Date archives: October 9, 2019

今次又係介紹buffet？ 冇錯，近呢幾個月相信最抵食嘅一定係自助餐，家家戶戶都做緊特價，平貴都有，豐儉由人。 位於灣仔六國酒店內的， 折實後人均不用$400，CP值都幾高。 可能真係好抵，去快餐店食碟飯都幾十蚊，仲未計飲品，家陣可以任食，OK啦！ 海鮮 麵包蟹 雖然無龍蝦，但麵包蟹隻隻爆膏，鍾意既朋友不妨食多D。 另外，有長腳蟹爪、紅龍蝦仔、翡翠螺、青口同凍蝦，都比較偏向大路，但質素都幾好，食得過。 刺身 有仿鮑片、三文魚、劍魚、八爪魚、吞拿魚及鱲魚，只挑了自己喜歡的劍魚、仿鮑片、八爪魚及鱲魚，解凍處理得好好，沒討厭的雪味，比預期中更好。 壽司 有油甘魚、甜蝦、八爪魚、熟蝦、墨魚、三文魚及鰻魚，掐得比較細件，不太佔胃納，可以試試。 熱葷 炸乳鴿 並非經常有得供應，所以碰上了就不要錯過， 乳鴿皮炸得幾香脆，而鴿肉亦都保持嫩滑。 清蒸星海斑 並非常見的青班或龍躉，而是較貴的星斑，蒸得火候啱啱好而且啖啖肉。 遼參蝦膠扒時蔬 出左兩三次，都好受歡迎，個人覺得遼參無須釀入蝦膠，單純的QQ質感我更鍾意。 海鮮類仲有蒜蓉蒸帶子、鹽焗三文魚、辣酒煮花螺、白汁海鮮皇、茄汁蝦 與及洋蔥煙肉焗蠔，又真係幾多不同款式。 另外，有豆豉蒜蓉炒油麥菜、炸海鮮、迷你煙三文魚漢堡、燒味拼盤（ 叉燒、紅腸、燒肉、牛展及切雞）、巴東牛肉、精選意粉與及揚州炒飯。 生滾粥 一口氣點均皮蛋、瘦肉、三文魚、仿鮑片絲、帶子同埋蝦肉，佔了超過半碗，粥底好綿滑，真係值得食返碗。 麵檔 有豬骨湯、香菇清湯及喇沙湯底，客人可以自己挑選材料及湯底，然後交給廚師代勞。 Carving Station 燒牛肉 又係要等一陣先拎，中間位較生。 燒羊扒 羶味輕盈，同行女仕都接受到。 仲有凍肉拼盤及煙三文魚。 湯 節瓜章魚湯及忌廉粟米湯 兩者中似乎中湯較受歡迎，章魚味好突出，飲落好有家常湯水嘅味道。 甜品 即製熱窩夫餅 最啱放多兩球雪糕食冷熱夾雜，超正。 哈根大師雪糕 總共有雲呢拿、士多啤梨、比利時朱古力、曲奇雲呢拿、咖啡、香檸雪葩及紅桑子雪葩7款口味，每款一球都差不多回了一半本啦！ 朱古力噴泉 最常係自助餐見到，小朋友就最開心。 甜品種類不算多，有木糠布甸、芝士餅、意大利奶凍、拿破崙蛋糕 、法式焦糖布甸、啫喱及炸香蕉，個人覺得意大利奶凍幾香滑。 飲品 除了咖啡奶茶任添外，仲有橙汁、雜果賓治、西柚汁及蘋果汁，不愁沒選擇。…

不知不覺，中秋節已經過了一段日子，又係時候食大閘蟹。 尖沙咀Holiday Inn 酒店龍苑中菜廳每年都會推出大閘蟹套餐，仲要非常抵食。 但供應期由10月1日起至11月30日止，推出精選北海道大閘蟹，不過套餐要一天前預訂，若然想進一步享受，只要另加$100，便可任飲紅白餐酒及十年黃酒， 如想繼續添食大閘蟹，每隻只需另加$100。 生拆蟹粉小籠包 Steamed Shanghainese Pork Dumplings stuffed with Hairy Crab Roe 基本上只要有大閘蟹套餐，就必定有蟹粉小籠包，小籠包面放上蟹粉，一咬落去，熱燙的肉汁跟蟹汁齊來，好易辣到嘴，要小心，蘸點些少陳醋，令味道更鮮。 蟹粉蟹肉高湯燴燕窩 Braised Bird Nest’s Soup with Crab Meat and Crab Roe 其實賣相可以好少少，不過就真材實料，絕不欺場，每口都有蟹粉蟹肉同埋燕窩，令人回味。 紫蘇蒸大閘蟹(一隻) Steamed Whole Hairy Crab with Perilla Leaf (1 piece) 終於到了主角出場，所謂「九月圓臍十月尖」，今個月份都係食蟹乸，每隻足4.5 兩以上，雖然自己都鍾意食蟹公，但蟹乸的蟹膏都食得過，至少可以頂下癮。 吉列大蝦球配蟹皇醬伴蒸花卷 Deep-fried Prawn with Hairy Crab Roe served with…

香港真好，一年四季都可以打邊爐，近年麻辣火鍋越來越受歡迎，所以星加坡、澳門、內地及台灣名店，紛紛係香港插旗，真係百花齊放。 早兩年立足香港的「麻神」，一個湯鍋，一道鴨血，已經令人魂牽夢縈，今次叫多幾位嗜辣的朋友，齊齊去滾。 麻辣拼花膠雞鍋（$268） 兩種不同鍋底，好啱唔同既朋友，但店員建議開餐前飲返啖湯，尤其是花膠湯底，濃稠得放低一兩分鐘，表面已經起薄膜，真誇張，至於名物麻辣湯底，更是由水果蔬果熬煮而成，大口大口呷都不會嗆喉或涸喉，好正。 特飲「秋」（$78） 餐廳有四季特飲，既然家陣係秋天，就來一杯「秋」吧！呷落有陣陣桃茶的香味，不錯，但如果價錢可以相宜一點更好。 美國頂級牛小排（大）（$288） 牛肉與火鍋是緊扣的情侶，牛小排是店方名物，共有三款食法，先係由店員用滾起的麻辣湯淋至7，8成熟，第二款係加入蔥粒包起一齊食，第三種係再澆上麻神特製辣油，倍添滋味。 當然，作為牛魔皇，更加可以第一時間灼幾下就食，肉味濃郁，真係人間美味。 特選牛頸脊（大）（$328） 個人最愛的其中一個部位，肉質鬆軟有嚼口，就算不蘸點醬汁都超好味。 雪花一口牛（$128） 至於一口牛就要煮耐少少，肉味無疑給前兩者比下去。 麻神特選老饕鍋（$118） 其實即是牛什鍋，有腸、筋同埋草肚，又真係炆得好稔，而且好入味。 西班牙伊比利黑毛豬（$118） 有嚼口，而且肉味濃郁，作為火鍋料，真係難以挑剔。 果凍鴨血（$88） 店方名物之一，要用刀叉好好品嚐，蘸滿了湯汁後，Q彈的口感，難怪咁受歡迎。 台灣精選原味蛋餃（$62/8隻） 蛋味好香，與豬肉味道好夾，香港好少地方食到。 台灣牛肉蛋餃（$62/8隻） 另一款是牛肉餡料，可以話各有千秋。 新鮮鵝腸（$82） 新鮮彈牙，部份更帶有脂肪，肥美可口。 另外，仲有綜合丸子拼盤（$118）、手打蟹子墨魚滑（$88）及手打蝦滑（88），適合不同的朋友。 至於即炸響鈴（$68），亦都係火鍋常客，不過不失。 冰菜（$48） 肉類食得太多，當然要食返些少菜，個人鍾意將冰菜煮得較稔身。 台灣水蓮菜（$88） 好少地方食到，脆滑的質感，異於同平常接觸到菜蔬。 科學王子麵（$44） 淥至外軟內脆，口感好特別，又蘸上了辣湯，真係好惹味。 海鮮類 活魚刺身（時價） 足兩斤以上的紅魚，肉質清新爽甜，蘸點一下芥末醬油味道更鮮。 蟶子皇（$288/6隻） 建議放入花膠湯灼熟，因為麻辣湯底或者會蓋過鮮味。 南非孔雀鮑魚（$396/6隻） 灼耐少少都不怕，咬落煙韌彈牙，又夠大隻，正。 素菜類 近年身邊多了朋友食素，自己為了身體健康，用餐時都多了點菜，難得由湯底到火鍋料都是素菜，當然值得一試。 鮑魚 賣相一流，質地比真貨稔身。 海参 又係賣相神似，QQ的口感，入口滑溜。 海蝦 海鮮類素菜仲有常見既海蝦，食落又幾彈牙喎！ 估唔到醬爆山葵芝士丸可以歸納素菜類，但山葵味好輕盈。 菇菌類有黑虎掌菌、羊肚菌及松茸菌三款，選擇都幾多。…