結婚初期，曾經係將軍澳買過樓，但結果要撻訂，損失慘重離場，今日再入去食lunch，都有些小感慨。
畢竟將軍澳近年都好多樓宇落成，望望樓盤，隨時過千萬，但係我連首期都比唔起。
所謂有危就有機，近月好多餐廳捱不住倒閉，但亦有不少餐廳乘勢而起。
是日造訪的「三原鐵板燒」，背景號不簡單，日籍主理人「三原光史」曾任日本駐芝加哥領事館首席家廚，理論上應該將餐廳開係中環老尖核心地段，但佢又偏偏開係新市鎮將軍澳，又真係估你唔到。
餐廳由將軍澳地鐵站行過去都不過幾分鐘的腳程 ， 相當就腳方便，只不過餐廳位置有點隱蔽，要花少少時間去搵。
午間套餐由$220左右起跳至$468不等（未計加一），已經可以選擇牛舌、甘鯛、和牛漢堡或龍蝦，都有幾多款式。
今次同朋友各自挑選了一款再share。
是日特式沙律
清新酸爽的味道，沙律菜、粟米粒及車厘茄的組合，正好先行清清味蕾。
日式蒸蛋
人口熱辣辣，蛋蒸得輕盈滑溜，加入銀杏令口感更佳。
香煎北海道帶子
底面煎得微焦，而內裡肉質依然幼嫩，火喉控制不錯。
香脆煎甘鯛配日本大根（$228）
魚皮位煎至脆卜卜，相當討好，魚肉亦啱啱熟，置底的大根軟稔入味，比起甘鯛是毫不遜色，醬汁帶微酸，正好平衡了油膩感。
鹿兒島A4和牛漢堡（$238）
定價算合理，和牛漢堡吃起來有些少油香，有嚼口而肉味不俗，若然不喜歡魚肉的朋友，的確是多了一個選擇。
經典蒜蓉炒飯
始終都要有飯到肚，雖說是蒜蓉炒飯，但蒜味輕如無物，飯粒炒得乾身，反而覺得是醬油炒飯。
麵豉湯
小小的一碗，味道偏淡。
醬菜
送上了漬蘿蔔絲及漬牛蒡，心想，如果放在沙律菜之前，或者感覺會更好。
綠茶雪糕
壓軸的甜品是綠茶雪糕，也好，外面都幾熱下，食得涼涼地行去搭地鐵啱晒！
地址 : 將軍澳唐俊街18號The Parkside第一座地下G06號舖
電話 : 36188212
味道 : 4 環境 : 4 服務 : 4 衛生 : 4 抵食 : 4 位置 : 3
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!