可能是炎夏的關係，往往令人勾起陽光與海灘，夏天的自助餐，好多時都會以夏威夷作主題。
近日酒店自助餐正掀起劈價潮，稍後會整合一下，再另文介紹，喜歡自助餐的朋友，可要注要了。
畢竟柏景酒店位處尖沙咀，地理環境佳，而且食物有水準，所以不愁客源。
係自助餐可以食到活煮龍蝦真係好少，一隻手數得出，家陣就可以食到，加上菠蘿木瓜莎莎，風味獨特，好正。
蟹肉芝士意大利飯
味道香濃而且鮮甜，配料又足，用上鱈場蟹肉，飯粒又不會煮得太稔，就算不是愛澱粉質的朋友都值得一試。
今次先品嚐餐廳的夏威夷菜色。
薯仔沙律紅菜頭配羊奶芝士
既邪惡又健康，清新與濃香夾雜，真的不錯。
鵝肝凍批配阿支竹黑菌油醋汁
真係好邪惡，但入口豐腴，配以黑菌油醋汁正好平衡了油膩感。
夏威夷風味沙律有夏威夷吞拿魚沙律、夏威夷椰子西瓜蝦沙律及夏威夷火腿意粉沙律，個人比較鍾意椰子西瓜蝦沙律，因為天氣太熱，都想進食水果類消消暑，加上有椰子的芳香，味道又真係幾夾。
夏威夷娜拉伊式炸魷魚
其實賣相同口感都有點似椒鹽鮮魷。
慢烤完隻卡魯瓦烤乳豬
賣相與口感都似西班牙式烤豬，皮下脂肪溶化好香肉味，但要趁早食，因為豬皮好易變韌。
夏威夷瓦西瓦式炒蝦
蝦身開邊易入味，加入水果及彩椒更加富熱帶色彩。
夏威夷牛尾湯
好正，牛味好突出，好容易忍唔住飲多碗。
夏威夷朱古力椰子批
椰子味好突出，陣陣幽香，而且不會太甜。
夏威夷甜甜圈
大家要有心理準備，又真係幾甜下。
另外，仲有 菠蘿忌廉芝士核桃椰子雪球與及瓦胡島菠蘿千層果醬布丁。
夏威夷特飲
唔想飲啤酒汽水，就一定要飲呢杯特飲，既甜又香，仲要係任飲。
海鮮
一入門口，已經見到有龍蝦仔、凍蝦、翡翠螺、藍貝、蜆及長腳蟹爪，真係好似向我招手，叫我去食佢一樣。
當中最鍾意大大隻既蟹爪，又甜又多肉，當然，肉質幼嫩既藍貝亦係另一個消滅重點。
刺身
比較大路，有螺頭、甜蝦、三文魚、吞拿魚及鯛魚，愛刺身既朋友，當然要試試。
壽司當然是試下夏威夷好出名既午餐肉，變成壽司同樣可口，不妨試下。
Carving Station
原條燒西冷牛肉
火喉控制好，中間medium rare帶血絲，肉味又濃，食得過。
熱葷
柏景的熱葷一向有水準，上次已經食過不停，今次更進一步。
薑蔥頭抽蒸沙巴龍躉
好難得咁大條魚，蒸得啱啱好，肉質嫩滑，豉油調得平均，能帶出魚肉的鮮味，正。
香煎澳洲鱸魚配香草忌廉汁
鱸魚肉質鬆軟，蘸點香草汁就更惹味。
咖哩炒肉蟹
去過街市就知蟹有幾貴，家陣可以任食，而且炒得好入味，食既時候無須用刀叉，直接用手拆蟹仲有風味。
鮮菇素海參扒時蔬
素海參賣相同質感象真度好高，食得健康。
其他熱葷仲有紅酒慢煮牛肋條、香草普雲酥燒羊鞍、金菇瑤柱炆伊麵、蒜香骨、玫瑰豉油雞及印度雜菜咖哩，當中好多都啱自己胃口，不過胃納有限。
麵檔
麵底有油麵、瀨粉及菠菜麵，而配料有叉燒、豆卜、牛丸、蟹柳及扎肉，至於湯底可以選泡菜湯或者豬骨清湯，個人鍾意辣辣地，因為比較刺激食慾。
蒸海鮮
翡翠螺及青口加上蒜蓉去蒸，又真係幾香口。
點心
有菜肉包及馬拉盞，如果有我鍾意既蝦餃燒賣就更好。
湯
蟲草花螺頭燉竹絲雞
個人實在好鍾意飲湯，尤其是對要花時間燉的湯水，更是情有獨鍾。
這個湯幽香醇厚，湯色清澈，絕對是必飲之選。
Cold Cut
有莎樂美腸、黑椒牛肉、巴馬火腿同埋煙三文魚。
甜品
雪糕車又再次出現係大門口，當然係好受歡迎既Movenpick雪糕，仲要有朱古力岩鹽焦糖、藍莓芝士蛋糕、焦糖、曲奇焦糖、檸檬青檸、冧酒提子、意大利芝士蛋糕、法式焦糖燉蛋、雲呢拿夢幻、士多啤梨、瑞士朱古力共十一款口味，仲可以加topping，變化多端。
又有近年經常出現既自製班戟機。
小朋友最鍾意既朱古力噴泉。
雜錦馬卡龍
外形飽滿漲卜卜，不過都幾甜下。
整個甜品區佈滿了不同的甜品，有紅莓乳酪餅、牛油蛋糕、黑加侖子藍莓蛋糕、熱情果芝士餅、班蘭雪芳蛋糕、可可泡芙、班蘭椰子糕、桂花糕、蛋花大菜糕、蘋果蒟蒻凍、焦糖燉蛋、芒果布甸、瓦胡島菠蘿千層果醬布丁、蘋果金寶、花生糊、豆腐花及葡撻。
個人推薦菠蘿忌廉芝士核桃椰子雪球芳香甜美，與及班蘭椰子糕，因為好有熱帶風情。
飲品
靠近大門口位置，有大量不同飲品，當然有任飲汽水同啤酒，另外有橙汁，自家調製的紅菜頭梨汁及香橙菠蘿羅勒葉，獨家口味，如果近日燥燥地，又可以選擇夏枯草清清熱。
雖然近日有點亂，但酒店位置比較安全，想慶祝一下，都是一個好地點。
Facebook 專頁 : Royal Pacific Hotel 皇家太平洋酒店
地址
: 尖沙咀廣東道33號中港城皇家太平洋酒店園景翼2樓
: 尖沙咀廣東道33號中港城皇家太平洋酒店園景翼2樓
電話 : 27382322
味道 : 4 環境 : 4 服務 : 4 衛生 : 4 抵食 : 4 位置 : 4
希望各位喜歡這篇文章的朋友，請在我的專頁上剔“LIKE”，
當作小小的鼓勵吧!謝謝!
當作小小的鼓勵吧!謝謝!