「滋補·美肌·養生」一次過 @ Cafe on the PARK (尖沙咀中港城皇家太平洋酒店)





相信今個新年,人人都想健康平安,希望大家能夠挺住,齊齊度過難關。





若要身體好,進補少不了,但當然是行正道,並非食蝙蝠、穿山甲或果子狸等邪道。

其實日常生活大可從食療落手,家陣皇家太平洋酒店Cafe
on the PARK
推出「滋補·美肌·養生」,正好幫大家補補身。







佛跳牆

每位客人獲發一張美食劵,憑劵可換取佛跳牆一盅,真材實料,有鮑魚、花膠、花菇、乾貝、蹄筋及金華火腿,天寒地凍有盅熱湯暖胃真好。



北京烤鴨

近月都食左好幾次烤鴨,但水準不約而同都幾高,可以話皮脆肉嫩,即割即包,加點海鮮醬就更惹味。



海鮮

有肉質甜美既鱈場蟹腳、柔韌的翡翠螺、彈牙的海蝦、肉嫩的藍貝及無砂的海蜆。



Carving Station


燒原條西冷牛肉




燒得不錯,尤其是中間位帶血絲,薄薄一片夠,因為仲要留胃空間食其他野。



BBQ Station


墨魚、羊架、海蝦、雞肉腸及雞翼
燒得好香口,用黎送酒一流。





刺身

有螺肉、三文魚、吞拿魚、希靈魚及鯛魚,雖然都是常見的種類,但解凍處理得幾好,沒有討厭的雪味。



當然仲有雜錦壽司



粥檔

絕對是另一個驚喜位,本身係水蟹粥底,又可以加配帶子、牛肉、魚肉、蜆肉及螺片,粥底是廣東開花粥,又綿又滑,超正。





花膠冬菇菜膽燉豬展湯


好滋潤,材料十足,絕無花假,估唔到大圍湯水都可以咁大片花膠。

意大利雜菜湯

相比之下,西湯給比下去了。

熱葷




焗波士頓龍蝦配蟹肉及煙肉


半開波士頓龍蝦,又係任食到尾,最佳回本位。



波士頓藍青口配番紅花椰子汁

肉質嫩滑可口,而且帶椰子香味,我鍾意。



帶子炒鮮奶

好有賽螃蟹的感覺。



烤牛腰扒配牛骨髓

肉質鮮嫩,牛骨髓吃起來油而不膩,置面有少許麵包糠,令口感更佳。



花膠頭抽炒真菌

廚具有滋補的花膠外,更有秀珍菇、雞髀菇、冬菇、蘑菇、彩椒及甜豆,口感複雜。



清蒸大海斑配豉油汁

蒸得啱啱好,肉質不覺嚡,醬油調教得好,吊出了魚肉的鮮味。



講真,未必食得晒咁多款,因為黃金蝦球、東江鹽水雞及、烤盤焗盲曹魚配粟米蕃茄青檸牛油汁、魚湯鮮腐竹浸時蔬、蒜香蜆肉意大利粉配白酒汁、豉汁蒸鳳爪、豆豉蒸青口、燒賣、蟲草花蒸魚柳、上海粗炒、魚肉咖哩及印度雜菜咖哩,睇落真係好吸引。



沙律




想清清味蕾,傳統鮮蝦雜果沙律就最啱我,既有鮮蝦肉,又有哈蜜瓜。



另外有忌廉薯仔沙律配辣肉腸及蕃茄牛油果沙律



Cold Cut 


有挪威煙三文魚、黑椒牛肉、Parma Ham 、凍肉香腸與及沙樂美腸。



芝士

EmmentalBrie de.MeauxGruyere



甜品




首選絕對係最鍾意嘅雪糕,仲要係品牌Movenpick
仲要係雲呢拿夢幻、士多啤梨、冧酒提子、特濃咖啡、楓糖合桃及意大利奶凍六款,最啱就係放一兩球係即製窩夫上邊,就更加睇得食得。





至於甜品櫃更豐富,有牛油蛋糕、藍莓芝士蛋糕、班蘭蛋糕、黑森林蛋糕、百香果蒟蒻、雪燕蜂蜜奇亞籽水晶糕、冰糖雪燕燉北海道4.3牛乳蛋白、桂花杞子骨膠原布甸、香芒布甸、芋頭意大利奶凍、水晶餅、葡撻及軟心芝士蛋撻



個人真心推薦雪燕蜂蜜奇亞籽水晶糕、冰糖雪燕燉北海道4.3牛乳蛋白及桂花杞子骨膠原布甸,不太甜又特別。



飲品




而飲品除了汽水,仲有蘋果汁、橙汁、綠色蔬菜汁、夏枯草及特飲(西柚、青檸及Rosemary,好啱心多既朋友。


地址
:
尖沙咀廣東道33號中港城皇家太平洋酒店園景翼2
電話 : 27382322
味道 : 4  環境 : 4  服務 : 4  衛生 : 4  抵食 : 4  位置 : 4
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

Leave a Reply

Your email address will not be published. Required fields are marked *