狂熱夏威夷 ~~ 「Summer in Hawaii」@ The Place (旺角香港康得思酒店)



熱浪逼人,今個夏天令人好想置身海灘,呷一口冰涼透心既飲品。



夏威夷~一講起已經有陽光與海灘的畫面出現,家陣無須去到咁遠,旺角康得思酒店The
Place
餐廳,近日就推出「Summer in Hawaii」為主題自助餐。

既然以少見的夏威夷美食作主打,就先睇下有幾特別。


夏威夷芝士焗龍蝦配千島醬(含有豬肉)


全程供應到最後一刻都任食,半開波士頓龍蝦,放上芝士及菠蘿、豬肉及千島醬烤焗,芝士烘得焦香,加入菠蘿,令蝦肉帶甜美,更是有畫龍點睛的效果。



夏威夷式蒜香豬柳


外層酥化,肉質依然嫩滑,不錯。



夏威夷烤豬


感覺上跟葡式差不多,皮脆肉味濃,而且皮下脂肪半溶,多了一份油香。



夏威夷蒜蓉炒中蝦


好香口,略嫌油份較多。



前菜中,有夏威夷特色醃三文魚及夏威夷涼拌八爪魚


夏威夷午餐肉壽司


其實夏威夷午餐肉幾出名,今次用作壽司料,又幾特別喎,賣下關子,大家試下就知,幾有趣的。


本身有好多款沙律,但個人幾鍾意夏威夷菠蘿海鮮沙律,因為菠蘿近月超正,配搭起海鮮,令海鮮多了一分甜香。


另外,仲有夏威夷粟米雞沙律


夏威夷果仁梳乎厘


要留意出爐時間,因為好快比人拎晒,梳乎厘質地鬆軟,表面灑滿夏威夷果仁,好香口。



夏威夷朱古力蛋糕


味道幾濃郁,但不覺結實,甜度啱啱好。



焦糖夏威夷果仁撻

反而好甜香,置面的果仁粒令口感更佳。

生蠔


今次供應紐西蘭生蠔及愛爾蘭石蠔 每次限取四隻),可能遇上當造的季節,兩種蠔都肥美肉厚,邊位爽甜,而且蠔味濃郁,真心推薦。


海鮮




龍蝦鉗拆開啖啖肉。


長腳蟹爪肉質鮮甜。




仲有小紅龍蝦、凍蝦、蜆同藍貝,連埋生蠔,海鮮區走一轉,已經幾分飽。



刺身




DIY
刺身飯


廚師會按客人喜好舀飯,然後客人就可以放上吞拿魚碎、蝦仁或其他配料,自己炮製了一碗,味道不錯啊!



另外,有墨魚、八爪魚、希靈魚、油甘魚、三文魚、吞拿魚及鯛魚,種類都幾多,而且夠新鮮,愛吃刺身的朋友應該收貨。


Carving Station





燒美國特級肉眼扒


又係等到中段先來一片,因為會較生,有嚼口而且肉味濃。




香煎鵝肝


陣陣油香四溢,煎得外脆內軟,幾邪惡都要食返件。


熱葷




烤面豉三文魚


有點中式風味,估唔到三文魚用上面豉又幾夾喎。




照燒牛仔骨


好入味,但比較細件,最啱食多幾款。



如果喜歡印度菜既朋友,亦有香草烤新薯角、印式香辣羊肉咖哩、印度香辣烤雞塊、印度雜菜咖哩及烤餅


紫蘿炒雞片


好耐無食,酸酸甜甜味道令人好開胃。


愛澱粉質朋友有鮑汁海鮮粒炒飯


燒味有豉油雞,但無我就鍾意既叉燒。


蒜蓉炒西蘭花


西蘭花是自己最愛的菜蔬之一,自然食了不少。


麵檔


配料有雞肉、海蝦、魚片、紅腸、貢丸、豆卜、冬菇、金菇及蘿蔔;而麵底有米粉、油麵或河粉供選擇,至於湯底在清雞湯喇沙湯中反而選了雞湯,配以油麵,清清地都幾好。






燉湯是川貝海底椰燉雞


如果有些少咳既朋友就最啱,火喉足,入口清甜,正。


基本中湯有蓮子百合煲豬骨湯與及西湯的意大利雜菜湯,兩者各有捧場客。

前菜




日式螺肉及涼拌茄子,如果囝囝在坐,一定會狂食。


沙律




鮮蝦咯嗲杯清爽彈牙,蝦仁大大隻。

有吞拿魚薯仔沙律、煙三文魚及煙吞拿魚。



甜品



雪糕吧提供Movenpick雪糕,仲要有青檸檬雪芭、瑞士朱古力、士多啤梨雪糕、雲呢拿夢幻、楓糖核桃雪糕、薄荷朱古力雪糕、乳酪雪糕與及熱情果香芒雪糕,共8款口味。

尤其是可以加 topping ,色彩繽紛又甜美,正。

小朋友除了雪糕,就最鍾意朱古力噴泉,有水果同棉花糖任玩任食,真開心。

其實,The Place 的甜品同樣款式多又靚,平時無食咁多,今次都忍不了。

柚子檸檬卷


口感清新,甜酸度啱啱好。



菠蘿椰子慕絲蛋糕


賣相一絕,入口芳香而鬆軟,值得推薦。


馬卡龍


外形飽滿,咬落外脆內軟。



又有香甜軟滑既芒果西米椰子凍、熱情果白朱古力奶凍及火龍果奶凍,真係好啱自己口味。


仲有牛奶朱古力熱情果蛋糕、菠蘿芝士蛋糕與及番石榴草莓慕絲蛋糕

另外,加上豆腐花、紅豆沙、煎堆仔、即刨番石榴柑桔刨冰、豆腐花及煎堆仔



P.S :另外,酒店為了隆重其事,推出了「狂熱夏威夷」攝影比賽,並在餐廳入口處擺放了booth,客人可加點創意或提供的服飾道具,拍出有趣的照片,有機會獲得雙人免費享用自助餐啊!詳情如下 :

1.
關注酒店的Instagram
@CordisHK

2.
發揮您的創意,跟小屋背景幕拍張有趣照片

3.
發佈到個人 Instagram

4.
加上標籤 #CordisHK #ThePlaceHK

5.
逢星期一,酒店將會選出最具創意的一張照片,得獎者可獲贈 The Place 二人自助晚餐餐券一張

*
是次话動於2019930日載止

*
是次话動只限The Place 自助餐的實客參與,有需要時須提供收據證明

*
參加者必须把Instagram嚴號設定為「公開」

.
得獎者將獲專人透過 Instagram私人訊息通知

*
如有任何事議,香港康得思酒店保贸一切對賽果的最終決定權
酒店專頁 : Cordis, Hong Kong
P.S : 自助餐供應期由一月至三月,每晚6:30pm9:45pm,星期日至四及公眾假期 成人/$598 小童及長者/ $418
星期五、六及公眾假期前夕 成人/$638 小童及長者$458
如果在Openrice下載優惠劵有75折,可以話更加抵食。
地址 : 旺角上海街555號香港康得思酒店L樓層
電話 : 3552 3028
味道 : 4  環境 : 4  服務 : 4  衛生 : 4  抵食 : 4  位置 : 5
希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

Leave a Reply

Your email address will not be published. Required fields are marked *