曾經認為銅鑼灣富豪的自助餐只是一般，但近年多次到訪，發覺食物質素與款式是一次比一次好，看得出的誠意。
雖然並非任食，每位都會送上波士頓龍蝦半隻，所以質素會更加好，肉質爽彈甜美。
另外，更有燒大頭蝦，蝦殼燒得香脆可口，如果有杯啤酒相伴就一流。
酒煮車厘子配奧地利布甸班戟
餐廳每晚都有特製堂弄甜品，而今晚是酒煮車厘子配奧地利布甸班戟，甜美可口，真的不錯。
海鮮
除了龍蝦鉗可以啖啖肉外，更常見的長腳蟹爪、凍蝦、麵包蟹及翡翠螺，麵包蟹近年成了Buffet的新寵，每每在自助餐中偶上，加埋其他幾款，又可以做個併盤
。
。
刺身
有吞拿魚、甜蝦、三文魚、希靈魚及北寄貝，最啱來個刺身盛合，蘸點些少醬油來提鮮，效果不錯。
熱葷
基本上以中式為主，好多款都似宴會菜。
蟹籽芝士龍蝦伊麵
伊麵蘸滿了龍蝦汁好惹味，柔韌可口，個人幾鐘意。
花膠北菇扒時菜
花膠滑溜又養顏，對女士及老人家最啱，難怪每次一出就比人圍攻。
慢煮原隻鮑魚和牛丼
龍蝦、花膠之後係鮑魚同和牛，都是回本的亮點，不過可以的話，分拆成兩款菜色，因為兩者感覺有點格格不入。
頭抽皇煎蝦
卜卜脆及咸香，用來佐酒一流。
清蒸大海斑
雖然係養班，但肉質嫩滑，火喉拿捏得啱啱好。
仲有鑊仔牛柳、清酒煮、酥炸日本廣島蠔及焗海鮮杯，中菜款式好啱食。
Carving Station
燒美國有骨牛肉
似乎烤得太熟，個人喜歡medium rare，所以無試。
西班牙式燒乳豬
因為乳豬並非芝麻皮，一涼便會韌，所以要趁熱食，皮下脂肪充滿油香，一試無妨。
中式
除了一般燒味外，想不到海南雞飯的水準不錯，油飯粒顆分明，雞肉嫩滑，再澆點黑醬汁，秒殺一碗無難度。
灼料吧
配料有肥牛、扎肉、牛丸、貢丸及魚蛋，不過今次主力放係中式熱葷，下次再試。
湯
龍蝦湯
質感濃稠，又有龍蝦香氣，有水準。
蟲草花燉螺頭烏雞湯
兩款湯都好啱飲，中湯好鮮甜，又夠火喉，喝完舌底生津，正
沙律吧
比起以往種類更多，食材更矜貴，首選龍蝦凱撒沙律清清味蕾，然後有味道清新的士多啤梨柚子蝦拿破崙，仲有雜菌沙律、泰式龍蝦金柚沙律、德國薯仔沙律、秋葵沙律、蝴蝶粉沙律、藜麥牛油果芒果沙律及煙三文魚，夠多了吧？
芝士
有Blue Cheese、Brie Cheese、Cheddar Cheese及Emmental Cheese。
甜品
雪糕有坊間兩大品牌，先是Movenpick雪糕，有香草、草莓及瑞士朱古力味道，而Dreyer’s則是Manila Super Mango，每款一杯未算過份吧！
至於朱古力噴泉，就大人細路都鍾意。
個人比較喜歡Tiramisu，濕潤鬆軟。
其他甜品有柚子芝麻布甸、綠茶奶凍、芒果布甸、薑汁奶凍、水果啫喱、比利時窩夫、洋甘菊香料蘋果蛋糕、菊香薄荷茶士多啤梨芝士餅、雜果拿破崙、番薯糖水及麵包布甸，品種不算太多，但對於並非甜品控的在下，已經好足夠。
其實餐廳位處銅鑼灣，地點超就腳，舅仔結婚時，都是在同一地點，或多或少都存有情意結，希望餐廳越做越進步！
地址 : 銅鑼灣怡和街88號富豪香港酒店1樓
電話 : 28371772
味道 : 4 環境 : 4 服務 : 4 衛生 : 4 抵食 : 3 位置 : 4
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝！