今個星期仲係復活節加清明大假,如果不是外遊,要諗節目比小朋友都幾頭痕。
今次滙豐及東華三院首次舉辦的「 滙豐社區同樂日」 ,由4月5日至8日係銅鑼灣加路連山路印度遊樂會舉行,最難得係全部免費。
其實地點係掃桿埔運動場旁邊,大家可以沿南華會上山,又或者由銅鑼灣丹麥餅屋旁邊小路行入去,大概不用15分鐘,相當方便。
大家請留意以下開放時間,因為早入場可以預先報玩最受歡迎既四款欖球遊戲。
4月6日(星期五): 早上11時至晚上11時
4月7日(星期六): 早上8時至晚上11時
4月8日(星期日): 早上8時半至晚上11時
如果有5至12歲小朋友,建議大家入場後即刻去排隊報名玩「滙豐欖球體驗」訓練班,因為每日只得幾班,有專人教授技巧,事後仲有迷你欖球送比小朋友,玩足差不多45分鐘,超正。
至於其他三款欖球遊戲是「傳球挑戰」、「 攔截高手」及「達陣特攻」 ,至於點玩?請放心,有專人睇住。
如果唔想太出汗,又有好多東華三院其下機構既攤位比大家玩,除左面部彩繪,好多都有禮物,我同囝囝就拎左兩棵盆栽返屋企啦!
玩得太攰或者肚餓,現場亦有美食攤檔,價格由 $40 至$120左右,紙包飲品及汽水,如果無記錯,由$20起跳,飲品杯要加$10按金,但可以退回,不過大會有過濾水免費提供,可算窩心。
至於中央大舞台除了有東華三院轄多個舞蹈團、樂隊和敲擊樂隊作現場表演,如果遇上賽事,更會有直播。
不過,由於現場大部份位置露天,烈日當空下會汗流浹背,家長最好帶定衣服替換,另加水樽及手提電風扇,始終戶外活動,留意天氣最好。
免費入場免費玩,仲要有禮物,家長又可以多一個消閒點,真心推介比大家!
相關活動資料 : 滙豐社區同樂日
希望各位喜歡這篇文章的朋友,請在我的專頁上剔“LIKE”,當作小小的鼓勵吧!謝謝!