近日天氣轉涼，又係食大閘蟹既好日子，近日網上好多人online買來歷不明既大閘蟹，結果好多人出事後呻笨，講老實，邊有咁大隻「蛤乸」隨街跳吖，仲要話平靚正，幾十蚊隻，食完無事已經要還神，講真，一年食得十次八次，倒不如比多些少，搵間有信譽街舖買返屋企食，又或者再食得好少少，搵間有套餐餐廳，食個大閘蟹宴，仲乾手淨腳。
其實家陣各區都有大閘蟹提供，而今次就同幾位朋友去到位於機場附近既天際萬豪酒店中菜廳。
作為大集團旗下一員，食物質素無庸置疑，餐廳環境更是典雅幽靜，晚間更可透過落地玻璃，遠眺機場夜景。
或者大家會話好遠，但如果閣下是東涌居民，係地鐵站會有專車接送，非常方便。
「萬豪大閘蟹推廣套餐」供應期去到12月5日，正好是大閘蟹最靚的日子。
滋味皇魚球，油燜箭筍，蜜餞叉燒王
先試試箭筍，炆得夠入味，咬落爽脆，正。
中間的魚球炸得啱啱好，內裡魚肉軟熟，食落毫無多餘油份。
萬豪中菜廳出品叉燒，一向有水準，蜜味恰到好處，邊位少許焦香，加埋有嚼口，配碗白飯無得輸。
清蒸大閘蟹(每位乙隻，重約五兩半)
時間配合度高，前菜食完，係時候上主角，拆開一睇，滿滿是蟹膏，當造就係不同，蟹膏滑溜豐腴，帶點黏口，蟹肉又鮮甜，可以話無投訴。
品嚐完，人多的話，可以加錢飲返杯「越山仙雕」。
花膠鱈場蟹鉗燉烏雞
湯色清澈見底，入口一陣醇香，原片花膠大大件又厚身，鱈場蟹鉗亦已褪殼，啖啖肉，飲完個身好暖。
煙燻乳鴿
視覺效果一流，玻璃器皿蓋好，內裡滿是煙霧縈繞，一揭開，瀰漫了幽香，乳鴿皮脆肉嫩，非常入味，食完手指仲帶煙燻香氣，令人回味無窮。
紅柿瑤柱浸時蔬
簡單的組合，但湯底加入了瑤柱，清甜得可以一口氣喝光，生菜挑選了最甜美爽口的芯位，秒殺無難度。
蟹粉稻庭烏冬
上湯以紫砂壺盛放，烏冬質地軟滑，蓋上厚厚一層蟹粉，望見已經心動，建議大家先試一口蟹粉撈烏冬，然後再加湯兩食，就更加滋味。
薑茶桃脂湯圓
食完大閘蟹，當然要用薑茶湯丸暖暖胃，但係大廚加入了滋補的桃膠，實在多了一份心思，湯圓亦口感Q彈，不會過甜，真係我杯茶。
每位$980/兩位起，另加大閘蟹每隻$250
(每隻重約五兩半)，而菜單需於兩日前預訂。
(每隻重約五兩半)，而菜單需於兩日前預訂。
P.S : 萬譽會會員可獲八五折優惠，而萬豪旅享家會員則有九折優惠，但此推廣菜單不適用於住宿禮遇的餐飲消費額及與其他折扣優惠同時使用。
（價目為港幣計算，當然要另加一服務費）
Facebook 專頁 : Hong Kong SkyCity Marriott Hotel
地址 : 赤鱲角香港國際機場航天城東路1號香港天際萬豪酒店M樓
電話 : 39692888
味道 : 4 環境 :
4 服務 : 5 衛生 : 5 抵食 :
4 位置 : 3
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!