觀塘雖然是舊區，但個人很喜歡在附近逛逛，因為在學生時代，曾留下不少美麗回憶，當年不懂珍惜，只能在街道上，空氣中傳來的氣味，來緬懷過去。
只是，近年舊區快要換上新貌，每次到訪，都有建築物消失，唉！
主菜
穀飼斧頭牛扒
超大份，夠3至4個人分享，烤得略嫌過了火，但有8款不同Sauce及鹽供蘸點，都幾特別，最喜歡近骨位的肉，多了一份油香，又有嚼口，配返杯紅酒一流。
脆皮燒乳豬
選用十多天的小乳豬，以橄欖油低溫浸至半熟，然後放入焗爐烘烤，外層香脆，而肉質保持嫩滑多汁，充滿了肉香。
另外，每晚會定時推出不同的堂弄美食。
火焰醉蝦
蝦肉爽口彈牙夠新鮮，但酒味只停留於蝦殼，有點可惜，若果泡浸多些少時間，效果會更好。
Carbonara
溶化了的芝士，充分沾上在麵條上，而且質地是al
dente，好啱自己口味。
薑蔥炒青口
爆炒過程好香口，加入三色椒是更惹味，個人覺得主角的青口給搶去了風頭。
辣酒煮花螺
螺肉柔韌，但辣度輕盈，可能是要遷就香港人口味吧！
Seafood Platter
先試美國生蠔，近年質素有進步，不再大而無當，所以都多了餐廳樂於採用，蠔味可以，無乜海水味。
海鮮陣容比以前強得多，竟然有麵包蟹提供，仲要好多蟹膏，至於響螺、凍蝦、青口肉質都比以前好，尤其是阿拉斯加蟹爪蟹肉鮮甜，難怪客人亦比昔日多。
刺身
有三文魚、吞拿魚、甜蝦、希靈魚及鯛魚，都是一些比較大路的刺身。
湯
羅宋湯
好足料，甘筍、西芹煲得好稔，本身是中湯愛好者，但都忍不住飲多兩碗。
而中湯是西洋菜陳腎煲豬骨，又係好夠火喉，亦挑了不少西洋菜食。
凍盤
蜜桃煙雞胸甜甜地幾開胃，雞肉又不會太老。
水牛芝士蕃茄口感清新中夾雜了奶香。
仲有意大利凍肉拼盤可供選擇。
炸物
有海鮮絲網春卷、吉列炸魚柳和吉列炸蝦餅，春卷香脆可口，而其他兩款就一般了。
甜品
選用了Häagen-Dazs雪糕，有雲呢拿、咖啡、 士多啤梨、曲奇呍呢嗱及仲夏野莓五款口味，當中野莓味比較少見，當然要食返杯。
另外，甜品仲有朱古力噴泉、麵包布甸、黑森林蛋、panna
cotta、北海道3.6牛奶布甸、雲石芝士餅、芒果綠茶慕絲蛋糕、木糠布甸、朱古力泡芙、忌廉泡芙、焦糖燉蛋、葡撻及芝士撻。
個人比較喜歡牛奶布甸及奶凍，香甜滑溜，必食。
雖然自助餐選擇不多，但都比以前有進步，加上不定時推出的食物，與及可以挑選的主菜，看得出有誠意改善，值得投以一票。
Facebook : L’hotel élan 如心艾朗酒店
地址 : 觀塘創業街38號如心艾朗酒店2樓
電話 : 39688222 / 65080975
(Whatsapp)
(Whatsapp)
味道 : 4 環境 :
4 服務 :
4 衛生 : 4 抵食 :
4 位置 : 4
4 服務 :
4 衛生 : 4 抵食 :
4 位置 : 4
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!