對於餐廳不太多的酒店而言，當然要力求多變。
位於荃灣的帝景酒店，內裡的帝景軒餐廳，一向都是提供自助餐的，但近日天氣步入深秋，又是吃火鍋的好時機。
餐廳方面即時推出了「龍蝦花膠鮮味粥底蒸氣火鍋」 。
即蒸配料 :
首選當然是新鮮龍蝦（蒸10分鐘） ，每位有半隻，超新鮮，因為龍蝦就算cut開兩半，兩爪依然在蠕動，率先蒸至啱啱好，肉質鮮甜爽彈，又有肥美的龍膏，正。
再來是半隻手掌大的陳皮鮑魚仔（蒸7分鐘） ，煙韌有嚼口，又是夠新鮮。
再來是蒸龍躉球（蒸8分鐘） ，完全無骨又新鮮，蒸起只有魚肉的香味，而毫無腥味，啖啖肉的感覺真好。
既然是海鮮，當然有海蝦（蒸5分鐘） ，廚師事前已將背位內的蝦腸剔走，更覺衛生，蝦肉經清蒸後，肉質爽口，可惜只得一隻。
若果說是海鮮併盤，理應將滑雞件（蒸10分鐘）換成蟶子或者帶子會更合主題，雞件選用髀位，肉地厚實但不覺粗鞋，其實幾好味。
當海鮮蒸完後，肉汁都滴落鍋底的雞湯內，服務員會把米水加入，變成粥底火鍋，另再有粥底火鍋配料，當中最正一定係花膠，放入粥內煮至軟稔，充滿了膠質，對女仕一流。
再來是安格斯雪花肥牛及西班牙黑豚肉，牛肉簡單的灼十零秒，剛剛熟最好，滑溜又富肉味，而黑豚肉就有嚼口，只是對於牛魔王而言，份量有點不足，吃起來未夠過癮。
蠔是選用了美國生蠔，實在好大隻，沾上了鮮味粥底就更可口，不錯。
至於墨魚丸、牛筋丸及生菜相比下就有點平凡了。
食到大半飽，又可以舀碗粥底飲，好幾款海鮮加肉類，真的鮮甜到一個點，用來當作單尾確實是個超正既壓軸。
P.S : 火鍋套餐每位 $428 (兩位起)當中包括無限量供應汽水及指定特飲
地址 : 荃灣汀九青山公路353號帝景酒店
電話 : 37162898
味道 : 4 環境 :
4 服務 :
4 衛生 : 4 抵食 :
4 位置 : 3
4 服務 :
4 衛生 : 4 抵食 :
4 位置 : 3
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!