超強脫軌的海鮮陣容~~即劏黃鰭吞拿/馬面魚/象拔蚪/鮑魚 @ Cafe Express ( 尖沙咀隆堡麗景酒店 )

早兩年囝囝考完試,便試過拉隊去食lunch buffet,但朋友卻說Dinner Buffet更吸引,就趁過年前走訪一次。

 

 

 其實餐廳位置超方便,地鐵N1出口行過去都不用一分鐘。

 

 因客觀因素,餐廳座位不多,若以為食物質素一般,那便大錯特錯了。

 

 先講賣點。

 

 即劏吞拿魚

 45公斤重黃鰭吞拿魚,即場劏開,客人可以品嚐到最新鮮的刺身,仲有乜野好講?

 

 生蠔

 竟然選用很少在自助餐中出現的法國 Ecaille D’Argent及愛爾蘭 生蠔,而且是即開的,開蠔師傅手勢純熟,又少碎殼,蠔肉肥美,帶子位爽甜,又帶海水味,超正。

 

 海鮮灼料吧

 活象拔蚌、鮮鮑魚、半殼扇貝、 圖騰蜆、東風螺、肥牛、扎肉、魚蛋及魷魚,客人可任意挑選所要海鮮,由大廚處理,既可配粉麵,又可爆炒,又是另一亮點。

 

 刺身

 難以想像的刺身陣容,因為大廚每天訂不同海魚,未開箱都未知,今晚是馬面魚、比目魚及鯖魚,都是飛機貨,諗起都想食,至於基本的甜蝦、三文魚、八爪魚,加上即劏吞拿魚,陣陣是強得已經脫軌。

 

Seafood Station

海鮮一向是回本位,之前好幾款刺身及生蠔都差不多夠數,加埋松葉蟹腳、龍蝦鉗、青口、翡翠螺及凍蝦,有時諗下根本無須食熱葷都得。

 

 
 
 

 大原盅燉湯比較環保,而不失火喉,今次是清燉雞湯,鮮甜又幽香,不錯。

 

 西湯是龍蝦湯,質感濃稠綿滑,龍蝦香味四溢,略嫌有少少咸,已經好滿意。

 

 大白菜煲排骨

 很家常湯的味道,有胃納可以試下。

 

 頭盤

 

 中間位置是頭盤集中地,提供吞拿魚柚子芒果木瓜他他、吞拿魚他他沙律、煙三文魚、慢煮海鮮泡菜沙律、半熟吞拿魚、風乾吞拿魚、蜜糖甘筍仔、松露野菌沙律及薯仔沙律;個人較喜歡慢煮海鮮泡菜沙律,辣辣地好惹味。

 

 熱葷
 

 中式點心

 用上小巧的蒸籠,每籠一至兩件,份量啱啱好,有蝦餃、燒賣、叉燒包同腐皮卷,質素不錯。

 

 清蒸海斑

 平時好快就淨低魚骨,今日出奇地幾時都食到,可能海鮮陣容太勁了。

 

 係有限既胃納下,點都要試下芝士焗龍蝦米多,表面烘得微焦,龍蝦滿有蝦膏,口感豐腴,好正。

 

 另外,其他熱葷基本上以海鮮為主,難道同海鮮有仇?

 

 海鮮炒時蔬、紅酒燴牛尾、蟹肉炒飯、薑蔥炒蟹及馬來西亞咖喱雞,每款的味道及賣相都具水準。

 

 甜品
 
 

 近年Buffet 大熱的 Movenpick雪糕,有Panna CottaMaple WalnutEspresso Croquant三款口味,海鮮加雪糕,最啱我胃口。

 

 大廚將迷你Macaroon砌成馬卡龍山,有五六款口味,甜品迷可不要錯過。
 
 

 蛋白燕窩
 

 

 加上Panna Cotta 朱古力榛子芝士蛋糕、 士多啤梨忌廉蛋糕、經典朱古力蛋糕、紅莓芝士蛋糕、藍莓乳酪蛋糕、泡芙、熱情果蛋白撻、西班牙忌廉泡芙、甘筍蛋糕、酥皮蛋撻及蘋果金寶及朱古力噴泉,甜品陣容同樣澎湃。

 

Panna Cotta鮮甜滑溜;紅莓芝士蛋糕甜而不膩,大家可投信心一票。

 

 若果閣下是海鮮迷,根本上無可能唔滿意,加上折扣後,都不用 $500,性價比超高。

 

P.S :
Download Rhombus Dining
手機應用程式,登記成為會員即可享7折優惠,最低只是
HK$470
左右。

 

地址 : 尖沙咀赫德道8A號隆堡麗景酒店1樓

 

電話 : 35500275

 

味道 : 5 環境 : 4  服務 : 4  衛生 : 5  抵食 : 5  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝

 

Leave a Reply

Your email address will not be published. Required fields are marked *