雖然香港無冬天，但想打邊爐又點會難到香港人？
一年四季想幾時食都得，而且火鍋配料多完化，實在令人又愛又恨。
位於薈賢居的Canton Pot，是少有的酒店內的火鍋店，環境自然理想，部位廂房更有卡拉ok提供。
餐前先飲杯竹蔗茅根水清清熱氣，另外，仲有廣西羅漢果水，再唔係開壺普洱茶都幾好。
今晚仗著人多勢眾，前後點了姫松茸沉香養生湯鍋、古法沉香素八珍湯、花膠燉響螺湯及韓式牛肋骨湯四款供應期去到11月的湯底。
當中素湯清清地又幾香菇菌味，而且最難得係所有refill湯底，都會用返原味，而不會加水就算，相當有誠意。
每次去到Canton Pot，都覺得好「混醬」，因為有12款醬料 (蔥花、蒜蓉、指天椒、豆瓣醬、日式胡麻醬、普寧豆醬、自家制麻辣醬、花生醬、南乳、廖孖記腐乳皇、潮州辣椒油及沙嗲醬)比大家調較，當中竟然有廖孖記腐乳，蘸點肉類一流。
海鮮今次只點了原隻褪殼既阿根廷紅蝦，蝦頭好多膏，蝦肉鮮甜，又可以當刺身食，正。
沖繩豬肩肉(新品)雖然要淥熟，但毫不覺韌，肉味又濃，蘸點一下自家調製的腐乳蒜粒醬油，美味到一個點。
而本地新鮮牛頸脊肉質鬆軟，簡單的淥十幾秒，生生地就食得，正。
加上匈牙利綿羊豬肩胛肉同樣肉味羶香，這豬牛羊組合一流。
餃子就有澳洲M5和牛芝士餃、羊肚菌黑豚肉餃及上海素菜餃，個人喜歡味濃的食物，芝士餃陣陣濃香好啱心意。
至於丸類就有四寶丸(鮮黑松露豬肉丸、鮮墨魚丸、鮮蝦丸、陳皮鯪魚丸)及四合丸(以鮮蝦肉、鮮墨魚、露筍及金華火腿手打而成)，全都不是現成貨，入口彈牙，難怪好快清晒。
打邊爐都要健康，先來一份近年成了火鍋寵兒的有機花生芽，清爽有嚼口，記得要試，而最普通的蔬菜拼盤一定要點，加上有機粟米及檳榔芋頭，菜蔬類夠了。
雜食中首推響鈴卷，點解？因為係由樹記腐皮鮮炸而成，若然興趣不大，咁卜卜脆又香口既酥炸魚皮又點睇？
對於澱粉質怪一樣有好野，因為有三色麵拼盤同埋稻庭烏冬，餐廳提供小器具供客人淥麵，方便衛生，好過求其掟落水，淥到天昏地暗，一塌糊塗。
到了尾聲，又係甜品時間，好多火鍋店提供既甜品都只是求求其其，好少有Canton Pot咁多。
係川貝陳皮燉津梨、芒果楊枝甘露柚子水滴、意大利白酒奶凍、北海道3.6牛奶布甸、木槺布甸及紅蓮銀耳燉桃膠中，挑選了北海道3.6牛奶布甸，份量恰好，不會太大杯，冰涼透心。
地址 : 旺角廣東道1131號香港旺角薈賢居2樓
電話 : 39687888
59710088 ((Whatsapp))
味道 : 4 環境 :
4 服務 :
5 衛生 : 4 抵食 :
4 位置 : 4
4 服務 :
5 衛生 : 4 抵食 :
4 位置 : 4
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!