年度盛事之一 Wine & Dine，千呼萬喚下，終於在昨晚隆重登場。
畢竟是第一天，客流量已經比預期多，尤其是酒店美食區，更加是人頭湧湧。
入場時，大家可以去旁場用QR Code取杯，而各色美酒就要係 booth 購買 token 使用。
喜歡飲酒的自然有大量美酒提供，想品嚐質素更高的，就一定要入去 「Grand Wine Pavilion」。
尤其是想飲威士忌酒就更加係必到之選。
.jpg)
其中一區屬於萬豪集團（A361 – 368），旗下餐廳眾多，所以另設私屬空間，供 Marriott Bonvoy 專用。
當然，普通旅客亦可購買萬豪出品的美食。
講到美食，想不到工展會常客的「安記」，亦會置身其中，仲要推出好多不同產品，其中最吸引的，莫過於「XO干邑佛跳牆飛天麵」，內裡包含鮑魚、花膠、海參、冬菇及鴨掌，豐富到一個點。
B區雲集了城中著名的酒店攤位，想醫肚一定要去走返轉。
先講下 World of Hyatt，提供的食物個人覺得Hugo既龍蝦湯、 沙田18既叉燒同tiramisu 都好出色。
近日動作多多既帝苑酒店，當然有名物蝴蝶酥，估唔到竟然有咖哩魚蛋蘿蔔及爆炒魷魚鬚。
皇家太平洋同富麗敦就以蟹粉鍋巴、孜然羊架同燒菠蘿最啱我食，而且熱熱地，當然要來一杯柚子沙冰，真係透心涼。
如果想食得更奢華，可以搵到一眾米芝蓮星級名廚主理的唐述、富臨及Arbor等等。
再走遠些少，以美心集團為主的親民美食。
同一個選址，但大家似乎重點都放係美酒及佳餚身上，咖啡角規模及人流明顯比下去，但依然有不少捧場客，手拿著咖啡，跟朋友優哉悠哉地閒聊，又是另一番滋味。
不少攤位別出心裁地加入遊戲元素作推廣。
飲到差不多，又可以坐低聽下live band。
這是一個足以讓大家遛漣一個晚上的地方，你準備好酒杯了嗎？
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!