年近歲晚，當然要同朋友來個團年飯，但近排實在太忙，單係屋企自己舖地板、整洗手間同清潔，已經花了兩三天，唯有「擠牙膏」式找個中午聚聚。
「星宴」位處W Hotel 內，地點適中，出入都方便。
黑魚子龍蝦盞 $128 (兩件)
餐前先來一個矜貴的龍蝦盞，龍蝦肉爽甜不在話下，酥皮就算沾上水份，而保持鬆化的質感，相當對辦。
原隻澳洲鮑魚燒賣 $48 (一件)
又是一道升級版點心，在傳統的燒賣上放上澳洲鮑魚，燒賣內蝦肉大大隻，超爽彈牙，講真，如果一籠四粒的話，食一籠已經半飽。
每日明火煲例湯 $128 (每位)
朋友都知我係湯怪，逢湯必飲，更何況係老火湯？今次係腐竹銀杏煲豬展，湯呈奶白色，呷落醇厚甘甜，腐竹都溶化了在湯裡，實在忍不住一口氣喝過碗底朝天。
上湯浸時蔬 $218
係時候來碟清清地既上湯浸溫室菠菜苗，由於是溫室種植，所以一年四季都食到。
鮮蝦帶子炒香苗 $328
單尾的炒飯同樣有水準，飯粒粒顆分明，毫無多餘油份，用爽口蝦仁與及柔嫩的帶子，再加入菜頭粒，多了一份嚼口，好啱自己心水。
既然快到新年，當然有不少賀年菜色，會由年初一(1月25日)到初十五(2月8日)供應。
金湯蛋白蒸星斑件 $288 (每位)
金湯即是南瓜湯，湯底佈滿大小不一的小白點，細味之下，原來是蛋白加忌廉用慢火細心推成，大廚真是少點功夫都不成，誠意度十足，湯底又甜美可口，就計星班件的味道都變得有層次，超正。
好市發財添就手 $386
自己每年都想食既菜色，豬手選用褪骨豬腳仔，而蠔豉更是用上好似在下一樣肥美既金蠔，扣得軟稔入味，口感豐腴，置底的豆胚鮮嫩翠綠，令人食不停口。
發財顯貴雞 $348 (半隻)或$668
(壹隻)
(壹隻)
驟眼睇同食，仲以為係菜膽雞，原來內有乾坤，很喜歡玻璃芡夠薄，但食落味道不簡單，而且有細細粒既蜆肉，因為在芡汁中加入了蜆芥，令嫩滑的雞肉的味道變得豐富。
今次食得太飽，甜品已經要下免戰牌。
Facebook 專頁 : W Hotel
地址
: 尖沙咀柯士甸道西1號港鐵九龍站香港W酒店1樓
: 尖沙咀柯士甸道西1號港鐵九龍站香港W酒店1樓
電話 : 3712 2848
味道 :
4 環境 : 5
服務 : 4 衛生 : 5 抵食 : 4 位置 : 5
4 環境 : 5
服務 : 4 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!