說時遲、那時快，剛過了母親節，轉眼又到「端午節」，正如中秋節食月餅，過年煎年糕，端午節當然是品嚐裹蒸糉的日子。
仍回味小時候家住二樓，另有兩百多呎平台，巔峰時期，曾養了10隻雞、兩隻鴨，全都是從小由果欄買回來飼養，另有陪伴我的小狗、一缸豬仔魚、草龜及無數蜘蛛曱甴（因為樓下是酒家，經常有米奇到訪，所以見慣不怪）。
扯得太遠了，說回來吧！
每逢過年過節時，老媽總是把露台打造成到會廚房一樣，而「端午節」時，會將食材及糉葉將自己團團圍住，花上整天在紮糉，然後分給親友，或許，這就是久違了的人情味吧？
另一方面，老爸會用磚頭堆成火爐，上面放置食油罐，煲了一大桶水用來烚糉，這個溫馨情境，我是迄今未忘。
畢竟老媽年紀大了，沒機會再一試她的手藝，今次參加了奇華餅家所辦的「五月粽工作坊」 ，正好反過來，包返兩三隻糉，讓老人家品嚐一下。
工作坊的地點是奇華位於大埔工業邨的廠房，乾淨又衛生，最重要是有位富經驗的師傅指導，材料又早已準備好，實在窩心。
首先要學紮傳統造型既「姬松茸藜麥姬素粽」 ，其實無乜話邊個步驟最難，因為除左擺料易少少之外，由定型到咬住咸水草去紮糉，都係難度超高，太太可能平日幫囝囝做勞作多，功多藝熟竟然包得似模似樣，都有八九成似。
而之後包「陳皮豆沙梘水粽」 ，手法都係大同小異。
其實試包完裹蒸糉後，大家都發現「錢」係要比人賺的，更何況奇華的糉有好幾款不同口味!
辛勞了一個中午，係時候以糉作午飯，「極上珠姐XO醬五花腩肉粽」就最啱自己心水，糯米軟稔之餘，份入口一陣XO醬的辛勁，夾到中間位，又可以品嚐到五花腩的油香，非常惹味，如果加上一杯濃普洱去油膩感，就真是絕配了。
而太太就最欣賞「姬松茸藜麥姬素糉」 ，因為夠健康，家中的一隻，就是給太太一個人KO了，今日一試，每口都帶有藜麥的嚼口，餡料的姬松茸令糯米帶幽香，相當吸引。
至於具傳統風味的「雙黃金華火腿瑤柱裹蒸粽」 ，份量十足，最啱同家人分享，但之前在家中用來作早餐已經早早消滅了。
而口味創新的「西班牙黑毛豬瑤柱粽」 ，把西式材料，活用於傳統之上，口感滑溜而充滿肉香，份量恰到好處，喜歡新口味的朋友值得一試。
有時候，與其係酒樓比侍應「螺」住打人情牌買毫無保證既月餅、賀年糕點或糉時，我寧願買隻真係啱心水，又想食既傳統食品了。
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!