對於居住在北區的居民，除了飽受水貨客帶來的不便及混亂，或者講搭火車都成了問題。
由昔日12卡車退化成9卡車，每朝搭火車出市區就越來越逼，恕我唔識計，點樣可以改善人口火速增長既北區？
陸路口岸，除了羅湖、落馬洲、皇崗、深圳灣、文錦渡以及沙頭角之外，最近又增加了香園圍。
今日就從兩條途徑帶大家走訪一次。
先係粉嶺搭B7雙層巴士，巴士站可以係粉嶺火車站A1出口行過去，大約五分鐘腳程，就位於粉嶺中心旁邊，雖然由上水開出，但每次一架車就已經滿足到等待的過關旅客。
但有點不解，由火車站到巴士站，都沒有放置健康申報QR Code，與上水火車站是兩碼子的事。
穿過兩條隧道，車程大約20分鐘直達聯檢大樓地下停車場。
而由上水開出的綠色專線小巴，亦是在同一樓層設上落客站，非常方便。
至於近日引起話題的停車場，就係二樓，只得400個位，以香港人熱中北上的數量，加大一倍都隨時爆，睇下政府又點解決問題，不過對於book到車位的旅客，無疑是方便到一個點，能夠善用的話，比任何口岸都便捷。
當日由落車位去到出入境大堂樓層，都欠健康申報QR Code，直到近門口位先見踪影，人流少的日子尚可，換了是節日，恐怕會堆埋一齊。
今次同兩位新知舊友走訪了［歡樂港灣］，由蓮塘口岸坐地鐵去臨海站，都要成個鐘，（至於轉車點，大可睇睇地鐵圖）。
雖然係星期六，但地下街人流不算多，不過部分店舖幾得意，仲可以餵飼小動物。
但去到戶外就人山人海，尤其是商場食肆，間間要排隊。
論最吸睛一定係［摩天輪］，但係收費都幾進取，所以玩既人好少。
附近亦有露天市集，但售賣貨品香港人十個我諗都無一個會買，睇過就算。
反而途中經過水池，就好受小朋友歡迎，熱熱地又免費，除低對鞋就跳落水玩，但係我心諗，附近又無更衣室，全身濕晒就走？奇怪。
今次就選了［雨潤田藕嘢］食午餐，當然又係用 QR Code下單。
.jpg?ssl=1)
荊州烤雞、牛三鮮煲、酸菜肥腸、洪湖炸藕夾、恩施粉蒸肉、恩施香干肉沫、絲瓜鮮肉丸加埋熱干麵，都係人仔$300，人均$100，可以接受。
由於要趕返香港，晚飯都無食就走。
而回程係過關樓層會有Wifi提供，都幾方便。
北區居民，尤其是粉嶺一帶又多了一個選擇。
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!