為了迎接新加坡國慶，美麗華酒店Yamm邀請了星級客席主廚Shen
Tan獻技。
Tan獻技。
今次主廚Shen Tan帶來了不一樣的風味，但只停留5天，而聽聞餐廳之後會保留較受歡迎菜色，實在是太啱心意了。
先從各個食物挑選新加坡菜試試。
星加坡肉骨茶
上年跟太太曾造訪新加坡，來個小蜜月，曾經在一天之內，走訪當地三大名店，對肉骨茶的酷愛，可想而知，畢竟馬來西亞以藥材味為主，而新加坡則看重香蒜及胡椒，真是各有千秋，舀一下，煲底滿是腩排，香濃甘甜，相當對辨。
真心推介的是新加坡肉脞麵，就算是當地都不常吃到，全蛋麵拌和了特製醬油，帶少許辛辣，非常惹味，配菜的豬膶片灼得恰到好處，而醬油冬菇片入味又柔韌，最難得叉燒經慢煮十七小時，再撲上咖啡粉，口味獨特，難得一見，實在不容錯過。
當日係新加坡住小社區，附近菜市場food court品嚐過菜脯蒸米糕，熱辣辣充滿了米香，今次蘸點大廚特製的醬料，有少許冬蔭的味道，食落相當惹味。
至於黑果燜雞及烤豬助骨，都是大廚特意從新加坡帶到香港。
新加坡喇沙同樣是今次主角之一，米線滑溜，掛上了湯汁，真是令人吃不停口。
新加坡嫩滑雞飯選用新鮮雞，肉味香濃，取了雞脾位，而且早已褪骨，又有三色醬油配搭，確是一絲不苟，極之有水準。
特色甜品
先講講來自新加坡的幾款特色甜品，豆爽、椰糖米糕、香蘭糯米糍、蜂蜜黃金糕及焗班蘭蛋糕，甜度都偏高，但香港少踫到，自然不能錯過。
既然講過今次主題菜色，係時候分享下其他美食。
Seafood Station
畢竟是中午時段，沒有生蠔提供，但依然有啖啖肉既波士頓龍蝦鉗，青口、凍蝦及令人意想不到地出色的花蛤，甜美又無砂。
Carving Station
燒美國西冷牛肉
特意留到中段時間先取，因為中間肉質及火喉最啱心意。
熱葷
種類實在出奇的多。
泰式豬頸肉配羅望子汁
好香口，而且咬落有嚼勁，突然間好想用生菜包住食。
煎魚配水瓜香草牛油汁
香草牛油汁令魚肉味道更可口。
不過選擇實在多，香草蜜糖燒雞 、燒沙爹牛串、砵酒汁燴牛面頰及黑青口配紅花汁都取了少少。
燒鴨配香橙汁 、蝦醬蝦乾炒飯、炸豬肉米紙卷、豬肉燒賣、腰果炒雞、燒羊肩配蒜蓉香草汁、黑松露木耳燒新薯及炒蘿蔔糕配xo醬，只不過無可能試晒。
刺身
八爪魚刺身、三文魚刺身、吞拿魚刺身及鯛魚刺身，解凍過程處理得宜，毫無雪味，食得過。
玉子壽司、希靈魚壽司、油甘魚壽司、三文魚壽司、腐皮壽司及青瓜卷吞拿魚卷加州卷。
海鮮蕃茄粥
略嫌淡口，有蕃茄香味，但不覺酸。
另外，仲有大蒜薯仔湯與及任添的菊花茶，正好在炎夏消消暑。
Cold Cut
有沙樂美腸、火腿及煙三文魚。
想清清地，可以係自製沙律吧炮製個人口味的沙律。
合桃提子包、薯仔麵包、竹炭軟包、紅菜頭軟包 、士多啤梨丹麥包及雜錦鬆餅，全都是自家出品，真是誠意十足。
甜品
哈根大師雪糕，望見已經開心，更何況配上自製斑蘭窩夫，就倍覺完美了。
仲有木糠布甸、宇治抹茶奇巧撻、黑森林蛋糕、香草焗蛋白、藍莓芝士餅、什錦cupcake、棉花糖、意大利芝士餅、檸檬貝殼蛋糕及宇治抹茶北海道忌廉奶凍。
只可惜胃納已經給新口味甜品佔據了。
雖然今次沒有麥皮蝦及胡椒蟹，但引入了更多更地道的菜色，如果用信用卡優惠，更可以以半價享受新加坡風味，實在超值。
酒店專頁 : The MiraHong Kong
電話 : 2315 5120
味道 : 5 環境 : 5 服務 : 5 衛生 : 5 抵食 : 5 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!