雖然仍在疫情的陰霾下，一連五日「美食博覽」如期出爐，而且更連同香港國際美酒展、香港國際茶展、家電*家品*博覽以及美與健生活博覽同場舉行，一來增加可觀性，二來可節省人力物力，三來亦方便推廣，可說是 W W 做法。
往日每年都會跟太太血拼至少13小時，由一開門便進場，直至晚上7點後先離場，試過打爆兩個拖喼，再加三個背囊，諗起都覺痴線。
而今年大會亦將美食博覽劃分為「公眾館」（開放至16號）及「尊貴美食區」（只開放至15號）。
一般人都會在一樓的「公眾館」區掃貨，奇華、超力、日清及大班之類大品牌各佔山頭，大型booth盡見心思，而且有不同優惠推出，總之就一定平過門市。
係「消費券」效應下，大部分參展商都有提供電子收費服務，就算場內不設試食，氣氛尚算熱鬧。
至於「尊貴美食區」位於三樓，售賣質素較高、價錢較貴的產品，一句講晒~「豐儉由人」。
三樓另一場館值得介紹比大家，就係「家電*家品*博覽」。
除了幾間主打按摩椅的公司列陣外，其他家電商亦推出新產品，若然家中電器開始破損，係時候睇睇啦！
一連五日既「美食博覽」好快就結束，今次只係逛了7，8小時，囝囝收獲最多，而下一個主戰場相信係12月既「工展會」，到時又係瘋狂購物的日子。
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!