雖然好多人都話「秋風起、食臘味」，又或者三蛇肥，但係個人始終喜歡慢慢拆大閘蟹，再喝一口薑茶，渾身發暖的感覺真好。
早兩年的確品嚐過來自不同地方的妙品，但今年已過中秋，坊間仍未有熾熱的大閘蟹浪潮，除了內地禁止輸港外，昔日的荷蘭蟹又不成氣候。
但聰明的港商，竟然另闢蹊徑，從台灣及北海道引入大閘蟹，真是一個點子，因為香港人不怕吃貴蟹，最怕無得食。
位於金域假日酒店內的龍苑中菜廳，一向是個人心水菜館，甚至上年的個人生日飯與及老媽的壽宴，都選擇了龍苑，而今年一踏入中秋，店方已推出超值大閘蟹餐，點解？因為來貨一定貴，但餐廳無加價，對於顧客而言，即係已經減價。
生拆蟹粉小籠包
輕輕一夾，包子皮毫無破損，小籠包上面放上蟹粉，略為加點蟹醋，令味道更鮮，咬開包子皮，有著陣陣蟹肉的鮮香，真的不錯。
蟹肉雞茸燕窩羹
熱辣辣，蟹肉的份量不少，加上燕窩是倍覺矜貴，又有少許雞茸，令口感更佳。
紫蘇蒸大閘蟹
大家都知道，今年內地沒有品牌大閘蟹供港，想不到龍苑竟然從台灣引進大閘蟹，成本更貴，真是誠意度十足，環顧香港食肆，家陣有大閘蟹供應的不多吧？
店方選用了蟹公，簡單的用紫蘇葉清蒸，每隻都是即叫即蒸，揭開蟹蓋，橙紅的蟹膏澎湃，夠邪惡，起了整隻蟹肉，再加點蟹醋大啖食，肉質甜美，與內地頂級貨比是毫不遜色，蟹膏甘香豐腴，超正，不過套餐只提供一隻，如果想加碼，就要加多HK$100。
拆完蟹仲有杯薑茶暖胃，正。
花雕蛋白蒸蝦球
整個套餐有部份菜色並非大閘蟹，蒸蝦球肉質爽彈，蛋白滑溜，但蛋白只得薄薄一層，份量似乎少了一點。
蟹皇醬吉列龍躉塊
又係極邪惡菜色，龍躉塊炸得香脆可口，脆漿夠薄，而且毫不油膩，蘸點一下蟹皇醬，就更滋味，加上蟹皇醬份量十足，建議另外order一碗白飯拌食，一滴都唔好“跴”。
香檳汁海皇蟹粉焗飯
原盅烤焗至表面焦香，飯粒加入了蟹粉及魚肉，既香又甜，這個單尾實在啱啱好。
黑糖薑茶湯丸
甜品是湯丸，同樣是黑糖薑茶，辛勁不會太重，確實是個完美的壓軸。
P.S : 整個套餐原價HK$748/位，現特價HK$448/位，但最少預訂兩位及於一天前落單。
酒店專頁 : HolidayInn Golden Mile
地址 : 尖沙咀彌敦道50號金域假日酒店低層1樓
電話 : 2315 1006
味道 : 5 環境 : 4 服務 : 5 衛生 : 5 抵食 : 5 位置 : 5
如果喜歡這篇文章,請在我的專頁上剔“LIKE”,當是給我小小的鼓勵吧!謝謝!
http://www.facebook.com/foodiephilip