好享用完一頓以當地海產為主的午餐後,又要出去活動活動,幫助消化。

酒店附有小型動物園,有兔子、山羊及羊駝,更有一對整日不見踪影的孔雀。

據工作人員透露,每天早上孔雀享用完早餐,便會飛走,到處逛街,而事實上,我同太太足足係酒店[尋找孔雀的故事],前後45次先搵到,仲要係眼前不足五呎距離,可能終日能四處走動,孔雀的羽毛色澤閃亮鮮艷,可惜未能見證關屏的一刻。


見仲有時間,一於走轉大鵬古城。


古城就係附近,[滴滴]過去都係20分鐘左右。


其實古城保養得好好,內裡不單保留城牆,更有將軍府以及海防展覽館,若果行得累了,又可以有咖啡店可喝上一杯,非常方便。

返到酒店,又係時候食晚餐,酒店除了中菜,相信最受歡迎一定係自助餐。


其實除了[KITCHEN ],酒店內有日本餐廳,大家多個選擇。


很有趣,自助餐竟然有一人火鍋,而且有手切牛肉供應,好合我心意。


再講幾樣回本位。


海鮮有咖啡蟹、大頭蝦、青口、沙白同海蝦,都非常新鮮彈牙。


肉類會推薦烤鴨、即煎牛扒、即切火腿及原條烤魚。


甜品相信是酒店強項,一整張長甜品stationTiramisu、拿破崙、芝士蛋糕、奶凍、絲絨蛋糕以及布丁,小巧吸引,一口一件,超方便。


飯後又可以四周行下,睇睇夜景。


當然,不能錯過大堂 Lounge
Live Band
,歌聲悅耳動人,真心覺得好聽,正好令大家在憩睡前放鬆心情,這才是度假的目的啊!

酒店官網傳送門 : 深圳佳兆業萬豪酒店


地址 : 棕櫚大道33號深圳佳兆業萬豪酒店(近觀音山和大鵬古城)

想知道更多深圳資訊 : 深圳美食玩樂團(更新版)

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

沉醉於聖誕氛圍的Staycation @ 香港海洋公園萬豪酒店 ( 黃竹坑香港海洋公園萬豪酒店 )

 

轉眼間,聖誕節已經過了!

可能大家趕住返[鄉下],訂機票已經係一大難關,倒不如安安穩穩係香港玩下
Staycation

早排就跟太太撇開家中兩隻小魔怪,入住海洋公園萬豪酒店慶祝聖誕節。

由於午間check-in,取過電子房匙後,因利乘便就試試 Pier Lounge & Pier Bar 的聖誕下午茶。

既然是以聖誕節作主題,基本上所有甜點都打造成聖誕氛圍,當中有幾款個人好鍾意。

先講下酒店的房間設備。

入門已見檯上擺放了新鮮水果及朱古力,再加上已開動的空氣淨化機,令住客安心,可說是一個窩心的安排。

近門的入牆櫃是有浴袍、拖鞋、迷你保險箱,甚至風筒、燙斗都應有盡有。

全自動開合的窗簾及薄紗,最啱自已呢種懶人,窗台位設計成長沙發,可以靜靜地欣賞泳池景色,加上酒店已掛上聖誕燈飾,閃爍的燈光,猶如天際閃亮的繁星。

經過整天勞累後,沖一個舒適的花灑浴來放鬆心情是最好不過,酒店承環保的理念,沐浴露及洗髮水並非一次過即棄用具,值得欣賞。


而企缸是全玻璃設計,若是情侶或夫婦入住,又會多了幾分旖旎風光,當然,如果是一家大細,還是乖乖關上窗簾好了。

今次入住的房間,剛好對正酒店中庭位的泳池,可惜近日天氣轉涼,太太就算是帶了泳衣,都無勇氣跳落水。


踫上晚上是酒店的亮燈儀式。

猶如晚上的星空璀璨,一片深邃的藍色,沿著泳池邊的曲幽小徑散步,有種安寧謐靜的感覺。

而且當晚不單有火雞、小食及甜品供應。

更有舞蹈及唱聖誕節歌助慶,的確令整個聖誕氣氛更濃烈。

熱鬧過後,晚上跟太太靜靜的坐在窗前,欣賞池畔的閃爍燈光,自有一種安寧謐靜的感覺。

一覺醒來,又係醫肚的時間,Marina Kitchen & Marina
Cafe
正正係地下, 以往曾光顧過Dinner Buffet,個人真心覺得係全港頭幾位好食同抵食。

講返早餐,最開心係有好多健康食品,各式口味乳酪及包點不在話下。

仲有DIY沙律、粥、中式點心。

而最啱自己就係有DIY奄列及煎烚蒸蛋,配上茄汁豆、火腿、雞肉腸及煙肉,再加杯咖啡及果汁,就好似享用緊 All Day Breakfast一樣。

原先想食飽飽就去健身室做運動,可惜要近中午先開放,而太太又趕返工,唯有留待下次吧!

Facebook專頁 : Hong Kong Ocean Park Marriott Hotel

 

地址
:
黃竹坑黃竹坑道180號香港海洋公園萬豪酒

 

電話 : 3555 1688

 

環境 : 4  服務 : 5  衛生 : 5 位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

不假外求 X 盡享海天一色 X 吃喝玩樂24 小時 @ 沙田凱悅酒店

 

一轉眼就到聖誕節,仲未買到機票去玩?無問題,暫時係香港食住玩都仲係好抵。


上個月就同太太及囝囝去了沙田的凱悅酒店,畢竟係正大學站內,好有遠離市區的感覺,但隔離係火車站,行過去5分鐘腳程,出入又超方便喎!

今次入住26樓的[嘉賓軒海景套房],窗外可遠眺吐露港的優美景致,踫上了好天氣,靠坐窗邊,感受一下寧靜的氛圍,與及和煦的陽光,是倍覺怡人。

房間分客廳及睡房兩區,各設有電視機及洗手間,夠晒方便,更加有煮食區,半夜肚餓都可以煮下麵。

由於套房關係,想 Check-in 可直上25樓辦理,亦可以享用同層的Regency Club 設施,包括午間提供酒類飲品時喝上一杯。

當然,午間的指定時段,Regency Club是有食物及飲品提供,至於其他時間,客人可隨時到訪,開支Sparkling Water慢慢嘆。

畢竟是大型酒店,泳池都比一般酒店為大,而且窩心地有泳衣出售,方便忘記帶泳衣的朋友,泳池更有練水道,方便“操”水的客人,當然,亦有小朋友的嬉水區。

如果是“旱鴨子”,但又想做運動,請放心,酒店有大型健身室,跑步機及划艇等設備任玩,仲要係好新。

活動過後,又到醫肚時間。

凱悅咖啡廳的Buffet一向出色,今次仲加強陣容,先講下每晚另加菜色,先有即劏油甘魚,再來芝士火焰龍蝦,壓軸係火焰斧頭扒同牛柳,原先本身有任食鮑魚及花膠,即煎鴨肝同龍蝦,甜品係鯛魚燒加埋即製黑森林雪糕杯,聽見已經夠吸引了吧!( 詳細食評 )


食完飯返上房,晚上的吐露港景色,更是另有一番優美寧靜的感覺,好舒服。

一覺醒來,又係時候去充電,因為套房關係,客人可在25樓享用早餐,人數較少,但食物種類相對較精緻,但自已想食多幾款,就選擇了咖啡廳。

早餐實在相當豐富,簡單的講下些少。

蛋類除了基本即煎雞蛋、炒蛋、烚蛋同奄列外,更有班尼廸蛋,係咪好有驚喜呢?

中式點心有牛肉燒賣、燒賣、韮菜餃、流沙奶黃包、雞粥、豉油王炒意粉、炸蝦角、白菜豬肉湯餃、煎蘿蔔糕同炒菜。

想飽肚,仲可以食碗麵。

另外有cold cut,辣肉腸、牛脷腸、火雞火腿。

麵包就有丹麥包、牛角包、菠蘿包、法包、農夫麵包、甜包、鬆餅同全麥麵包,加加埋埋超過十款,配上迷你樽裝果醬,就更加衛生。

飲品有蘋果汁、甘筍汁及橙汁,當然有奶類及乳酸類,值得推介係餐廳自家調製的羽衣甘藍菠蘿汁,色澤毫不吸引,但健康又香甜,必飲。

好好地享受完早餐,又可以去多之健身室做下運動,望住室外蔚藍色的天空,心情都特別開朗。

兩日一夜好快就過,但有種令人遠離繁囂,跟家人開開心心相聚的感覺!未知下次又會去邊呢?

Facebook專頁 : Hyatt Regency Hong Kong, Sha Tin

 

地址
:
沙田澤祥街18號沙田凱悅酒店

 

電話 : 3723 7952

 

味道 : 4  環境 : 4  服務 : 5  衛生 : 5  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

童年現在一樣可愛 X 「史諾比開心宅度假」@ Hyatt Centric (香港維港凱悅尚萃酒店)

 


大家都經歷過小朋友年代,相信都有自己喜好的卡通人物伴隨自己成長,而屹立幾十年的「花生漫畫」,就是我的童年回憶尤其是當中的Snoopy,更是夢寐以求的朋友

近日 Klook 與香港維港凱悅尚萃酒店聯乘首推「史諾比開心宅度假」住宿體驗。

位於北角的 Hyatt Centric,靠近海邊,所有房間都能欣賞維港景色,佔盡地利。

一踏進酒店大門,便有位兩米高的Snoopy在歡迎大家的到訪。

酒店將部份樓層打造成 Snoopy 主題房間作 Staycation與以及專屬打卡之用,期間客人更可獲贈限定禮品包及甜點套餐。

家陣只須HK$2,398起(原價HK$3,880
即可入住史諾比主題標準客房(大床客房/標準雙床),連 The
Farmhouse
的雙人Dinner Buffet 2小時)及早餐(1小時),仲有 The Farmhouse Deli 餅店「約會史諾比二人甜點套餐」,當中有 Snoopy 蛋糕兩件及飲品兩杯,至於住客更可獲贈「史諾比伴你回家」禮品包(史諾比手提布袋、毛巾及真空保溫瓶)。

今次為大家介紹「海景客房」(房價由$2,618$2,948不等)與及

「專貴海景客房」(房價由$3,388$3,718

兩間房同樣擺滿了「花生漫畫」的擺設,床頭燈都是萌爆的Snoopy,向著海景的大玻璃窗亦貼上了得意圖畫。

房間中大公仔與及中空茶杯,亦是得意的狗狗造型,不過大家可不要忍不住手帶回家啊!因為酒店已例明了價錢!

P.S : 預訂日期即日起至1129日,而入住日期由101日至1130


若然家中有寵物犬,準備跟他一起度過一個難忘的假期,酒店亦有「 史諾比開心宅度假毛孩友善樓層住宿套餐」,每晚只需HK$1759起, 即可入住毛孩友善樓層的史諾比主題標準客房( 每間房間允許攜帶一隻體重不超過30公斤的愛犬,當然導盲犬除外, 每房連導盲犬最多兩隻,第三隻狗狗需另加$29910%服務費,而酒店將提供多一份狗狗歡迎禮包),連狗狗歡迎包及史諾比伴你回家禮品包,就連供毛孩睡覺的布籃,都可讓客人帶走,至於其他的美食待遇,跟Staycation的毫無差異。




酒店更把西座3樓的 
Upper Farm
,開放成為毛孩而設的專屬草地,可讓寵物狗狗盡情奔跑。

順道為大家介紹一下 The Farmhouse Deli 餅店的「約會史諾比二人甜點套餐」,客人可於 The Farmhouse Deli 餅店品嚐又或取回房內慢慢享用。

咖啡更以可可粉灑出Snoopy的可愛剪影。

至於Buffet,留待稍後有機會再跟大家分享。

10月初有好幾天假期,反正出外旅遊是免談,倒不如跟家人或心愛的寵物來一個放電之旅吧!

訂房傳送門 :

酒店專頁 : Hyatt Centric

如果喜歡這篇文章,請在我的專頁上剔“LIKE”,當是給我小小的鼓勵吧!謝謝!

 

http://www.facebook.com/foodiephilip

送給父親的禮物 @ Regal Hongkong Hotel ( 銅鑼灣富豪香港酒店 )


 

年輕時總覺得混身是勁,充滿活力,上完通宵班仲可以玩多24小時都不覺累,但年紀大了,稍微睡眠不足已經整天沒精打采,大敵「三高」更是向你招手。


或者大家都習慣了係香港Staycation止止渴,但免房租、送餐劵、親子樂同Wine Pairing都試過,想不到近日「富豪酒店」集團旗下三間酒店,加埋iClub,聯乘美容及體檢中心,推出《至「營」至「美」》住宿計劃,兩位用都不過是$1,080,已經包含一次性兩位的 Skin Laundry 專業面部護理療程與及「香港仁和體檢」的脊骨檢驗,若然想更進一步,只要多$400,就可以享用原價$1690的「基本身體檢查計劃」。

今次選擇了入住銅鑼灣的富豪香港酒店,而酒店附屬商場正好有「Skin Laundry」公司,客人可以預先book定時間,辦好入住手續後,正好施施然去做護理。

酒店房間位於34樓,面對維園景色,極之開揚,充滿了採光,而且樓底是少見的超高,空間感十足,令人感覺舒適。

樓上就係露天游泳,近排熱熱地,正好可以游水。

未食飯前正好去做一次療程,畢竟係酒店內,真係落雨打風都無問題。

職員會事前向客人作詳細的分析,然後再用專業機器作「激光及彩光」護理療程,而客人會被要求戴上護目鏡,真係幾細心,整個過程不用30分鐘,夠晒方便快捷。

做完療程,大可前往位於31樓的 Executive Lounge 免費享用飲品,亦可在下午4點至6點指定時間內,喝上一杯威士忌,或是吃些少茶點。

晚餐就在酒店的「富豪金殿」享用。

其實早幾個月前,曾跟朋友飲茶食點心,晚飯反而是幾年前的事,講真,的確有驚喜,幾款懷舊點心出色。

套餐是指定動作,兩人份份量絕對足夠,個人幾鍾意當晚的「白果腐竹豬肚湯」,夠火喉,湯色呈乳白色,入口醇香,超正。

另一道是「蟹肉扒嫩豆腐」,又係滑溜可口。

至於其他例如「麻香藕片鮮牛蒡」及「黑椒茄子牛柳粒」,都好有家常餸的感覺。


飯後又可逛逛附近商場又或者去底層的Gym Room 郁下,幫助消化。

一覺醒來,就可以到一樓的「御花園咖啡室」享用早餐,雖然未至於有驚喜,但由沙律到中式點心粥麵、西式煙肉火腿雞蛋,都一應俱全,又無須出街四圍搵餐廳同人逼,不過早餐只開放到10點半,可要注意。

若然時間安排得好,同日可做埋脊骨的檢驗,但就要大家移步至附近世貿中心的「香港仁和體檢」,大堂設有等候區,燈光調教柔和度,令人感覺舒適,而且有自助茶水供應,時間過得容易。

過程會由專業脊醫用儀器檢驗,然後資料會傳送到電腦上,客人會即時知道問題所在。

另外,想進一步了解自己身體狀況,亦可在預約時加多$400,便會有抽血檢驗,內容包含了肝、腎、血糖等等常見的問題,而驗血結果一欄,更有注射疫苗評估,及早知道都係一件好事。

畢竟6月又是「父親節」的日子,而活動亦去到7月尾,不妨考慮送上一個窩心的 Staycation
P.S : 可以用優惠價每晚港幣200元升級入住行政樓層高級客房並享用行政樓層貴賓廊禮遇 (最多2位)

預約傳送門:

Facebook 專頁 : Regal Hongkong Hotel

地址 :
銅鑼灣怡和街88號富豪香港酒店

 

環境 :
4 
服務 : 4  衛生 : 4  抵食 : 4  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip