Staycation方興未艾，早前一家就參加了銅鑼灣香港富豪酒店的「密室逃脫」住宿計畫，除了可享用酒店設施外，套票仲包含 Cafe Rivoli 自助餐。
而今次主題正好係勁受歡迎的龍蝦。
由於疫情關係，自助餐只在星期四至日提供。
餐廳方面，差不多所有食物都由專人夾比客人，部份菜色更是送到客人檯前，務求做到衞生可靠。
除了海鮮外，薑蔥炒麵包蟹都是位上，仲要係原隻麵包蟹，隨手一隻都爆膏，真係難以置信，所以記得要留肚。
另一個位上的是龍蝦Risotto，份量不多，兩口便吃完，煮得有點夾生的口感，好對辦，但可能放耐左，食落有點凍。
Seafood Platter
最佳回本位就一定是凍食原隻波士頓龍蝦，因為可以任食嘛，而且每次都由專人服侍，確保衞生可靠。
或許大家會忽略了熱食既三色芝士焗龍蝦，因為放在長檯最後的位置，不過焗得幾香口，尤其是溶化了的芝士更吸引。
為了衞生，所有海鮮都是另上，每盤都有長腳蟹爪、青口、海蝦及翡翠螺，吃畢，可以任意要求添加。
前菜
都是龍蝦做主角，大蝦龍蝦杯清新怡人；而龍蝦海鮮藜麥沙律夠健康；至於龍蝦沙律配薄脆就口感多變。
前菜仲有紅菜頭沙律、煙三文魚、田園沙律及蜜桃燒雞沙律。
刺身
坊間有部份酒店會以位上刺身，但 Cafe Rivoli 就由客人到刺身吧落order，而刺身有八爪魚、希靈魚、油甘魚及三文魚，種類不多，但質素幾好。
壽司
全部都係龍蝦味，都咪話唔多，龍蝦壽司漢堡賣相不錯，不過幾頂肚。
另外龍蝦加州卷、龍蝦三文魚壽司及龍蝦壽司都各有捧場客。
湯
係自助餐中有龍蝦湯真係一隻手數得出，雖然沒一舊舊龍蝦肉，但湯底濃稠，蝦味豐盈，正。
而中式湯是舞茸螺頭燉湯，入口一陣醇香夠火喉，燉湯係屋企好少煲，正好。
熱葷
如果喜歡龍蝦菜色，真係不會令閣下失望。
龍蝦芝士通心粉好香口又煙韌，份量刻意地用上細容器，非常好。
近排好多連鎖酒樓既外賣都有龍蝦伊麵提供。
但想啖啖肉，又唔怕辣既，大可試試避風塘炒龍蝦鉗，不過放心，辣極都有限。
其他龍蝦菜色仲有菠菜忌廉白菌燴龍蝦、龍蝦煙肉粟米球及龍蝦酥盒，種類真係出奇的多。
另一個值得一試既係香煎鴨肝，雖然切成細細塊，但反而仲好，始終膽固醇超標。
其實除了大量龍蝦菜色外，熱葷都值得一試，蒜蓉粉絲蒸魚塊又係啖啖肉，尤其是粉絲蘸滿了魚汁，味道更鮮。
而三色椒炒牛肉粒就夠鑊氣，牛肉有嚼口。
加上紅酒燴牛尾、蔬菜天婦羅、關東煮及上湯時蔬，雖然不是種類取勝，但質素是愈見進步。
甜品
當然係選擇拎雪糕先，加上有兩大品牌出現，所以都好受歡迎。
Dreyer’s
有十勝紅豆、Manila Super Mango及柚子味比起好多地方既buffet質素更好。
Movenpick
有囝太太最愛的香草雪糕及自己喜歡既瑞士朱古力，細細杯獨立包裝夠衛生。
係甜品凍櫃，有士多啤梨奶凍、香芒布甸、朱古力撻綠茶紅豆蛋糕、栗子慕絲蛋糕、芒果朱古力撻、芒果荔枝蛋糕、芒果拿破崙及Tiramisu，雖然種類不多，但幾款都好啱自己口味，每款又係位上，我鍾意。
食飽飽又可以去附近行下。
家陣Staycation好多都等於食飯送住宿，但真係唔好係酒店開party，一來有可能犯限聚令，一不留神，隨時中埋招，得不償失又何苦呢？
Facebook 專頁 : Regal Hongkong Hotel
地址
: 銅鑼灣怡和街88號富豪香港酒店1樓
電話 : 28371772
味道 :
4 環境 : 4
服務 : 4 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!