近排真係食神上身，星星餐廳不絕外，優質餐廳都不少，Umai 鵜舞就是近日食過性價比不俗的燒鳥店。
令人意想不到，是餐廳邀請了日籍廚師下田豪馬主理，專責燒鳥Omakase，更誇張是竟然使用紀州備長炭，須知道明火已經難，通風一欄更是要做足功夫，比起不少星級名店還要認真。
其實餐廳仲有天婦羅Omakase，稍後再同大家分享，因為又係令人喜出望外，而餐廳
輕鬆寫意的格局，好有放工後飲返兩杯講老細壞話的氛圍。
輕鬆寫意的格局，好有放工後飲返兩杯講老細壞話的氛圍。
食串燒當然坐吧枱，望住師傅翻弄食物最好，因為確保食到熱辣辣的串燒。
今次點了$780的套餐，當中已包含前菜（2品）、刺身、燒鳥串（9品）、野菜（2品）、湯、壽喜燒及甜品。
餐廳提供好多雞內臟，但因為要保持新鮮度，所以係選用本地新鮮清遠雞內臟，但雞肉就是日本的阿波尾雞。
喜歡喝上兩杯的，亦有月山的出品，分別有粉紅色（純米吟釀）及藍色（芳醇辛口）酒紙兩款，兩者可配襯餐廳內各種菜色，視乎自己的喜好。
前菜
有清爽的右口魚（鰈魚）及薄切海膽卷，喜歡的，大可蘸點一下Gin酒酸汁，開開味蕾。
餐前小食是熊本縣凍茄子，清新的口感，在炎夏中倍感舒適。
講起下田先生，望落真係好似打WWE，隔住炭爐都感受到健碩既身形，但處理燒物時卻一臉諗真，尤其是由始至終，從來沒有動用過較剪把焦位剪去，雖然有紀州備長炭的加持，但下田先生對火喉的掌控確實是高手的境界。
而且選用了來自福岡縣的手工鹽，水質帶有山泉水，風味獨特，就連調味料都是有300歷史的老店，認真程度令人吃一驚。
雞肝醬吐司
想不到第一道菜已經重口味，吐司全人手處理，烤得香脆可口，雞肝醬是師傅自家出品，質感細緻滑溜，入口豐腴，而且份量極多，吐司只得兩片，反而顯得不夠。
師傅不單燒烤用心，就連放上碟，都是把竹籤尾指向客人，方便客人取上手，比起坊間好多燒鳥店，求求其其放上碟就算，是天淵之別，見微知著，只要處理得宜，何愁燒得不好，平白浪費食材？
燒鳥 （$780／位）
雞頸
近排都食過好幾次，對上一次就係潮州菜，而今次就轉成日式，烤得微焦又香口，相當討好，就算配啤酒都毫無懸念。
雞胗
說是雞珍，其實即是我們常說的雞腎，爽口中帶著炭香，鹽份下得恰好，直接將鮮味提升。
雞脾肉 （日本阿波尾雞）
因為用上日本阿波尾雞肉，都令人幾期待，雞肉細嫩幼滑，刻意地燒得不會太乾身，食落仲有肉汁，我鍾意。
雞心
細細個時，老媽千叮萬囑咪食雞心，話會無記性，所以一直都無勇氣試，人大了，長知識，又為食，所以都拋諸腦後，上次鴻福告別宴食過一次，今次再encore，同樣係雞心，但今次師傅割開兩半燒，粉嫩的感覺相當可口，送啤酒一流。
係時候轉轉口味，來一串高知縣青椒，以特製烤具處理，以免火力太強，把青椒烤得過熟。
雞尾
話就話雞尾，當然不是出口處，而是尾部最尖的位置，油份豐富，所以烤時油煙特多，但同樣好香滑，些微的脆口，精彩。
雞肩
油份豐富的過後，回歸純粹的肉香，有嚼口的雞肩位，肉汁豐富，不錯。
汁燒雞皮
膽固醇再下一城，雞皮已經夠邪惡，仲要燒到微脆口而不見焦，高手級示範，再蘸點一下特製醬油，超好味。
雞脾臟
其實未上檯時已估估下，究竟係乜冬冬？
原來係少見的脾臟位置，尾指節的大小，咬落帶粉質，同樣是沾上了醬油，惹味到一個點。
靜岡蕃茄
靜岡蜜瓜吃過不少，想不到就連蕃茄都同樣出色，爽甜的口感無得輸，仲要係凍食，味蕾即時喚醒了。
雞翼
之前都說過內臟部份選用本地清遠雞，雞肉則是來自日本的阿波尾雞，開半穿起再燒，令整隻雞翼受火更均勻，雞皮是完美的金黃色，脆香的口感，又是示範作。
湯品是以雞殼及其他內臟熬成蛋花清雞湯，蛋花推得滑溜可口，喝起來每口都是濃郁的雞湯精華。
至於地雞壽喜燒，大廚先在炭火上把器皿燒熱，再放入京蔥及雞件，上枱更以燭火保溫，雞件煮熟後蘸點蛋漿，令口感更滑溜，食完更可以追加烏冬或日本米飯，即時飽了9成。
甜品匙海鹽、芒果或豆腐雪糕，三款中，似乎豆腐的味道最為突出，但下次去，又未必係同樣味道。
相信睇完介紹後，這個價錢實在太親民了吧？
Facebook專頁 : UMAI
地址
: 荔枝角長義街9號D2 Place一期地下2號舖
電話 : 2743 8011
味道 : 5 環境 : 4 服務 : 5 衛生 : 4 抵食 : 5 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!