若果你/妳是牛魔王,又或者是韓流迷,5月時曾造訪九龍香格里拉Cafe Kool就一定可以滿足閣下。
愛吃牛的我,當然會重點出擊。
韓牛串燒
由於是即烤,所以會花時間排隊,建議早發出擊,先食兩round最好,單純的烤出牛肉香味,比起坊間的醃貨,根本是天堂與地獄的表現。
韓式迷你漢堡包
小巧得來不失認真,加入泡菜,更帶來了韓風,不錯。
另外,係燒烤位仲有傳統烤韓牛菜包與及烤韓牛配芥末蛋黃醬,同樣是風味獨特。
係灼料吧旁邊,有肉質軟稔入味既冬筍蘑菇炒韓牛、香口既洋蔥炒韓牛絲、滿是嚼勁的韓式炒年糕、多年來都喜歡的韓式炒粉絲、韓劇效應下的產物韓式炸雞配辣椒醬、辛辣刺激食慾既辣牛肉泡菜湯及甜香酥脆既韓國風梨撻,都可以在自助餐內找,實在超豐富。
Seafood Station
中間最吸睛的位置,一定是迎面的半開波士頓龍蝦山,每隻都散發新鮮的光芒,又夠大隻,除了是打卡點外,絕對是上佳的回本位。
另外,更加有龍蝦仔、麵包蟹、花甲、雪場蟹腳、花蝦及花蟹,陣容及質素是無庸置疑,單是韓牛加龐大的海鮮軍團,就足已令大家團團轉。
刺身
有油甘魚、北寄貝、八爪魚及三文魚,看似簡單,但質素搭夠,吃得出的新鮮,又毫無雪味,當然收貨啦!
灼料吧
曾經有一間酒店的喇沙,令人覺得驚喜,但近年每況愈下,不復當年勇,想找有水準的真的很難,更何況在自助餐中?
但 Cafe Kool 的馬來龍蝦喇沙真心推薦比大家,湯底香濃滑溜不在話下,微微辛辣令人胃口大開,最難得仲要係即煮,誠意度爆燈,配上原隻龍蝦鉗,真係無得輸。
熱葷
海南雞飯
就算不是名物,依然認真及有水準,油飯粒顆分明又夠香,好味。
泰式豬頸肉伴羅望子醬
有嚼口而且好香。
仲有泰式咖哩青雜菜與及口味獨特的叉燒雞蛋仔。
想簡單一點又可以食清蒸鱸魚。
點心
係大堂一角,燒味位旁邊,放滿了中式點心,有蝦餃、燒賣、素菜餃、上海小籠包及叉燒包,絲毫不是濫於充數,如果係香宮出品就真係賺突。
沙律吧區除了可以自行炮製的田園沙律及餐包外,更有Edam、Emmental、Saint-Paulin Cheddar、Camembert 及 Caprice de Dieux 六款不同質感及口味的芝士。
Cold Cut
有風乾牛肉、巴馬火腿、沙樂美腸 及 意大利豬肉腸
湯
只喝了蕃茄海鮮湯,微酸的味道,挑起了食慾。
前菜
今次另外設有韓式前菜位,有自家泡菜沙律、韓式拌茄子、韓式菠菜、韓式蓮藕、黑豆、自製青瓜泡菜及蘿蔔泡菜,原來韓式前菜的變化都好多,而且都好健康,難怪近年成了潮流食品,老實講,今次自己都吃了不少,尤其是蘿蔔泡菜及蓮藕,是添了又添,辣辣地好惹味呢!
甜品
九龍香格里拉 Cafe Kool 的甜品區,是罕見的強大,太太率先忍不住 Frozen Yogurt 的引誘,未食正餐,先食 Yogurt ,當中仲有芒果、雜莓及原味三款口味,實在令人難以抗拒。
另外推薦薑味巧克力伴烤蘋果,口感豐腴,甜酸平衡,好味。
馬卡龍放滿了鐵塔擺設上,充滿了法國風情。
Häagen-Dazs 是甜品區的另一亮點,雪糕專櫃提供了紅桑子雪葩、芒果雪葩、士多啤梨、雲呢拿、藍莓雪糕、咖啡、芒果、抹茶、士多啤梨、意大利芝士餅、冧酒提子及夏威夷果仁共12款口味,其在是超強組合。
不得不提有意大利芝士餅( 紅粉佳人) ,賣相色彩艷麗,濕潤鬆軟,值得推薦。
仲有朱古力朗尼、焦糖榛子蛋糕、朱古力孖寶芝士餅、香橙杯子蛋糕、胡桃批、烤蛋白伴鮮果、焦糖燉蛋、香利洋菜凍、朱古力杯、烤糯米餅及黑糖燒米糕,但最多比妳食到兩三款,因為去到呢個位,個胃都無乜空間。
只可惜韓牛推廣已於5月底結束,實在好期待下次再大廝殺。
P.S : 驚喜位是浪接浪,原來旁邊的餅房每日5點半後所有包點及切餅6折出售,而原個蛋糕在8點後更是半價,划算得令人發笑。
Facebook
專頁 : Kowloon Shangri-La, Hong Kong
專頁 : Kowloon Shangri-La, Hong Kong
地址 : 尖沙咀麼地道64號九龍香格里拉大酒店閣樓
電話 : 27338753
味道 : 4 環境 : 4 服務 : 4 衛生 : 5 抵食 : 4 位置 : 5
希望各位喜歡這篇文章的朋友,請在我的專頁上剔“LIKE”,當作小小的鼓勵吧!謝謝!