過了中秋，轉眼又是品嚐大閘蟹的季節了，凡有大閘蟹提供的餐廳已蠢蠢欲動，準備新一輪的飲食大戰。
今次「十里洋場」推出了「金秋大閘蟹盛宴」，原價$980，在12月12日前，1957會員或使用匯豐信用卡結帳，凡惠顧十里洋場「金秋大閘蟹盛宴」即享二人同行一人免費優惠，計埋加一茶芥，大約$630左右，性價比相當高。
餐廳目前是「B/C」區共行，卡座不能變動人數，只可以四個人乖乖就座，而大堂就多了6人檯，也好，生意都做多了。
率先上場是淮揚四小品。
黑松露珍珠燻溏心蛋
煙燻味未算重，個人偏好再勁點，蛋是溏心，在舌尖上游走的感覺真好。
話梅涼瓜
很奇怪，人越大就越喜歡食涼瓜，或者是爽中帶甘的感覺有點像人生吧！
涼瓜早經話梅水漬過，上檯時再灑上話梅粉，酸酸甜甜又爽口，懂的自然明白箇中風味。
女兒紅醉蝦
酒香不算重，蝦肉亦吃得出的爽彈。
目魚大烤
非常厚身有嚼口，醬油醃得入味，用來佐酒一流。
清蒸大閘蟹（5兩）
最簡單而又吃得出原味的就一定是清蒸，「十里洋場」提供是足五兩太湖貨，大閘蟹上檯時仍是熱燙得辣手，剝開蟹蓋，呈現橙黃的蟹膏，可能是還欠些少日子，未到爆膏的境界，或者過多一兩個星期，質素會更上一層樓。
餐廳提供了拆蟹四寶~即棄手套、濕紙巾、較剪及小湯匙。
畢竟是太湖貨，除了蟹膏未算澎湃外，蟹肉鮮甜味美，對於「蟹痴」而言，都可以止止渴，若果意猶未盡，大可追加每隻$208。
食大閘蟹當然是配杯上好花雕，家陣只要另加$50，就會有會稽山20年花雕酒乙壺（100ml），單係個保溫綉花壺已經好吸睛，壺蓋反轉原來是個杯，玩味十足。
舀一下「花膠蟹皇翅」，又真係幾足料，花膠及蟹皇是每匙羹都有，埋芡亦不會過厚，如果是一翅不食的朋友，可在落單時講聲，大廚便會將魚翅抽起，變成花膠羹。
再來是很傳統的「原隻鮑魚拼鵝掌」，原隻鮑魚扣得好稔身，鵝掌亦炆至一戳就骨肉分離，相當入味，其實個鮑汁好惹味，若然不是有單尾，已經加碗白飯拌汁食。
接著上場是「蟹粉芙蓉帶子蟹斗」，感覺上是賽螃蟹的矜貴奢華版。
原個蟹蓋內先放上蛋白，再把蟹粉將整個蟹蓋蓋住，豐腴的口感中帶有蛋香，下點陳醋味道更鮮，超正。
單尾是「蟹粉河蝦脆米炒飯」，一小碗的份量，飯粒炒得好乾身，飯粒粒顆分明，加入脆米及河蝦令口感更添層次。
甜品是「夠薑芝麻湯丸」，每碗兩粒，份量啱啱好，薑湯底辛勁足，我鍾意，芝麻湯丸軟糯甜美，口感QQ，大滿足。
其實，餐廳尚有其他蟹粉菜色，今次在套餐以外，追加了蟹粉小籠包。
小籠包是即叫即蒸，包皮搓得柔韌而彈力足，夾起時毫無穿破，內裡帶肉汁，豬肉及蟹粉味道夠鮮，值得一試。
Facebook 專頁 : 1957 & Co.
餐廳專頁 : 十里洋場
地址
: 銅鑼灣恩平道28號利園二期1樓101號舖
電話 : 23385500
味道 :
4 環境 : 4
服務 : 4 衛生 : 5 抵食 : 5 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!