中秋過後，天氣終於沉淀下來，晚間更偶有寒意，有時候都會係家中食火鍋。
當然，同朋友飯聚都要好小心，尤其是人數。
睇地址 Canton Pot 話就話係旺角，但位處舊豪華戲院旁邊，感覺有點兒去了大角咀，不過總算靜中帶旺，行出去彌敦道都只不過幾分鐘。
畢竟是限聚令下，就算廂房幾大，都只能容納六個人。
由於大圓檯設有兩個火鍋位，有三位女士在坐，當然要點個「花膠燉響螺湯底」，給幾位滋補一下。
舀一下，好多花膠筒同圓肉，未食火鍋先呷口湯，真係好鮮甜。
男女們就是龍蝦套餐，原隻龍蝦起肉當刺身又得，作為火鍋料都無問題，龍蝦頭放埋落湯底，龍蝦味道更濃。
首先梗係要介紹抵食套餐「海鮮任你點 2 + 2」（$168）。
客人可以選擇兩款活海鮮與及兩款冰鎮海鮮，而活海鮮有愛爾蘭蟶子皇、刀貝蜆、鮑魚及海中蝦。
至於冰鎮海鮮有珊瑚蚌、貴妃蚌、桶蠔與及阿根廷紅蝦。
自己就點了蟶子、鮑魚、珊瑚蚌及貴妃蚌。
活海鮮質素好得沒話說，而且食完又可以再點，貨真價實，計落如果叫均8款，都不過$340左右，已經係全海鮮宴。
除了海鮮，Canton Pot
有幾款火鍋料要同大家介紹一下。
有幾款火鍋料要同大家介紹一下。
首選本地新鮮牛頸脊，無他既，肉味濃而有嚼口，油花分佈平均，配埋龍蝦湯底，超正。
另一個好吸引人既部位係吊龍，肉質鮮紅夠新鮮，同樣富有肉味。
而牛舌處理食材相當細心，把整條牛舌邊位割走，只保留中間最有嚼勁及肉味的部位，牛魔王必定收貨。
若然只掛住食牛，可能會錯過西班牙橡果黑豚肉，肉片帶點甜味及果香，非常可口。
雖然餐廳有手打丸類，但澳洲M5芝士和牛餃同羊肚菌黑豚肉餃仲吸引，畢竟胃納有限啊！
咬落芝士和牛餃，中間溶化的芝士滲出濃香；而羊肚菌餃的比例恰好，沒有搶去黑豚肉的味道。
午餐肉
差不多有機會都會點，但總係覺得最啱配麻辣火鍋。
炸魚皮
無論佐酒抑或用作火鍋都可以，泡浸一下湯底，蘸了湯汁更加惹味。
主食當然不會配飯，而係三色麵，掛滿了湯汁的麵條，好啱要澱粉質既我。
齋食海鮮同肉未免不太健康，好彩仲有花生芽同時令雜菜籃，幫助消化最好。
甜品
一口氣點齊木糠布甸、綠茶紅豆意大利白酒奶凍、焦糖燉蛋、芒果楊枝甘露水滴、芒果楊枝甘露黑白配及北海道3.6牛奶布甸，正好每人一款。
自己就挑了牛奶布甸。
小巧簡單的一杯，沒多餘花俏的擺設，奶味香，質地滑，不錯。
始終香港人都幾鍾意打邊爐，講講下，不如今個星期又去多次。
地址 : 旺角廣東道1131號香港旺角薈賢居2樓
電話 : 3968 7888 / 5971 0088（Whatsapp）
味道 :
4 環境 : 4
服務 : 4 衛生 : 5 抵食 : 4 位置 : 3
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!