或者講，第一次去「如」晚飯，都是因為去囝囝的契爺契媽家中拜年，順道來個開年飯吧!
對上一次係「如」飲茶，已經是幾個月前的事，當時酒店還未改名，今次到訪，裝潢已更具時代氣息，而午餐亦加入不少新意。
午市套餐
頭盤
陳醋百合雲耳
咬落爽甜，酸酸地幾醒胃，加入麻醬令味道更香。
千絲百花玉帶
外層炸得色澤金黃，火喉拿捏得相當好，內裡的蝦膠彈牙而帶子嫩滑，層次分明。
湯品
遠年陳皮燉水鴨
好夠火喉，湯色清澈見底，陣陣醇香，正。
主菜
翡翠千層鮑魚酥
酥皮夠薄，而且焗得泛金黃色，相當討好，切開兩半，內裡的原隻鮑魚柔韌豐彈性，質感啱啱好。
忌廉香草焗班球
本身帶有好濃烈既西餐色彩，班球肉厚，煎得啱啱好，炸過既芝士片亦好脆口，但忌廉汁似乎過多，可能想加入中菜元素，置底是糯米飯，但吸了忌廉汁後變得有點膩，或者改用蘆筍西蘭花之類菜蔬會更合適。
花旗參竹笙露筍
雖然話係菜蔬，但實際係食得又飲得，竹笙好爽口，蘸滿了花旗參湯後，多了一份甘甜，而露筍亦新鮮翠嫩，甜美可口，正好清清味蕾。
招牌海鮮炒飯
出奇地，份量不算多，些少辛辣更挑起食慾，加入蟹籽、帶子肉及蘭度，令口感複雜，三扒兩撥更清碟，我鐘意。
甜品
順德雙皮奶及酥皮奶黃
雙皮奶質地輕盈滑溜，甜度低，但份量又真係幾多。
而酥皮奶黃賣相似小蓮藕，外層酥皮鬆化，奶黃餡料亦滿有蛋香，好味。
Facebook 專頁 : Nina Hotel Tsuen Wan West
地址
: 荃灣楊屋道8號荃灣西如心酒店7樓
電話 : 2280 2923 / 5970 0532 (WhatsApp)
味道 :
4 環境 : 4
服務 : 4 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!