仍記得大概十年前，曾經在灣仔六國酒店攪過生日飯，感覺是一間實而不華的酒店中菜館，雖然沒有米芝蓮光環加持，但無損食客對其鍾愛，所以就算平日都經常爆滿。
也許是「星爺」效應，粵軒早幾年已經推出「黯然銷魂飯」，多年來不斷改了又改，有時候，專注是成功的必定要素，今次又睇下最新版本如何？
今次「黯然銷魂飯套餐」推廣價$398（兩位起） （須在兩天前預訂，只限晚市供應），而供應期去到今年12月16日。
野菌帶子荔茸盞伴陳皮椒絲蝦球
頭盤已經不俗，荔茸好香滑，帶子亦肉質鮮嫩，外層酥化而不油膩，正。
蝦球本身爽口彈牙，更有陣陣陳皮的香氣，連埋置底的鍋巴一齊食，脆卜卜的層次分明，好味。
羊肚菌螺頭燉水鴨
家陣正是雲南菇菌的季節，羊肚菌更是能增加人體免疫力的功效，配上水鴨就更滋補，湯色雖清，但飲落醇厚甘甜，原先室內都有點涼，不過飲完反而覺暖洋洋，好舒服。
黯然銷魂飯
經過不斷改良，力求精益求精，今次版本的確有進步。
飯粒選用泰國青靈芝米，煮得粒顆分明又有嚼口，中間混有紫洋蔥碎粒，更是神來之筆。
豬油是自家煉製，可以控制質素，拌飯食一流，醬油更是令人驚喜，原來是本地出品「御品醬油」，單是發酵已經要一年時間，小小一樽已經要近兩百個大洋。
選用日本廣島蛋，用料夠細心了吧？
雞蛋煎至焦邊，而蛋黃則呈流心，先將蛋黃戳穿，流入飯粒內拌均，每口都是油香及蛋香，再咬一口厚切脢頭叉燒，加上陣陣焦香，人生真是美好。
五色雲豆茶皇糕及核桃金腿玫瑰酥
茶皇糕小小一件，但內裡是黑豆、紅腰豆、大紅花豆、大白雲豆以及白奶花豆，食落清甜可口，而玫瑰酥是店方名物，外層是鬆化酥皮，而內裡是帶玫瑰香氣的金華火腿，非常獨特的口味。
或者有人會覺得近$400位食叉燒蛋飯好似偏貴，但講真，係某間連鎖燒味店人食碟飯加個例湯都過百，在質素及服務上的確是兩碼子的事。
地址
: 灣仔告士打道72號六國酒店1樓
電話 : 28663806
味道 :
4 環境 : 4
服務 : 4 衛生 : 5
抵食 :
4 位置 : 4
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!