聽！聖誕的鐘聲近了！過去兩年在幾乎沒有慶祝活動下度過，又不可出外以返［鄉下］玩，真係屈到人都癲。
好彩今年逐漸放鬆，12人一檯相信好多人都可以食到冬至飯同團年飯，係外國的家姐亦都決定返港一齊慶祝，感覺溫馨良好！
不過似乎好多朋友山外旅遊完返港都發覺中招，驚驚地都係不如留港消費，想去玩不如等多三幾個月。
今年好多酒店都開始活躍返，聖誕節亦係酒店既重頭戲，自然攪作多多。
早幾日同太太放甩家中兩隻馬騮，閃去海洋公園萬豪酒店Staycation。
由毛孩聖誕下午茶、聖誕兒童玩樂派對以至除夕倒數舞動派對2023。
先講講下午茶時段，率先係 Pier Lounge & Pier Bar 試了Christmas Afternoon Tea Set
Menu （聖誕悠閒下午茶）。
Menu （聖誕悠閒下午茶）。
整個下午茶$598，兩位享用，當然要另加10%服務費，但供應期由12月8日至26日，下午3時至6時。
就先由甜品講起吧！
法式糕點及甜點
聖誕黑森林蛋糕
話就話黑森林，賣相不太似，反而係蓋上雪花的聖誕樹，入口幾鬆軟甜滑，幾討人歡喜的起動位。
法式栗子蒙布朗
亦係一件好有聖誕氣氛的甜點，插上兩片像麋鹿角的朱古力，栗子蓉甜度輕巧，但質感滑溜，因為只得一件，正好同同太太分享。
紅莓朱古力松露蛋糕
正如其他幾款甜品一樣，造型都以聖誕作主題，這個松露蛋糕，就似聖誕樹上的掛飾，外層是滑溜的紅莓慕絲，內裡是朱古力松露，甘香甜美，以微酸帶來平衡。
聖誕核桃撻
都幾考牙力，原粒核桃加上其他乾果，其實用來伴咖啡又是不錯的選擇。
紅莓意大利奶凍
質地軟綿滑溜，加上紅莓的果酸，平衡度拿捏得相當好，個人好鍾意。
精選牛油鬆餅
(英式奶油忌廉、玫瑰士多啤梨醬、茉莉柚子果醬)
份量都好似幾多，分別有原味及提子味兩款，拎上手仍覺微溫，塗上Clotted Cream後，咬落好鬆化，質感非常出色，想不到有點驚喜。
鹹點
鵝肝醬配法式甜包及蜜餞洋蔥醬
望落有點似法式泡芙，頂部放上了鵝肝醬，中層是甜香蜜餞洋蔥醬，反而置底的法式甜包比預期中鬆軟，口感豐腴，不錯。
自家醃製三文魚配芝士
外形帶日式壽司風，三文魚卷內是軟芝士，很油潤的感覺。
三文魚籽配小薄餅及酸忌廉
賣相幾趣緻，夾層是酸忌廉，再係面放上三文魚籽，Q彈的質感，酸甜夾雜，我又幾鍾意喎！
法式龍蝦菠菜撻
在鹹點中，似乎龍蝦菠菜撻最令太太滿意，撻皮毫不因為有水份而軟化，仲有酥化的效果，鮮甜的龍蝦肉與菠菜毫無違和感，好味。
飲品的選擇亦多，分別有茶類、咖啡類及有機茶，計計埋埋酒類，足足超過20款。
茶點
紅莓意大利奶凍、Illy 傳統有機意式20款咖啡、咖啡、泡沫咖啡、鮮奶咖啡、鮮奶特濃咖啡、特濃咖啡、美式咖啡、朱古力鮮奶咖啡以及奶泡特濃咖啡。
Reign 有機茶
英式早餐茶、伯爵茶、茉莉綠茶同玫瑰普洱。
精選茗茶
洋甘菊、薄荷茶、大吉嶺紅茶、普洱茶、鐵觀音及烏龍茶。
自己當然是伯爵茶，而太太今次再不是薄荷茶，而是茉莉綠茶。
想好一點享受？沒問題，不妨來點酒意，大可將飲品Upgrade。
Champagne : Tattinger – Reims Brut Reserve N.V. (France) Glass / $168
Bottle / $840
Bottle / $840
Prosecco: Belstar Prosecco Brut, DOC (Italy)
Glass / $68 Bottle / $308
其實仲有［毛孩聖誕下午茶］，酒店方面會為每隻小狗送上自家製的狗狗滋味聖誕小吃及聖誕小禮物，但供應期只有12月17日及18日兩天（15：00～18：00）（HK$668/兩位及兩隻狗狗）。
其實夜晚仲有好多活動，稍後再同大家分享吧！
Facebook 專頁 : Hong Kong Ocean Park Marriott Hotel
地址 : 黃竹坑黃竹坑道180號香港海洋公園萬豪酒店海岸地下
電話 : 35551700
味道 : 5 環境 : 5 服務 : 5 衛生 : 4 抵食 : 4 位置 : 4
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!