Promenade 的 Buffet一向受歡迎，就算市道有幾差，對餐廳食物質素，卻是絲毫無損，而且佔盡地利，旁邊是演唱會聖殿，客人大可吃過滿足，先去欣賞演唱會，所以每晚都是座無虛席，連遠離食物區的門口位都是客人，看來真是名不虛傳。
生蠔
餐廳每晚提供兩款生蠔，今晚都不例外，分別是蠔味較濃，而肉質爽口的法國Argent與及近年成了自助餐寵兒的美國Pacific Oyster。
刺身
刺身是少見的精彩，種類既多，質素又好。
帶子肥大肉厚、赤貝爽口彈牙、劍魚腩柔韌可口、海老鮮甜味美、象拔蚌原條即切，都是吃得出的新鮮，加上三文魚、希靈魚及玉子，切了一碟四人份，結果都給消滅了。
海鮮
波士頓龍蝦
是必然回本位，龍蝦質素好，refill亦快，仲可以食多幾隻。
麵包蟹
超多膏，真係好邪惡。
長腳蟹爪
比一般Buffet見既大隻及粗壯，肉質甜美，必食位之一。
另外，有翡翠螺、藍貝同凍蝦，如果仲食得落既可以試下。
粥檔
是晚好多野推介，粥檔係其中之一，除了粥底係廣東開花粥，軟綿綿的相當對辦，配料更不得了，有燕窩、蟹黃、瑤柱、蟹肉、龍脷柳、皮蛋及瘦肉，今次貪心一點，除了皮蛋及瘦肉，一股腦兒都取了，結果，配料比粥底還要多，每口都是配料，鮮甜得可以，最後，實在忍不住encore多一碗。
天婦羅
酒店日本餐廳千鶴一向享有盛名，早幾年曾經造訪過，令人印象難忘，聽聞就連自助餐都極佳表現，今次一試，真的有驚喜感。
炸鱈魚片及舞茸尤其出色，脆漿只是薄薄的一層，食落絲毫沒有油膩感，的確有令人想食多幾片既衝動。
Carving Station
香煎鴨肝
即煎即食無得輸，外脆內軟，雖然邪惡都要食。
即煎牛仔柳
每件都手掌大小，煎至7成熟，反而有點juicy，自己幾喜歡。
熱葷
絕對推薦一系列泰國菜，實在好出色。
泰式炒海鮮
材料勁豐富，竟然連龍蝦都有，加上龍蝦鉗、魷魚、帶子、蝦仁，炒得又入味，比起泰國菜館有過之而無不及。
泰式金邊粉
朋友大讚，果然炒得毫不油膩，但略嫌有點碎濕濕。
泰式炒芥蘭
炒得翠綠又香口，火喉控制得不錯。
西班牙菜
西班牙烤乳豬
跟傳統中式芝麻皮有出入，所以要趁熱食，否則過後豬皮會變韌，影響了口感，但的確肉味濃郁。
西班牙凍湯
放在一角，大家未必注意到，小巧的一杯，酸酸地幾開胃。
西班牙雞肉田螺燴飯
材料豐富而且入味，略嫌飯粒太稔，欠了夾生飯的嚼口。
西班牙海鮮燴飯
有海蝦、青口及鮮魷，味道都跑到飯粒裡，好惹味，但同樣地飯粒欠嚼口。
西班牙吉列蝦餅
炸得好香口，送啤酒一流。
其他西班牙菜色仲有西班牙馬鈴薯奄列、西班牙羊奶芝士雜菜及西班牙燒排骨。
其他熱葷有避風塘炒龍蝦鉗，啖啖肉又入味。
蟲草花杞子荷葉蒸雞肉質嫩滑可口。
京蔥醬爆牛柳條好香口，而且牛肉細嫩。
仲有雙冬燴萵筍、上湯火腿了冬菇夾、酥炸花枝丸、酥炸墨魚鬚、砵酒蜜糖燴豬面頰、紅酒燴牛尾、素食薄餅、阿支竹雜燴疏菜、焗森林雜菌、醬烤黑豚腩肉、烤鴨胸釀提子牛仔餡料及咖哩魚柳，不過食完其他幾樣，實在試不下。
湯
花旗參煲竹絲雞湯
火喉足又甘甜，有家常湯水感覺。
香茅雜菜青湯
另一款是香茅雜菜青湯，興趣不大。
前菜及沙律
同樣前菜及沙律同樣豐富，足以考量大家「食」力。
因為有八爪魚配紅新薯、意大利熟火腿、意大利熟火雞胸肉、鮮蕃茄醬配多士、咸牛肉、水牛芝士配風乾蕃茄莎莎醬、碎蛋沙律配香草銀魚柳、泰式鳳爪沙律及。泰式木瓜沙律。
甜品
餐廳近日推出了好五款榴槤甜品，
論水準絕不比同區另一名店遜色，可說是各有千秋， 難怪可以在這個時勢，依然能夠全場爆滿。
榴槤班蘭蛋糕賣相一流，鬆軟而芳香、榴槤天使蛋糕口感香滑、榴槤脆酥可口鬆脆、榴槤木糠布甸味道濃郁，而班蘭榴槤班戟啖啖榴槤肉，作為榴槤迷，一定不能錯過。
即製Crèpe
又係另一亮點，朋友選了榴槤肉，加入了忌廉，倍覺香滑。
即焗梳乎厘
熱辣辣質地鬆軟，實在相當吸引。
用燕窩炮製的甜品有杏汁水晶燕窩及燕窩燉蛋，夠晒滋潤，甜度輕盈，女士們最啱。
哈根大師
雪糕又是一個必殺位，單是雪批已經有朱古力杏仁、士多啤梨、雲呢拿焦糖杏仁、芒果紅桑子及曲奇雲呢拿，大家諗下，如果係便利店做特價要幾錢枝？家陣係任食。
而杯裝品種亦緊貼市場，口味出眾，有柚子香橙、朱古力、黃桃乳酪雪糕、奇異果芒果乳酪雪糕及士多啤梨，有幾款係Buffet中少見，大家一定要試下。
仲有大量甜品，單是食甜品都飽了，有杏仁撻、冰皮香芒卷、朱古力brownie、意大利芝士蛋糕、焦糖朱古力瑞士卷、白酒啫喱、芒果拿破崙、70%朱古力松露蛋糕 、迷你杯裝甜品 、杏仁脆酥、紫薯泡芙
、迷你卡娜蕾、京都焙茶奶凍配朱古力汁、白酒燴菠蘿、紅豆黑糖麻薯及焦糖燉蛋。
、迷你卡娜蕾、京都焙茶奶凍配朱古力汁、白酒燴菠蘿、紅豆黑糖麻薯及焦糖燉蛋。
既有客源的支持，食物的質素及種類果然夠進取，未知下一次又有乜野新攪作。
P.S : 每2位成人惠顧西餐廳自助午餐或自助晚餐，可即時豁免同行之1位小童(3-11歲)或長者(65歲或以上) 有效日期: 2019年9月1日 至 2019年10月31日
酒店推出自助晚餐高達75折優惠(適用於2019年8月1日至2019年8月31日) 網上商店(最優惠價格保證)
詳請可以向餐廳查詢
Facebook 專頁 : Harbour Plaza Metropolis
地址 : 紅磡都會道7號都會海逸酒店7樓
電話 : 3160 6880
味道 : 4 環境 : 4
服務 : 4 衛生 : 5
抵食 : 4 位置 : 5
服務 : 4 衛生 : 5
抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!