近月氣溫徘徊在20度以下，正好約埋一班朋友打邊爐。
但有時要遷就大家，選址首要近地鐵站，其次要食物出色，與及坐得舒服。
要符合以上幾點，價錢當然會貴些少，但如果質素搭夠又當別論。
位於旺角的龍閣，就在地鐵站出口，佔了地利，而且地方大，足足有兩層，搵位相對會方便。
除了點菜紙的食物外，仲有其他熟食或小食。
白灼海生蝦
絕非蝦毛體形，而且流轉量快，都幾新鮮。
另外有泡椒鳳爪及陳醋青瓜雲耳，用來等人時或者未上食物時“攝”時間都幾好。
講真，打邊爐好多時都會飲大量飲品，酒樓在大堂放置了兩部大型雪櫃，當然有大路的可樂、雪碧、忌廉及綠茶，更有韓式飲品，客人可任意享用。
刺身拼盤
份量是按人頭上，有三文魚、鮑魚、八爪魚、希靈魚與及牡丹蝦，既新鮮又大隻，其實食完都已經佔了胃部空間，真係到主角火鍋時，有部份同行女士表示已經得返一半戰鬥力。
鍋底
仗著人多，選了藥膳文昌醉雞鍋（半隻）與及四川麻辣鍋湯鍋。
海鮮拼盤
有半開波士頓龍蝦、帶子、蟶子與及龍躉片，畢竟是酒樓，來貨量大，自然夠新鮮，半開波士頓龍蝦放入麻辣湯底，肉質爽彈又有麻香味，不錯，另外帶子肉柔軟嫩滑，都是必食海鮮。
牛肉
如果客人點招牌手切肥牛要（$298/碟） ，（另加$58）可以升級任食，差不多整枱都是牛魔王，自然不會放過，手切牛肉地軟腍，肉味濃郁，灼十零秒已經足夠，就算不蘸點醬油都無問題。
當然要點些少其他火鍋料，生菜、魚皮及腸仔份量毋須太多，食少少菜幫手消化。
壓軸有雪櫃內的甜品及水果，相信大家滿足了吧！
P.S : 平日（HK$268）週五至週日（HK$298）2小時放題，12歲以下小童半價
地址 : 旺角西洋菜南街51號友誠商業中心2至3樓
電話 : 3422 8222
味道 : 3 環境 : 3 服務 : 3 衛生 : 3 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝！