「一日之計在於晨」，早餐真係好重要，如果豐富早餐仲要係Buffet，又真係幾誇張。
其實早幾年寫深圳專欄時，都先後幾次光顧自助晚餐，早餐反而是第一次。
餐廳沿襲集團模式，地方闊落又夠大，開放式廚房傳來陣陣香氣，而且睇得出對衛生有信心。
靠窗一邊有無敵遠景，自然光的透入，享用一個靚早餐，真的令人心曠神怡。
由於地方夠大，佔了全層，所以有幾多房客都應付自如，而且分開了不同的煮食區，熱食、粥麵、包點、水果、飲品，各司其職。
今次就由最吸睛的粥麵檔開打。
粥
早餐食粥好普通，而且係廣東式開花米粥底，但呢碗海鮮粥加入龍蝦鉗、青口、魷魚、八爪魚、蠔同蝦之後，就一點都不簡單，單是材料了佔了大半個碗，誇張到一個點，若然仲未心足，仲有新鮮龍躉片任加，我諗環顧深圳，都未必有第二間。
如果對海鮮無興趣，仲有兒時最愛母親所煮的的豬什粥，舀起滿滿的粉腸、膶肝、皮蛋同豬肉時，很有家常菜的感覺，每口都是童年回憶。
說到生滾粥的最佳拍檔，就一定係即拉腸粉，但並非香港式的布拉腸粉，而係深圳流行多年的肇慶腸粉，不過腸粉皮好滑，豉油調較出色，餡料有牛肉、豬肉及雞蛋三款選擇，熱辣辣食，找不到挑剔的地方。
若然想吃得健康，又有牛奶、豆奶及白粥。
可以配薄餅、油條、春卷、炒麵、蒜蓉炒菜心、炒蛋、滷水雞翼、炒飯與及豆豉鯪魚，種類真的夠多。
麵檔
有傳統風味雲吞麵，仲要係金魚散尾，沒有粗製濫造，麵條鹼水味輕盈，相當對辦。
如果想啱自己口味既，又可以配牛丸、豬肉丸、豆卜、菜心、白菜、生菜及通菜。
點心
有豬肉燒賣、珍珠雞、蒸餃子、紅棗糕及南瓜糕，對於飲慣中式茶既朋友可能未必夠，但總好過無吖！
包點
首選有好多人忽略既即製 waffle 及pancake，如果可以加球雪糕就一流。
另外，有軟籽無夫質麵包、榛子鬆餅、迷你菠蘿包、巧克力鬆餅、牛角包及法包。
大堂另一角，放有不同蛋類，今次特意煎了普通蛋同有機蛋，睇睇分別，發覺有機煎蛋雖然比較細隻，但蛋味較香，大家不妨試試。
如果嫌煎蛋太普通，大可煎奄列，又或者健康一點來隻烚蛋雞蛋或鵪鶉蛋。
同一個區分，有西式的炒雜菇、肉腸、煙肉、薯餅及蕃茄汁豆，方便外籍住客。
水果
早餐來一份清清腸胃的水果也不錯，而且種類勁多，有西瓜、蜜瓜、哈蜜瓜、菠蘿、橙、火龍果、桃子、蘋果、啤梨及香蕉，說笑一句，單是吃水果都飽了。
Cold Cut
有即切的巴馬火腿，食幾多切幾多，絕不會擺至乾癟，加上煙三文魚及莎樂美腸，已經不錯了。
飲品
有甘筍汁、青瓜汁、西瓜汁、橙汁、哈蜜瓜汁及西柚汁，全都是即搾果汁，超正。
此外，餐廳有甘筍配菠蘿薑與及西瓜、火龍果配橙，兩款特意調教的果汁。
愛健康的朋友，同樣照顧到，餐廳提供低脂牛奶、脫脂牛奶、維他豆奶、全脂牛奶、榛子味稻米飲料、乳酪及益力多。
由於有好多中式食物，所以自己除了飲果汁，都另外點了一壺普洱，其實仲有紅茶、綠茶、鐵觀音及菊花，飲品種類又係多到驚人。
畢竟是五星級酒店，食物種類的確是夠多，而且好多都是即叫即製，加上開放式廚房，誠意度十足。
酒店專頁 : Grand Hyatt
地址 : 廣東深圳寶安南路1881號深圳君悅酒店32層Luohu
District 518001
電話 : +86 755 2218 7338
味道 : 4 環境 : 5 服務 : 5 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當
作小小的鼓勵吧!謝謝!