一向都覺得金域假日酒店的餐廳相當抵食，水準亦不錯，今次朋友榮休飯局，就選來意大利餐廳 Osteria。
佢個Set Dinner，三道菜連頭盤任食自助吧，都係$428連加10%服務費，實在好似其他酒店 Set Lunch 價錢。
先講講佢既 Appetizer Buffet。
竟然有麵包蟹同凍蝦。
而芝士有Blue Cheese、Caciotta
Chili、Fontina Cheese、Parmesan
Cheese以及Mozzarella，係咪好有驚喜？
Chili、Fontina Cheese、Parmesan
Cheese以及Mozzarella，係咪好有驚喜？
而沙律類及 Cold Cut 亦有煙三文魚、Peperoncino with Tuna、青口沙律、Fennel Salad、Beans & Corns Salad、Quinoa Salad with mixed Vegetables、Mushrooms、Frittata with Mushrooms、Datterino、辣莎樂美腸、焗南瓜、Parma Ham、Porchetta、Cauliflower、Grilled Veggies、沙律菜、菠菜苗及羅馬生菜。
講真，單係自助頭盤吧食一轉已經半飽，點都值返一半價錢。
但今次主要係同朋友慶祝榮休，當然要食得更好。
湯
傳統海鮮辣蕃茄湯（$138）的湯材料非常豐富，有帶子，蝦以及藍青口，再加入新鮮蕃茄、車厘茄、洋蔥同蒜片，口感濃稠，辣辣地好開胃。
其他兩款是加入雞油菌及黑松露的甘筍忌廉湯（$118），以及健康的基諾維斯雜菜素湯（$118）。
不得不提的是，本身 Osteria 的扒類已經好抵食，用來作 Wine Pairing 最啱，但近月更推出了海膽及魚子醬兩款系列菜色，可說有點新意，不過供應期有限，尤其是海膽系列，更是至2022年9月30日止。
Sea urchin Promotion
八爪魚薄切配海膽及馬鈴薯伴番紅花汁（HK$258）
頭盤先來碟傳統風味的 Carpaccio，八爪魚切得薄如紙張，放上色彩絢麗的食用花，已經夠吸睛，又有海膽的加持，好味。
海膽墨魚汁意大利雲吞配慢煮龍蝦肉伴流芯芝士汁（HK$ 298）
四款口味中，最喜歡的一道。
小巧的雲吞，內裡是海膽及流芯芝士，煙韌的墨汁雲吞皮質感相當對辦，濃郁的芝士與海膽的鮮味隨著咬開外層而出，很美妙的感覺，再來一個口肉質爽嫩的慢煮龍蝦，真心值得推薦。
海魴魚伴海膽配炒菠菜及芹菜根茸（HK$ 378）
相比之下，海魴魚的魚身比較薄，但肉質卻較結實，不過是各有捧場客，尤其是蘸點海膽汁及置底的芹菜根茸，更覺甜美。
海膽汁朝鮮薊煙燻軟芝士薄餅（HK$ 258）
新穎的配搭，溶化的芝士緊緊的將朝鮮薊包裹，再澆上海膽汁，味道簡單而直接，煙燻味可以更突出，但已經不錯。
至於魚子醬菜色，就會供應至2022年10月31日。
Caviar Promotion
(01 Sep to 31 October)
Appetizer：
慢煮龍蝦沙律配魚子醬伴橙味雪葩（HK$278）
以slow cook處理過的龍蝦，肉質嫩中帶爽彈，火喉控制得啱啱好，拌和魚子醬及橙味雪葩一齊食，更是帶有馥郁的香氣與咸香的口感，加上清爽的沙律菜調配，作為頭盤，絕對無得輸。
Main :
番紅花意大利飯配紅蝦仁及魚子醬（HK$ 298）
先不講紅蝦，單係 Risotto，近年好多餐廳要遷就客人口味，煮得稔到似軟飯，喜歡正宗口味的朋友，相信都會擰擰頭，好彩 Osteria 都能保持 al dente 的口感。
講返賣相，兩隻超大紅蝦已經夠誘人，飯粒亦加入番紅花，再放上魚子醬，紅黑掩映，簡單卻食味豐富。
智利白鱈魚燴黑椰菜羽衣甘藍魚子醬（HK$ 388）
雖然魚子醬係主角，但個人反而覺得鱈魚更吸引。
先係魚肉肥厚，煎得金黃而微脆，魚油的香味個人好鍾意，魚骨一定有，但多是大骨，沒有討厭的碎骨，而且有健康的黑椰菜及羽衣甘藍，當然，有埋魚子醬就更吸引。
Pizza
魚子醬紅洋葱煙三文魚薄餅（HK$ 278）
畢竟有自家烤爐，食薄餅可以熱辣辣享用當然跑贏一條街，尤其是邊位微焦，咬落脆卜卜，超正，薄薄的一層舖上了煙三文魚及紅洋葱，再放上矜貴的魚子醬，令口感及味道更佳。
Dessert
Tiramisu
可說是店方名物，鬆軟濕潤的口感，豐盈的可可味，直教人欲罷不能。
另一名物個人推薦 Affogato，以熱燙的特濃咖啡澆在朱古力球上，望著朱古力徐徐溶化，露出內裡的雲呢拿雪糕，讓旁邊的海綿蛋糕沾滿了可口的朱古力，口感豐腴，好睇又好食，超正。
仲有Bonet Piemontese 同 Baba al rum，都係充滿了特色的甜品，這個壓軸真好。
榮休飯局就在歡笑聲中落幕，祝願好友身體健康，每天都開開心心。
Facebook專頁 : Holiday Inn Golden Mile
Hong Kong
地址 : 尖沙咀彌敦道50號金域假日酒店閣樓
電話 : 2315 1010
味道 : 4 環境 : 4 服務 : 5 衛生 : 5 抵食 : 5 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!