早前大囝考完DSE,而細囝選校亦塵埃落定,心下放鬆了不少,一家人想慶祝一下,自助餐成了不二之選。
當年Openrice曾送出午間Buffet劵,的確令一家人光顧了好幾次,而晚餐亦屬CP值高,反正是日又要在港島出沒,因利乘便,最好不過。
今次餐廳主題是「味歷東瀛」,相信好啱香港人口味。
清酒煮鮑魚
每位成年客人可獲贈一客清酒煮鮑魚,淡淡的清酒香氣,柔韌富彈性的肉質,都是令人回味無窮。
生蠔
Fine De Claire(法國)海水味重,帶子位爽口,蠔味不俗。
Pacific Rock(美國)體形較大,蠔味稍淡。
Coffin Bay (澳洲)雖然size最細隻,但論蠔味卻是最濃郁的一款,隱約有點甜味,正。
海鮮
波士頓龍蝦
為保持衛生,擺放數量不會太多,多數見差不多清盤,便會自行補上,肉質彈牙甜美,不錯。
法國麵包蟹
勁多膏,但蟹鉗個殼都幾硬,想食要花點功夫。
加拿大蟹腳
肉質幾甜,難怪好多人食。
加上法國翡翠螺、藍青口同熟蝦,海鮮陣容好強。
刺身
令人意想不到,竟然有海膽提供,仲有個人最鍾意既七吋阿根廷赤蝦,大大隻又甜美,必食刺身。
另外,有魷魚、鯖魚、三文魚、希靈魚、八爪魚及吞拿魚,雖然質素不錯,但都給海膽及赤蝦比下去了。
雜錦壽司不說了,重點在於和牛壽司,滿有油香的,好吸引。
大家可別忘了有鰻魚飯,仲要趁熱食,因為放得太耐,鰻魚肉會變乾,影響口感。
Carving
Station
Station
燒羊髀
少許的羶味,問題不大,有嚼口,而且少Buffet提供,值得試試。
燒西冷牛肉
中間位置較生,反而好啱自己。
香煎鴨肝
由頭供應到尾,鴨肝煎得好香,外層微脆,不過好邪惡,食少少算。
鐵板燒
款式幾多,有冬菇、青椒、雞腎、日式鹽燒牛脷同埋日式豬肉餃子。
熱葷
Harbour Grand 的熱葷,屬於好啱自己口味。
炒龍蝦鉗
啖啖肉,refill又快,不愁要等。
花膠扣鴨掌
有時部份酒店要位上,但今晚卻可以任食,真開心,花膠軟稔起膠質,對女性好滋補,所以太太倒消滅了不少。
潮州煎蠔餅
有點新意,熱辣辣的,外脆內軟,蠔仔份量不少,可能怕不夠熟,但略微炸得過火。
其他仲有蒸魚、鮮菇扒時蔬、海參、牛仔骨、日式咖哩炸豬扒 、日式麵豉海鮮鍋與及日式三文魚配青蔥及炸子薑。
湯
每位客人,會獲贈一盅西洋菜陳腎花膠燉豬展,好耐無飲陳腎湯,夠火喉又醇香,可惜只得一盅。
如果愛日式的,亦有赤麵豉湯。
麵檔
牛丸、貢丸、墨魚丸、娃娃菜、金菇、生菜、油麥菜配上
生麵、 米線、河粉、油麵、銀針粉。
而湯底可以選擇馬來喇沙湯、豬骨湯或清雞湯。
粥檔
今次自助餐真係加入好多新元素,生滾粥檔係其中之一。
配料有牛肉、帶子、雞肉、蝦仁及魚肉,真的好豐富,一於整返碗“樣樣有”,廣東開花式粥底幾綿滑。
點心
有牛肉燒賣、豬肉燒賣及菜苗餃,最可惜無我最鍾意既蝦餃。
滷水冷盤
賣相幾好,組合式食具,有紅腸、牛展、海蜇、叉燒、墨魚、油雞、豬脷及豬手仔,全都是燒味檔的滷水食物,每樣少少,不會太佔胃納,幾好。
沙律
一向種類都多,所以大囝就最開心,因為佢就算係發育時期,都可以用沙律作正餐。
今次有蟹肉青瓜甘筍沙律、和風沙律、日本麵豉青瓜仔、香芒沙沙伴燒牛肉沙律、酸忌廉醬伴燒新薯煙肉沙律、蜜糖茴香燒南瓜沙律、香煎黑白芝麻吞拿魚及日式雜錦醃菜。
Cold
Cut
Cut
有Parma Ham、煙三文魚及意大利雜肉拼盤。
芝士
提供了Emmenthal、Edam、Brie及Blue Cheese四款口味。
甜品
Movenpick雪糕
有法式焦糖燉蛋、雲呢拿夢幻、冧酒提子、楓糖合桃、柚子雪糕、綠茶雪糕、乳酪、芒果忌廉、焦糖、瑞士朱古力、意大利奶凍、士多啤梨,總共12款,個人覺得柚子雪糕清清地、意大利奶凍夠滑溜,仲有芒果忌廉夠香甜,都值得一試。
甜品吧有大量甜品,最推介是榴槤焦糖燉蛋,
既有榴槤的香味,又不失蛋香,質地又軟滑。
既有榴槤的香味,又不失蛋香,質地又軟滑。
另外,有紅莓蛋糕、芒果拿破崙蛋糕、朱古力慕絲蛋糕、班蘭綠茶蛋糕、黑芝麻芝士蛋糕、日式士多啤梨蛋糕、意大利芝士蛋糕、Oreo木糠布丁、銅鑼燒、馬卡龍、泡芙、法式軟朱古力撻、紅豆豆奶奶凍及白酒啫喱。
太太就欣賞日式班戟梳乎厘,因為可以自行加添雪糕。
中式甜品有蛋撻窩夫、糖水有心太軟、龍眼紅棗糖水、椰汁紫米露、豆腐花、糯米糍、綠豆糕及桂花糕。
而小朋友就最鐘意朱古力噴泉,又可食又可以玩。
飲品
提供自助咖啡機、橙汁、西柚汁及紅茶。
畢竟市道有點低迷,要提升生意就一定要有改進,而今次又真係好啱我食喎。
P.S
: 星期日至星期四 成人
$588 小童 $358
星期五、六,公眾假期及前夕 成人$618
小童$388
: 星期日至星期四 成人
$588 小童 $358
星期五、六,公眾假期及前夕 成人$618
小童$388
Facebook專頁 : Harbour Grand Hong Kong
地址 : 北角油街23號港島海逸君綽酒店3樓
電話 : 2121 2689
味道 : 4
環境 : 4
服務 : 4
衛生 : 4
抵食 : 4
位置 : 5
環境 : 4
服務 : 4
衛生 : 4
抵食 : 4
位置 : 5
希望各位喜歡這篇文章的朋友,請在我的專頁上剔“LIKE”,當作小小的鼓勵吧!謝謝!