剛結婚時，曾經係將軍澳買過居屋，但遇上99年金融風暴，10萬蚊化為輕煙，真係喊都無謂，轉眼間，將軍澳越來越多人入住，聽友人說早上繁忙時段，逼上車都有難度，可見家陣幾多人搬入去？
人多自然食肆多，最近1957集團又開了一間家上海。
跟奧海城店有點不同，裝潢及格局都較為典雅，如果說奧海城店以家庭客，輕輕鬆鬆的感覺，而將軍澳店就較似朋友聚會的氛圍。
開味前菜
寧波赤醬豬頭肉
將軍澳店專屬菜色，賣相加密過，望落完全摒棄了箇有想像，食落Q彈的感覺，好有趣。
淮揚五福拼盤（女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩）
五款菜色，都是滬菜中常見的，而味道亦做得相當地道，不錯。
江河海鮮
淮香醬油粉絲青蟹煲
識食一定係食粉絲，就算隻膏蟹成斤重，蟹鉗啖啖肉，都無阻我對粉絲的情有獨鍾，粉絲將蟹汁完美吸收，每口都是濃郁的味道，加上有肉末在內，惹味到一個點，最正係粉絲好多，令人滿意。
海鮮濃湯煮鹽滷豆腐
很奇怪，滷豆腐無論是味道或口感，都帶濃烈的臭豆腐感覺，但係我鍾意，而竹笙蘸滿了湯汁，又係正到無倫。
養生湯羹
是日送上蘿蔔絲鰂魚湯，奶白色的湯頭，火喉十足，有著陣陣魚香，蘿蔔絲切得幼細，蘸滿了湯汁，味道鮮甜得可以，而白鰂是原條去煲，但湯底卻毫無魚骨，飲得令人安心。
珍味葷陳
東坡牛面頰肉
用蠟燭火保溫上，因為一凍了便會結起一層薄膜，牛面頰肉炆得實在夠稔又入味，加上配碗白飯真係無得輸。
上海煙燻脆皮雞(半隻)
用上冰鮮清遠雞，雞味是稍微失色，但雞皮卻是薄如紙張，非常脆口，而雞肉亦好嫩滑，不知不覺都掃了半碟。
拍蒜三層鹹肉炒萵筍絲
雖然話要食碟菜清清腸胃，但用到三層鹹肉炒萵筍，又未免有點邪惡，不過筍絲蘸滿了肉汁，又幾惹味喎！
乾煸四季豆
口感幼嫩，亦炒得乾身，但個人鍾意把水份收得狠一點，乾煸的效果會更佳。
巧手點心
脆煎灌湯小籠包
小籠包煎焗過，底部多了一份焦香，而包子皮卻依然保持彈性，好味。
蘿蔔絲餅
外層相當酥化，一咬落去，蘿蔔的香味即時而出，做得有水準。
甜品糕點
焗棗泥西米布甸
即叫即焗，熱辣辣下，將香味都逼出來，舀一下，是滿滿的棗泥，甜美可口。
桂花拉糕
黏性真係好強，亦有嚼口，最難得係甜度適中。
飲品
貴妃楊枝甘露
作為壓軸甜品，鮮甜味美的感覺真好。
P.S : 下一個中國節日就係「中秋節」，最開心當然係同屋企人齊齊分享月餅啦！而1957
& Co. 推出「精裝雙黃白蓮蓉月餅」，就最啱喜歡傳統風味既朋友，加上8月9日或之前訂購可享早鳥七折優惠，或1957 & Co.會員專享買二送一優惠，大家可以係1957 & Co.旗下全線餐廳及網店購買月餅劵 ( )
Facebook 專頁 : 1957 & Co.
地址
: 將軍澳重華路8號東港城1樓108號舖
電話 : 2175 8633
味道 : 4 環境 : 4 服務 : 4 衛生 : 4 抵食 : 4 位置 : 4
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!