兒時很喜歡雙親自製的糕點，每當大時大節，家中露台便會用磚頭搭起爐具，燒一大鍋水或熱油，兩老整天在搓麵粉，炸油角、包糭子，昔日的情景，真是歷歷在目。
今時今日屋企豆腐膶咁細，莫講話搭爐，廚房企多個人都轉不了身。
想自製糕點實在有難度，幸好坊間有不少工作坊，可以落手落腳炮製各式糕點，而且仲有成果跟家人分享。
「奇華工作坊」可說是近年最成功的工作坊。
點解？
因為工作坊位處灣仔，就在合和中心對面，附近有地鐵、巴士同電車，出入方便就腳，而且是一幢活化了的戰前樓宇，置身其中，有種往日情懷，加上店方近年先後跟各大品牌合作，將傳統的糕點重新包裝，在原有的風味上年輕化，而近日就聯乘「櫻桃小丸子」，推出新春限定課程，部份更是親子班。
今次跟囝囝便參加了「櫻桃小丸子臘味蘿蔔糕及紅棗糖年糕」親子班。
整個糕點班由專業導師示範及指導，而所有工具、材料及份量亦早已預備，大家只要按圖索驥就可以，非常方便。
先炮製的蘿蔔糕，當然選用了店方自家出品的臘味，尤其是當工作人員打開蒸爐的一刻（真係好熱，小朋友要小心，要由工作人員處理啊！），香氣四溢，真係好吸引。
另一個是由新鮮紅棗去核脫皮後的「紅棗糖年糕」，攪拌麵粉同紅棗泥當然由機器代勞，若果用人手搓，天光都未得。
拌勻材料後，倒落有小丸子圖形的小盒子內，然後蒸熟，冷卻後放入雪櫃，想食時拎出再反轉脫模，小丸子及花輪同學的佻皮可愛樣子便躍然出現，的確是玩得又睇得，仲可以食得，W W 啦！
活動期間，小丸子同花輪同學仲會出現同大家拍照留念。
店方仲推出了「臘味芋頭糕及賀年油角班」及「迷你合桃酥及腰果切片曲奇班」 ，總有一款合心意。
P.S : 隨課程有禮品，包括「櫻桃小丸子A4文件夾」、「櫻桃小丸子揮春」（一套四張）及「 櫻桃小丸子利是封」（一套十個）乙份。
若果大家有興趣，可以去以下網頁睇睇，因為有好多不同工作坊供大家選擇 : 奇華工作坊
地址：
|
香港灣仔皇后大道東188號2樓 (近灣仔港鐵站D出口)
|
營業時間：
|
星期二至五 13:00 – 22:00
星期六、日及公眾假期 10:00 – 19:00 (逢星期一休息)
|
熱線電話：
|
(852) 2343 8106
熱線服務時間: 星期一至五 09:30 – 18:00 (13:00-14:00午膳時間及公眾假期除外)
|
What’s app：
|
(852) 9228 9517(只限What’s app回覆)
What’s app服務時間: 星期二至日 (24小時內回覆)
|
電郵：
|
|
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!