這是一篇充滿離愁別緒的食評！
對於80年代末畢業生，度過了香港最光輝燦爛的日子，但近年的環境及形勢，令身邊的朋友一個個離開這片生活了幾十年的家，是可惜？是留戀？是無奈？抑或是失望？
除了早前的Y食友舉家遠走加拿大，兩個月前又收到預科的同學移居台灣，餞行飯當然要食，但主角實在擠不出時間，唯有退一步，下午茶將就將就。
地點之所以選擇九龍塘，除了就腳外，信步過去附近大坑東舊校園都是二十分鐘內的事，正好在臨別前回去緬懷昔日足跡。
其實安南位置超佳，旁邊就是溜冰場，有不少家長邊用餐邊睇住小朋友學溜冰，一舉兩得。
早前有不少朋友已經試下安南的下午茶，而且反應正面，都說相當抵食。
因為二人下午茶平日$238，就算是假日都不過是$268，除開一人都係百零蚊，相當抵食。
最回本一定係每位有半隻既「炭燒越南大頭蝦」，尤其是蝦頭位置充滿了蝦膏，而蝦身多了一份炭香，連蝦殼都卜卜脆，單係半隻蝦，點都值返一半價錢。
鹹點 :
西貢蝦多士
炸得鬆化可口，油份又瀝得清，但似乎炸得稍微過火。
越式蒸粉卷
太太就最鍾意食，尤其是放上炸香的蔥蒜，就更加惹味，粉皮看似好厚，食落又不是那一回事。
鮮蝦米紙卷
米紙薄得看見內裡餡料，蝦仁、生菜、青瓜及甘筍，帶來清新味道，喜歡的，可以蘸點一下魚露。
蒜蓉牛油雞翼
炸得好香口，不過幾熱氣，還是可以的。
甜點 :
椰汁紫糯米
用小茶杯奉上，份量不太多反而啱我，加入花奶品嚐起來多了一分滑溜。
越南咖啡奶凍
好香咖啡味，質感軟綿。
西米班蘭糕
QQ的質感，每口都是班蘭的香氣，我鍾意。
椰青果凍
果凍內是甜美的椰青肉，口感清新怡人。
法式焦糖焗蛋
小小的一份，差不多半個都泡浸在糖漿之中，甜度都幾高，但香甜軟滑是事實。
麵食 :
客人可以選「安南牛肉湯河粉」或者「龍海蟹仔肉鮮茄湯檬粉」。
當然，兩位享用最好係一人一款再share。
牛肉湯河用上薄片生牛肉，再用滾燙的牛肉湯淋上面，牛肉不會過熟，肉質嫩滑可口，呷一口湯，滿是牛味，飲完仍不覺口乾，正。
而另一碗亦絕不將貨就價，熬出來的湯底好香海鮮味，加入鮮茄，令湯底多了一份蔬果的甜香及微酸，的確是越食越想食，檬粉蘸上了湯汁，變得非常惹味，又係必食。
其實以質素而言，單係這碗粉，點都要賣6，70蚊，加埋飲品同大頭蝦，真係已經值回票價。1
飲品兩杯
套餐本身包越式青檸冰茶或熱青檸蜜，但望望餐牌，其他特色飲品都不錯，今次就加錢試了「清補涼」，甜度輕盈，而且好足料，在原先的蓮子、百合及圓肉中，再加入涼粉，添加了風味，差不多佔了半杯都是料，正。
最後更order了店內名物Homemade椰子雪糕，不單好香椰子味，而且每口都是椰絲肉，絕對要試。
Post文章之日，「老同」已身在彼岸，謹送上摰誠的祝福，期待日後再聚。
地址
: 九龍塘達之路80號又一城L1層20號舖
電話 : 2866 2803
味道 :
4 環境 : 4
服務 : 5 衛生 : 5 抵食 : 5 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!