位於Hotel Icon 內的 The Market,曾經一度是自己最欣賞的自助餐,就連結婚的周年慶祝,都選擇了
The Market。
The Market。
但早兩年前曾光顧過一次,發覺好多款食物都跌了watt,直至近日聽說有回勇的跡象,正好試試。
雖然是平日,但依然是人頭湧湧,The
Market多年來的魅力果然沒法擋。
Market多年來的魅力果然沒法擋。
先介紹新推出的台灣菜。
西門丁鴨肉扁
選用兩斤幾米鴨,鴨肉好入味,但湯底味道稍淡,米粉是新竹米粉,較幼身,食落香滑好多。
台南豬肉包
餡料是簡單的白菜豬肉,賣相有點近似上海包,但質感較軟熟,餡料多添變化,因為加入了泡菜及醃菜,惹味得多。
炭燒台灣豬肉腸
味道偏甜,最好腸同蒜夾雜食,更具風味。
紅燒牛肉麵
畢竟是台灣名物,湯底幾香,但可以更濃稠,麵底是蛋麵,而牛煮得好軟稔,差不係牙都食到,不錯。
高雄肉燥飯
加入粗粒豬肉,肉汁更是精華所在,陣陣油香拌飯底,夠晒邪惡。
珍寶炸雞件
好香口,外脆內嫩,火喉控制得幾好。
焗番薯
選用台灣黃肉地瓜,簡單的焗熟,甜度來得自然。
九份地瓜圓花生糊
質感非常濃稠,原來加入了奶,地瓜丸QQ的口感真好。
之後是餐廳本身供應的菜色。
海鮮吧
半開波士頓龍蝦
以往的龍蝦架不見了,但龍蝦質素卻是更好,每隻都見膏,而且refill速度快,即時觀感變好。
接著是啖啖肉既龍蝦鉗、帶咸鮮既紅龍蝦仔,連同加拿大長腳蟹腳、凍蝦、蜆及青口,海鮮陣陣可以接受。
刺身
有肥大肉厚的北海道帶子、大大隻又鮮甜既甘海老、柔韌有嚼口既北寄貝;仲有八爪魚、三文魚及吞拿魚,種類方面幾啱胃口。
熱葷
海南雞飯
當然係首選,的確比早前有進步,但還可以更好,雞油飯未夠油香,雞肉嫩滑,不過雞味不足,但這是先天問題,其實已經不錯。
蟹粥
原隻蟹掟入去煲,蟹味好出,但想食蟹鉗時,發現未敲得碎,落手落腳有點麻煩,粥底煲得好綿,或者,懶懶地,淨係要碗粥底算了。
泰式香蘭雞
雖然是油炸,卻又不覺得油膩,肉質嫩滑。
熱葷陣容比起早前是有進步,其他仲有葡汁焗海鮮、紅咖哩牛、炸魚餅、炸蝦餅、葡式豬手、香橙鴨、海鮮長通粉、牛仔骨及檳城五香肉捲、中式時菜、川辣蝦球及黑椒牛柳粒,款式真係幾啱香港人。
印度菜
印度酥餅、雞心豆咖哩、印式素菜角、印度烤雞、果阿咖哩魚、印度薄餅。
麵檔
有由開檔已經出名的喇沙;其實早兩年前食過一次,真的跌 watt,但今次無論辣度及椰香都回復不少,油麵搭米粉更合心意,配以雞蛋、魚片及蝦仁,值得一試。
Carving Station
香煎牛扒
並非原條切,而係即叫即煎,生熟程度可以控制得更好,有嚼口,肉味濃。
香煎羊架
表面似乎烤得有點焦,切開卻又啱啱熟,羶味不重,可以試試。
叉燒
即叫即切,包保熱辣辣,蜜味幾重,而且有嚼口,如果可以加碗白飯就更正。
香煎鴨肝
夠邪惡,外微脆內軟,點都要食少少。
湯
椰子雪耳椰子燉雞湯
賣相幾好,雪耳煲至溶化,所以湯底濃稠,陣陣椰子芳香,難怪同行朋友差不多每人兩盅。
海鮮濃湯
感覺上似龍蝦湯,同樣的濃稠,質感滑溜,又係可以花點胃納試試。
沙律及頭盤
種類好多,首選黑松露蟹肉多士配魚子醬,味道及口感層次分明,食buffet竟然有矜貴的魚子醬。
其他仲有DIY沙律、肝醬批、中式滷水拼盤、意式肉腸、意大利火腿、香草什錦蘑菇、手撕雞、雜果沙律、蕃茄芝士沙律及蘇格蘭煙三文魚,種類不少,好啱愛健康的人士。
薄餅
有三款出爐薄餅,包括了蕃茄芝士薄餅、素菜薄餅及火腿蘑菇薄餅。
芝士
有Camembert Cheese、Branston、St.
Paul Cheese 及 Walnut
Cheese。
甜品
甜品一向是「The Market」的名物,當中尤以榴槤類最出名。
所有榴槤產品在甜品區一角,有外脆內軟的脆炸榴槤球。
至於香脆貓山王炸榴槤( 配榴槤雪糕),因為多變化,就最受歡迎。
另外,有迷你小巧,一口一件的榴槤芝士撻。
仲未夠喉?可以食埋榴槤椰汁糯米飯、榴槤芝士蛋糕、榴槤班蘭卷及榴槤奶凍。
Movenpick雪糕
有雲呢拿夢幻、瑞士朱古力、熱情果芒果雪葩、特濃咖啡及楓糖合桃,每款要一球,味蕾大滿足。
有雲呢拿夢幻、瑞士朱古力、熱情果芒果雪葩、特濃咖啡及楓糖合桃,每款要一球,味蕾大滿足。
其他甜品仲有日式芝士蛋糕、草莓欖油卷、綠茶朱古力蛋糕、三重朱古力、紅桑子荔枝馬卡龍、茉莉茶朱古力蛋糕、鐵觀音大菜糕、檸檬撻綠茶奶凍、士多啤梨奶凍、芒果奶凍及荔枝啫喱。
當中奶凍用雞蛋形器皿,賣相趣緻,質感香滑,又係必食。
水果
雖然比不上開業時的十幾點款,但都有奇異果、火龍果、菠蘿、哈密瓜、西瓜及柑桔,種類都算多,加上屋企少買水果,有機會自然食多少少 。
飲品
提供橙汁、西柚汁及Cranberry汁。
Facebook : The Market
地址
: 尖沙咀科學館道17號唯港薈2樓
: 尖沙咀科學館道17號唯港薈2樓
電話 : 34001388
味道 :
4 環境 : 4
服務 : 4 衛生 : 4 抵食 : 4 位置 : 5
4 環境 : 4
服務 : 4 衛生 : 4 抵食 : 4 位置 : 5
希望各位喜歡這篇文章的朋友,請在我的專頁上剔“LIKE”,當作小小的鼓勵吧!謝謝!