之前想約朋友食飯都幾困難，一係6點前食Early Dinner，一係來個午間小敍，講真，你估真係唔使返工咩！
好彩仲有朋友返夜班，中午都可以聚一聚。
地點就選來大家都覺得方便就腳的Osteria。
餐廳位於尖沙咀核心地段，由地鐵‘N‘’’出口信步，都不到一分鐘，方便到一個點。
可能酒店已變成檢疫酒店，為令客人安心，酒店方面把餐廳與住客分隔開，絕對不會接觸到，就連服務員都分成兩班團隊，務求令客人安心，或許是餐廳做足功夫，所以就算是平日的中午，餐廳都是座無虛席。
餐廳廚房是開放式的，所有食物都是現烹，質素有保證。
而午間主打Set Lunch，每位都不過$288（另加10%服務費）。
自助頭盤
相信賣點之一必定係 Free Flow 頭盤，雖說是任食，陣容可一點都不含糊。
先由清新爽脆的DIY沙律講起，菜是看得出的新鮮，而且可以配搭粟米粒、車厘茄、雜菌以及紅腰豆，現場是幾受歡迎，愛健康的朋友可不少。
另外，芝士都有好幾款，煙三文魚、cold cut、莎樂美腸當然是少不了。
更有橄欖油浸大蝦及烤南瓜、意大利茄子、新鮮水果等等，陣容豐富。
若然頭頭盤沒興趣，大可選擇湯品，只不過菜色會星期都會更改一次，而今日則是「椰菜花湯配杏仁薄脆」。
舀一下，質地濃稠，入口甜滑，加上了幾片杏仁薄脆，令口感更佳。
主菜
本身有四款供大家選擇，基本上必有 Pizza 同意粉。
跟朋友各自選取了一樣主菜。
先係「香煎鱸魚配南瓜茸及法邊豆」，鱸魚連皮煎香，簡單俐落，置底是甜美滑溜的南瓜茸，配以健康的邊豆。
另一道是「意大利火腿朝鮮薊雜菌黑橄欖薄餅」，賣相有點不規則，餅底應該是人手搓揉，問題不大，半溶的芝士有拉絲的質感，相當討好，幾顆碎黑橄欖帶來少許鹹香而不過火，加上火腿及雅枝竹，好吃就是這麼簡單，乾脆用手捌開，大口大口的咬落，餐具都不用了。
其他兩款主菜分別是「燒雞腿配馬鈴薯蓉及焗茴香」以及「辣番茄汁青口西蘭花螺絲粉」，選擇都幾多。
自助甜品
甜品有自己好鍾意既 Tiramisu，仲有cheese cake、芒果慕絲同埋紅豆綠茶瑞士卷。
Tiramisu是一貫水準，鬆軟濕潤、綿香幼滑，而瑞士卷若果紅豆可以重手時少更好。
咖啡或茶
壓軸點了杯Earl Grey Tea，讓幽香的佛手柑香氣，把油膩感都清洗去。
跟朋友說說笑笑，又是一個輕鬆愉下的中午。
Facebook專頁 : Holiday Inn Golden Mile Hong Kong
地址 : 尖沙咀彌敦道50號金域假日酒店閣樓
電話 : 2315 1010
味道 : 4 環境 : 4 服務 : 5 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!